Fréttablaðið - 19.09.2003, Blaðsíða 39
Óhætt er að segja að allt hafi alltverið á öðrum endanum í Vest-
urbyggð að undanförnu. Fráfar-
andi forseti bæjarstjórnar, Jón B.
G. Jónsson, krafðist þess á dögun-
um að spjallvefnum skjald-
borg.com yrði lokað hið snarasta.
Jón B. G. mun hafa verið ósáttur
við þau skrif sem áttu sér stað um
meirihlutann í Vesturbyggð. Hann
skrifaði sjálfur á skjaldborg.com,
sem Jónas Þór yfirlögregluþjónn
er skráður fyrir, og lagði til að lok-
ið yrði sett á ruslatunnuna. Jón er
reyndar á förum frá Patreksfirði
þar sem hann tekur við sem yfir-
læknir heilsugæslunnar í Keflavík.
Úr villta vestrinu heyrist að
ástandið í Vesturbyggð muni róast
þegar yfirlæknirinn hverfur af
vettvangi.
Mikill styr hefur lengi staðiðum hundabúið á Dalsmynni á
Kjalarnesi. Meðal annars hafa
spjallþræðir á Netinu verið undir-
lagðir af umræðu um búið. Tvær
ungar konur úr Mosfellsbænum
voru orðnar þreyttar á endalausum
staðhæfingum um hvað þar væri
að gerast. Þær tóku sig því til og
könnuðu sjálfar málið og gengu í
stofnanir og ráð þar sem þær
fengu skýrslur sem fjölluðum um
búið. Niðurstöðurnar voru sannar-
lega ekki búinu í hag og gengu þær
á fund Sivjar Friðleifsdóttur um-
hverfisráðherra, kynntu niðurstöð-
ur sínar og óskuðu eftir að eitt-
hvað yrði gert til að koma í veg
fyrir áframhaldandi hvolpafram-
leiðslu.
Allt stefnir í veislu ársins þegarJón Axel Ólafsson, fyrrum út-
varpsstjóri Norðurljósa, heldur
upp á fertugsafmælið sitt um aðra
helgi. Veislan verður haldin á Hót-
el Íslandi og hefur Jón Axel boðið
flestum af sam-
starfsmönnum
sínum á umliðn-
um árum en
hann hefur sem
kunnugt er kom-
ið við sögu á nær
öllum þeim ljós-
vakamiðlum sem
starfræktir hafa
verið hér á landi
og með sanni verið nefndur faðir
frjálsa útvarpsins á Íslandi. Eftir
að Jón Axel lét af störfum hjá
Norðurljósum hefur hann einbeitt
sér að viðskiptanámi sínu í Háskól-
anum í Reykjavík. Þegar því lýkur
má búast við að hann snúi sér aft-
ur að fjölmiðlun og þyrfti ekki að
koma á óvart að hann ætti eftir að
leggja hönd á plóg við endurreisn
frjálsra útvarpsstöðva hér á landi
– en þar er verk að vinna.
Þýskur umboðsmaður Stuð-manna, Claudia Koestler, lenti í
afar sérstæðu slysi þegar hún var á
leið til Danmerkur frá Þýskalandi.
Hún fór þangað til að hjálpa við tón-
leika sveitarinnar og upptökur á
myndinni Í takt við tímann.
Claudia, sem verið hefur umboðs-
maður þeirra í Evrópu um árabil,
tók næturlestina frá München til
Kaupmannahafnar og fékk úthlutað
efri koju í tveggja manna klefa.
Áttræð kona átti að vera í neðri koj-
unni. „Hún bað mig að skipta við
sig um koju þar sem henni myndi
annars líða eins og í líkkistu,“ segir
Claudia, sem gaf eftir efri kojuna.
„Ég átti mér einskis ills von þeg-
ar ég lagðist til svefns. Ég var
þreytt og sofnaði von bráðar við
taktfast hljóðið í lestinni.“
Hún segist hafa sofið draum-
laust þar til skyndilega dró til tíð-
inda í hraðlestinni frá München.
„Ég hrökk upp með andfælum
við skruðninga og neyðaróp og fann
nístandi sársauka í hægri fætinum.
Í svefnrofunum áttaði ég mig á því
að efri kojan hafði gefið sig undan
þunga konunnar og hún lenti ofan á
mér. Ég var föst í brakinu og reyndi
að losa mig en þá veinaði gamla
konan í sífellu að ég mætti ekki
meiða sig. Lestarvörður kom aðvíf-
andi til að bjarga konunni frá mér
með því að drösla mér úr kojunni.
Það kostaði mig marin rifbein. Mér
tókst að útskýra hvað var að gerast
og lestarvörðurinn losaði mig var-
færnislega úr brakinu,“ segir
Claudia, sem varð ekki svefnsamt
það sem eftir lifði ferðar vegna
sársauka í fætinum.
Í Kaupmannahöfn ákvað hún að
leita til læknis. Röntgenmynd sýndi
að bein í hægri kálfa var brotið og
vöðvi hafði rifnað að auki. Claudia
lét þetta þó ekki á sig fá og haltraði
til starfa sinna í þágu sveitarinnar,
sem sló gjörsamlega í gegn í Dana-
veldi þar sem þúsundir Íslendinga
komu til að hlýða á söng og hljóð-
færaslátt. „Stuðmenn vissu ekki
hvernig var komið fyrir mér en
mér fannst ég vera skuldbundin
þeim og íslensku víkingunum sem
komu í Tívolí. Ég hlóð því í mig
verkalyfjum til að komast í gegnum
helgina,“ segir hún.
Claudia, sem starfar sem rithöf-
undur og blaðamaður, er nú komin
aftur heim til Þýskalands þar sem
hún bíður þess að bein grói og hún
nái aftur fyrra líkamlegu atgervi.
Sjálf segist Claudia ætla að halda
áfram að ferðast með járnbrautar-
lestum en hún segist hér eftir munu
standa fast á sínu hvað varðar efri
kojur í næturlestum. ■
Stuðmenn
CLAUDIA KOESTLER
■ umboðsmaður Stuðmanna var sofandi
í hraðlest á leið til Kaupmannahafnar til
að vinna fyrir hljómsveitina þegar ógæf-
an dundi yfir.
Fréttiraf fólki
Fótbrotnaði í fastasvefni
39FÖSTUDAGUR 19. september 2003
■ Leiðrétting
Vegna 14 prósenta hækkunar á fasteignaverði
skal tekið fram að verð á fellihýsum er
óbreytt.
■ Veistu svarið?
Svör við spurningum á bls. 6
1.
2.
3.
Jaap de Hoop Scheffer,
utanríkisráðherra Hollands.
New York Times.
ÍA og KA.
CLAUDIA KOESTLER
Lenti í þeirri ógæfu að fótbrotna steinsofandi í næturlestinni á milli Kaupmannahafnar
og München. Hér er hún ásamt Agli Ólafssyni, söngvara Stuðmanna, við hlið Tívolís dag-
inn eftir hina örlagaríku för með næturlestinni.