Tíminn - 18.04.1971, Blaðsíða 12

m ffnTiiiKwBs^

HIÍNAVÖKUNNI
LÝKIIR I DAG
FB—Reykjavík, laugardag.
Húnavökunni, sem staSið hefur
yfir frá því á annan dag páska,
lýkur annað kvöld, sunnudags-
kvöldið. Mikið fjölmenni hefur
tekið þátt í skemmtanahaldi Húna
vökunnar þessa viku og dagskrá
hennar hlotið mjög góðar viðtök
ur. Margt hefur verið til skemmt-
unar, revíusýningar, leiksýningar,
kvikmyndasýningar og svo Hús
bændavakan, sem var mjög vel
sótt og fór fram síðast liðinn
þriðjudag. Rit Húnavökunnar kom
út nú eins og endranær, og stærra
en nokkru sinni fyrr, eða hvorki
meira né minna en 260 lesmáls
síður.
Húnavakan var fyrst haldin með
þessu sniði árið 1948. Næsta ár
á eftir féll hún niður vegna
skemmtanabanns, en hefur verið
árviss viðburður æ síðan. Rit
Húnavökunnar hefur hins vegar
verið gefið út frá því árið 1961.
Fyrstu tvö árin var ritið fjölritað,
en hefur verið prentað síðan. Rit/
ið hefur stækkað með hverju ári,
var t. d. aðeins 220 bls. í fyrra
en er nú 260 síður. Ritið er selt
í lausasölu, en auk þess eru marg
ir áskrifendur. Jóhann Guðmunds
son, Holti Svínadal hcfur umsjón
með sölu og dreifingu ritsins, og
geta þeir, sem óska eftir að fá
það, haft samband við hann að
sögn Magnúsar Ólafssonar for-
manns Ungmennasambands Aust-
ur-Húnvetninga, sem stendur fyrir
Húnavökunni. Ritstjóri Húnavök
unnar er Stefán Á. Jónsson bóndi
á Kagaðarhóli. í ritinu er ýmis-
legt efni eftir Húnvetninga, og
stór annáll úr héraðinu. Hefur
hann tekið meira og meira rúm
með hverju ári.
Húnavakan hófst eins og fyrr
segir á annan í páskum með guðs
þjónustu, þar sem séra Árni Sig
urðsson messaði. Síðan var sýndur
revíukabarett, sem Hjálparsveit
skáta sýndi. Um kvöldið sýndi svo
Leikfélag Blönduóss leikinn Bet
ur má ef duga skal. Að því loknu
var dansleikur. Veður var einstak
lega gott á mánudaginn og einnig
á þriðjudaginn, en á þriðjudags-
kvöldið var Húsbændavakan svo-
kallaða. Þar flutti Indriði G. Þor
steinsson erindi, kvartett söng,
Pálmi Gíslason flutti gamanþætti,
hagyrðingaþáttur var, þar sem þrír
hagyrðingar svöruðu spurningum.
Loks voru allir oddvitar úr sýsl
unni fengnir til þess að svara
spurningum. Sigraði Jón ísberg
oddviti á Blönduósi. Um 300
manns sótti þessa skemmtun, og
enn fleiri voru á dansleik, sem
haldinn var á eftir. Á miðvikudag
var aftur leiksýning, og unglinga
dansleikur um kvöldið. Engin
skemmtiatriði voru á fimmtudag,
en á föstudag var revíukabarett-
inn sýndur aftur. í dag er svo
dagskrá helguð vorinu. Nefnist
hún' Vorþankar, og verður þar
flutt ýmislegt efni, sem tengt er
vorinu, og sér Lionsklúbbur
Blönduóss um þessa dagskrá.Húna
vökunni lýkur á morgun.
Því miður hefur veður farið
versnandi, og var orðið nokkuð
slæmt í dag og því ekki víst,
hvernig fólki gengur að komast
til Húnavöku, þessa tvo síðustu
daga, en Húnavakan hefur til
þessa tekizt mjög vel, enda veð
ur verið hið bezta til ferðalaga.
Hestar ekki fluttir utan
beint úrhag
í framtíðinn
Reiðmenn á aefingu un’dir stjórn Feldmans nú fyrlr skömmu.
(Tímamynd Gunnar)
FB—Iteykjavík, laugardag.
— Allt bendir nú til þess, að
meira og meira verði flutt út af
tömdum hestum, og betur unnum,
ef svo mætti að orði komast, svo
við náum meiri verðmætum út úr
þeim hér heima í sambandi við
tamningu. Það er ósköp eðlilcgt,
og ég hef persónulega ekki trú
á því, að mikið verði um það fram
vegis, að licstar verði fluttir út
í stórhópum beint úr haga —
aðeins stóð — eins og gert var
liér um árið. Þannig fórust Agn-
ari Tryggvasyni framkvæmda-
stj. Búvörudeildar SÍS orð, er við
spurðum hann, hvort einhverjar
breytingar virlust nú vera á út-
flutningi hesta frá því, sem var,
er liestar voru fluttir út í hópum,
beint úr haga, jafnvel illa út lít-
andi og óræstilegir eftir veturinn.
— Breytingarnar eru þegar farn
ar að koma í ljós, t. d. á þeim
hrossum, sem flutt hafa verið út
frá áramótum. Þar hefur aðallega
verið um að ræða tamda hesta,
en ekki ótamið stóð eins og áð-
ur. Útflutningurinn er ekki enn
kominn í fullan gang. Þó er senni
lega búið að flytja út á árinu milli
50 og 60 hcsta, bæði með skipum
og flugvélum. Við eigum von á,
að útflutningurinn í ár muni
nema milli 200 og þrjú hundruð
hestum, og nú fer hlutfallslega
meira af hestunum til Þýzkalands
og meginlandslandanna yfirleitt,
heldur en til Danmerkur. Á megin
landinu vilja kaupendurnir yfir
leitt bet.'i-hesta-ifeidur en þeir,
sem kaupa hesta á Norðurlöndum.
þeir vilja fremur tamda hesta en
ótamda, og helzt gæðinga.
Agnar .taldi að stefnur þær og
mót, sem efnt hefur verið til í
Þýzkalandi hefðu haft mikið að
segja fyrir sölu íslenzkra hesta.
Þangað kæmu hundruð manna,
hvaðan æva að úr Evrópu, og
fylgdust með af miklum áhuga.
Væri þetta mikil og góð auglýs
ing og áhrifin létu ekki á sér
standa. Meiningin væri, að halda
þessum stefnum og mótum áfram
í framtíðinni.
Þá sagði Agnar að útflytjendur
íslenzkra hesta óskuðu þess ein-
dregið, að flutningar hestanna
færðust einungis yfir á flugvélarn
ar í stað skipanna, því að með þvi
væri mun betur að hestunum bú-
ið, og ferðin þeim ekki eins erfið.
Væri ólíkt að sjá hestana eftir
flugferðina, heldur en þegar þeir
hafa orðið að velkjast í skipum,
þótt allt væri gert til þess að
þeim liði þar sem bezt, eftir því
sem kostur væri.
Nokkur hækkun hefur orðið á
verði íslenzku hestanna í ár. Gera
seljendur nú kröfur ufn allt að
20% hærra verð heldur en ver
ið hefur. Fyrir taminn hest er
ekki reiknað með lægra verði en
25 til 30 þúsund krónum, og fyrir
góða hesta og gæðinga 50 til 60
þúsund. Er þetta verð þó nokkru
lægra/en Þorkell Bjarnason hrossa
ræktarráðunautur taldi, að greiða
ætti fyrir hesta, er rætt var við
hann um hrossaútflutning í sjón
varpi fyrir skömmu. Nefndi hann
þar 40 þúsund krónur, sem væri
lágmark fyrir taminn hest, sem
hefði verið 3 mánuði á tamninga
stöð, og væri það einungis kostn
aðarverð, sem bændur ættu rétt á.
Eins og fyrr spgir, reiknaði Agn
ar með að á þessu ári yrðu fluttir
út milli 200 og 300 hestar. Hann
sagði, að það Væri auðvitað langt
um minna, en útflutningurinn var,
þegar mest var og á einu ári
fóru milli 1600 og 1700 hross.
Framhald á bls. 22.
ALÞJODLEG HAFISRAÐ-
STEFNA HÉR I MAÍ
60 ERLENDIR ÞÁTTTAKENDUR HAFA BOÐAÐ KOMU SÍNA
Alþjóðleg hafísráðstefna verður
haldin í Reykjavík dagana 10.—
13. maí n.k. Ráðstcfnan er haldin
á vegum Rannsóknaráðs ríkisins
en Baucr Scientific Trust í Was-
hington og UNESCO hafa einnig
veitt fjárstyrki til að standa
straum af kostnaði við ráðstefn-
una.
Með tilliti til undanfarinna haf-
ísára var talið rétt að athuga,
hvort stuðla mætti að auknu sam-
starfi þjóða, sem stunda hafís-
rannsóknir í norðurhöfum. Slíkt
samstarf um hafísrannsóknir gæti
orðið afar mikilvægt, ekki sízt fyr-
ir okkur íslendinga.
Haustið 1969 skipaði Rannsókna
ráð því nefnd til að kanna, hvort
grundvöllur fyrir alþjóðlegri haf-
ísráðstefnu væri fyrir hcndi og til
að annast undirbúning ráðstefn-
unnar ef svo væri. í nefndina voru
skipaðir Hlynur Sigtryggsson, veð
urstofustjóri, sem er formaður
nefndarinnar, Pétur Sigurðsson,
forstjóri Landheigisgæzlunnar, dr.
Sigurður Þórarinsson prófessor,
dr. Trausti Einarsson prófessor og
dr. Unnsteinn Stefánsson haffræð-
ingur. Dr. Sven Aage Malmberg
tók á síðastliðnu hausti sæti dr.
Unnsteins, sem þá fór til starfa
hjá UNESCO, og Magnús Einars-
son veðurfræðingur hefur starfað
í nefndinni sem varamaður Hlyns
Sigtryggssonar. Framkvæmda-
stjóri ráðstefnunnar var ráðinn
Þorbjörn Karlsson, verkfræðing-
ur. \
Undirtektir vísindamanna úti um
heim voru slíkar, að ákveðið var
að efna til ráðstefnu vorið 1971.
Alþjóðleg ráðstefna um hafís var
síðast haldin í Easton, Maryland
í Bandaríkjunum 1958 og því orð-
ið fyllilega tímabært að halda ráð
stefnu um þetta efni. Starfsemi
manna á norðurslóðum hefur auk-
izt mjög á síðari árum og vísinda-
starfsemi öll hefur margfaklazt.
Er því af nógu að taka fyrir þessa
ráðstefnu.
Þátttakendum hefur verið boðið
til ráðstefnunnar frá þeim lönd
um, sem stunda hafísrannsóknir í
norðurhöfum, þ.e. frá Norðurlönd
um, Soyéti-íkjunum, Þýzkalandi,
Englandi, Bandaríkjunum, Kanada
og Japan. Hefur undirbúnings-
nefndin haft umboðsmenn starf-
andi í hverju landi og hafa þeir
annazt val þátttakenda og erinda
hver frá sínu landi.
Alls hafa borizt 36 erindi og
eru þau frá öllum ofangreindum
löndum auk íslands. Flest eru
erindin frá Bandaríkjunum og
Kanada. íslenzk erindi verða fimm
talsins, og eru þau eftir Svend-
Aage Malmberg, sem flytur tvö
erindi um hafstrauma og sjávar
hita norðan og vestan íslands, Pál
Bergþórsson, sem tala mun um
lofthitasveiflur vegna hafstrauma,
Þórhall Vilmundarson, og fjallar
erindi hans um frásagnir af hafís
í íslenzkum annálum, og Þorbjörn
Karlsson, sem tala mun um afl-
fræðilega eiginleika hafíssins.
Úm 60 erlendir þátttakendur
hafa boðað komu sína og mun sú
taia vafalítið hækka þegar til
ráðstefnunnar kemur. Ekki er
cnn vitað um endanlega fjölda ís-
lenzkra þátttakenda en gert er
ráð fyrir, að þeir verði um 20.
Þeir sem áhuga hafa á þátttöku
geta látið skrá sig hjá Þorbirni
Karlssyni, Raunvísindastofnun há
skólans.
Ráðstefnan verður haldin á
Hótel Sögu og hefst, kl. 9 að
morgni þess 10. maí með setning
arræðu menntamálaráðherra, dr.
Gylfa Þ. Gíslasonar. Þá mun for
maður undirbúningsnefndar, Hlyn
ur Sigtryggsson, veðurstofustjóri
flytja inngangsorð en að þeim
loknum mun flutningur erinda
hefjast. Verða fundir haldnir fram
á fimmtudagskvöld 13. maí, en
þá mun Steingrímur Hermannsson
framkvæmdastjóri Rannsóknaráðs
ríkisins slíta ráðstefnunni.
Þing bankamanna
hefst á mánudag
Þing Sambands íslenzkra banka
manna verður haldið dagana 19.
— 21. apríi í húsakynnum sam-
bandsins að Laugaveg' 103. Þing,
ið verður sett mánudaginn 19.
apríl kl. 16 af formanni sambands
ins Hannesi Pálssyni. Síðan munu
hefjast almenn þingstörf.
Meðal dagskrárliða þingsins á
þriðjudaginn er, að dr. Gylfi Þ.
Gíslason ráðherra og Ásgeir Magn
ússon forstjóri flytja erindi.
Þinginu lýkur á miðvikudag.