Tíminn - 06.12.1974, Blaðsíða 16

16
TÍMINN
Föstudagur 6. desember 1974.
fer í siglingar. Og ef þér takið drenginn á skip yðar, þá
læt ég sýslumanninn skerast í leikinn".
„Þetta er þó í fyrsta skipti, sem kerling hefur ætlað að
taka mig svona taki, svo sannarlega sem við f örum allir í
sindrandi helvíti. — Kannski þú viljir koma sjálf í stað-
inn fyrir strákinn? Ég býst við, að ég gæti brúkað einn
kvenmann á sjónum". Hann lygndi illilegum augunum
framan í Katrínu.
,,Ha-ha-ha!" Norðkvist hló hátt, og hinir tóku allir
undir. Katrín stóð grafkyrr og lét sér hvergi bregða.
Andlit hennar var orðið dumbrautt, en það var af reiði en
ekki blygðun. Málrómurinn var harður og óveill, er hún
svaraði skeyti skipstjórans.
„Ég hélt, að menntaðir kapteinar gerðu sér annað til
gamans en að veitast að varnarlausri konu. En sé það
yðar siður — og þá þér um það. Ég hef sagt yður það,
sem ég ætlaði að segja yður". Og síðan snaraðist hún
hnarreist út úr búðinni. öllum varð orðfall.
Norðkvist rauf þögnina. „Þarna saumaði hún að okk-
ur öllum", sagði hann. — „Þetta er forkunnar kven-
maður", bætti hann svo við.
„Það var eins og djöfullinn sjálfur væri kominn",
sagði Eriksson skipstjóri illskulega og bylti sér til á ístr-
unni, unz hann var aftur kominn í sínar fyrri stellingar.
„Heyrðu, Eriksson. Ekki getur þú tekið strákinn gegn
vilja foreldranna. Það veizt þú sjálfur", sagði Norð-
kvist. Og hvort sem honum líkaði betur eða verr, þá varð
hann að hlíta ráðum Norðkvists, þess volduga manns.
Fyrst í stað hélt Eiríkur, að Katrín hefði alls ekki talað
við Eriksson. En er drengurinn komst á snoðir um, að
búið mundi að ráða annan aðstoðarmatsvein og heyrði
auk þess sagt frá orðaskiptunum i búðinni, duldist hon-
um ekki, að móðir hans hafði látið skammt miili orða og
gerða.
Hann varð hamslaus af bræði. „Ég skal samt fara. Ég
strýk, ég strýk", æpti hann, og röddin var í senn loðin af
gráti og titrandi af reiði. „ En nú vill enginn taka við mér,
því að þú hefur gert mig að athlægi um alla byggðina.
Allir strákar hrópa á eftir mér og segja, að mamma haf i
mig í pilsvasanum og ég fái ekki að fara á sjó, fyrr en ég
kemst hjálparlaust upp úr honum. — Og mundu það, að
ég hreyf i ekki við einu einasta strái í sumar á hverju sem
gengur — og það er þér að kenna".
Katrín lét þetta sem vind um eyrum þjóta. Lofum
honum að þusa hugsaði hún. Smátt og smátt féll þetta
svo í fyrnsku, en samt kom það hvað eftir annað fyrir
um sumarið, að Eiríkur rif jaði þetta upp, ef hann komst
í vont skap, og hafði þá í frammi hræðilegustu hótanir,
sem hann framkvæmdi þó aldrei.
Þegar leið að nýju vori, bjó Katrín sig undir aðra
viðureign við óstýriláta unglingana, sem þóttust fleygir
og færir langt fyrir aldur fram. Hún var jafnvel smeyk
um, að Gústaf, er nú var á tólfta ári, myndi líka vilja
fara að heiman. En svo kynlega bar við, að ekkert bólaði
á slíku. Þessi heimaspekt yngsta sonarins létti af henni
þungum áhyggjum. Hann hafði ávallt verið litla barnið
á heimilinu síðan Sandra dó, og hann var í senn ákaf lega
þverlundaður og bráður, en þó jafnf ramt barnalegur og
leiðitamur. Eiríki var skólavistin mjög þvert um geð,
einkanlega að vorinu,en Gústaf rækti námið af alhug. Og
flest skipin voru sigld úr höfn, áður en prófdagurinn
rann upp. En hinn drengurinn var orðinn svo fáskiptinn
og hljóðlátur, að það fékk Katrínu áhyggju. Hann skyldi
þó ekki hafa í huga að strjúka að heiman? hugsaði hún
kvíðin.
Dag nokkurn voru þau Eiríkur tvö ein heima. Þá vék
drengurinn sér allt í einu að henni og spurði ofur-stilli-
lega og þó með leyndri eftirvæntingu:
„Hefur þú ekki hugsað þér að lofa mér að fara að
heiman í vor, mamma?".
Katrín þagði stundarkorn: hún var að sýsla við
grautarpott yfir hljóðunum. Loks spurði hún blíðlega:
„Langar þig óstjórnlega mikið á sjóinn?".
„Já", svaraði drengurinn. Annað sagði hann ekki.
Hann studdi olnbogunum á borðiðog lét hökuna hvíla á
höndum sér og horfði löngungaraugum út um gluggann,
yfir ásinn og byggðina, út á blámerlandi sundið milli
skógarbeltanna, nýleyst úr viðjum vetrarins.
Katrín gaf svip drengsins nánar gætur. Svo varp hún
öndinni og mælti stillilega:
„Þú verður þá að fá að fara, ef þú færð skiprúm hjá
sæmilegum skipstjóra".
Drengurinn kipptist til, eins og rekinn hefði verið i
hann hnífur, og leit spyrjandi á móður sína. Síðan tróð
hann húf inni á höf uðið og rauk út. Hann stefndi niður í
þorpið, tróð höndunum í buxnavasana og blístraði sjó-
mannalag. Katrín stóð við gluggann og horfði á ef tir syni
sínum, grönnum og renglulegum. Ö, hve hann var líkur
Jóhanni, þarna . sem hann slangraði niður ásinn. Og hún
brosti dapurlega.
Hann fékk skiprúm hjá skipstjóra frá Langanesi.
Föstudagur
6. desember
7.00 Morgunútvarp Veöur-
fregnirkl. 7.00, 8.15 og 10.10.
Fréttir kl. 7.30, 8.15 (og for-
ustugr. dagbl.), 9.00 og
10.00. Morgunbæn kl. 7.55,
Morgunleikfimi kl. 7.35 og
9.05. Morgunstund barn-
anna kl. 9.15: Sigurður
Grétar Guðmundsson les
„Litla sögu um litla kisu”
eftirLoft Guðmundsson (3).
Tilkynningar kl. 9.30. Þing-
fréttir 9.45. Létt lög milli
liöa. Spjaliað við bændurkl.
10.05. Hin gömlu kynni” kl.
10.25: Sverrir Kjartansson
sér um þátt með tónlist og
frásögnum frá liðnum ár-
um. Morguntónleikar kl.
11.00: André Pepin, Ray-
mond Leppard og Claude
Viala leika Sónötu i F-dúr
fyrir flautu, sembal og selló
eftir Loeillet / Margot Guil-
leaume syngur þýskar ariur
eftir Handel við undirleik
kammersveitar / Lola
Bobesco og kammersveitin i
Heidelberg leika þætti úr
Arstfðakonsertunum eftir
Vivaldi.
12.00 Dagskráin. Tónleikar.
Tilkynningar.
12.25 Fréttir og veðurfregnir.
Tilkynningar.
13.00 Við vinnuna: Tónleikar.
14.30 Miödegissagan: <Jr end-
urminningum Krústjeffs.
Sveinn Kristinsson byrjar
lestur þýöingar sinnar.
15.00 Miðdegistónleikar
Suisse Romande hljóm-
sveitin leikur „Eldfuglinn”,
ballettsvitu eftir Strav-
insky, Ernest Ansermet stj.
15.45 Lesin dagskrá næstu
viku
16.00 Fréttir. Tilkynningar.
(16.15 Veöurfregnir).
16.25 Popphorniö
17.10 Útvarpssaga barnanna:
„Hjalti kemur heim” eftir
Stefán Jónsson Gisli
Halldórsson leikari les (18).
17.30 Tónleikar. Tilkynning-
ar.
18.45 Veðurfregnir. Dagskrá
kvöldsins.
19.00 Fréttir. Fréttaauki. Til-
kynningar.
19.45 Þingsjá Umsjón/ Kári
Jónasson.
20.10 Kórsöngur Arnesinga-
kórinn i Reykjavik syngur
lög eftir Arnesinga, Þuriöur
Pálsdóttir stjórnar. Pianó-
leikari: Jónina Gisladóttir.
20.30 Upplýsingaskylda fjöl-
miöla Páll Heiðar Jónsson
stjórnar þætti i útvarpssal.
22.00 Fréttir
22.15 Veðurfregnir. Húsnæöis-
og byggingarmál: Ólafur
Jensson sér um þáttinn.
22.35 Bob Dylan Ómar
Valdimarsson les úr þýð-
ingu sinni á ævisögu hans
eftir Anthony Scaduto og
kynnir hljómplötur, — sjötti
þáttur.
23.20 Fréttir i stuttu máli.
Dagskrárlok.
1 ÁLFNAD ER VERK
E ÞÁ HAFIÐ ER
■ ^ SAMVINNUBANKINN

DIPREIÐfl
EIGCnDUR!
Aukið ÖRYGGI, SPARNAÐ og ÁNÆGJU
( koynlu yðar, moð þvi að lóla okkur
annait itillingarnar á bifroiðinni.
Framkvaimum víla-, hjóla- og Ijóiaitillingar
óiamt tilhoyrandi viðgorðum.
Ný og fullkomin itillitaki.
O. £ngilbcíl//on h/f
Stilli- og Auðbrckku 51
vclaverkstæði Kópavogi, simi 43140