Tíminn - 23.08.1972, Blaðsíða 16

Tíminn - 23.08.1972, Blaðsíða 16
3 milljón króna halli á listahátíð 1972 - þar af 2,5 af sænsku útvarpshljómsveitinni. Leitað til norræna menningarsjóðsins um styrk ÓV—Reykjavik Næstu daga fæst væntanlega úr þvi skorið, hvort listahátið i Reykjavik, fyrir milligöngu rikis og borgar fær styrk úr norræna menningarsjóðnum. Fjárhags- legur halli listahátiðar 1972 nam um það bil 3 milljónum króna, þar af var 2.5 millj. kr. halli af sænsku útvarpshljómsveitinni. Þorkell Sigurbjörnsson, fram- kvæmdastjóri listahátiðar, sagði iviðtalivið fréttamann blaðsins i gær, að þar sem hljómsveitin hefði eingöngu flutt norræn tón- verk og veriö i öllu norræn, þá gerðu menn sér vonir um, að styrkurinn fengist — og er þá reiknað með að sá styrkur borgi hallann af Sveriges Radio Orkester. — Annars er þetta á ráðherra- plani, sagði Þorkell. Norræn ráð- herranefnd mun fjalla um þetta, þannig að ég get ákaflega litlar upplýsingar veitt. A þeim 11 dögum, sem lista- hátið '72stóðyfir, voru seldir um þaö vil 17.000 aðgöngumiðar, og var það rúmlega 4000 meira en '70. Aðeins 1200 sóttu þá tvennu hljómleika, sem haldnir voru með sænsku hljómsveitinni, en ef.þeir hefðu átt aö standa undir sér f jár- hagslega, hefði þurft um 6000 manns. Þó er óhætt að fullyrða, að umrædd hljómsveit var eitt bezta atriði á allri Listahátiðinni. Skýringin á þessu kann ef til vill að vera sú, sem Vladimir Ashkenazy skaut að fréttamanni blaðsins isamtali undir lok lista- hátiðar: —Sænska útvarpshljómsveitin, sagði Ashkenazy. Það þykir al- menningi hljóma dálitið hjákát- lega, og þvi hugsar fólk ekki meira um það og gerir sér þar af leiðandi ekki grein fyrir þvi, ao þetta er ein bezta sinfóniuhljóm- sveit i heiminum. Þorkell Sigurbjörnsson sagði i gær: —Fyrir svo sem 15 árum var sænska útvarpshljómsveitin ekki miklu betri en sinfóniu- hljómsveitin hér, en Sviar lögðu þá mikla rækt við liana, og nú hefur árangurinn komið i ljós. Ródesía verður ekki með! NTB—Munchen Alþjóöa Ólympiunefndin samþykkti á fundi sfnum i gœrkvöldi, að útiloka Ródesiu frá þátttöku i Ólympiuleikunum, sem hefj- ast i Mlinchen eftír þrjá daga. Atkvæöagreiðslan um málið fór þannig, að 36 voru með útilokuninni, en 31 á uióli. Myndin var tckin cr þcir fjórmenningarnir komu út af fundinum á Loftleiðahótelinu, og einhverju virð- ist séra Lombardy þurfa að hvisla að Guðmundi Þórarinssyni, en vinstra megin við þá stendur Fred Cramer og hægra megin Asgeir Friðjónsson. (Timamynd Róbert) „ÆTLUMST TIL AÐ ÞÉR HÆTTIÐ FREKARI ÚTÚR- SNÚNINGUM" sagði Fischer í bréfi til Schmids yfirdómara KJ —¦ Reykjavik Kftir skákina á sunnudaginn, sem færði Skáksambandinu meira en milljón i kassann, voru Fischer og fulltrúar hans mjög óánægðir með hávaðann, sem verið hafði i salnum i Laugar- dalshóllinni vegna hins mikla mannfjölda. Buizt var við, að Bandarikjamennirnir sendu hörð mótmæli strax á sunnudags- kvöldið en það var ekki fyrr en aðfaranótt miðvikudagsins, sem aðaldómaranum, Lothar Schmid, bárust tvö mótmælabréf. Annað bréfið var frá Fischer og undir- skrifað af honum, en hitt frá fulltrua hans, Cramer. I bréfi sinu krafðist Fischer þess, að 17 skákin yrði tefld i bak- herberginu og ekki yrði teflt framar i salnum, nema gerðar yrðu breytingar þar. Schmid aðaldómari tilkynnti stjórn Skáksambandsins um bréfin, og var ákveðið, aö þeir Guðmundur G. Þórarinsson, forseti Skáksambandsins, og Asgeir Friðjónsson varaforseti kæmu til fundar við fulltrúa Fischers, þá séra Lombardy og Fred Cramer. r^undur þessi hófst um hádegisbilið i gær, meðan Fischer svaf enn værum svefni á þriðju hæð Loftleiðahótelsins. Eftir 90 minútna fund þeirra fjórmenninganna komu þeir út i anddyri Loftleiðahótelsins, og virtistaf svipþeirra, sem vel lægi á þeim. „Við höfum komið okkur saman um að skýra ekki frá þvi, sem gerðist á fundinum", sagði Guðmundur G. Þórarinsson, ,,en þið munið sjá, hvað gerzt hefur, þegar þið komið i höllina i dag". Siðan héldu þeir hver i sina átt, og lá leiö Guðmundar i Laugardals- höllina. Hér á eftir fer svo lausleg þýðing á bréfi Fischers til Schmid. Lothar Schmid Chief Arbiter World Championship Chess Undanfarnar vikur hafið þér fengið f jögur bréf og margskonar kvartanir frá okkur, og ennþá versnar keppnisaðstaðan i sýningahöllinni. Aöstaðan hefur nú versnað það mikið, að ég mun ekki sætta mig við hana lengur. Ég vænti þess, að þér látið tefla 17. umferðina i sérstöku herbergi. og látið haldaþar áfram, þangað til breytingar þær i salnum, sem fulltrúar minir hafa farið fram á, hafa verið gerðar, svo mér liki. Ef neitunyðar viðþessu verður til þess, að i annað sinn verður ekki teflt, lit ég svo á, að einviginu sé endanlega lokið, og ekki mun undir neinum kringum- stæðum verða teflt áfram. Yðar er nú að taka ákvörðun. Ég og skákheimurinn ætlumst til þess, að þér hættið frekari útúrsnúningum og sjáið um að keppnisaðstaðan verði heims- meistaraveinviginu samboðin. Yðar einlægur Bobby Fischer (sign) I bréfi Fred Cramers, fulltrúa Bobby Fischers, segir, m.a.: „Keppnisaðstaðan i sýninga- höllinni á sunnudaginn var sú versta fram að þessu. Áhorfendur voru margir, og þeir voru hávaðasamir, stöðugt á hreyfingu, hóstandi, standandi meðfram hliðunum, hvislandi, og jafnvel hlaupandi um. Þetta er Framhald á bls. 13 Blaðburðarfólk óskast á eftirtaldar götur; Viðimelur, Reynimelur, Bergstaðastræti, Ljósheimar, Bústaðavegur, Kleppsvegur, Skólavörðustigur og Boga-' hlíð. Upplýsingará afgreiðslu Timans, Bankastræti 7 og i sima 12323. Hotel Loftleidii, Reykjavik, lceland. Telephone 22322, Telex: Reykjavik 2021 reykjavík, Aug. 21', 1972 -*-> Lothar Sohmid Chief..Arbiter World Champlonship Chess Match Sir: You have received four letters and many urgings from us during recent weeks, yet playing conditions at Expositlon Hall continue to worsen. They have now reached the poirft where I do not intend to tolerate them further. I shall expect you to schedule play in the pri- vate roo.m beginning with game 17 and contlnuing there, unles3 or until the corrections to the auditorium, as requested by my representatives, have been completed to my satisfaction. Should your failure to do this produce another forfeitf I shall consider the match summarily ter- minated, and there will be no further play under any conditions. The decision is now in your hands. I andt.hr: chess world expect you to re^ect the present travosty and to give us playing conditions worthy of a world championship match. jurs truly, J^ ¦ . Bobby Fischer [ Miðvikudagur 23. ágúst 1972 ) Seglbátur sambands- laus í 20 daga Venjulega hefur Fischer látið fulltrúum sinum eftir að skrifa og undir- rita mótmælabréfin, en að þessu sinni var orðalagið hans sjálfs og undirskriftin sömuleiðis, eins og sjá má á meðfylgjandi mynd af bréf- inu til Schmid. Klp—Reykjavík. i gær óskaði brezka sendiráðið I Reykjavik eftir þvi að Slysa- varnaféiag islands, að hafin yrði leit að enskum segibáti með fimm mönnum innan borðs. Hafði bát- urinn haldið frá islandi 30. jiili s.l. á leið til Grænlands, en þegar ekkert spurzt til hans i 20 daga og þess vegna farið að óttast um hann. Bátur þessi, sem heitir Seabreeze, er 30 lesta, 47 fet á lengd, búinn litilli hjálparvél. Hann kom til Jan Mayen hinn 25. júli og hélt þaðan til Islands. Frá íslandi fór hann 30. júli, og ætlaði áhöfnin að sigla honum til Græn- lands. Þegar ekkert hafði frétzt af honum i 20 daga, var farið að spyrjast fyrir um hann á strand- stöðvum á Grænlandi og skipum, sem leið áttu um þessar slóðir. En enginn kannaðist við að hafa séð eða heyrt i honum, og fór þá brezka sendiráöið þess á leit við Slysavarnafélagið, að hafin yrði skipulögð leit. Var haft samband við varnar- liðið á Keflavikurflugvelli, og einnig við leitarstöðvar I Skot- landi, sem þegar hófu undirbún- ing að þvi að senda flugvélar til leitarinnar. I gærmorgun var allri undirbúningsvinnu lokið, og átti að fara að hef ja leit, þegar sú fregn barst frá norskum hval- veiðibáti, sem var við Grænland, að hann hefði haft samband við Seabreeze skömmu áður, og væri hann á leið til hafnar i Ang- magsalik. í bátnum var enginn fjarskipta- búnaður og aðeins einn litill gúm fleki, sem að sögn kunnugra er svo litill aö hann getur varla borið alla áhöfnina I einu á ládauðum sjó. Enn veltur olíubíll fráBP Klp—Reykjavik i gær valt oliubiil frá Oliuverzl- un islands, BP, á leiðinni frá isa- firði til Súgandafjarðar. i bilnum voru tveir bifvélavirkjar, sem voru að skiia bilnum til Súganda- f jarðar eftir viðgerð, og urðu þeir ekki fyrir teljandi meiöslum. Bfllinn fór einar fimm veltur áður en hann stöðvaðist, og er hann talinn gjörónýtur. Þetta er annar bilinn frá BP, sem eyði- leggst eftir veltu.'Hinn fór sem kunnugt er niður Kamba fyrir nokkrum dögum. Skömmu áður hafði svo bill frá sama fyrirtæki stórskemmzt i árekstri suður á Keflavikurflugvelli. Þeir hjá BP sögðu við okkur i gær, að það væri eins og einhver bylgja gengi yfir fyrirtækið þessa dagana, þvi að hvert óhappið tæki við af öðru. Til allrar hamingju hefði starfsfólkið sloppið við telj- andi meiðsl, og væri það fyrir öllu, en vonandi væri nú bylgjan liðin hjá, með þessu siðasta óhappi á Súgandafirði.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.