Fréttablaðið - 09.10.2002, Blaðsíða 2

2 9. október 2002 MIÐVIKUDAGUR
ALÞINGI
FRÁDRÁTTARBÆR FÉLAGSGJÖLD
Fjórir þingmenn Samfylkingar
flytja lagafrumvarp þess efnis að
félagsgjöld launþega til stéttarfé-
laga verði frádráttarbær frá
skatti. Slíkt gildi nú þegar um fé-
lagsgjöld fyrirtækja til samtaka
atvinnurekenda.
UPPBYGGING FJARSKIPTANETS
Þingmenn Vinstri-grænna vilja
að Alþingi feli Landssímanum að
ljúka uppbyggingu fjarskipta- og
gagnaflutninganets landsins á
næstu þremur árum. Síminn
verði undanþeginn arðgreiðslum
til eigenda meðan á átakinu
stendur.
KVIKMYNDIR Íslensku kvikmynd-
irnar Hafið og Mávahlátur eru
meðal þeirra mynda sem til-
nefndar eru til fyrstu kvik-
myndaverðlauna Norðurlanda-
ráðs, sem verða veitt á 50 ára af-
mælishátíð ráðsins í óperuhús-
inu í Helsinki 29. október.
Tíu bíómyndir eru tilnefndar
frá Danmörku, Finnlandi, Ís-
landi, Noregi og Svíþjóð, tvær
frá hverju landi. Nokkrar mynd-
anna hafa þegar hlotið verðlaun
á alþjóðlegum kvikmyndahátíð-
um, til dæmis í Cannes. Mynd-
irnar þurftu að uppfylla þau
skilyrði að vera í bíómyndalengd
og hafa verið frumsýndar í
heimalandinu á tímabilinu 1.
september 2001 til 30. septem-
ber 2002.
Verðlaunaféð nemur 4,3 millj-
ónum íslenskra króna og skiptist
það jafnt á milli handritshöfund-
ar, leikstjóra og framleiðanda
verðlaunaverksins.
Ágúst Guðmundsson leik-
stýrði og skrifaði handrit Máva-
hláturs en Kristín Atladóttir
framleiddi. Baltasar Kormákur
er framleiðandi og leikstjóri
Hafsins en handrit myndarinnar
skrifaði hann ásamt Ólafi Hauki
Símonarsyni.
Aðrar myndir sem eru til-
nefndar eru Elsker dig for Evigt
og Okay frá Danmörku, Cleaning
upp! og Mies Vailla Menneissyttä
frá Finnlandi, Alt om min Far og
Musikk for bryllup og begra-
velser frá Noregi og Lilja 4-ever,
eftir Lukas Moodysson, og Leva
Livet frá Svíþjóð.

HAFIÐ
Keppir ásamt Mávahlátri
um fyrstu kvikmynda-
verðlaun Norðurlanda-
ráðs.
Kvikmyndaverðlaun Norðurlandaráðs:
Mávahlátur og Hafið tilnefndar
Björn Bjarnason um
Línu.Net:
Dæmigerð
vinnubrögð
BORGARMÁL Björn Bjarnason,
borgarfulltrúi Sjálfstæðisflokks-
ins, sagði að sú ákvörðun að selja
ljósleiðarakerfi
Línu.Nets til
O r k u v e i t u
Reykjavíkur stað-
festi það sem
sjálfstæðismenn
hefðu sagt frá
upphafi. Ekki
væri hægt að reka
fyrirtækið sem
opinbert fyrir-
tæki heldur bæri
að koma því í
einkaeign.
„Þetta ýtir und-
ir það sem við
sögðum fyrir kosningar, að fyrir-
tækið væri á barmi gjaldþrots,“
sagði Björn. „Það var annað hvort
að hrökkva eða stökkva.“
Björn sagði að salan á ljósleið-
arakerfinu væri liður í því að gera
Línu.Net söluvænna. Það hefði
enginn tekið við því, eins skuldum
vafið og það hefði verið. Það að
láta Orkuveituna kaupa búnaðinn
svo unnt væri að ljúka dæminu
með einhverjum hætti væru
dæmigerð vinnubrögð fyrir
meirihlutann í borgarstjórn.

Margrét Frímannsdóttir
um heilbrigðisráðuneytið:
Skútan
sokkin
ALÞINGI Margrét Frímannsdóttir
sagði við umræður utan dagskrár
á Alþingi í gær að hún gæti ekki
séð annað en skúta heilbrigðisrá-
herra væri þegar sokkin á kaf
með manni og mús. Í upphafi um-
ræðunnar hafði
Jón Kristjánsson
hei lbr igðisráð-
herra líkt heil-
brigðisráðuneyt-
inu við stjórn-
lausa skútu þegar
ráðherrar Fram-
sóknarflokksins
tóku þar við. Um-
ræðan snerist um
ástandið í heil-
brigðismálum og
var Margrét
f r u m m æ l a n d i .
Hún lagði til að
skipaður yrði
þ v e r p ó l i t í s k u r
starfshópur sem
skilaði skýrslu til þingsins innan
tveggja mánaða.
Margrét lagði einnig þá spurn-
ingu fyrir ráðherra hvernig hann
hygðist bregðast við uppsögnum
heimilislækna á Suðurnesjum og í
Hafnarfirði en skammt væri þar
til uppsagnir þeirra tækju gildi.
Ráðherra svaraði á þá leið að
væntanlegur væri úrskurður
Kjaradóms um laun þeirra og
hann hefði þegar beðið læknana
að doka við þangað til.

MARGRÉT FRÍ-
MANNSDÓTTIR
Spurði heilbrigð-
isráðherra hvernig
hann ætlaði að
bregðast við upp-
sögnum heilsu-
gæslulækna á
Suðurnesjum og í
Hafnarfirði.
BJÖRN
BJARNASON
„Þetta ýtir undir
það sem við
sögðum fyrir
kosningar, að fyr-
irtækið væri á
barmi gjaldþrots.“
ALÞINGI
Fór fram úr fjárheimildum annað árið í
röð.
Rekstur Alþingis:
Launakostn-
aður jókst
um 13%
ALÞINGI Launakostnaður á skrif-
stofu Alþingis, vegna 97 stöðu-
gilda, nam rúmum 329 milljónum
króna á síðasta ári. Kostnaðurinn
jókst um 13% miðað við árið 2000.
Þingfararkostnaður alþingis-
manna og varamanna, auk bið-
launa, nam á síðasta ári rúmum
410 milljónum, jókst um 6,4%
miðað við árið 2000.
Lífeyrisskuldbindingar fyrir
starfsmenn Alþingis hafa ekki
verið reiknaðar sérstaklega og
eru því ekki færðar í ársreikningi.
Sama á við um orlofsskuldbind-
ingar fyrir starfsmenn Alþingis
frá maí 2001 til loka ársins, þær
eru ekki reiknaðar sérstaklega
eða færðar í ársreikningi.
Fjárheimildir Alþingis á síð-
asta ári námu samtals 1.378 millj-
ónum króna en útgjöldin námu
1.396 milljónum. Alþingi fór því
18,3 milljónir króna fram úr fjár-
heimildum. Þetta er annað árið í
röð sem Alþingi fer fram úr fjár-
heimildum.
Árið 2000 nam framúrkeyrslan
37,5 milljónum króna. Raunveru-
legur halli á rekstri Alþingis árið
2000 nam þó ekki nema 13,4 millj-
ónum þar sem ónýttar fjárheim-
ildir ársins 1999 upp á 24,1 milljón
voru færðar til ársins 2000.

ALÞINGI Kristján L. Möller, þing-
maður Samfylkingarinnar í Norð-
urlandskjördæmi vestra, gagn-
rýnir harðlega breytingar á
skattalögum sem gerðar voru á
síðasta ári. Hann segir sveitarfé-
lög hafa tapað miklum tekjum í
kjölfarið. Breytingarnar hygli höf-
uðborgarsvæðinu á kostnað lands-
byggðarinnar.
„Með þeim viðamiklu skatta-
lagabreytingum sem gerðar voru
á síðasta þingi, þar sem meðal
annars tekjuskattur fyrirtækja
var lækkaður úr 30% í 18%, trygg-
ingagjald var hækkað og heimildir
til að færa einstaklingsrekstur
yfir í einkahlutafélög voru
rýmkaðar, hafa sveitarfélögin orð-
ið af tekjum sem skipta
tugum ef ekki hundruð-
um milljóna króna,“
segir Kristján Möller og
bætir við að skattalegur
ávinningur fyrirtækja á
höfuðborgarsvæðinu af
breytingunum hafi orð-
ið miklu meiri en fyrir-
tækja úti á landi. „Ríkið
hefur með öðrum orðum
enn einu sinni svínað á
sveitarfélögum.“
Kristján vill að fjár-
málaráðherra upplýsi
hverjar heildartekjur
ríkissjóðs voru af eigna-
skatti annars vegar og fjár-
magnstekjuskatti hins vegar síð-
ustu fimm ár, skipt eft-
ir sveitarfélögum og
kjördæmum. Ennfrem-
ur vill hann að við-
skiptaráðherra upplýsi
hversu mörg einka-
hlutafélög voru stofnuð
árið 2001 annars vegar
og hinsvegar frá síð-
ustu áramótum til 1.
september síðastliðins,
skipt eftir kjördæmum
og starfsgreinum.
„Þetta er undirbúning-
ur undir umræðu um
þá mismunun sem er
milli höfuðborgar-
svæðis og landsbyggðar,“ segir
Kristján L. Möller.

KRISTJÁN MÖLLER
Segir mismunun á milli
höfuðborgarsvæðis og
landsbyggðar birtast í
skattalögum.
Kristján L. Möller:
Tekjur hafðar af sveitarfélögum
FJARSKIPTI Lína.Net hefur selt
Orkuveitu Reykjavíkur ljósleið-
arakerfi sitt fyrir 1,7 milljarða.
Íslandssími og Lína.net eiga nú í
viðræðum um samstarf eða sam-
einingu fyrirtækjanna. Orkuveit-
an er stærsti eigandi Línu.Nets.
Alfreð Þorsteinsson, stjórnarfor-
maður Orkuveitu Reykjavíkur
segir að eftir sölu
ljósleiðarans sé
Lína.Net skuldlítið
fyrirtæki með 400
milljóna árstekjur.
„Orkuveitan lítur
á sig sem veitufyr-
irtæki. Við erum
með heitt og kalt
vatn, rafmagn og
ljósleiðara.“ Al-
freð segir að jafnframt hafi verið
gengið frá leigusamningi við
Línu.Net um notkun ljósleiðarans
sem eigi að tryggja að fjárfesting
Orkuveitunnar skili sér að fullu.
Við söluna færist mikil fjár-
binding frá Línu.Neti til Orkuveit-
unnar. Lína.Net er eftir söluna
fjarskiptafyrirtæki með 400 millj-
óna veltu. Viðræður standa nú
yfir milli Línu.Nets og Íslands-
síma um samvinnu eða samruna.
Forsvarsmenn Íslandssíma lýstu
því yfir þegar fyrirtækið samein-
aðist Halló-Frjálsum fjarskiptum
að áhugi væri fyrir frekari sam-
einingu við fjarskiptafyrirtæki.
Óskar Magnússon, forstjóri Ís-
landssíma, segir þessar viðræður
í samræmi við þá stefnu. Félagið
hafi tryggt sér nægt hlutafé til
slíkrar sameiningar. Óskar segir
að salan á ljósleiðaranum komi
ekki á óvart. „Okkur var ljóst í
viðræðum við fyrirtækið að slíkar
hugmyndir væru uppi.“ Óskar
segist ekki geta tjáð sig um við-
ræðurnar að öðru leyti en því að
þær gangi ágætlega. Meiningin sé
að ljúka þeim fyrir áramót.
Orkuveitan mun með þessu
samkomulagi reka ljósleiðarann
og selja aðgang að honum. Orku-
veitan hefur þar með að sögn Al-
freðs yfir að ráða grunnkerfi sem
stuðlar að aukinni samkeppni á
fjarskiptamarkaði.
Áhugi er hjá Íslandssíma að
sameinast Tali, en forsvarsmenn
fyrirtækisins verjast allra frétta
af tilraunum til kaupa fyrirtækis-
ins af Western Wireless. Það er
hins vegar yfirlýst stefna Íslands-
síma að búa til eitt stórt fjar-
skiptafyrirtæki sem keppi við
Landssímann á fjarskiptamark-
aðnum.
haflidi@frettabladid.is
LJÓSLEIÐARINN SKILINN FRÁ
Lína.Net og Íslandssími eiga í sameiningarviðræðum. Orkuveita Reykjavíkur, aðaleigandi
Línu.Nets, hefur keypt ljósleiðaranet Línu.Nets á 1,7 milljarða.
Ljósleiðari keyptur á
1,7 milljarða króna
Lína.Net hefur selt Orkuveitu Reykjavíkur ljósleiðaranet sitt á höfuð-
borgarsvæðinu. Orkuveitan telur fjárfestinguna munu borga sig með
leigutekjum. Lína.Net á í sameiningarviðræðum við Íslandssíma um
samstarf eða sameiningu.
Orkuveitan lít-
ur á sig sem
veitufyrirtæki.
Við erum með
heitt og kalt
vatn, rafmagn
og ljósleiðara.
Nasdaq:
DeCode féll
um 15%
VIÐSKIPTI Gengi bréfa deCODE,
móðurfélags Íslenskrar erfða-
greiningar, lækkaði um 14,88% á
bandaríska Nasdaq-markaðnum í
gær. Lokagengi dagsins var 1,83
dollarar hluturinn.
Í fyrradag var lokagengið 2,15
dollarar hluturinn, en í gær fór
hluturinn alveg niður í 1,61 doll-
ara. Um 150 þúsund hlutir skiptu
um hendur í gær, sem er rétt fyr-
ir ofan meðaltalið. Viðskipti með
bréfin hafa hins vegar verið frem-
ur lítil síðustu daga.