Morgunblaðið - 08.12.2005, Síða 8
8
JÓLAGJAFIR
BÓK
Jólagjöfin mín í ár, ekki metin er til fjár … er byrjun á jólalagi
sem flestir kannast við. En viðurkennum það bara að það er
ekki svona einfalt – við viljum öll fá pakka og jólin eru liggur
við ónýt ef við fáum ekki eitthvað sem okkur langar í. En það
er ekki svo auðvelt að
finna jólagjafir og hitta
akkúrat á það rétta. Hér
eru nokkrar hugmyndir
sem ættu að falla í góðan
jarðveg – þær eru alla-
vega í tísku.
Fyrir þá sem vilja gefa tæknigjöf þá er lófaspilari mál-
ið. Lófaspilari er lítið tæki sem þú getur notað til að
skoða ljósmyndir, hlusta á tónlist, spila leiki og horfa
á kvikmyndir. Þeim sem fær svona í jólapakkann ætti
ekki að leiðast það sem eftir er. Ef þú vilt hins vegar
fara út í eitthvað aðeins minna þá er MP3 spilari fyrir
tónlist eða þá „ipod nano“ málið. „Ipod nano“ er sér-
lega vinsæll núna um allan heim þar sem hann er svo
lítill að þú sérð hann varla. En ef þú vilt gefa gjöf sem
gleður og gefur notandanum einhvern möguleika á
að gera eitthvað skapandi þá eru stafrænar mynda-
vélar enn þá sniðug jólagjöf. Ef þú þekkir einhvern
sem á ekki eina slíka eða vantar nýja þá er um að
gera að skella sér á hana.
Ef tæknigjöf er ekki þinn stíll eða þú
vilt kannski gefa einhverri stelpu eitt-
hvað spes þá er málið að kaupa pels.
Pelsar eru alltaf vinsælir og þeir eru
svakalega mikið í tísku í dag. Þú getur
keypt einn nýjan og ekta ef kortið leyfir en það er líka hægt að fara í búðir sem
selja notuð föt og redda sér þannig. Hönnunarföt, skartgripir og aðrir fylgihlutir slá líka
alltaf í gegn fyrir bæði stelpur og stráka. Eitthvað sem segir að þú hafir virkilega lagt mik-
inn hug í gjöfina. Úr eru að sjálfsögðu klassísk í jólapakkann en það er líka gaman að gefa
flottan hring, hálsmen, armband eða jafnvel veski. Fallegt seðlaveski eða kortaveski úr fisk-
roði er t.d. rosalega töff.
JÓLAGJÖFIN Í ÁR
Ef þú ert að fara að gefa pari eða einhverjum sem er mikið fyrir
eldamennsku en á allt þá er spurning um að skella sér á eitthvað
til sushigerðar. Sushimottur, diskar, skálar, prjónar og mat-
reiðslubækur eru málið eða þá að kaupa raclettetæki sem mat-
argestir geta setið í kringum og eldað sinn eigin mat. En svo er
líka spurning um að splæsa í súkkulaðigosbrunn. Þetta tæki er
hrein snilld. Maður setur bara brætt súkkulaði í brunninn, kveikir
á honum og dýfir alls lags ávöxtum í streymandi súkkulaði.
Fondue-partíið getur ekki orðið betra og gestgjafi sem á einn
slíkan mun pottþétt verða vinsæll.
Áfengissala á Íslandi var 1.523 þúsundir alkó-
hóllítra árið 2004. Það árið voru rúmlega
60.000 manns undir lögaldri. 1.523 þúsundir
alkóhóllítra deilast því á um 230.000 ein-
staklinga. Nei annars, hvað ætli séu margir
bindindismenn á Íslandi yfir lögaldri? Eigum
við að skjóta á 30.000? Ókei, þá eru 200.000
manns sem drekka 1.523.000 lítra á ári, eða
7,62 lítra á haus. 10 millilítrar af alkóhóli (et-
anóli) eru ein áfengiseining samkvæmt upplýs-
ingum frá Lýðheilsustöð. Þetta eru því 762
áfengiseiningar á mann á ári eða rétt rúmlega
2 einingar á hverjum einasta degi. Tvær ein-
ingar draga úr færni 90 kg karlmanns til að
draga ályktanir auk þess sem jafnvægisskyn og
viðbragðsflýtir 70 kg konu minnkar, fyrir utan
þrengingu á sjónsviði sem segir fljótlega til sín
við upphaf neyslunnar. Það er sorglegt ástand-
ið á liðinu! Sérstaklega þar sem ekki allir
neyta áfengis daglega. Við þetta bætist svo
notkun læknadóps og eiturlyfja. Er það furða
að maður sé pirraður á stöðu mála hér á landi
í hverri einustu viku þegar „þjóðin er nett
skökk allt árið um kring? Hvernig ætli börnum
þessa fólks líði? Hlakka þau til jólanna? Hvaða
þýðingu ætli það hefði fyrir börn og unglinga
þessa lands ef jólin og áramótin væru vínlaus?
Hvernig ætli börnum sem alast upp við of-
neyslu áfengis farnist almennt í lífinu? Getur
verið að fleiri foreldrar eigi við áfengisvanda-
mál að stríða en vilja viðurkenna það? Svo er
áfengi líka fitandi þannig að einhverjir pabbar
sem kjósa að vera edrú gætu aftur séð á sér
tólin fyrir jólin! Og mamma kemst í ballans
með kallanz …
SKJÁLFANDI
LÍTIÐ GRAS
KALLANZ
NÝHIL eru félagasamtök ungra einstaklinga sem
semja ljóð. Alls eru um þrjátíu manns í félaginu,
það fer eftir því hversu margir eru virkir hverju
sinni, fólk kemur inn og hverfur frá. Það hefur mest
borið á þeim í ljóðabransanum en þau eru samt
sem áður einhvers konar listabatterí. Nýhil gaf út
fjórar bækur nýverið í ritröðinni Norrænar bók-
menntir og fimm aðrar koma út í maí á næsta ári.
Af því tilefni sló MÁLIÐ á þráðinn til Ísafjarðar þar
sem Eiríkur Örn Norðdahl býr. Eiríkur á bókina
Blandarabrandarar í þessari ljóðabókaseríu.
Er gaman að semja ljóð?
„Já, það er það skemmtilegasta sem ég geri.“
Er ljóðið vinsælla en áður?
„Já, ég hugsa það, það eru fleiri að skrifa ljóð núna.
Ég veit ekki hvenær þeim fór að fjölga eða hversu
margir það eru en ég hugsa að það séu fleiri en fyrir
fimm árum. Ljóðið er samt ekki beint vinsælt núna
frekar en nokkru sinni.“
Hvernig gengur að selja ljóðabækur í dag?
„Okkur hefur tekist ágætlega að selja af þessu mið-
að við ljóðabækur. Þessi sería er auðvitað mjög
ódýr og það hjálpar. Hugmyndin var að ná saman í
seríu til þess að fá ódýrari prentun. Það er erfitt að
selja ljóðabækur, það er erfitt að koma þeim á
framfæri og það er erfitt að koma þeim til fólks. En
svo seldum við Landsbankanum 130 stykki, hann
keypti seríuna fyrir öll bókasöfnin á landinu. Þeir
gerðu þetta ekki síst til að styrkja okkur.“
Er það rétt að Nýhil ætli að opna verslun?
„Það eru allar líkur á því að það gerist en hvenær
og hvernig er óljóst ennþá. Þá verðum við með Ný-
hil-vörurnar, en hugmyndin er að flytja líka inn það
sem okkur finnst áhugavert, sérstaklega af ljóða-
bókum. Það er gríðarleg vöntun á almennilegri búð
með ljóðabækur. Hugmyndin er að vera með
Hljómalind ljóðsins, þar sem það nýjasta og heit-
asta frá útlöndum fæst. Svo verður líka tónlist og
myndlist til sölu. Við sönkum að okkur neðanjarð-
arlist á Íslandi.“ Er ljóðið dautt?
„Nei, nei. Bæði og. Það mætti eiginlega segja að
spurningin um það hvort ljóðið væri dautt væri
sjálf dauð. Hún er að verða meiri klisja en sjálft ljóð-
ið.“
Er mikið að gera við að lesa upp?
„Já, það er mikið af upplestrum bókað í desember.“
Er þetta jólagjöfin í ár?
„Já, heldur betur.“
Hvernig er að vera á Ísafirði?
„Það er mjög fínt. Fallegt veður.“
ÞAÐ HEITASTA Í LJÓÐLISTINNI
NORRÆNAR BÓKMENNTIR
Umsjón
Laila Pétursdóttir
Texti
Hanna Björk
Mynd
frá Nýhil