Tíminn - 20.07.1971, Blaðsíða 16

HEYRÐIÞEGAR VELIN !
8 ára dreng-
ur drukknaði
í Grindavík
KJ—Reykjavík, mánudag.
Skammt vestan við Járngerð
arstaðahverfið í Grindavík er
uppistöðulón, sem hækkar og
lækkar í eftir sjávarföllum.
Þarna eru börn úr Grindavík
oft að leik, bæði á kænum, og
án þeirra. Á föstudagskvöldið
fóru tveir drengir þangað, og
drukknaði annar þeirra í lón-
inu. Hét drengurinn Haraldur
Kristmundsson átta ára gam-
all, sonur hjónanna Kristmund
ar Herbertssonar bifvélavirkja,
og Ólafíu Sveinsdóttur hjúkr
unarkonu.
Tildrög slyssins voru þau, að
drengirnir tveir fóru út að lón
inu, sem er um einn og hálfan
kílómetra fyrir vestan Járn-
gerðastaðahverfið. Hafði Har
aldur heitinn með sér sund-
skýlu, og hefur ætlað að busla
Framhald á bls. 14
KEKKONEN
fékk 5 laxa
EB—Reykjavík, mánudag.
Kekkonen, forseti Finnlands,
sem í gær og í dag hefur stund
að laxveiði í Grímsá í Borgar-
firði, var í kvöld mjög ánægð
ur með árangurinn. Veiddi
hann í dag 5 laxa, sem allir
voru vænir. — f gær fékk
hann ennfremur nokkra laxa,
en þeir voru allir fremur litlir.
Forsetinn mun hafa fengið alla
iaxana á flugu.
400 þús.
krónum
stolið frá
sjómanni
KJ—Reykjavík, mánudag.
Nokkuð var um innbrot um
helgina í Reykjavík, og meira
að segja brotizt inn milli kl. sjö
og átta að kvöldi, og á einum
stað uppgötvaðist um þjófnað
á bankabók með 366 þúsundum
og 30 þúsundum í seðlum að
auki.
Þessa bankabók átti sjómað
ur á Framnesveginum, en hann
hafði farið á sjó 4. júlí, og þeg
ar hann kom að landi aftur á
sunnudaginn, uppgötvaði hann
bjófnaðinn. Við athugun í við-
komandi banka í morgun, kom
í ljós, að ekki var búið að taka
neitt út úr bókinni.
Milli klukkan sjö og átta í
gærkvöldi, var brotizt inn í
Umbúðamiðstöðina og vöru-
geymslu Landfiutninga, en
bæði húsin eru við Héðinsgötu.
Hjá Landflutningum var stolið
umslagi með um tvö þúsund
krónum,
LENTIÁ AKRAFJALLI
S
m
KJ- Reykjavík, mánudag.
Það var bústjórinn á minka-
búinu að Ósi fyrir utan Akra-
nes, sem kom leitarinönnum á
sporið á sunnud. og beindist
leitin þá að Akrafjalli, í stað
þess að áður hafði verið leitað
að týndu einkaflugvélinni af
Keflavíkurflugvelli, á og yfir
Hvalfirði. í flugvélinni voru
tveir fslendingar, báðir reynd-
ir einkaflugmenn, og báðir
flugkennarar, Kári Guðmunds-
son, flugumferðarstjóri og Jó-
hannes Sveinsson, flugkennari.
Voru þeir báðir látnir, þegar
leitarmenn komu að tvístruðu
flakinu klukkan rúmlega tvö
á sunnudaginn.
Þeir félagarnir Jóhannes
Sveinsson og Kári Guðmunds-
son fóru í loftið klukkan hálf
eitt aðfararnótt sunnudagsins
frá Reykjavík, og ætluðu að
vera þrjá stundarfjórðunga á
lofti. Vélin, sem þeir flugu, er
æfingaflugvél, og var hún í
umsjá flugklúbbs á Keflavíkur
flugvelli, en bar einkennisstafi
bandaríska flotans. Var vélin
af gerðinni Mentor Beechroft
T-34, eins hreyfils lágþckja, og
einkennisstafirnir voru V-671.
Jóhannes var flugkennari
hjá flugklúbbnum á Keflavíkur
flugvelli og Kári hafði haft
þann starfa áður, og kennt
mörgum varnarliðsmönnum að
fljúga, en ekki þó á þessa vél.
Er það hald- manna-, að hann
hafi verið að kynna sér þessa
vél, og vélin ekki verið laus
á öðrum tíma. Er það skýring
in á hve seint var farið í loftið.
Flugáætlun hljóðaði upp á
að fljúga æfingaflug í 45 mín.
innan 10 mílna radíusar frá
Reykjavíkurflugvelli, og tíu
mínútum áður en vélin átti að
lenda, var reynt að hafa sam-
band við vélina,’ en án árang-
urs. Þegar vélin átti svo að
vera lent, samkvæmt flugáætl-
un, var eftirgrennslan hafin og
klukkan rúmlega tvö var Flug
björgunarsveitinni gert aðvart
og var hún tilbúin með leitar-
flokka skömmu síðar.
Með morgninum fóru flugvél-
ar hver af annarri til leitar, og
munu alls um 20 flugvélar hafa
tekið þátt í leitinni. Auk ís-
lenzkra véla leituðu Herkúles
leitarflugvél og Sikorsky þyrla
— báðar af Keflavíkurflugvelli.
Fljótlega beindist leitin mest
að mynni Hvalfjarðar, en þar
sást olíubrák á sjónum, og auk
þess eitthvað brak úr lofti. Til
að kanna þetta nánar fóru
Kári Guðmundsson
froskmenn úr Ingólfi með jbáti,
en ekkert fannst þarna sem
bent gæti til flugvélarinnar.
Skyggni hafði ekki verið sem
bezt og því ekki hægt að gjör-
leita úr lofti 10 mílna radrus
frá Reykjavíkurflugvelli.
Magni Ólafsson, bústjóri á
minkabúinu að Ósi við Akra-
nes, heyrði um flugvélarleitina
í hádegisútvarpinu, og rifjast
þá upp fyrir honum, að hann
hefði heyrt flugvélarhljóð um
klukkan eitt um nóttina. Hafði
Magni tekið sérstaklega eftir
hljóðinu, því honum fannst það
eitthvað einkennilegt. Virtist
svo sem gangurinn í vélinni
væri ójafn, af hvaða orsökum
Jóhannes Svetnsson
sem það kann að hafa verið.
Heyrði hann til vélarinnar, en
skyndilega lieyrði hann mikinn
dynk, og vélarhljóðið hvarf.
Þegar leitarmenn höfðu feng
ið þessa vitneskju, var allt
kapp lagt á að leita á og kring
um Akrafjall, og skönimu eftir
að rofaði þar tií, sást hvar
flak flugvélarinnar lá tvistrað
við topp fjallsins. Varnarliðs-
þyrlan lenti siðan skammt frá
flakinu klukkan rúmlega tvö,
og voru mennirnir þá báðir
látnir.
Kári Guðmundsson var 25
ára, og bjó að Nökkvavogi 36.
og lætur eftir sig konu og tvö
Framhald á bls. 14.
Mikil umferð um helgiuu - og
og lítt dró úr henni eftir helginu
ET—Reykjavík, mánudag.
Mjög mikil umfcrð var um allt
land í góða veðriuu um helgina.
Sex vegaeftirlitsbifreiðar frá rík-
islögreglunni eru staðsettar á þjóð
vegunum víðs vegar á landinu.Verk
efni vegalögreglunnar eru marg-
vísleg: löggæzla á þjóðvegum, leið
beiningar og aðstoð við vegfarend-
ur o.m.fl. — Tíminn náði tali af
einum vegalögreglumanninum,
Steinþóri Nygaard, en hann var
nýkominn til Reykjavíkur síðdeg
is í dag austan úr Skaftafellssýslu.
Við fórum frá Kirkjubæjar-
klaustri í morgun, sagði Steinþór,
og komum til Reykjavíkur um
miðjan dag. Umferð var alls stað
ar mrkil á leiðinni, en gekk þó
ágætlega. Sömu sögu er að
segja um umferðina um helgina,
umferð var geysimikil, en lítið
var um óhöpp, a.m.k. á Suður-
landi. Vegirnir eru býsna góðir
miðað við ástand þeirra oft áður.
Að vísu er tnikið ryk á vegunum
og í þurrkum sem þessum mynd
ast fljótlega „þvotlabretti“ á
þeim.
Við vorum staðsettir í Vestur-
Skaftafellssýslu um helgina og
var umferð þar allmikil. Mest bar
á einkabifreiðum og virtust þær
vera alls staðar að, t. d. var fjöldi
bifreiða frá Vestfjörðum og af
Norðurlandi, og jafnvel alla leið
úr Suður-Múlasýslu. Ökumenn virt
ust gæta sín vel í umferðinni og
óku eftir umferðarreglunum. Stein
þór sagði, að sér virtist f jölskyldu
fólk mun gætnara í umferðinni
og betri ökumenn en aðrir, enda
voru fjölskyldur í skemmtiferð í
langflestum bifreiðunum austur
þar.
Það vakti athygli okkar, sagði
Steinþór að lokurn, hve mikil um-
ferð var austur á bóginn frá
Reykjavík í dag, mánudag. Það
sýnir, að fólk hefur viljað bíða
fram yfir helgi með að leggja
upp í ferðalag og ekki hefur góða
veðrið í dag dregið úr ferðalöng
uninni.
Skemmtun
í Atlavík
Um verzluuarmannahelgma
gengst Kjördæmfcssamband Fraro
sóknarmanna á Austurlandi, <yrir
fjölbreyttri skemmtun í Atlavík í
Hallormsstaðarskógi. Báða dagana
sem skemmtunin stendur yfir, verð
ur dansað á tveim stöðum, einnig
verða útiskemmtanir, með íþrótf
um, ávörpum og skcmmtiatriðum.
Audrey Foster hcfur nú starfað í 10 ár á skrifstofunni hjá lceland Products í Bandaríkjunum. í því tilefni var
henni boðið upp á ferS til íslands. Tíminn hitti Audrey í tjaer, þar sem hún var stödd á heimili Erlendar Einars-
sonar, forstjóra SÍS, ásamt síarfssystur slnni og nokkrum eiginkonum starfsmanna lceland Products, sem hér
eru staddar. Á myndinni eru frá vinstri: Erna ÞórSarson, Audrey Foster, Þóra Árnason, Pat Baer, Margrét
Helgadóttir og Erla Gröndal. (Tímamynd Gunnar)