Fréttablaðið - 29.01.2003, Blaðsíða 22

22 29. janúar 2003 MIÐVIKUDAGUR
TÍMAMÓT
Afmælis- og
skírnarveisla í dag
36 ÁRA „Afmælisdagurinn leggst
vel í mig, sérstaklega vegna þess
að í dag munum við hjónin skíra
yngsta drenginn okkar og slá
þannig tvær flugur í einu höggi,“
segir Eðvarð Þór Eðvarðsson,
kennari og sundþjálfari í Kefla-
vík og einn fremsti baksunds-
maður heims fyrir um það bil
áratug. Hann er afmælisbarn
dagsins, fæddur árið 1967 og er
því 36 ára.
Eðvarð var á árum áður kon-
ungur sundsins á Íslandi. Hann
náði líklega lengst í þriðja sæti í
200 m baksundi á heimsbikar-
móti 1986 í 25 metra laug og
sama sæti á Evrópumeistaramót-
inu í 50 metra laug árið 1987.
Afmælisbarnið segist ekki
hafa hugmynd um hvað hann fái í
afmælisgjöf. Hins vegar hafi
kona hans oft komið honum á
óvart með einhverju skemmtilegu
þannig að Eðvarð skýtur ekki loku
fyrir að fá eitthvað fallegt. En
hvað er efst á óskalistanum?
„Bara eitthvað fallegt, góða
bók og frið á jörð... nei, það eru
fegurðardísirnar sem segja það.
Jú, það er kannski bara ágætt.
Eftirminnilegasta afmælisgjöfin
var forláta lazy-boy stóll sem er
frábær. Mér finnst gott að halla
mér út af þar yfir góðu efni í
sjónvarpinu.“
Eðvarð segist njóta góðs af
skírninni að teknu tilliti til þess
að 36 ára afmæli sé ekki tilefni til
mikillar veislu. En nú er ljóst að
góða veislu gjöra skal. „Eftir-
minnilegasta afmælisveislan
hingað til er sennilega þegar ég
varð 30 ára. Þá var mér komið
verulega á óvart og voru það
samantekin ráð margra. Flug-
eldasýning sundkrakkanna og
alls konar húllumhæ. Aldrei orð-
ið eins hissa.“
Þó svo að Eðvarð hafi verið
upp á sitt besta fyrir um það bil
áratug keppir hann reglulega.
„Já, bæði hef ég gaman af og
einnig er það gert til að vömbin
fari ekki að leita of mikið út á
við. Þá verð ég að setja mér
markmið.“ Og þó ótrúlegt sé seg-
ir Eðvarð sundáhuga sinn vaxa
með árunum. ■
ÁFANGI
DÓMARI „Ég var kominn langleiðina
með að klára kandídatsgráðu í guð-
fræði en ákvað að venda kvæði
mínu í kross og láta BA-prófið
duga. Þá var ég á kafi í vinnu í út-
varpinu og sá fyrir mér að ég kynni
betur við mig fyrir framan hljóð-
nema en í prestshempu,“ segir
Sveinn H. Guðmarsson, sem starfar
á Rás 2 og er aukinheldur dómari í
hinni sívinsælu Gettu betur - spurn-
ingakeppni framhaldsskólanna.
Starf prests og útvarpsmanns
ætlar Sveinn ekki ólík ef vel er að
gáð. „Bæði störf bjóða upp á að
maður geti boðað ákveðinn sann-
leika. Já, ég stend í þeirri meiningu
að ég dragi taum sannleikans í út-
varpinu.“
Sveinn leggur á það áherslu að
hann sé Seltirningur. Hann er
reyndar búsettur í Vesturbænum,
býr þar með grísk-írskri sambýlis-
konu sinni, Katie Mylonas, sem
Sveinn kynntist þegar hann var bú-
settur á Grikklandi í tengslum við
Erasmus-stúdentaskiptiprógramm.
Þau eru barnlaus en eiga kött. For-
eldrar Sveins eru Guðmar Magnús-
son skrifstofumaður og Ragna
Bjarnadóttir, sem starfar á Land-
spítalanum. Hann er næstyngstur
fimm systkina.
Talsverð vinna fylgir því að
semja spurningar fyrir framhalds-
skólanema en Sveinn, sem verður
29 ára gamall á næstu dögum, sigr-
aði í Gettu betur með félögum sín-
um í MR fyrir um áratug og þekkir
því vel til.
Dægurmálaútvarpið á Rás tvö er
starfsvettvangur Sveins en þar
kann hann vel við sig. „Ef ég á að
nefna eitt áhugamál þá væri það
knattspyrna sem ég iðka með göml-
um Gettu betur félögum. Það er
mikill misskilningur að knattspyrna
og áhugi á spurningakeppnum fari
ekki saman. Íþróttin sem slík er
endalaus uppspretta spurninga og
svo er náttúrlega keppnin.“ ■
Sveinn H. Guðmarsson útvarpsmaður er
dómari í Gettu betur. Hann er áhuga-
maður um knattspyrnu, á kött og grísk-
írska sambýliskonu.
Persónan
Dregur taum sannleikans
BIKARNUM Í SUNDI FAGNAÐ:
Afmælisbarnið Eðvarð (lengst til hægri) keppir enn af og til.
„Þannig held ég vömbinni þannig að hún leiti ekki út.“
MEÐ SÚRMJÓLKINNI
SVEINN H. GUÐMARSSON:
Vildi frekar verða útvarpsmaður en prest-
ur. Vill þó meina að þetta séu svipuð störf
þegar vel er að gáð.
LÓÐRÉTT: 1 samsull, 2 einungis, 3 fæðing, 4 þiðna, 5 lækningagyðja,
6 prik, 7 óánægð, 8 tæpar, 11 framferði, 14 óhreinkar, 16 úrillan, 18 brúka,
20 heilögum, 21 ráfi, 23 vætunnar, 26 plógur, 28 loddara, 30 eggjárn,
31 truflun, 33 geislabaug.
LÁRÉTT:
1 uppköst,
4 bandhönkin,
9 ásjónu,
10 ískur,
12 púkar,
13 embættið,
15 framgjörn,
17 inn,
19 dveljast,
20 ofar,
22 heiðursmerki,
24 óvissu,
25 kjána,
27 eftirgefanlegt,
29 hundar,
32 andvari,
34 kvenmannsnafn,
35 kisunni,
36 tré,
37 daunill.
Lausn á síðustu krossgátu: Lárétt: 1 drós, 4 fölsku, 9 skilrúm, 10 geir, 12 enni,
13 afreks, 15 atti, 17 kökk, 19 auð, 20 bauks, 22 jarða, 24 rum, 25 tróð, 27 Ásta,
29 ilinni, 32 afls, 34 laun, 35 klinkur, 36 risana, 37 miði. Lóðrétt: 1 duga, 2 ósir, 3
skrekk, 4 flesk, 5 örn, 6 lúna, 7 smitar, 8 urriða, 11 eflaus, 14 köst, 16 tuðinu, 18 kjól,
20 bráður, 21 umtaks, 23 aðilum, 26 risna, 28 afla, 30 nari, 31 Ingi, 33 lin.
KROSSGÁTA
FRÉTTIR AF FÓLKI
Storkur.
Bill Gates.
Sævar Karl Ólason.
1.
2.
Veistu svarið?
Svör við spurningum á bls. 6
3.
Alþingi hefur haldið alla sínafundi í Alþingishúsinu við
Austurvöll frá árinu 1881 að frá-
töldum hátíðarfundum á Þing-
völlum. Árið 1867 samþykkti Al-
þingi ályktun um að minnast þús-
und ára Íslandsbyggðar með
þjóðhátíð árið 1874 og með því að
reisa í Reykjavík alþingishús úr
íslenskum steini. Framkvæmdir
hófust haustið 1879 þegar byrjað
var á grunni og að höggva grjót
til byggingarinnar.
Árið 1908 var Kringlan byggð
við Alþingishúsið. Hún er á
tveimur hæðum og undir þeim
kjallari þar sem komið var fyrir
miðstöð fyrir allt húsið.
Alþingishúsið hefur hýst ýmsa
aðra starfsemi. Háskóli Íslands
var stofnaður 1911 og hóf starf-
semi sína í húsinu og hafði að-
stöðu þar þangað til hann flutti í
eigið húsnæði 1940. Næsta vetur
fékk MR litla kennarastofu og
tvær kennslustofur á fyrstu hæð
fyrir gagnfræðadeild, en sumar-
ið 1941 tók Alþingi herbergin fyr-
ir þingflokka, en ríkisstjóri og
síðar forseti Íslands höfðu skrif-
stofur þar sem kennarastofa Há-
skólans og skrifstofa rektors
höfðu áður verið.
Þrátt fyrir vinsældir storksins í Húsdýra-
garðinum ætlar hann ekki í framboð fyrir
Framsóknarflokkinn í Reykjavík - norður.
Leiðrétting
Einu sinni var hafnfirskur vís-indamaður að gera eldflaug til
að senda til sólarinnar. Þegar ann-
ar vísindamaður gekk framhjá
sagði hann: „Þú getur ekki sent
þetta til sólarinnar, það brennur
til agna í hitanum.“
Hafnfirski vísindamaðurinn
var ekki lengi til svara. „Djöfull
geturðu verið vitlaus. Ég sendi
hana auðvitað um nóttu.“ ■
Írska flugfélagið Ryanair hefuropnað skrifstofu í Stokkhólmi í
Svíþjóð og ætlar þaðan að herja
á Norðurlandamarkaðinn. Einn
af hinum nýju áfangastöðum fé-
lagsins eru Árósar í Danmörku
og er haft eftir forstjóra flugfé-
lagsins að með tilkomu skrifstof-
unnar sé einokun SAS á flugi á
svæðinu afnumin. Ferðafrömuð-
urinn Helgi Jóhannsson hefur
staðhæft að Ryanair hafi áhuga á
Íslandsflugi og verður því vafa-
lítið stjórnað frá Stokkhólmi ef
af verður. Nú er bara að sjá
hvort forráðamenn félagsins líti
á Ísland sem eitt af Norðurlönd-
unum þegar markaðssóknin hefst
fyrir alvöru.
Fritz Jörgensson og Jakob Frí-mann Magnússon öttu kappi
um formennskuna í Samfylking-
arfélagi Reykja-
víkur þegar
Stefán Jóhann
Stefánsson gaf
ekki kost á sér
til endurkjörs.
Fyrir fram töldu
margir Jakob
Frímann líklegri
sigurvegara
enda þekktari en Fritz og til-
nefndur af uppstillingarnefnd
auk þess sem hann naut stuðn-
ings bæði Öss-
urar Skarphéð-
inssonar og Jó-
hönnu Sigurðar-
dóttur. Allt kom
þó fyrir ekki og
Fritz bar sigur
úr býtum í því
sem sumir hafa
viljað kalla
sigur óvænts bandalags eðal-
krata, kvennalistakvenna og
ungkrata.
Eðvarð Þór Eðvarðsson - afmælisbarn dagsins - er einn mesti
afreksmaður í sundi sem Íslendingar hafa eignast. Hann fagnar 36 ára
afmælisdegi sínum og auk þess verður sonur hans skírður í dag.
JARÐARFARIR
13.30 Valdimar Halldórsson verður
jarðsunginn frá Glerárkirkju á Ak-
ureyri.
15.00 Áslaug Skúladóttir, fyrrverandi
sendiráðsfulltrúi, Rekagranda 10,
Reykjavík, verður jarðsungin frá
Dómkirkjunni í Reykjavík.
ANDLÁT
Bogi Jón Jónsson andaðist í London
þriðjudaginn 14. janúar. Jarðsett var í
Grikklandi.
Elín Þórðardóttir, Sæviðarsundi 35,
Reykjavík, lést 26. janúar.
Kristján Einarsson, Þórufelli 12, Reykja-
vík, lést 26. janúar.
Guðmundur Kristjánsson, fisksali, frá
Bræðramynni, Bíldudal, lést 25. janúar.
TÍMAMÓT