Fréttablaðið - 17.10.2003, Blaðsíða 6

6 17. október 2003 FÖSTUDAGUR
■ Lögreglufréttir
Veistusvarið?
1Hvað heitir landsstjóri Kanada semvar í opinberri heimsókn hérlendis?
2Hvaða ríki hefur tvisvar beitt neitun-arvaldi í Öryggisráði SÞ á síðustu
tveimur vikum?
3Hvaða stórlið í handbolta hefur lýstáhuga á að fá Ásgeir Örn
Hallgrímsson til liðs við sig?
Svörin eru á bls. 46
Þrítugur síbrotamaður dæmdur í sex mánaða fangelsi:
Framdi auðgunar-
og fíkniefnabrot
DÓMUR Rúmlega þrítugur síbrota-
maður var dæmdur í sex mánaða
fangelsi fyrir fjölda þjófnaða, til-
raun til þjófnaðar og fíkniefnabrot
í Héraðsdómi Reykjavíkur í gær.
Maðurinn var dæmdur fyrir
sextán brot. Þar af eru tólf brot-
anna fyrir innbrot og þjófnað og er
verðmæti þýfisins samtals yfir
tvær milljónir. Þá var hann dæmd-
ur fyrir tvö fíkniefnabrot, eina til-
raunar til þjófnaðar og fyrir að
stela bíl.
Í dómnum segir að maðurinn
hafi nær samfelldan sakaferil frá
1987. Fyrir 18 ára aldur hafði hon-
um sex sinnum verið gerð refsing
og hann dæmdur til óskilorðsbund-
innar fangelsisrefsingar í samtals
tvö ár og ellefu mánuði. Eftir það
hefur hann hlotið 15 refsidóma og
tvisvar gengist undir sátt. Í maí sl.
var hann dæmdur í 14 mánaða fang-
elsi vegna ýmissa brota. Hann hlaut
dóm í Hæstarétti árið 1998, þar sem
héraðsdómur fyrir nytjastuld,
þjófnað, tilraun til þjófnaðar og um-
ferðarlagabrot var þyngdur úr
tveggja ára fangelsi í þriggja ára
fangelsi. Hann fékk reynslulausn í
apríl 2000 á 430 dögum eftirstöðva
refsingar, sem hann stóðst. ■
Hæstiréttur:
Staðfesti
sýknu
DÓMUR Hæstiréttur staðfesti dóm
Héraðsdóms Reykjavíkur í gær
þar sem maður var sýknaður af
því að hafa borið annan mann
röngum sakargiftum.
Maðurinn sem var sýknaður
lagði ásamt eiginkonu sinni árið
1998 fram kæru á hendur mann-
inum fyrir hótanir í sinn garð og
ítrekað ónæði. Árið 2001 krafðist
maðurinn miskabóta af þeim sýkn-
aða. Héraðsdómur komst aftur á
móti að þeirri niðurstöðu að
maðurinn ætti ekki rétt á miska-
bótum þar sem framburður vitna
sýndi fram á að kæran hafi ekki
verið algerlega að tilefnislausu. ■
fiar sem allar fer›ir til Dublin í haust eru a›
seljast upp fljúgum vi› á B-747 júmbóflotu
helgina 13. - 16. nóvember.
Ekta kráarstemmning, frey›andi Guinnes
og frábærar verslanir.
Dublin
Skemmtilegasta borgin - ekki spurning!
Örfá sæti laus í a›rar helgarfer›ir
32.020 kr.
Flugsæti me› sköttum
47.720 kr.*
Úrval-Úts‡n
Lágmúla 4: 585 4000 • Hlí›asmára: 585 4100
Keflavík: 420 6000 • Akureyri: 460 0600
Selfossi: 482 1666 og hjá umbo›smönnum
um land allt. www.urvalutsyn.is
*Innifali›: Flug, skattar, gisting m/morgunv.
og íslensk fararstjórn.
Ekki innifali›: Akstur til og frá flugvelli
erlendis.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
RV
2
24
51

10
/2
00
3
sta›greitt á mann í tvíb‡li í 3 nætur.
INNBROT Í KEFLAVÍK Brotist var
inn í verslunina Hljómval við
Hafnargötu í Keflavík í fyrri-
nótt. Farið hafði verið inn um
opnanlegan glugga á suðurhlið
hússins og stolið geisladiskum,
stafrænum myndavélum, sjón-
aukum, einnota myndavélum og
tuttugu þúsund krónum í skipti-
mynt. Málið er í rannsókn lög-
reglu.
ÚTAFAKSTUR Bíll lenti utan vegar
á móts við go-kart brautina í
Reykjanesbæ á miðvikudags-
kvöld. Engin slys urðu á fólki en
bíllinn var mikið skemmdur og
þurfti að fjarlægja hann með
kranabíl.
Fyrirspurn á Alþingi:
Spurt um
störf héraðs-
dóma
ALÞINGI Fyrirspurn hefur verið
lögð fram á Alþingi til dómsmála-
ráðherra um starfsemi héraðs-
dómstóla.
Guðjón Ólafur Jónsson, vara-
þingmaður Framsóknarflokksins,
spyr ráðherra um fjölda starfs-
manna hjá dómstólunum, fjölda
dómsmála, hversu langan tíma
hafi tekið að dæma mál og hversu
miklu fé hafi verið varið til hvers
héraðsdómstóls á árunum 1998-
2002. ■
HÉRAÐSDÓMUR REYKJAVÍKUR
Maðurinn á nær samfelldan sakaferill
frá árinu 1987.
Bandaríkin
höfðu sitt fram
Öryggisráð Sameinuðu þjóðanna samþykkti einróma tillögu
Bandaríkjanna um uppbyggingu Íraks. Sameinuðu þjóðirnar fá
samkvæmt tillögunni víðtækara hlutverk í uppbyggingu Íraks.
SAMEINUÐU ÞJÓÐIRNAR, AP Ályktun
Bandaríkjamanna um uppbyggingu í
Írak var samþykkt einróma í örygg-
isráði Sameinuðu þjóðanna í gær.
Níu af fimmtán ríkjum örygg-
isráðsins þurftu að greiða til-
lögunni atkvæði svo hún teldist
samþykkt en öll 15
aðildarríkin sögðu
á endanum já. Litið
er á þessa niður-
stöðu sem mikinn
sigur fyrir Banda-
ríkjamenn.
Tillagan fjallar
um framtíðarupp-
byggingu Íraks,
hvernig fjölga
megi í herliði
bandamanna í Írak, fá aukið fjár-
magn til uppbyggingar þar og
undirbúa sjálfstæði Íraks.
Bandaríkin, Bretland, Spánn og
Kamerún lögðu tillöguna fram.
Ágreiningur hefur verið um
tillöguna innan ráðsins og fyrri
tillögur sama efnis síðustu sex
vikur. Colin Powell, utanrík-
isráðherra Bandaríkjanna beitti
sér hins vegar hart í að afla tillög-
unni fylgis og ákváðu Frakkar,
Þjóðverjar og Rússar í gær að
styðja tillöguna. Í kjölfarið bætt-
ust Sýrlendingar, eina Arabaríkið
í öryggisráðinu, í hópinn.
Þótt ríkin þrjú sem helst hafa
gagnrýnt innrásarstríðið gegn
Írak, Þýskaland, Frakkland og
Rússland, hafi goldið tillögunni
jáyrði er ekki þar með sagt að þau
sendi herlið til Íraks eða leggi
fjármuni til uppbyggingar þar.
Kofi Annan, framkvæmda-
stjóri Sameinuðu þjóðanna, sagði
eftir atkvæðagreiðsluna að að-
dragandi þessa máls hefði verið
erfiður en aðildarríki öryggis-
ráðsins hefðu látið hagsmuni
írösku þjóðarinnar ganga fyrir.
„Ályktunin sem samþykkt var
er málamiðlun en jákvæðu þættir
hennar eru fleiri en þeir nei-
kvæðu,“ sagði Sergei Lavrov,
sendiherra Rússlands hjá Samein-
uðu þjóðunum.
Samkvæmt ályktuninni fá sam-
tökin víðtækara hlutverk í Írak,
eftir því sem aðstæður leyfa, þó
ekki sé kveðið nákvæmlega á um
hvenær það gerist.
Ekki er heldur kveðið ná-
kvæmlega á um það hvenær völd
verða færð í hendur Íraka sjálfra
en Sameinuðu þjóðirnar og
Frakkar höfðu sótt fast að fá inn
slíkar dagsetningar. Á móti kem-
ur að Írakar eiga að skila
tillögum að nýrri stjórnarskrá
fyrir Írak og almennum kosn-
ingum í landinu fyrir 15. desem-
ber næstkomandi.
the@frettabladid.is
EINRÓMA SAMÞYKKT Í ÖRYGGISRÁÐINU
Öll 15 aðildarríkin í öryggisráði Sameinuðu þjóðanna samþykktu ályktun Bandaríkjanna
um uppbyggingu Íraks. Niðurstaðan þykir mikill sigur fyrir Bandaríkjamenn.
■
írakar eiga að
skila tillögum
að nýrri
stjórnarskrá
fyrir Írak og
almennum
kosningum í
landinu fyrir
15. desember
næstkomandi.