Fréttablaðið - 24.02.2004, Blaðsíða 24
24 24. febrúar 2004 ÞRIÐJUDAGUR
BARÁTTA
Ítalski ruðningskappinn Marco Bortolami,
til vinstri, og Frakkinn Pascal Pape berjast
um boltann í landsleik sem var háður í
París á dögunum. Frakkland vann örugg-
lega, 25-0.
Ruðningur
NBA-deildin:
Ming með 41 stig
KÖRFUBOLTI Kínverjinn hávaxni,
Yao Ming, setti persónulegt met
þegar hann skoraði 41 stig í leik
fyrir Houston Rockets gegn Atl-
anta Hawks í fyrrakvöld. Leikn-
um lauk með sigri Rockets 123-
121 og var þetta sjötti sigur liðs-
ins í síðustu sjö leikjum.
Ming hitti úr 15 af 21 skoti sínu
og tók 16 fráköst. Einnig gaf hann
sjö stoðsendingar sem er einnig
persónulegt met. „Hann gerði
allt,“ sagði Steve Francis um
félaga sinn Ming. „Hann tók frá-
köst, skoraði, gaf stoðsendingar
og varðist vel. Það var mjög gam-
an að sjá hann taka að sér leið-
togahlutverkið.“ ■
Erfiðir útileikir ensku liðanna
Fyrri leikir 16-liða úrslita meistaradeildar Evrópu verða háðir í kvöld og á morgun. Arsenal,
Chelsea og Manchester United eiga erfiða útileiki fyrir höndum.
FÓTBOLTI Arsenal hefur verið á
mikilli siglingu í ensku deildinni
og hefur sjö stiga forystu á
Manchester United og níu á
Chelsea. Liðið sækir Celta Vigo
heim í kvöld. Celta varð í fjórða
sæti á Spáni á síðustu leiktíð en
er núna í því fimmta neðsta.
Þrátt fyrir gott gengi sinna
manna og slæma stöðu Celta tel-
ur Arsene Wenger að spænska
liðið sé að bæta sig með tilkomu
þjálfarans Radomir Antic. „Ég
hef aldrei átt auðveldan leik
gegn spænsku liði. Ég hefði vil-
jað leika gegn Celta Vigo fyrir
tveimur mánuðum þegar þeir
voru daprir en núna virðast þeir
vera að bæta sig á ný,“ sagði
Wenger. „Við höfum mikið
sjálfstraust en þetta er allt ann-
ar fótbolti. Við verðum að koma í
veg fyrir að Vigo láti boltann
rúlla vegna þess að þeir hafa
mjög góða tækni.“
Sergio Fernandez, varnar-
maður Celta, óttast ekki
Arsenal, sem hefur tapað fimm
af sex leikjum sínum á Spáni
undir stjórn Wenger. „Þótt
Henry, Reyes og félagar séu
mjög öflugir, þá spilum við gegn
framherjum um hverja helgi
sem eru alveg jafn góðir og
þeir,“ sagði hann. Celta og
Arsenal hafa aldrei mæst í Evr-
ópukeppni. Arsenal hefur góða
ástæðu til að hræðast andstæð-
inga sína því leiktíðina ‘98/’99 sló
Celta út ensku liðin Aston Villa
og Liverpool í Evrópukeppni fé-
lagsliða.
Talið er að Damen Duff komi
inn í lið Chelsea sem sækir Stutt-
gart heim annað kvöld en kapp-
inn hefur ekki leikið í byrjunar-
liðinu síðan í desember vegna
meiðsla. Einnig eru taldar líkur
á að Carlo Cudicini standi á milli
stangana hjá Chelsea eftir að
hafa misst af leiknum gegn
Arsenal um síðustu helgi. Hern-
an Crespo hefur átt við veikindi
að stríða og óvíst er hvort hann
fái að spreyta sig í leiknum.
Stuttgart og Chelsea hafa
einu sinni áður mæst í Evrópu-
keppni, en það var í úrslitaleik
Evrópukeppni bikarhafa fyrir
sex árum. Þá vann Chelsea 1-0
með marki frá Gianfranco Zola.
Ljóst er að leikmenn Chelsea
munu leggja mikla áherslu á
leikina við Stuttgart því liðið er
nánast úr leik í baráttunni um
enska meistaratitilinn auk þess
sem enski bikarinn er genginn
þeim úr greipum.
Phillip Neville telur að
Manchester United þurfi að
bæta varnarleikinn fyrir viður-
eignina gegn Porto annað kvöld.
United, sem hefur fengið á sig
ellefu mörk í síðustu fimm leikj-
um, verður án Mikaels Silvestre
sem er meiddur. „Stjórinn sagði
okkur fyrir leikinn gegn Leeds
að hann vildi ekki að við kæmum
með buxurnar niður um okkur
inn í meistaradeildina en það er
nákvæmlega það sem við höfum
gert,“ sagði Neville. „Við verð-
um að fara að vinna leiki á ný,
jafnvel þótt það þýði að við spil-
um ekki áferðarfallegan fót-
bolta. Leikurinn er gríðarlega
mikilvægur fyrir okkur og von-
andi á hann eftir að draga fram
það besta í okkur. En ef við spil-
um eins og við höfum gert síð-
ustu tvær vikur þá dettum við út
úr keppninni.“
Stórleikur 16-liða úrslitanna
er án efa viðureign Bayern
Munchen og Real Madrid í
Þýskalandi. Bayern hefur geng-
ið bölvanlega upp á síðkastið og
er sjö stigum á eftir toppliði
Werder Bremen í Bundeslig-
unni. Liðið marði 1-0 sigur gegn
Hamburger SV á laugardag og
virkaði ekki sannfærandi. „Við
verðum að spila miklu betur
gegn Madrid og auðvitað mun-
um við gera það,“ sagði Ottmar
Hitzfeld, knattspyrnustjóri
Bayern. Þýska liðið sló það
spænska út úr undanúrslitum
meistaradeildarinnar fyrir
þremur árum og vann síðan úr-
slitaleikinn gegn Valencia.
Bayern vonast að sjálfsögðu til
að sagan endurtaki sig í kvöld. ■
David Moyes, stjóri Everton:
Real og Chelsea
hafa efni á Rooney
FÓTBOLTI David Moyes, stjóri
Everton, telur að einungis Real
Madrid eða Chelsea hafi efni á því
að kaupa Wayne Rooney.
Everton hefur lýst því yfir að
hinn 18 ára Rooney, sem skoraði
tvö mörk gegn Southampton um
síðustu helgi, sé ekki til sölu. „Ég
held að það séu aðeins tvö lið í
heiminum sem hafi efni á Wayne.
Það eru Chelsea og Real Madrid.“
sagði Moyes eftir leikinn. „Hann
var frábær gegn Southampton.
Hann er yndislegur piltur með
mikinn baráttuvilja. Hann er alltaf
að bæta sig en það mikilvægasta er
að hann öðlist reynslu.“ ■
Ívar Webster í
Bandaríkjunum:
Þjálfar
háskólalið
KÖRFUBOLTI Ívar Webster, sem lék
körfubolta í fjölmörg ár hér á
landi og starfaði sem þjálfari, er
orðinn aðstoðarþjálfari í Wilm-
ington-háskóla í Delawere í
Bandaríkjunum.
Webster sneri aftur til Bandaríkj-
anna fyrir fjórum árum og gerðist
þjálfari Red Lion Christian
Academy miðskólans í Bear
Delawere, að því er kom fram á
kki.is. Á háskólaárum sínum lék
Webster með Indiana State ásamt
Larry Bird, en þeir mættu Magic
Johnson og félögum í Michigan State
í úrslitaleik NCAA-keppninnar. ■
■ ■ LEIKIR
21.00 Valur og KR leika í Egilshöll
á Reykjavíkurmóti kvenna í fótbolta.
■ ■ SJÓNVARP
16.30 Olíssport á Sýn. Fjallað er
um helstu íþróttaviðburði heima
og erlendis.
18.00 Supercross (Reliant Stadi-
um) á Sýn. Nýjustu fréttir frá
heimsmeistaramótinu í Supercrossi.
19.00 Meistaradeild UEFA á Sýn.
Fréttaþáttur um meistaradeild UEFA.
19.30 Meistaradeild UEFA Bein
útsending frá leik Bayern
München og Real Madrid á Sýn.
21.40 Meistaradeild UEFA Bein
útsending frá leik Celta Vigo og
Arsenal á Sýn.
23.30 Olíssport á Sýn. Fjallað er
um helstu íþróttaviðburði heima
og erlendis.
MING
Yao Ming í baráttu undir körfunni við
Zeljko Rebraca leikmann Atlanta Hawks.
Ming skoraði 41 stig í leiknum.
ROONEY
Yndislegur piltur með mikinn baráttuvilja.,
að sögn David Moyes.
hvað?hvar?hvenær?
21 22 23 24 25 26 27
FEBRÚAR
Þriðjudagur
16 LIÐA ÚRSLIT
Leikir í kvöld
Lokomotiv Moskva-Mónakó
Celta-Arsenal
Bayern-Real Madrid
Sparta-AC Milan
Leikir á morgun
Deportivo-Juventus
Stuttgart-Chelsea
Porto-Manchester United
Real Sociedad-Lyn
CHELSEA
Leikmenn Chelsea fagna marki Eiðs Smára Guðjohnsen í leiknum gegn Arsenal um síð-
ustu helgi. Meistaradeildin er nánast eina von Chelsea til að vinna titil á þessari leiktíð.