Fréttablaðið - 06.08.2003, Qupperneq 12

12 6. ágúst 2003 MIÐVIKUDAGUR
Á FLEYGIFERÐ
Austurríski ofurhuginn Felix Baumgartner
sést hér svífa um á sérsmíðuðum vængj-
um. Hann flaug frá Dover í Englandi yfir til
Calais í Frakklandi, alls 33 kílómetra leið.
Flug
hvað?hvar?hvenær?
3 4 5 6 7 8 9
ÁGÚST
Miðvikudagur
Landsliðshópurinn gegn Færeyingum:
Veigar Páll valinn
FÓTBOLTI Ásgeir Sigurvinsson og
Logi Ólafsson, landsliðsþjálfarar í
knattspyrnu, hafa tilkynnt hópinn
sem mætir Færeyingum í Þórs-
höfn 20. ágúst næstkomandi. Þrjár
breytingar eru á hópnum frá liðinu
sem mætti í Litháen í júní. Heiðar
Helguson, Ólafur Örn Bjarnason
og Veigar Páll Gunnarsson koma
inn í hópinn í stað Guðna Bergs-
sonar, Gylfa Einarssonar og
Tryggva Guðmundssonar.
„Veigar Páll hefur verið að
banka á dyrnar og frammistaða
hans í sumar hefur verið góð svo
að við ákváðum að gefa honum
tækifæri,“ sagði Ásgeir, en Veigar
Páll kemur inn í stað Tryggva sem
er meiddur.
Ólafur Örn Bjarnason kemur í
stað Guðna Bergssonar, sem lagði
sem kunnugt er skóna á hilluna í
vor. „Það er ekki búið að taka
ákvörðun um það hver kemur til
með að leika þessa stöðu en Ólafur
kemur vissulega til greina,“ segir
Ásgeir. Aðspurður segir landsliðs-
þjálfarinn að Kristján Örn Sig-
urðsson, úr KR, sé einnig farinn að
banka á landsliðsdyrnar. ■
Útilokar ekki frekari
leikmannakaup
Roman Abramovich kom eins og þruma úr heiðskíru lofti inn í ensku
úrvalsdeildina þegar hann keypti Chelsea. Hann hefur boðið himinháar
upphæðir í leikmenn. Hann veitti loks fjölmiðlum viðtal um helgina.
FÓTBOLTI Roman Abramovich er 36
ára rússneskur viðskiptajöfur.
Hann missti báða foreldra sína
þegar hann var fjögurra ára og
var ættleiddur af frænda sínum.
Hann hætti snemma í skóla en
komst yfir sínar fyrstu milljónir
með olíuviðskiptum. Hann lauk
lagaprófi á innan við ári frá há-
skóla í Moskvu árið 2000.
Hann er einn af stærstu hlut-
höfum rússneska olíufyrirtækis-
ins Sibneft, sem við sameiningu
við Yukos olíufyrirtækið varð
fjórða stærsta olíufyrirtæki
heims. Abramovich er í 49. sæti
yfir ríkustu menn heims á lista
tímaritsins Forbes.
Þegar Boris Jeltsín tók við
stjórnartaumunum í Rússlandi
tók við svokallað gullæði, þegar
ríkisfyrirtæki voru seld fyrrum
háttsettum meðlimum úr komm-
únistaflokknum. Abramovich var
ungur þegar salan átti sér stað og
hefði ekki komist yfir sinn hlut
nema fyrir tilstilli Boris Berzov-
sky. Berzovsky þessi var einn
þeirra sem kom vel undan gullæð-
inu og tók Abramovich undir sinn
verndarvæng. Hann féll hins veg-
ar í ónáð hjá Vladimir Putin, nú-
verandi forseta, og flúði land.
Berzovsky er nú búsettur í
London en Abramovich keypti
upp allan hlut hans í Sibneft og í
sjónvarpsstöðinni ORT.
Abramovich var undrandi á
allri þeirri athygli sem hann fékk
við kaupin á Chelsea en hingað til
hefur hann forðast fjölmiðla eins
og heitan eldinn. Hann hefur alla
tíð haft mikinn áhuga á knatt-
spyrnu. Hann hefur átt þó nokkur
lið í Rússlandi en hafði um skeið
haft augastað á Chelsea, lið í
háum gæðaflokki sem jafnframt
ætti möguleika á að ná enn lengra.
„Þjóðernissinnar í Rússlandi
hafa gagnrýnt mig fyrir að nota
ekki peningana til að byggja upp
lið í heimalandinu. Málið er hins
vegar að við búum ekki í frjálsu
landi,“ sagði Abramovich meðal
annars í viðtali við BBC- því
fyrsta sem hann veitir eftir að
hann keypti Chelsea. „Við erum
ekki vön því að fá að eyða pening-
um á þann hátt sem við viljum.“
Abramovich hefur þegar
keypt fjóra leikmenn til Chelsea
en er fjarri því hættur. „Ef mér
finnst ég þurfa á fleiri leikmönn-
um að halda mun ég einfaldlega
taka upp veskið,“ sagði
Abramovich. „Ég veit ekki hvað
ég ætla að eyða miklu en ég býst
við að það fari eftir árangri liðs-
ins og hversu ákveðnir við erum
að vinna titla.“
kristjan@frettabladid.is

16.20 RÚV
Einvígið á Nesinu. Þáttur um árlegt
ágóðamót í golfi sem fram fór á Nes-
velli. Flestir fremstu kylfingar landsins
voru á meðal keppenda.

18.30 Sýn
Western World Soccer Show. Heimsfót-
bolti West World.

19.00 Stjörnuvöllur
Stjarnan keppir við Þrótt/Hauka í 10.
umferð Landsbankadeildar kvenna.
ROMAN ABRAMOVICH
Árið 1999 var hann kjörinn á þing, í Dúmuna, rússnesku neðri deildina. Hann er jafnframt
ríkisstjóri í Chukotka, í norð-austur hluta Rússlands.
VEIGAR PÁLL
kemur inn í landsliðshópinn á ný.
Hann hefur leikið þrjá landsleiki.
LANDSLIÐSHÓPURINN:
Markverðir:
Birkir Kristinsson ÍBV
Árni Gautur Arason Rosenborg
Aðrir leikmenn:
Rúnar Kristinsson Lokeren
Arnar Grétarsson Lokeren
Hermann Hreiðarsson Charlton
Helgi Sigurðsson Lyn
Þórður Guðjónsson Bochum
Lárus Orri Sigurðsson West Br. Albion
Brynjar B. Gunnarsson Nott.ham Forrest
Arnar Þór Viðarsson Sporting Lokeren
Eiður Smári Guðjohnsen Chelsea
Heiðar Helguson Watford
Jóhannes Karl Guðjónsson Real Betis
Marel Baldvinsson Lokeren
Ívar Ingimarsson Wolverh. Wanderers
Ólafur Örn Bjarnason Grindavík
Indriði Sigurðsson Lilleström
Veigar Páll Gunnarsson KR