Morgunblaðið - 10.12.2005, Blaðsíða 14

14 LAUGARDAGUR 10. DESEMBER 2005 MORGUNBLAÐIÐ
FRÉTTIR
á morgun
amina
amína

Mikilvægt að tón-
listarkonur séu ekki
bara allsberar píur.
„ÞETTA er engin smá jólagjöf,“ seg-
ir Hörður Bragason, organisti Graf-
arvogskirkju, en eftir messu á morg-
un munu Björgólfur Guðmundsson
frá Landsbanka Íslands, Finnur Ing-
ólfsson hjá VÍS og Jóhannes Jónsson
frá Baugi, afhenda Grafarvogskirkju
orgel að verðmæti 40 milljónir króna
að gjöf. Ráðgert er að nýja orgelið
geti ef allt gangi eftir hljómað í kirkj-
unni eftir u.þ.b. tvö ár, þ.e. jólin 2007.
Aðspurður segist Hörður afar
þakklátur fyrir þessa höfðinglegu
gjöf, sem komi til með að styrkja
starfið í kirkjunni. „Ég var fyrir
rúmu ári búinn að reikna það út að
með því að safna eingöngu í orgel-
sjóð með almennum söfnunum, líkt
og gert hefur verið síðustu ár, myndi
það, ef ég man rétt, taka okkur eitt-
hvað í kringum 213 ár að safna fyrir
40 radda hljóðfæri að verðmæti 40
milljónir króna. Það var því orðið
nokkuð ljóst að við þyrftum að grípa
til annarra úrræða,“ segir Hörður og
bendir á að sökum þessa hafi verið
kallaður saman áhugahópur sóknar-
barna í Grafarvogssókn um nýtt org-
el.
„Þessi nefnd komst að því að besta
aðferðin væri að prófa að tala við
menn sem hefðu yfir miklum pen-
ingum að ráða,“ segir Hörður og seg-
ir Vigfús Þór Árnason, sóknarprest,
hafa tekið sig til og boðið nokkrum
völdum aðilum í heimsókn. „Og þeg-
ar þeir fóru út voru þeir búnir að
samþykkja að gefa þetta orgel.“
Nýtt orgel opnar mikla
möguleika í starfi kirkjunnar
Inntur eftir því hvaða þýðingu til-
koma nýs orgels hafi fyrir starfið í
kirkjunni segir Hörður það munu
breyta öllu í sambandi við það hvað
hægt sé að gera í kirkjunni og
kirkjustarfi. „Þetta opnar mikla
möguleika á því hvaða músík kór-
arnir fjórir sem hér starfa geta flutt
og opnar jafnframt möguleika fyrir
aðra tónlistarhópa að flytja hér verk
sem krefjast alvöru orgels,“ segir
Hörður og bendir á að Grafarvogs-
kirkja sé sífellt að verða vinsælli sem
tónleikastaður enda góður hljóm-
burður í húsinu.„Einnig munar til-
koma nýs orgels miklu í þeim kirkju-
legu athöfnum sem hér fara fram,
þ.e. bæði jarðarfarir og brúðkaup.
Það verður enginn smá munur að
geta boðið fólki upp á að spila verk
sem hljóma ekki raunverulega vel
nema á alvöru orgeli.“
Spurður um næsta skref í málinu
segir Hörður að nú verði farið í það
að bjóða verkið út í lokuðu útboði
nokkurra orgelsmiða þar sem óskað
verði eftir útlits- og fyrirkomulags-
lausn orgels af þeirri stærð sem hús-
ið þarfnist, sem er 40 radda hljóð-
færi. Spurður hvers konar orgels
menn séu að horfa til svarar Hörður
því að það þurfi auðvitað að vera 21.
aldar orgel.
„Við munum leyfa nokkrum vel
völdum orgelsmiðum bæði hér- og
erlendis að gera tilboð. Hins vegar
viljum við ekki leggja of nákvæmar
línur til þess að útiloka ekki
skemmtilegar og frumlegar hug-
myndir eða lausnir, t.d. um staðsetn-
ingu. Við viljum þannig ekki loka á
neina möguleika fyrirfram.“ Eins og
fyrr gat verður orgelgjöfinni veitt
móttaka við undirritun samninga eft-
ir orgelmessu á morgun sem hefst kl.
11. Eftir messu verður hátíðarkaffi
og veitingar. Þess má geta að allir
fjórir kórar Grafarvogskirkju, þ.e.
kirkjukórinn, unglingakórinn, barna-
kórinn og krakkakórinn, syngja á
tónleikum síðar sama dag eða kl. 16
og er aðgangur ókeypis.
Morgunblaðið/Árni Sæberg
„Nýja orgelið opnar mikla möguleika á því hvaða músík kórarnir fjórir sem hér starfa geta flutt,“ segir Hörður
Bragason, organisti í Grafarvogskirkju. Á myndinni er Hörður ásamt fólki úr Kirkjukór Grafarvogskirkju.
Höfðingleg gjöf sem mun
styrkja starfið í kirkjunni
Eftir Silju Björk Huldudóttur
silja@mbl.is
EFTIRFARANDI yfirlýsing hef-
ur borist frá æðaskurðlæknum
Landspítala – háskólasjúkrahúss:
„Æðaskurðlæknar á Landspítala
– háskólasjúkrahúsi lýsa yfir full-
um stuðningi við Stefán E. Matt-
híasson og harma þær aðstæður
sem leitt hafa til brottrekstrar
hans. Stefán hefur skilað starfi sínu
óaðfinnanlega bæði sem skurð-
læknir og yfirlæknir og teljum við
uppgefnar ástæður brottrekstrar
léttvægar.
Í yfirlýsingu yfirstjórnar Land-
spítala – háskólasjúkrahúss í
Morgunblaðinu í dag segir „að lítil
nýting skurðstofu deildarinnar hef-
ur því leitt til þess að öðrum deild-
um hefur verið úthlutað aðgengi að
henni sem nemur einum og hálfum
degi á viku. Biðlistar á deildinni eru
engir.“ Þessi setning er villandi og
mætti skilja sem svo að æðaskurð-
læknar nýttu skurðstofur illa.
Þetta gefur tilefni til útskýringa.
Staðreyndin er sú að þegar æða-
skurðlækningar sameinuðust árið
2000 í eina deild voru biðlistar lang-
ir. Um tíma höfðum við til ráðstöf-
unar 5 skurðstofudaga á viku sem
leiddi til þess að biðlistar minnkuðu
verulega.
Vegna þessa, fækkunar sérfræð-
inga úr fimm í þrjá og glímu ann-
arra sérgreina við biðlista, var
skurðdögum fækkað úr 5 í 3½ á
viku. Það var því ekki lítil nýting
sem olli fækkun skurðdaga, þvert á
móti hafa skurðstofur verið vel
nýttar og afköst deildarinnar raun-
ar mun meiri en sambærilegra
deilda víðast hvar erlendis.“
Æðaskurðlæknar lýsa yfir
stuðningi við yfirlækninnSKRIFAÐ var undir nýtt sam-bankalán Landsvirkjunar í Londoní gær. Lánið er veltilán til sjö ára,
að fjárhæð 400 milljónir Banda-
ríkjadala, eða um 25 milljarða ís-
lenskra króna. Með lántökunni er
Landsvirkjun að endurfjármagna
sams konar lán sem tekið var með
óhagstæðari kjörum árið 2003, að
því er segir í tilkynningu Lands-
virkjunar.
Um lántökuna sáu Barclays
Capital, Citicorp, Landsbanki Ís-
lands, SEB, Société Générale og
Sumitomo en auk þeirra tóku tíu
bankar þátt í láninu, þ.m.t. Íslands-
banki og KB Banki. Tilboð bárust
um lán að fjárhæð 570 milljónir
Bandaríkjadala frá bönkunum. Tel-
ur Landsvirkjun það vera til marks
um það traust sem fyrirtækið og ís-
lenska ríkið njóti á alþjóðamarkaði
um þessar mundir.
25 milljarða lán
Landsvirkjunar
ELDUR kom upp í kjallara hús-
gagnaverslunar við Suðurlands-
braut 48 á tíunda tímanum í gær-
morgun. Að sögn Slökkviliðs
höfuðborgarsvæðisins var mikill
eldsmatur í kjallaranum, en svo vel
vildi til að slökkviliðsbíll var í ná-
grenninu og tókst að slökkva eldinn
áður en hann náði að læsa sig í lag-
er verslunarinnar.
Starfsmaður verslunarinnar sem
varð var við eldinn reyndi að
slökkva hann með handslökkvitæki,
án árangurs, og var hann ásamt
öðrum starfsmanni fluttur á Land-
spítala – háskólasjúkrahús vegna
gruns um reykeitrun. Var mikill
viðbúnaðar af hálfu slökkviliðsins
og lögreglu og var götum í ná-
grenninu lokað. Eldsupptök eru
ókunn en ekki er grunur um
íkveikju.
Eldur í kjallara
verslunar
ÚT er kominn mynddiskur með
tveimur myndum eftir Hrafn Gunn-
laugsson. Heita myndirnar Ísland í
öðru ljósi og Reykjavík í öðru ljósi.
Í myndunum er reynt að svara ýms-
um spurningum með því að virkja
hugmyndaflugið með tölvubrellum
og nýrri myndtækni. Þá er höf-
uðborgin skoðuð í fortíð, nútíð og
framtíð.
Spurningunum sem varpað er
fram eru meðal annars: Hvernig liti
Reykjavík út ef flugvöllurinn sem
breska hernámsliðið byggði í seinni
heimstyrjöldinni yrði gerður að
miðborg? Hvers vegna byggist
borgin til heiða en ekki út með
ströndinni? Hvers vegna býr eng-
inn í Viðey þar sem faðir borgar-
innar Skúli fógeti kaus að reisa sér
íbúðarhús? Hvers vegna eru engin
göng eða brýr út í eyjarnar á sund-
unum og fólki leyft að búa þar?
Hvernig hefur Ísland breyst af
mannavöldum? Geta orkuver verið
náttúruperlur? Hvernig leit borg-
arsvæðið út áður en mannskepnan
settist þar að og byggði Reykjavík?
Hvers vegna eru gömul timburhús
frá nýlendutímanum komin út á tún
hjá bónda uppi í Árbæ og hvað
myndi gerast ef þau yrðu flutt til-
baka í Hljómskálagarðinn? Hvað ef
flugvöllur risi á skerjunum í
miðjum Skerjafirði?
Texti og tal myndanna er bæði á
íslensku og ensku.
Ísland í öðru ljósi
á mynddiski
SÆRÚN Sveinsdóttir var á leið í
vinnuna í heimaborg sinni Omaha í
Nebraska-ríki í Bandaríkjunum
þann 21. nóvember síðastliðinn
þegar hún lenti í bílslysi og missti
báða fætur. Þeg-
ar gamlir bekkj-
arfélagar hennar
úr árgangi nema
fæddra 1960 í
Öldutúnsskóla í
Hafnarfirði
fréttu af slysinu
ákváðu þeir að
hefja fjársöfnun
fyrir hana og
færa henni af-
raksturinn um jólin þar sem þeir
vita að hún og börnin hennar eiga
um sárt að binda, að sögn Gunnars
V. Andréssonar ljósmyndara og
bróður Særúnar.
Særún er þriggja barna einstæð
móðir og hefur búið í Bandaríkj-
unum í um 20 ár. „Hún er núna á
spítala þar sem hún þarf að gang-
ast undir margar aðgerðir en er
ótrúlega hress miðað við þær
vondu aðstæður sem hún er í,“ seg-
ir Gunnar.
Særún, sem starfaði sem bílstjóri
á skólabíl og flutningabíl, var
tryggð en hefur misst alla fram-
færslu.
Þeir sem vilja leggja söfnuninni
lið geta lagt inn á reikning: 1150-
05-414746 í SPRON á Skólavörðu-
stíg, kennitala: 010560-2689.
Missti báða
fætur í bílslysi
Særún Sveinsdóttir