Fréttablaðið - 08.11.2002, Blaðsíða 4

4 8. nóvember 2002 FÖSTUDAGUR
VIÐSKIPTI
UMHVERFISMAT Dr. Ragnhildur Sig-
urðardóttir segir mjög alvarlegt
ef sá einstaklingur sem hafi með
höndum sjálfbæra nýtingu auð-
linda hafi ekki kynnt sér þær at-
hugasemdir sem hún og þrír aðr-
ir vísindamenn hafa sett fram
vegna umhverfismats vegna
Norðlingaölduveitu. Varðandi
þau ummæli Valgerðar Sverris-
dóttur iðnaðarráðherra að vís-
indamenn láti hugsanlega stjórn-
ast af pólitík segir Ragnhildur að
ekki verði setið þegjandi undir
slíku.
„Ráðherra fer þarna með at-
vinnuróg og þessar dylgjur lýsa
helst dómgreindarleysi hennar
og algjörri vanþekkingu á eðli
vísinda og starfi vísindamanna.
Ég kannast ekki við að hafa
nokkurn tíma reifað pólitískar
skoðanir og hef aldrei lýst and-
stöðu við orkuframkvæmdir al-
mennt,“ segir dr. Ragnhildur,
sem vann að skýrslu Landsvirkj-
unar um umhverfisáhrif í Þjórs-
árverum vegna Norðlingaöldu-
veitu en skilaði sjálfstæðri
skýrslu um málið.

Dr. Ragnhildur Sigurðardóttir:
Atvinnurógur og
dylgjur ráðherra
DR. RAGNHILDUR SIGURÐARDÓTTIR
Hún segir alvarlegt ef ráðherra kynnir sér
ekki athugasemdir vísindamanna.
SKIPULAGSMÁL Íbúar í nágrenni
skógræktarlóðarinnar í Fossvogi
sem Reykjavíkurborg vill úthluta
undir fjölbýlishús eldri borgara
hafa enn ekkert kynningarbréf
fengið.
Fyrir þremur vikum boðaði
borgarskipulagið að von væri á
kynningarbréfi til íbúa í nágrenn-
inu innan nokkurra daga. Bréfið
er ekki enn komið. Í gær fengust
þær upplýsingar hjá borgarskipu-
laginu að ástæðan væri meðal
annars sú að tölvukerfið hefði leg-
ið niðri í heila viku. Von sé á bréf-
inu á næstu dögum.
Samkvæmt upplýsingum frá
borgarskipulaginu hafa margir
áhyggjufullir íbúar í nágrenninu
leitað þar upplýsinga eftir að
Fréttablaðið skýrði frá áformun-
um 18. október síðastliðinn. Þar
kom fram að Vigdís Finnbogadótt-
ir, fyrrverandi forseti, fer fyrir
einum hópi sem hefur hug á lóð-
inni.
Lóðin er skilgreind sem útvist-
arsvæði og tilheyrði Skógræktinni
í Reykjavík þar til fyrir skömmu.
Alls hafa þrír aðilar sótt um lóðina
undir íbúðir fyrir aldraða. Tveir
þeirra hyggjast reisa fjölbýlishús
en sá þriðji einbýlishús. Borgar-
skipulag segir að reisa megi allt að
þriggja hæða hús á lóðinni með
samtals 50 íbúðum.

Kynningarbréf frá borginni ókomið eftir þriggja vikna töf:
Uggur í nágrönnum
skógræktarlóðar
LÓÐIN VIÐ SKÓGRÆKTINA
Vigdís Finnbogadóttir fer fyrir hópi sem vill
reisa íbúðir á þessu útivistarsvæði austan
við skógræktina í Fossvogi.
FR
ÉT
TA
B
LA
Ð
IÐ
/R
Ó
B
ER
T
UMHVERFISMAT Harðar deilur
spruttu á Alþingi í gær af
ásökunum fjögurra vísindamanna
á hendur verkfræðistofunni VSÓ
og Landsvirkjun þess eðlis að mis-
farið sé með rannsóknir þeirra í
tengslum við umhverfismat vegna
Norðlingaölduveitu. Vísindamenn-
irnir eiga allir sinn hlut í mats-
skýrslu Landsvirkjunar vegna
áhrifa virkjunarframkvæmda á
Þjórsárver, sem að margra mati
eru ein helsta perla hálendis Ís-
lands.
Vísindamennirnir segja að
skýrslur þeirra hafi verið slitnar
úr samhengi, lýsingarorðum og at-
viksorðum breytt og einkunnagjöf
umhverfisþátta breytt í þá veru að
fegra slæm áhrif sem fylgja
myndu virkjun. Dr. Ragnhildur
Sigurðardóttir, sem fengin var af
VSÓ til að skrifa stærstan hluta
skýrslu um umhverfismatið og
safna saman upplýsingum annarra
vísindamanna, segist hafa verið
undir stöðugum þrýstingi bæði
VSÓ og Landsvirkjunar um að
breyta einkunnagjöf áhrifaþátta og
fegra niðurstöður.
Össur Skarphéðinsson, formað-
ur Samfylkingar, hóf umræðuna í
upphafi þingfundar. Þar vísaði
hann til hinna alvarlegu ásakana á
hendur Landsvirkjun og VSÓ sem
fram hefðu komið á Stöð 2 og í
Fréttablaðinu á undanförnum dög-
um. Össur krafðist þess að iðnaðar-
ráðherra kannaði það hvort ásak-
anirnar ættu við rök að styðjast.
„Þetta mál er þeim mun alvar-
legra að hér er um að ræða vísinda-
menn sem þekktir eru fyrir vand-
virkni og heiðarleg vinnubrögð og
það hlýtur að vera sem svo að heið-
arleiki þeirra sem vísindamanna sé
dreginn yfir allan efa,“ sagði Össur.
Hann skoraði á Valgerði Sverr-
isdóttur iðnaðarráðherra að kanna
út í hörgul hvað væri þarna á ferð-
inni.
Ráðherra sagði að vísindamenn
hefðu haft tækifæri til að koma að
athugasemdum sínum til Skipu-
lagsstofnunar á sínum tíma.
„Auðvitað hafa komið upp at-
hugasemdir og ég hef orðið vör við
það þótt ég hafi ekki kynnt mér
þetta í þaula. En er ekki líka hugs-
anlegt að vísindamenn sem eru yf-
irlýstir andstæðingar framkvæmd-
ar geti hugsanlega átt erfitt með að
skilja á milli pólitískra skoðana
sinna og vísindanna?“ spurði ráð-
herra.
Þingmenn stjórnarandstöðunnar
brugðust illa við yfirlýsingum ráð-
herra og Steingrímur J. Sigfússon,
formaður VG, sagði að ráðherra
væri með ummælum sínum að vega
ónafngreint að vísindamönnum.
Hann taldi það vera umhugsunar-
efni hvort ráðherra ætti ekki að
draga ummæli sín til baka eða nafn-
greina þá sem hún ætti við. Fleiri
stjórnarandstöðuþingmenn tóku í
sama streng og töldu að framburð-
ur vísindamanna undirstrikaði að
þörf væri á lagabreytingum þess
eðlis að skilið yrði á milli fram-
kvæmdaaðila og þess sem ynni
skýrslu um umhverfismat.
„Það verður að koma til sögunn-
ar óháð matsstofnun,“ sagði Stein-
grímur.
Ráðherra ítrekaði efasemdir
sínar varðandi heiðarleika vísinda-
manna sem séu yfirlýstir andstæð-
ingar umræddra framkvæmda.
„Er ekki hugsanlegt að þeir eigi að-
eins erfitt með það að greina á milli
þess sem er pólítík og þess sem er
vísindi?“ spurði ráðherrann.
rt@frettabladid.is
Ráðherra efast um heið-
arleika vísindamanna
Stjórnarandstaðan ráðleggur Valgerði Sverrisdóttur að draga ummæli sín til baka. Skilið verði á
milli framkvæmdaaðila og þeirra sem vinna að umhverfismati.
VALGERÐUR SVERRISDÓTTIR
Hugsanlegt að vísindamenn skilji ekki á
milli vísinda og hugsjóna.
ÖSSUR SKARPHÉÐINSSON
Iðnarráðherra fari í saumana á ásökunum vísindamanna.
FR
ÉT
TA
B
LA
Ð
IÐ
/B
IL
LI
HAGNAÐUR HJÁ LÍFI Líf, áður
Lyfjaverslun Íslands, hagnaðist
um 205 milljónir króna fyrstu níu
mánuði ársins 2002. Tap fyrir
sama tímabil í fyrra var tuttugu
milljónir. Rekstrarkostnaður
tímabilsins nam 4.885 milljónum
króna, sem er um 7% aukning frá
sama tímabili 2001. Hagnaður
fyrir afskriftir og fjármagns-
gjöld var 235 milljónir á tímabil-
inu.
MINNKANDI HAGNAÐUR Hreinn
hagnaður Sölumiðstöðvar Hrað-
frystihúsanna fyrstu níu mánuði
ársins nam 490 milljónum króna
á móti 524 milljónum sama tíma-
bil árið 2001. Veltufé frá rekstri
var 597 milljónir en 639 milljónir
ári áður. Hagnaður þriðja árs-
fjórðungs nam 153 milljónum en
ári áður 328 milljónum.
Sprengingin á Balí:
Maður
játar aðild
BALÍ, INDÓNESÍU, AP Karlmaður að
nafni Amrozi hefur játað aðild að
sprengingunni sem varð á Balí í
Indónesíu í síðasta mánuði. Hann
var handtekinn á Austur-Jövu á
þriðjudag. Amrozi átti bílinn sem
sprakk fyrir utan Sari-nætur-
klúbbinn í síðasta mánuði. Lög-
regla dreifði í gær teiknaðri mynd
af fjórða manninum sem grunað-
ur er um aðild að sprengingunni.
Myndin var unnin með hjálp
vitna. Hátt í 200 manns fórust í
sprengingunni þann 12. október.

BREGÐA Á LEIK
Áströlskir og indónesískir lögregluþjónar
bregða á leik skammt frá næturklúbbnum
þar sem sprengingin átti sér stað.
AP/M
YN
D
Uppgjör:
Afkomu-
bati hjá HB
VIÐSKIPTI Hagnaður samstæðu
Haraldar Böðvarssonar hf. tíma-
bilið janúar-september var 833
milljónir króna, samanborið við
275 milljóna kr. tap sama tímabil
árið 2001. Afkomubati á milli
tímabilanna er því 1.108 milljón-
ir króna. Þá varð hagnaður tíma-
bilsins fyrir skatta 994 milljónir
samanborið við 270 milljóna tap
fyrstu níu mánuðina árið áður.
Hagnaður samstæðunnar fyrir
afskriftir og fjármagnsliði
fyrstu níu mánuði ársins 2002
nam 1.056 milljónum króna, sem
er 24,5% af tekjum.

KJÖRKASSINN
Farðu inn á frett.is og segðu
þína skoðun
frétt.is
Fylgist þú með bókaflóðinu?
Spurning dagsins í dag:
Eiga Landsbanki og Búnaðarbanki að
eiga málverkin sem þeir hafa safnað
eða gefa þjóðinni þau?
Niðurstöður gærdagsins
á www.frett.is
43,8%
35,2%Lauslega
21%
BÓKAFLÓÐIÐ
ER HAFIÐ
Fimmtungur
svarenda sem
svöruðu fylgjast
mjög vel með því
hvaða bækur eru
að koma út.
Ekki neitt
Mjög vel