Fréttablaðið - 24.02.2004, Blaðsíða 2

2 24. febrúar 2004 ÞRIÐJUDAGUR
„Nei, ég vil frekar vera liðsmaður
Hróa. Ég leita að bandamönnum í
Skírisskógi.“
Kristján Þór Júlíusson, bæjarstjóri á Akureyri,
gagnrýndi sölu ÚA og lýsti Björgólfi Guðmunds-
syni, formanni bankaráðs Landsbankans, sem
Hróa hetti sem umhverfst hefði í fógetann í Nott-
ingham. Á morgun mun Kristján ásamt fleiri góð-
um Norðanmönnum kynna fjárfestingartækifæri í
Eyjafirði.
Spurningdagsins
Kristján, ertu á höttunum eftir Hróa?
Hækkun Laxárstíflu
er ávísun á átök
Umhverfisráðherra vill með frumvarpi um verndun Mývatns og Laxár
leysa vandamál sem trufla rekstur Laxárvirkjunar. Formaður vinstri
grænna segir ákvæði um hækkun Laxárstíflu skýlaust brot á samningum.
ALÞINGI Siv Friðleifsdóttir um-
hverfisráðherra mælti fyrir
frumvarpi um verndun Mývatns
og Laxár í Suður-Þingeyjarsýslu á
Alþingi í gær, en með því er mark-
miðið að stuðla að náttúruvernd á
Mývatns- og Laxársvæðinu. Gert
er ráð fyrir hækkun Laxárstíflu
til að leysa ís- og krapavandamál
sem truflað hafa rekstur Laxár-
virkjunar og í frumvarpinu er
bráðabirgðaákvæði um að Um-
hverfisstofnun veiti Landsvirkjun
heimild til hækkunarinnar. Sam-
kvæmt samningi frá 1973 sem
batt enda á hina svokölluðu Laxár-
deilu eru allar breytingar á vatns-
borði óheimilar, nema til verndun-
ar og ræktunar, og samþykki
Landeigendafélags Laxár og Mý-
vatns þarf fyrir breytingum á
virkjunum í Laxá sem leiða til
hækkunar á vatnsborði árinnar.
„Bráðabirgðaákvæðinu er ætl-
að að tryggja að lögin standi ekki
í vegi fyrir framkvæmdum sem
Landsvirkjun og Landeigendafé-
lagið yrðu sammála um að væru
nauðsynlegar til að leysa rekstr-
arerfiðleika virkjunarinnar.
Einnig er tilgangurinn að opna
fyrir þann möguleika að umhverf-
ismat vegna framkvæmdarinnar
geti farið fram, en um það hefur
ríkt ákveðin réttaróvissa vegna
ákvæða í núgildandi lögum,“
sagði Siv og lagði áherslu á að
breytingar yrðu ekki gerðar nema
með samþykki heimamanna.
Steingrímur J. Sigfússon,
Vinstri grænum, sagði það ákaflega
mikil vonbrigði að það skyldi vera
það smyglgóss með í frumvarpinu
sem fælist í bráðabirgðaákvæðinu.
„Það verður að taka út úr
frumvarpinu ákvæði um að
hækka stífluna í Laxá þar sem
það er ávísun á harðvítug átök í
Þingeyjarsýslu. Það er ekkert
annað en skýlaust brot að ætla
að rjúfa þá grið sem tryggð var
í samningum eftir einhverja
harðvítugustu og illvígustu
deilu á sviði umhverfismála hér
á landi,“ sagði Steingrímur.
Halldór Blöndal, Sjálfstæðis-
flokki, sagði að með frumvarp-
inu væri verið að grípa til ráða
til að gera Laxárstíflu arðbæra
og draga úr sandburði í ánni.
„Hver verður fjárhagur og
staða sveitarfélagsins í Aðaldal
ef við horfum á það að Laxár-
virkjun verður lögð niður með
öllum þeim umsvifum sem
henni fylgja,“ sagði Halldór og
beindi orðum sínum að Stein-
grími.
bryndis@frettabladid.is
HAAG, AP Palestínumenn mæltust til
þess við Alþjóðadómstólinn í Haag í
gær að hann lýsti byggingu múrs
milli Ísraela og Palestínumanna á
palestínsku landsvæði ólöglega.
Ísraelar héldu sig hins vegar fjarri
umræðunni í Alþjóðadómstólnum
og hvöttu þjóðir heims til að taka
ekki mark á umfjölluninni.
Málsmeðferðin hófst degi eftir
að átta manns létu lífið í sjálfs-
morðsárás Palestínumanns í
strætisvagni í Jerúsalem. Ísraelar
segja það til marks um nauðsyn
þess að byggja múrinn og halda
árásarmönnum úti. Palestínumenn
segja múrinn til þess eins fallinn
að draga úr afkomumöguleikum
þeirra og auka á óánægju Palest-
ínumanna.
Dómstóllinn ætlar sér þrjá daga
til að fjalla um múrinn umdeilda,
en þetta er í fyrsta skipti sem al-
þjóðlegur dómstóll fjallar um her-
námsaðferðir Ísraela á Gaza og
Vesturbakkanum. Dómstóllinn fell-
ir ekki bindandi úrskurð en Palest-
ínumenn vonast til þess að niður-
staða dómsins verði skýr og á þann
veg að bygging múrsins sé ólögleg.
Verði niðurstaðan sú vonast þeir til
þess að þrýst verði á Ísraela að
hætta byggingu hans. Ísraelar hafa
sætt þrýstingi vegna byggingar
múrsins og breytt legu hans nokk-
uð eftir það. ■
Ingunnarskóli:
Féll rúma
þrjá metra
VINNUSLYS Maður
slasaðist töluvert
þegar hann féll nið-
ur þrjá til fjóra
metra af vinnupalli
við Ingunnarskóla í
Grafarholti rétt
eftir klukkan eitt í
gær. Maðurinn var
ásamt vinnufélög-
um sínum að slá
upp mótum fyrir
veggi þegar slysið varð.
Hann var fluttur með sjúkrabíl á
slysadeild Landspítalans í Fossvogi.
Mögulegt var talið að hann hefði
brotnað á báðum fótum. ■
Í viku gæsluvarðhaldi:
Aldrei meira
hass í
sendingu
HASS 10,2 kíló af hassi fundust við
tollleit í vörusendingu sem toll-
gæslan á Keflavíkurflugvelli
stöðvaði á miðvikudaginn í síð-
ustu viku. Lögreglan í Reykjavík
tók við rannsókn málsins og var
maður um tvítugt handtekinn á
föstudaginn og úrskurðaður í viku
gæsluvarðhald.
„Þetta er mesta magn sem toll-
gæslan á Keflavíkurflugvelli hef-
ur tekið í einu lagi,“ segir Jóhann
R. Benediktsson, sýslumaður á
Keflavíkurflugvelli. Jóhann segir
að búið sé að taka hátt í fimmtán
kíló af kannabisefnum á árinu.
Það er meira magn en tekið var í
64 málum á síðasta ári. Ekki
fékkst uppgefið hvað kom toll-
gæslu á sporið nú. ■
Gæsluvarðhald vegna
líkfundar:
Unir úr-
skurðinum
GÆSLUVARÐHALD Jónas Ingi Ragn-
arsson, einn þremenninganna
sem voru úrskurðaðir í gæslu-
varðhald til 3. mars vegna rann-
sóknar á líkfundinum í Neskaup-
stað, ákvað í gærkvöld að una úr-
skurðinum. Lögmaður Jónasar
segir hann halda fram sakleysi
sínu og ekki tengjast málinu á
nokkurn hátt. Hins vegar bendli
gögn málsins Jónas við brotin,
sýnt hafi verið fram á samskipta-
tengsl þeirra við hinn látna og
því telji Jónas ekki þjóna tilgangi
að kæra gæsluvarðhaldsúrskurð-
inn. Litháinn Tomas Malakauskas
áfrýjaði úrskurðinum til Hæsta-
réttar en Grétar Sigurðarson
ákvað að una úrskurðinum. ■
KEIKÓS MINNST
Bræðurnir Jacob og Noah Froylan voru
meðal þeirra sem minntust Keikós.
Minningarathöfn:
Kvöddu
Keikó
OREGON, AP Um 700 manns voru
viðstödd minningarathöfn um
Keikó sem haldin var í sædýra-
safninu í Oregon í Bandaríkjunum
þar sem hann var vistaður á árun-
um 1996 til 1998.
Stjórnendur sædýrasafnsins
skipulögðu minningarathöfnina eft-
ir að hafa borist nokkur hundruð
símtöl, bréf og tölvuskeyti frá aðdá-
endum Keikós sem óskuðu eftir at-
höfninni. Á henni var farið með ljóð,
kveikt á kertum, lög sungin og sýnd
brot úr ævi hvalsins fræga.
Fjáröflun er í undirbúningi hjá
hópi fólks sem vill búa til brons-
styttu af Keikó. ■
Katrín Júlíusdóttir í
veikindaleyfi:
Fékk væga
heila-
blæðingu
ALÞINGI Katrín Júlíusdóttir Sam-
fylkingunni verður í veikindaleyfi
frá Alþingi að minnsta kosti
næstu tvær vikurnar. Katrín
greindist í síðustu viku með blóð-
tappa við heila og fékk væga
heilablæðingu. Valdimar L. Frið-
riksson hefur tekið sæti hennar á
þingi. Líðan Katrínar er eftir at-
vikum, að sögn Margrétar Frí-
mannsdóttur, formanns þing-
flokks Samfylkingarinnar. ■
www.landsbanki.is
sími 560 6000
Varðan - alhliða fjármálaþjónusta
Nokkrir punktar um
beinharða peninga!
Tónleikar með Travis í Glasgow 12. - 14. mars
Sjáðu eðalhljómsveitina Travis á tónleikum og njóttu lífsins
í heimsborginni fallegu. Gisting í tveggja manna herbergi á
Jurys Inn Glasgow, nýju 3ja stjörnu hóteli.
Verð: 33.910 kr. auk 10 þús. ferðapunkta.
Innifalið: Flugvallarskattar og þjónustugjöld. Nánari upplýsingar fyrir ofangreind tilboð hjá
Icelandair í hópadeild, sími 505 0406 eða sendið tölvupóst á groups@icelandair.is ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
LB
I
23
55
9
02
/2
00
4
Hæstiréttur hafnaði endurupptöku Pressumáls:
Blaðamenn forðist
að skrifa um falsanir
HÆSTIRÉTTUR Hæstiréttur hefur
hafnað endurupptöku á svokölluðu
Pressumáli þar sem blaðamennirnir
Kristján Þorvaldsson og Þóra Krist-
ín Ásgeirsdóttir voru dæmd til að
greiða háar bætur vegna umfjöllun-
ar um málverkafalsanir í vikublað-
inu Pressunni. Blaðamennirnir
tveir voru dæmdir til að greiða
Gallerí Borg skaðabætur og Úlfari
Þormóðssyni eiganda gallerísins
miskabætur vegna umfjöllunar um
meintar falsanir á verkum Sigurðar
Guðmundssonar listmálara. Tilefni
óska um endurupptöku var mál-
verkafölsunarmálið þar sem undir-
réttur dæmdi að verk eftir Sigurð
listmálara hefðu verið fölsuð.
Hæstiréttur taldi að skilyrði til end-
urupptöku væru lögum samkvæmt
ekki til staðar, þar sem ný gögn
væru ekki líkleg til að breyta fyrri
niðurstöðu og ekki væri sýnt að
blaðamennirnir hefðu stórfellda
hagsmuni af endurupptöku. Bent er
á að þau hafi ekki greitt sektirnar.
„Hæstiréttur afhjúpar enn einu
sinni skilningsleysi sitt á störfum
blaðamanna,“ segir Kristján Þor-
valdsson.
Hann segir að á sínum tíma hafi
verið leitað til sérfróðra aðila vegna
málsins en sumir þeirra hafi eðli
málsins samkvæmt notið nafn-
leyndar.
„Það er grundvallarregla að
blaðamaður verndi heimildarmenn
sína. Engu að síður komu mörg vitni
fyrir rétt og staðfestu ummæli sín
og efasemdir,“ segir Kristján.
Hann segir að nú sé ekkert til
ráða og falsaðar myndir muni
áfram ganga kaupum og sölum eins
og ekkert sé.
„Þeir blaðamenn sem munu
hætta sér út í að skrifa um þau
mál eiga yfir höfði sér að verða
dæmdir til himinhárra bóta,“ seg-
ir Kristján. ■
FÓRNARLAMBA MINNST
Nemar og ættingjar fórnarlamba sjálfs-
morðsárása héldu minningarathöfn um
hina látnu daginn sem Alþjóðadómstóllinn
hóf umfjöllun sína um vegginn. Ungmennin
sögðu vegginn vera vörn sína gegn ofbeldi.
Umfjöllun Alþjóðadómstólsins um múr Ísraela vakti hörð viðbrögð:
Víða efnt til mótmæla
FRÁ SLYSSTAÐ
KRISTJÁN ÞORVALDSSON
Fær ekki uppreisn æru.
SIV FRIÐLEIFSDÓTTIR
Umhverfisráðherra segir
markmiðið með frumvarpi um
verndun Mývatns og Laxár að
stuðla að náttúruvernd á
svæðinu og koma í veg fyrir
krapavandamál sem hefur
truflað rekstur Laxárvirkjunar.