Fréttablaðið - 14.09.2003, Blaðsíða 21
21SUNNUDAGUR 14. september 2003
„Umkvartanir mínar voru í
nokkrum liðum, meðal annars fann
ég að því að kærunefnd jafnréttis-
mála legði sjálfstætt mat á listræn
stefnumið, hvernig hún væri þess
umkomin? Þá var ýmislegt málum
blandið varðandi starfsreynslu
Hrafnhildar sem hafði eitt og hálft
ár á móti mínum ellefu. Til dæmis
voru verkefni sem hún tók að sér
eftir að ráðning fór fram reiknuð
henni til tekna fyrir dómi. Þetta er í
biðstöðu og ég er nú einu sinni þan-
nig upp alinn að maður trúir því að
sannleikurinn komi fram um síðir,“
segir Þorsteinn en vísar á núver-
andi formann leikhúsráðs, Sigmund
Erni Rúnarsson, í tengslum við
spurningar um fjárhagsstöðu leik-
félagsins. Ákveðið hafi verið að
Þorsteinn fái svigrúm til að einbeita
sér að listrænu hliðinni.
Haft hefur verið eftir Sigmundi
Erni að fjárhagsleg óreiða hafi ver-
ið á fjármálum LA. Meðan það mál
er óútskýrt er erfitt að ganga frá
þríliðasamningi LA, ríkis og bæjar
sem tryggir rekstur leikársins.
Pólitískur vilji
„Augljóslega er pólitískur vilji
bæði hjá bæ og ríki að halda úti
atvinnuleikhúsi á Akureyri. Enda
hefur þetta 30 ára fyrirbæri fyrir
margt löngu sannað sig,“ segir
Sigmundur Ernir en með honum í
ráðinu eru Karl Frímannsson og
Sigrún Björk Jakobsdóttir. Sam-
ingurinn er á góðu róli og verið að
vinna í honum á góðum dampi
þessar vikurnar. „Allt stefnir í að
þessi samningur verði í höfn inn-
an tíðar, jafnvel fyrir áramót – og
reksturinn tryggður þar með, og
starfsöryggi og starfsfriður.“
Sigmundur segir reksturinn
ekki hafa verið á því róli sem
helsta styrkveitandanum – Akur-
eyrarbæ – hafi líkað. „Við skoðun
á reikningshaldi leikhússins á síð-
ustu árum hefur komið í ljós að
margt hefur þar mátt betur fara
eins og eflaust víðar í rekstri fyr-
irtækja og félaga. Hugsanlega
hefur skort yfirsýn yfir útgjöld og
tekjur. Þar af leiðandi hafa menn
ekki vitað hvað þeir áttu inni og
máttu eyða. Þetta hefur verið tek-
ið til gagngerrar endurskoðunar.
Allur rekstur félagsins á hér eftir
að vera innan ramma fjárhags-
heimilda og það kostar fórnir.“
Þjóðleikhús – að vera eða
ekki vera...
Stefán Baldursson þjóðleikhús-
stjóri kynnti nýverið verkefni ný-
hafins leikárs. Hann vék hins veg-
ar ekki orði að því sem margir þeir
sem fylgjast með leikhúsmálum
velta nú fyrir sér: Hver verður arf-
taki hans?
„Ráðningarsamingur minn gild-
ir til 1. janúar 2005 þannig að ég á
eftir eitt og hálft ár – þá er ég líka
farinn,“ segir Stefán. Hann ætlaði
sér aldrei að vera eins lengi og
raun varð á. Hann tók formlega við
haustið 1991 en var byrjaður í upp-
hafi þess árs í aðlögun.
Þegar hann tók við starfi var
lögboðið að Þjóðleikhússtjóri sæti
ekki lengur en í fjögur ár og mætti
ráða sitjandi leikhússtjóra til fjög-
urra ára til viðbótar. Björn Bjarna-
son, þáverandi menntamálaráð-
herra, breytti hins vegar lögunum
þegar leið að starfslokum Stefáns.
Var talið best fara á því að Stefán
fylgdi Þjóðleikhúsinu í gegnum
hálfrar aldar afmælisár leikhúss-
ins árið 2000 enda lá fyrir undir-
skriftalisti starfsfólks þar að lút-
andi.
„Leiklistarlögum og lögum um
Þjóðleikhús var breytt, tekinn af
þessi tímakvóti og mönnum frjálst
að sækja um ótakmarkað. Jafn-
framt var ráðningartíminn lengdur
um fimm ár en jafnframt tekið
fram að alltaf þurfi að auglýsa
starfið.“
Óútreiknanlegur rekstur
Þó að Þjóðleikhúsið njóti öfl-
ugri styrkja en hin stofnanaleik-
húsin tvö eru þar fjárhagsörðug-
leikar. „Það er svo rosalega dýrt
að reka leikhús eins og mönnum
er ljóst, hvort heldur er á Íslandi
eða annars staðar. Listgreinin
kallar á svo marga alla jafna.“
Stefán segir að hérlendis sé boðið
upp á það albesta á sviðinu. Hann
segir fjárveitingar hafa verið
þokkalega góðar en það gangi upp
og ofan eftir árum að láta enda ná
saman. „Við erum með smá
skuldahala sem við erum að reyna
að saxa á. En ég þekki ekki það
leikhús sem ekki á í einhverjum
fjárhagsörðuleikum. Þetta er svo
óútreiknanlegur rekstur. Stund-
um er verið að taka til sýninga
leikrit sem hefur allt í að geta
gert sig, jafnvel ódýrt í fram-
leiðslu, og svo tekst það ekki. Á
sama tíma getur eitthvað annað
verk – óvænt – gengið og gengið.“
Annað risaverkefni sem steðjar
að þjóðleikhússtjóra er endurbygg-
ing hússins, sem Stefán segir kapít-
ula út af fyrir sig. „Húsið er orðið
svo gamalt. Það var gert stórt og
mikið átak árið 1990 til 1991. Salur-
inn var endurgerður en þær fram-
kvæmdir stöðvuðust í sviðsopinu.
Næsti áfangi er að taka bakhúsið,
sviðið, aðstöðu leikara og fleira –
en einkum er aðkallandi að taka í
gegn ytra byrði hússins, sem er
afar illa farið.“
Stefán segir stjórnvöld ekki
hafa sett neinn verulegan pening í
viðhald, nema í neyðartilvikum.
En menntamálaráðuneytið hafi
gefið loforð um að þegar Þjóð-
minjasafnið opni næsta vor sé
Þjóðleikhúsið næst í röðinni.
jakob@frettabladid.is
skemmtileg birta
fyrir alla
93.000 eintök
frítt me› Fréttabla›inu á föstudögum
sjónvarpsdagskráin
vi›töl
greinar
ver›launagátur
pistlar
sta›reyndir og sta›leysur
frítt á föstudögum
BORGARLEIKHÚSIÐ
Hefur á undanförnum árum átt við gríðarlega fjárhagserfiðleika að stríða. Samningur Guð-
jóns Pedersen er laus en flestir gera ráð fyrir að LR muni framlengja saminginn við hann.
GUÐJÓN PEDERSEN
Kveðst bjartsýnn þrátt fyrir fjárhagsörðugleika
Borgarleikhússins. „Svo verður það bara að
koma í ljós hvort sú bjartsýni er byggð á
bjargi eður ei.“ Staða hans verður líklega
auglýst laus til umsóknar í lok mánaðar.
GAMLA SAMKOMUHÚSIÐ
Nú er verið að endurbyggja það en þarna
hefur vígi LA verið um áratugaskeið. Sig-
mundur Ernir Rúnarsson, formaður leik-
húsráðs, segir nú unnið hörðum höndum
við að greiða úr fjárhagsóreiðu sem þar
hefur verið – svo helsti umbjóðandi félags-
ins, Akureyrarbær, geti við unað.
ÞORSTEINN BACHMANN
Ekki bara hefur bág fjárhagsstaða orðið til
að gera honum lífið leitt, heldur var ráðn-
ing hans kærð á sínum tíma. Héraðsdóm-
ur dæmdi kæranda í hag en málinu hefur
verið áfrýjað. Leiðinlegt mál, segir Þor-
steinn, sem vann sér það eitt til saka að
sækja um.
Þetta er eins og að
byrja að spila en hafa
ekki 52 spil í bunkanum.
,,
Stórkostleg borg í hjarta Evrópu, sem
Íslendingum býðst nú að kynnast í beinu
flugi frá Íslandi. Budapest er nú orðinn
einn aðal áfangastaður Íslendinga, enda
hefur hún að bjóða einstakt mannlíf,
menningu og skemmtun.
Hér getur þú valið um góð 3 og 4 stjörnu
hótel í hjarta Budapest og spennandi
kynnisferðir með fararstjórum Heimsferða.
Búdapest
helgarferð
2.okt. frá kr.
29.950.
Verð kr. 29.950.-
Flugsæti til Budapest, 2.okt.,
með sköttum.
Verð kr. 39.950.-
Helgarferð, 2.október,
Tulip-Inn með morgunmat,
m.v. 2 í herbergi,4 nætur.
Flug,gisting, skattar.
Staðgreiðsluverð
Skógarhlíð 18, sími 595 1000 www.heimsferdir.is
Fimmtudaga og mánudaga
í október, 3,4 eða 7 nætur
26. Sep Uppselt
02. Okt 29 sæti
06. Okt 11 sæti
09. Okt Laust
13. Okt Uppselt
16. Okt Uppselt.
20. Okt Laust
23. Okt 19 sæti
27. Okt Laust
30. Okt 39 sæti
Síðustu sætin
d
Munið Mastercard
ferðaávísunina
Foreldrar
Verjum tíma með börnunum okkar
Hver stund er dýrmæt