Fréttablaðið - 11.02.2004, Blaðsíða 8

8 11. febrúar 2004 MIÐVIKUDAGUR
■ Evrópa
Láttu ekki svona
„Þetta kom samt svolítið á
óvart. Þar sem það var ekki for-
keppni þá bjóst ég við því að
allir aðrir en ég yrðu valdir.“
Jónsi júróvisjónfari, Fréttablaðið 10. febrúar.
Þá veistu það Óli
„Kóngar og tildurfólk eru í útlönd-
um og geta þeir sem vilja lesið um
það og skíðaferðir þess í ríkulega
myndskreyttum vikublöðum.“
Hannes H. Gissurarson, Morgunblaðið 10. febrúar.
Af hverju hringdust þeir ekki á?
„Eymingja litla íslenska ríkis-
stjórnin gleymdi að láta skáta-
höfðingjann vita af fundi því nú
væri verið að minnast Baden
Powell.
Og eymingja litli skátahöfðinginn
sat á snjóþotu í fjallshlíðum Vín-
lands í stað þess að lyfta glasi
með ylfingunum, ljósálfaforingjum
og ylfingahvolpum.“
Elísabet Brekkan, DV 10. febrúar.
Orðrétt
Námskeið:
Menntasmiðja Eskju
AUSTURLAND Eskja hf., áður Hrað-
frystihús Eskifjarðar hf., stendur
fyrir umfangsmikilli og endur-
bættri menntasmiðju fyrir starfs-
fólk sitt og er verkefnið í samstarfi
við þekkingarfyrirtækið IMG
Deloitte, sem mun sjá um skipu-
lagningu námsins næstu þrjú árin.
Boðið verður upp á námskeið sem
nýtast jafnt í leik sem starfi og með
fræðslu þessari er vonast til að ein-
staklingarnir verði hæfari til að
sinna störfum sínum og takast á við
ný verkefni.
Í haust var meðal annars boðið
upp á námskeiðin, indversk matar-
gerð, vínsmökkun, gerum gott
betra, að efla eigið sjálfstraust,
stafræn myndataka og mynd-
vinnsla, skattframtal einstaklinga,
internet og tölvupóstur, auk þess
sem farið var yfir gæði og sam-
vinnu í framleiðsluferlinu. Næstu
námskeið verða um fjármál fjöl-
skyldunnar, sparnað og lífeyris-
sjóðsmál, skyndihjálp, samskipti á
vinnustað, starfslok og að grilla af
fingrum fram.
Að sögn Höllu Óskarsdóttur, sem
hefur umsjón með námskeiðunum,
hafa á annað hundrað manns sótt
námskeiðin það sem af er vetri.
Fjölsóttasta námskeiðið, gæða-
stjórnun í fiskvinnslu, sóttu 40
manns, allt starfsfólk í bolfisk-
vinnslu. Þá sóttu 35 námskeiðið um
vínsmökkun og smárétti og 22 nám-
skeið í indverskri matargerð.
Öll námskeiðin eru starfsfólki
Eskju að kostnaðarlausu. Mökum
er velkomið að sækja flest nám-
skeiðin og borga fyrir það kostn-
aðarverð sem getur verið mis-
munandi eftir námskeiðum. ■
SKATTAMÁL „Ég hygg að megnið af
starfsfólkinu hjá Impregilo eigi
að greiða skatta af launum sínum
hér, en það er þó ekki algilt,“ sagði
Gestur Steinþórsson, skattstjóri í
Reykjavík, sem kvaðst þó ekki
vilja tjá sig um stöðu stað-
greiðsluskila hjá einstökum fyrir-
tækjum eða launagreiðendum.
Sveitastjóri Norður-Héraðs
greindi frá því í Fréttablaðinu í
gær, að úrsvar erlendra starfs-
manna skilaði sér ekki nema að
örlitlu leyti til sveitarfélaganna
fyrir austan nema að örlitlu leyti.
Gestur sagði, að álitamál hefði
komið upp varðandi ábyrgð á
skattgreiðslum starfsmanna
Impregilo annars vegar og manna
frá erlendum starfsmannaleigum
hins vegar. Spurður hver bæri
ábyrgð á að skattgreiðslur
Impregilo-manna væru í réttu
ferli, sagði Gestur það vera sitt
embætti.
„Impregilo er staðsett í
Reykjavík og á að standa skil á
skattgreiðslum þar. Mitt embætti
á því að fylgjast með því hvernig
skattskilum þess er háttað. Ég tel,
að við vitum hvernig þeim skuli
háttað til framtíðar litið, en hvort
þeir eru sammála því, það er önn-
ur saga. Skattayfirvöld eru að
vinna í því að koma þessu á
hreint. Þau fylgjast með því hvort
menn standi skil á því sem þeim
ber. Ef þeir gera það ekki þá er
brugðist við því. Almennt talað er
stundum gripið til þess að áætla,
bókhald skoðað eða farið á stað-
inn. Við grípum til aðgerða í þessu
tilfelli eins og öðrum ef á þarf að
halda.“
Indriði Þorláksson ríkisskatt-
stjóri tók í sama streng og skatt-
stjóri að Impregilo ætti að standa
skil á staðgreiðslu af launum
starfsmanna sinna hér. Auk stað-
greiðslunnar ættu launagreiðend-
ur að skila inn sundurliðun á því
hvaða starfsmenn hefðu fengið
greidd laun. Sveitarfélögunum
væri síðan skilað staðgreiðslu í
samræmi við sundurliðunina.
„Á launagreiðendum hvíla þær
skyldur að halda eftir stað-
greiðslu og skila henni. Hins veg-
ar fá gjaldendur álagningu þegar
árinu er lokið,“ sagði ríkisskatt-
stjóri. „Við teljum að skyldur
þessara aðila séu mjög skýrar og
þeim beri að standa skil á stað-
greiðslunni.“
Skattstjóri og ríkisskattstjóri
vildu ekki gefa upp hvort Impreg-
ilo hefði staðið skil á staðgreiðslu
skatta starfsmanna sinna. Þeir
kváðust ekki gefa upp stöðu ein-
stakra skattgreiðenda.
jss@frettabladid.is
Mosfellsprestakall:
Ragnheiður
ráðin til starfa
KIRKJAN Séra Ragnheiður Jóns-
dóttir hefur verið valin til þess að
gegna prestsembætti í Mosfells-
bæ við hlið sr. Jóns Þorsteinsson-
ar sóknarprests.
Alls sóttu tuttugu og einn um
stöðuna en valnefnd Mosfells-
prestakalls ákvað þann 4. febrúar
að legga til að Ragnheiður yrði
ráðin. Hún hefur verið sóknar-
prestur í Hofsós- og Hólapresta-
kalli í Skagafirði undanfarin ár.
Þetta kemur fram í fréttatilkynn-
ingu frá Biskupsstofu. ■
ÍSAFJÖRÐUR
Ný götunöfn eru talin geta valdið ruglingi.
Nýtt íbúðasvæði
á Ísafirði:
Nota götu-
nöfn Akur-
eyringa
GATNAGERÐ Götunöfn, sem um-
hverfisnefnd Ísafjarðarbæjar
hefur samþykkt á nýju íbúða-
svæði á Tunguskeiði, eru ófrum-
leg ef marka má ábendingar
Guðna Ásmundssonar, íbúa á Ísa-
firði, sem bendir á að fyrirhuguð
götunöfn séu þegar í notkun á Ak-
ureyri. Þetta kemur fram á bb.is.
Fyrir skemmstu samþykkti um-
hverfisnefnd að nefna göturnar
eftir trjátegundum, Asparlund,
Birkilund, Eikarlund, Furulund og
Grenilund. Þetta telur Guðni að
geti valdið ruglingi og vill koma
þeirri hugmynd á framfæri að í
stað endingarinnar „lundur“ verði
notast við „rjóður“ eða „stígur“. ■
Framlög til ferðaþjónustu
2002 og 2003:
Einn og hálf-
ur milljarður
ALÞINGI Fjármálaráðuneytið hefur
aflað upplýsinga um framlög rík-
isins til ferðaþjónustu árið 2002
og fram í nóvember 2003, að
beiðni Brynju Magnúsdóttur, sem
sat á þingi fyrir áramót sem vara-
þingmaður Samfylkingarinnar. Í
svari fjármálaráðherra kemur
fram að árið 2002 námu framlög
tengd ferðaþjónustu samtals 726
milljónum króna og rúmlega 710
milljónum króna árið 2003. Til
viðbótar þessu koma fjárveiting-
ar sem hljóða upp á 900 milljónir
króna til nokkurra safna sem rík-
ið rekur og tengjast ferðaþjón-
ustu óbeint. Af ráðuneytunum
veittu forsætisráðuneytið og sam-
gönguráðuneytið langmest fé til
ferðaþjónustu og tengdra mála á
þessu tímabili. ■
Norður-Kóreu:
Fengu hjálp
Pakistana
TÓKÝÓ, AP Pakistanar hjálpuðu
Norður-Kóreu við að hefja rann-
sóknir og þróun á kjarnorkuvopn-
um árið 1996 þar sem notast er við
úraníum, að sögn háttsetts norð-
ur-kóresks flóttamanns. Norður-
kóresk stjórnvöld hafa viður-
kennt að vinna að gerð kjarnorku-
vopna úr plútóníum en ekki úraní-
um.
Flóttamaðurinn, Hwang Jang
Yop, segir í viðtali við japanskt
blað að yfirmaður kjarnorkuáætl-
unarinnar hafi sagt sér þetta
haustið 1996. Áður hafi sá verið að
leita að plútóníumbirgðum en svo
sagt að þess gerðist ekki þörf þar
sem Pakistanar létu þá fá úraní-
um. Þessu neita Pakistanar. ■
ÁRÁSIR Á GYÐINGA Réttarhöld
eru hafin yfir fjórum aröbum
sem ákærðir eru fyrir að hafa
skipulagt árásir á gyðinga í
Þýskalandi í nafni palestínsku
öfgasamtakanna Al Tawhid. Leið-
togi hópsins er 39 ára Jórdani.
Saksóknarar í Düsseldorf segja
að mennirnir hafi meðal annars
ætlað að gera árás á nýja gyð-
ingasafnið í Berlín.
FORSETI GEORGÍU FER TIL RÚSS-
LANDS Mikhail Saakashvili, ný-
kjörinn forseti Georgíu, fór á
fund háttsettra embættismanna í
Rússlandi með það að markmiði
að bæta samband landanna
tveggja. Rætt var um öryggis-
mál, baráttuna gegn hryðjuverk-
um og þann möguleika að Rússar
drægju heri sína til baka frá
Georgíu.
TALA LÁTINNA KOMIN Í 92
Björgunarmenn hafa fundið 92
lík í rústum ellefu hæða fjölbýlis-
húss sem hrundi til grunna í
borginni Konya í Tyrklandi 2.
febrúar. Á annan tug manna er
enn saknað. 24 ára kona sem lá
föst í rústunum í heila viku ligg-
ur nú á sjúkrahúsi með sködduð
nýru, drep í fæti, brotin rifbein
og innvortis blæðingar.
Verjendur sakbornings:
Dómari í
glæpagengi
BELGRAD, AP Verjendur manns sem
var ákærður í tengslum við morðið
á Zoran Djindjic, forsætisráðherra
Serbíu, hafa kært einn dómaranna í
málinu fyrir glæpsamlegt athæfi.
Þeir segja að hann hafi tengsl inn í
glæpagengi sem tekist hefur á um
völd í undirheimunum við glæpa-
samtökin sem sakborningurinn á að
eiga aðild að. Verjendurnir vitnuðu í
fréttir af því að dómarinn hefði ver-
ið eiginkonu glæpaforingja innan
handar við að fá leyfi til atvinnu-
rekstrar. „Þú hefur orðið serbneska
réttarkerfinu til skammar og skap-
að vantraust á gildi laga og réttar,“
sagði verjandi mannsins. ■
Starfsmenn greiði
skatta hér á landi
Langflestir þeirra erlendu starfsmanna sem starfa hjá Impregilo á
Kárahnjúkavirkjunarsvæðinu eiga að greiða skatta hér á landi, að sögn
skattstjórans í Reykjavík. Ekki fæst uppgefið hvort ítalska verktaka-
fyrirtækið hefur staðið skil á staðgreiðslum af launum þeirra til ríkisins.
SKATTASKIL
Embætti skattstjórans í Reykjavík ber að framfylgja því að erlend fyrirtæki sem staðsett eru
hér á landi, svo sem Impregilo, greiði staðgreiðsluskatta af launum starfsmanna sinna.
Tillögur Verslunarráðs um heilbrigðisþjónustu:
Sem mest verði boðið út
HEILBRIGÐISMÁL Mikilvægt er að
hlutverk Landspítala - háskóla-
sjúkrahúss verði skilgreint í þá
veru að það sjái fyrst og fremst
um sérhæfða sjúkrahúsþjónustu,
segir meðal annars í tillögum
Verslunarráðs Íslands um eflingu
heilbrigðisþjónustu hér á landi.
Tillögurnar voru kynntar í gær.
Verslunarráð telur eðlilegt að
bjóða út rekstur sem flestra
þjónustuþátta sem falla utan
kjarnaþjónustu spítalans. Starf-
semi sú sem færðist yfir á hendi
einkaaðila gæti síðan tengst
sjúkrahúsinu með samstarfs-
samningum vegna háskólahlut-
verks þess. Í tillögunum eru
nefnd nokkur dæmi um þjón-
ustuþætti sem Verslunarráð tel-
ur að bjóða megi út. Það eru
þjónusta á öldrunarsviði, fæð-
ingarþjónusta, tæknifrjóvgun-
ardeild, þjónusta við geðfatlaða
á Hringbraut og Kleppi, endur-
hæfing á Grensási og í Kópa-
vogi, langtímameðferð krabba-
meinssjúkra og rekstur líknar-
deildar.
Verslunarráð vill leggja
megináherslu á að færa rekstur
heilsugæslustöðva í hendur
einkaaðila og jafnframt að bjóða
út byggingu og rekstur nýrra
hjúkrunarheimila. ■
HEILBRIGÐISÞJÓNUSTA
Mikilvægt að Landspítali - háskólasjúkra-
hús sjái einungis um sérhæfða
sjúkrahúsþjónustu.
INDVERSK MATARGERÐ
Leiðbeinandi í indverskri matargerð var
Shabana Zaman og má hér sjá áhugasamt
matargerðarfólk fylgjast með henni.