Morgunblaðið - 10.12.2005, Blaðsíða 31
ingarmál og framfaramál í sam-
félaginu. Ef við vinnum saman er
allt miklu auðveldara,“ segir Sól-
rún.
Hún kennir í Sunnulækjarskóla á
Selfossi en það er nýr skóli með
nýja nálgun í skólastarfinu. Hún
kennir 3. bekk þar sem eru samtals
40 nemendur og vinnur að því með
öðrum kennara og tveimur stuðn-
ingsfulltrúum. Auk þess er hún í
teymi með kennurum 4. bekkjar
sem eru á næsta kennslusvæði og
samanlagt eru 69 nemendur í þess-
um tveimur árgöngum. Í þeim
starfa saman 4 umsjónarkennarar,
3 stuðningsfulltrúar og einn sér-
kennari.
„Þetta er skemmtilegt þróun-
arstarf sem við erum að vinna og
við vinnum mikið saman. Kenn-
arastarfið er auðvitað erfitt en líka
gefandi og skiptir þá miklu máli að
gott samstarf sé við foreldrana,
börnin og samstarfsfólkið í skól-
anum. Þetta myndar allt góða and-
lega heild. Börnin halda manni ung-
um og gefa manni tækifæri að sjá
hlutina frá nýju sjónarhorni,“ segir
Sólrún sem er kennari af lífi og sál.
Í frístundum stundar hún göngu-
ferðir og segist vera mikil útivist-
arkona. „Ég hef gaman af göngu-
ferðum, fór í tvær stórar
gönguferðir í sumar, á Horn-
strandir og Víknaslóðir á Austur-
landi. Ég fæ mikið út úr þessum
ferðum sem gefa mikla slökun og
maður upplifir landið öðruvísi en
þegar maður er akandi. Svo er ég í
gönguhópi og hjólahópi hér á Sel-
fossi. Einnig er ég í fjölskyldu-
gönguhópi sem hefur m.a. gengið í
frönsku Ölpunum. Síðan finnst mér
mjög gaman að renna mér á skíðum
eða ganga á gönguskíðum,“ segir
Sólrún Tryggvadóttir, kennari og
kvenfélagsformaður á Selfossi.
MORGUNBLAÐIÐ LAUGARDAGUR 10. DESEMBER 2005 31
MINNSTAÐUR
Hveragerði | Hveragerðisbær hefur gert samn-
ing við Orkuveitu Reykjavíkur um lagningu ljós-
leiðara í bæjarfélaginu. Jafnframt hefur verið
gerður þjónustusamningur sem tekur til notkun-
ar stofnana Hveragerðisbæjar á ljósleiðaranum.
Samkvæmt samningnum skuldbindur Orku-
veitan sig til að leggja ljósleiðara í Hveragerði á
næstu árum. Hafist verður handa við lagningu
fyrsta áfanga í kjölfar undirritunar samninga en
hann gerir ráð fyrir tengingu við stofnanir bæj-
arins. Gert er ráð fyrir að á næsta ári komist
fyrstu heimilin í Hveragerði í samband.
Báðir samningarnir voru samþykktir á fundi
bæjarstjórnar í fyrradag. Bæjarstjórn lýsti af því
tilefni yfir ánægju með málið. „Bærinn kemst
með samningnum í fremstu röð í fjarskiptamálum
og ekki þarf að fara mörgum orðum um þá auknu
möguleika sem ljósleiðarinn opnar fyrir bæjar-
félagið. Almennt er talið að gagnaveita eins og hér
um ræðir bæti samkeppnishæfni sveitarfélaga og
auki lífsgæði í viðkomandi samfélagi,“ segir í bók-
un bæjarstjórnar.
Orkuveitan leggur ljós-
leiðara í Hveragerði
Garður | Stærsta framkvæmdin á
vegum sveitarfélagsins Garðs á
næsta ári er stækkun leikskólans
Gefnarborgar. Í tillögu að fjár-
hagsáætlun bæjarins kemur fram
að kostnaður er áætlaður 50 millj-
ónir kr.
Áætlað er að taka viðbygg-
inguna í notkun í ágúst 2006.
Stækkun leikskólans er mikið átak
fyrir sveitarfélagið, að því er fram
kom hjá Sigurði Jónssyni bæj-
arstjóra, þegar hann kynnti tillögu
að fjárhagsáætlun fyrir árið 2006
á fundi bæjarstjórnar í vikunni.
Mun hún auka mjög þá þjónustu
sem íbúunum er boðið upp á.
Á undanförnum árum hefur ver-
ið unnið að miklu átaki við að mal-
bika götur og leggja gangstéttir.
Því er haldið áfram og er farið að
huga að áframhaldi málsins vegna
þess að margar nýjar götur hafa
bæst við frá því áætlun um átakið
var gerð.
Fram kom hjá bæjarstjóranum
að kostnaður við lagningu nýrra
gatna og undirbúning lóða hefði
orðið mun meiri en áætlanir gerðu
ráð fyrir. Sagði hann að sú stefna
hefði verið ríkjandi að hefja slíkar
framkvæmdir eins fljótt og kostur
er, eftir að umsóknir bærust.
„Þessi stefna hefur átt stóran þátt
í hraðri uppbyggingu og mun skila
sér í auknum tekjum þegar fram
líða stundir.
50 milljónir í
byggingu leikskóla
Fjörstöðin í loftið | Útvarp
Fjörheima, Fjörstöðin 97,2 er, farin
í loftið og munu útsendingar standa
fram til 14. desember næstkom-
andi. Dagskrá stöðvarinnar er al-
farið í höndum ungmenna sem
jafnframt sáu um að fjármagna
reksturinn með því að safna aug-
lýsingum, að því er fram kemur á
vef Reykjanesbæjar. Rúnar Júl-
íusson styrkti útvarpið með því að
færa unglingunum nokkra af nýj-
ustu geisladiskunum sem Geim-
steinn gefur út um þessar mundir
til að nota sem verðlaun í leikjum á
stöðinni.