Fréttablaðið - 19.09.2003, Blaðsíða 2

2 19. september 2003 FÖSTUDAGUR
“Já, hún var týndi hlekkurinn
í lífi mínu.“
Bókin um Hljóma var að koma í leitirnar eftir 34
ár. Gunnar Þórðarson er í Hljómum.
Spurningdagsins
Gunnar, varstu farinn að sakna
hennar?
■ Innlent
Erfitt að vera for-
maður utan þings
Ingibjörg Sólrún segir að það hefði hugsanlega breytt afstöðu sinni til
formannskjörs ef hún hefði náð kjöri inn á þing. Á fundi í gær sagðist
hún ekki fullkomlega sátt við höfuðstöðvar OR á Bæjarhálsi.
STJÓRNMÁL Á fundi með stjórn-
málafræðinemum í Háskóla Ís-
lands í gær sagði Ingibjörg Sólrún
Gísladóttir að hugsanlega hefði
það haft áhrif á ákvörðun sína um
framboð til formannsembættis
Samfylkingarinnar ef hún hefði
náð kjöri á þing. Hún sagði að það
gæti verið vandkvæðum háð að
vera utan þings því flokksformað-
ur hefði þá ekki nægilega beinan
aðgang að flokksmönnum og
framgangi mála á Alþingi. Þó
sagði hún að þær breytingar hafi
orðið í stjórnmálaumhverfinu á
undanförnum árum að stjórn-
málaumræðan færi nú ekki aðeins
fram á Alþingi sjálfu heldur væru
til staðar fleiri vettvangar þar
sem stjórnmálamenn gætu komið
hugmyndum sínum og skoðunum
á framfæri.
Ingibjörg var m.a. spurð um
það hvernig hún sæi hlutverk sitt
í pólitík fyrir sér á næstu misser-
um. Hún ræddi þá sérstaklega um
svokallaða framtíðarnefnd Sam-
fylkingarinnar sem hún veitir for-
ystu. Ingibjörg segir að hugmynd-
in sé sú að framtíðarnefndin sé
eins konar þankatankur (e. think
tank) fyrir Samfylkinguna. Slíkar
stofnanir og fyrirtæki eru algeng-
ar kjölfestur í stjórnmálastarfi
t.d. í Bandaríkjunum og Bretlandi
en lítil hefð er fyrir þeim hér.
Ingibjörg segir að nám hennar
í Lundúnum eftir næstu áramót
muni ekki hafa veruleg áhrif á
störf sín að íslenskum stjórnmál-
um og tiltók að samskipti við Ís-
land væru auðveld og það væri í
raun ekkert flóknara að taka þátt
í stjórnmálaumræðunni þótt við-
komandi væri staðsettur í London
en ef hann væri t.d. staðsettur á
Akureyri.
Umræður á fundinum voru líf-
legar en þetta er fyrsti fundur í
fundaröð sem Politica, félag
stjórnmálafræðinema við Há-
skóla Íslands, heldur í ár. Fund-
irnir, sem bera yfirskriftina For-
um Politica, voru fyrst haldnir í
fyrra og voru vel sóttir. Á fundun-
um eru ekki haldin framsöguer-
indi heldur fær gesturinn spurn-
ingar úr sal og svarar þeim.
Nokkuð hvöss umræða skapað-
ist á fundinum um málefni Orku-
veitu Reykjavíkur. Ingibjörg Sól-
rún sagði fundarmönnum að hún
væri ánægð með þróun OR en tók
undir að klaufalega hefði verið
staðið að gjaldskrárhækkun fyrr í
sumar. Þá sagðist hún ekki hafa
verið mjög hrifin af byggingu
nýrra höfuðstöðva OR á Bæjar-
hálsi og sagðist hún frekar hafa
kosið að byggingin væri reist nær
miðbænum, t.d. í Vatnsmýrinni,
úr því farið var út í framkvæmd-
ina.
thkjart@frettabladid.is
STOKKHÓLMUR, AP Sænsk lögregla
hefur fengið í hendur niðurstöður
DNA-prófs sem gæti varpað ljósi
á það hvort 35 ára karlmaður, sem
er í haldi lögreglu, er sekur um
morðið á Önnu Lindh utanríkis-
ráðherra. Lögreglan kvaðst í gær
ekki vilja upplýsa um niðurstöðu
DNA-prófsins að svo stöddu.
Líkamsvefir voru teknir af
morðvopninu og derhúfu sem
fundust á morðstaðnum.
Lögmaður hins grunaða tjáði
fjölmiðlum í gær að maðurinn
hefði neitað því að eiga hlut í
dauða Lindh. Lögmaðurinn gagn-
rýndi einnig sænska fjölmiðla
fyrir að gefa í skyn að skjólstæð-
ingur hans væri hinn seki. Lög-
regla í Svíþjóð hefur einnig
kvartað undan því að eftir að
myndir af hinum handtekna
birtust í fjölmiðlum hafi almenn-
ingur svo gott sem hætt að hafa
samband við lögreglu með vís-
bendingar.
Minningarathöfn um Önnu
Lindh verður haldin í Stokkhólmi í
dag. Halldór Ásgrímsson utanrík-
isráðherra, Siv Friðleifsdóttir,
umhverfisráðherra og ráðherra
norræns samstarfs, og Svavar
Gestsson sendiherra verða við-
stödd athöfnina. ■
FAHD KONUNGUR
Breskri fjölmiðlar greindu frá því í gær að
yfirvöld í Sádi-Arabíu séu að undirbúa
kjarnorkuvopnaáætlun.
Yfirvöld í Sádi-Arabíu:
Vilja eiga
kjarnorku-
vopn
KJARNORKUVOPN Breska dagblaðið
The Guardian greinir frá því að
yfirvöld í Sádi-Arabíu íhugi að
koma á fót áætlun til þess að eign-
ast kjarnorkuvopn. Að sögn heim-
ildarmanna er lagt til í minnis-
blaði að Sádi-Arabar reyni að þróa
kjarnorkuvopn, gera hernaðar-
bandalag við kjarnorkuveldi eða
stuðla að samkomulagi um að
Mið-Austurlönd verði kjarnorku-
vopnalaust svæði.
Blaðið hefur eftir heimildar-
mönnum að þessi stefnubreyting
komi til m.a. vegna versnandi
sambands Sádi-Arabíu og Banda-
ríkjanna á síðustu árum. ■
Time Warner Inc.:
Losar sig
við AOL
BANDARÍKIN, AP Stjórn fjölmiðla-
samsteypunnar AOL Time Warn-
er Inc. hefur viðurkennt mistökin
sem gerð voru árið 2000 þegar
Time Warner og AOL voru sam-
einuð.
Stjórnin hefur ákveðið að AOL
verði tekið út úr nafni fyrirtæk-
isins og mun það nú bara heita
Time Warner Inc. Með samrun-
anum á sínum tíma átti AOL að
blása nýju lífi í Time Warner og
boðuðu stjórnendur fyrirtækis-
ins fjölmiðlabyltingu. Það gekk
ekki eftir.
„AOL er mjög ljótt skott á ann-
ars fallegum hundi,“ sagði Larry
Haverty, fjölmiðlasérfræðingur
hjá State Street Research í
Boston. ■
ANNA LINDH
Minningarathöfn verður í Stokkhólmi í dag.
Lögregla hefur fengið niðurstöðu DNA-prófs:
Hinn handtekni
heldur fram sakleysi
Dalai Lama:
Ofbeldi
getur verið
nauðsynlegt
ERLENT Friðarverðlaunahafinn
Dalai Lama segir að hugsanlega
þurfi að beita ofbeldi til þess að
vinna sigur á hryðjuverkamönnum
í heiminum, en Dalai Lama hefur
ætíð verið málsvari þess að menn
og þjóðir leysi úr ágreiningi á frið-
samlegan hátt. Hann segist ekki
geta kveðið upp úr með það hvort
innrás Bandaríkjanna og Bretlands
í Írak hafi verið mistök.
Dalai Lama, sem var útlægur
ger úr Tíbet fyrir 44 árum, er í
fyrirlestraferð í Bandaríkjunum. ■
Efnahagsmálaráðherra
Lettlands:
Hótar afsögn
EVRÓPA Efnahagsmálaráðherra
Lettlands, Juris Lujans, segist
munu segja af sér ráðherradómi
ef Lettar hafna aðild að Evrópu-
sambandinu í atkvæðagreiðslu 20.
september. Lujans segir að inn-
ganga í Evrópusambandið sé for-
senda stöðugleika í viðskiptaum-
hverfi Lettlands og að þátttaka í
Evrópusamrunanum kæmi til
með að hafa jákvæð áhrif á hag-
þróun í landinu.
Um 80% af utanríkisverslun
Letta er við þjóðir Evrópusam-
bandsins. ■
GÆSLUVARÐHALD VEGNA
SMYGLS Fimm menn voru í gær
úrskurðaðir í tveggja vikna
gæsluvarðhald í Héraðsdómi
Reykjavíkur fyrir fíkniefna-
smygl. Lögreglan hefur lagt
hald á nokkuð af fíkniefnum, en
vill að svo stöddu ekki gefa nán-
ari upplýsingar um hvaða efni
sé um að ræða eða hversu mik-
ið. Lögreglan verst frekari
fregna af málinu. Ríkisútvarpið
greindi frá.
DÓMARI VANHÆFUR Hæstirétt-
ur Íslands úrskurðaði í gær að
Freyr Ófeigsson, dómari við
Héraðsdóm Norðurlands eystra,
hefði verið vanhæfur til að
dæma í jafnréttismáli Guðrúnar
Sigurðardóttur gegn Akureyrar-
bæ. Freyr dæmdi Guðrúnu í
hag, en þar sem dóttir héraðs-
dómarans og sonur vitnis í mál-
inu eru í hjúskap var hann
dæmdur vanhæfur. Dómurinn
var því ómerktur og vísað aftur
heim í hérað. Ríkisútvarpið
greindi frá.
Á FUNDI MEÐ STÚDENTUM
Ingibjörg Sólrún Gísladóttir ásamt Erlu Ósk Ásgeirsdóttur, formanni Politicu.
VEÐUR Íbúar víða á Norðurlandi
þurftu að fara í vetrarklæðnaðinn
í gærmorgun, því nokkurra sentí-
metra jafnfallinn snjór hafði fall-
ið á jörð um nóttina.
„Það er enn grátt úti,“ sagði
lögreglan á Akureyri þegar
Fréttablaðið hafði samband við
hana í gærkvöldi. „Einhver minni-
háttar óhöpp urðu í dag. Tveir bíl-
ar lentu á ljósastaurum í hálkunni
í morgun, en annars fóru flestir
ökumenn varlega. Núnar eru göt-
urnar aftur á móti alveg auðar,
enginn snjór á þeim þó hann sé
annars staðar.“
Lögreglan segir að vísast hafi
hýrnað brúnin yfir vélsleðamönn-
um þegar þeir vöknuðu í gær-
morgun, þó öðrum fyndist kann-
ski fullsnemmt að veturinn væri
kominn um miðjan september.
„Börnin eru líka mjög sæl með
snjóinn, þau léku sér í allan dag,“
sagði lögreglan.
Á Egilsstöðum var jörð einnig
hvít þegar íbúar vöknuðu í morg-
un, sem og á Sauðárkróki. Sam-
kvæmt Vegagerðinni var hálka á
vegum víða á Norður- og Austur-
landi. ■
AKUREYRI
Börnin léku sér í snjónum á Akureyri í gær.
Norður- og Austurland:
Fyrsti snjórinn fallinn
M
YN
D
/Þ
Ó
R