Fréttablaðið - 29.12.2004, Blaðsíða 4

4 29. desember 2004 MIÐVIKUDAGUR
INDÓNESÍA, AP Það þykir krafta-
verki líkast að 20 daga gamalt
stúlkubarn skuli hafa komist lífs
af í Malasíu eftir að skjálftinn
reið yfir, en það fannst á fljótandi
dýnu og var komið heilu og
höldnu til foreldra sinna.
Margir gera nú dauðaleit að
ættingjum sínum sem voru á
svæðunum sem urðu verst fyrir
skjálftanum. Saga af tveggja ára
gömlum sænskum dreng hefur
vakið vonarglætu meðal margra.
Drengurinn var í fríi á eyjunni
Phuket í Taílandi með foreldrum
sínum sem er saknað. Honum var
bjargað frá flóðbylgjunni og
komið fyrir á spítala en frænka
hans í Svíþjóð fann hann þegar
hún var að leita frétta af ættingj-
um sínum á netinu.
Tveggja ára gamall drengur
fannst einn síns liðs á vegkanti á
Phuket og tókst að hafa upp á föð-
ur hans. Þá björguðu hjálpar-
starfsmenn þriggja ára gömlum
dreng sem fannst á lífi uppi í tré
í suðurhluta Taílands.
Þessi tilfelli eru vonarglæta í
annars ömurlegu ástandi þar sem
íbúar á Srí Lanka hafa þurft að
jarðsetja ástvini sína með berum
höndum. ■
TAÍLAND, AP Hugsanlegt er að veð-
urstofa Taílands hafi frestað því
að gefa út viðvörun vegna yfir-
vofandi flóðbylgju af ótta við að
viðvörunin gæti skaðað ferða-
mannaiðnað landsins, að því er
embættismenn gáfu til kynna í
dag. Sulamee Prachuab, sem er
yfirmaður jarðskjálftastofnunar
landsins, sagði að stofnunin yrði
að sýna varkárni, því ferðamála-
ráð ríkisins áliti slíkar viðvaran-
ir skaða ferðamannaiðnað
rættust viðvaranirnar ekki.
S t o f n u n i n
sendi frá sér
viðvörun vegna
y f i r v o f a n d i
flóðbylgju á
sunnudag, en í
útsendingum til
f e r ð a m a n n a -
staða í landinu
var hættan van-
metin og við-
vörun var ekki
birt á netinu fyrr en þremur
klukkustundum eftir að fyrsta
flóðbylgjan skall á suðurströnd
Taílands.
Flóðbylgjan mikla kom fyrst
að taílenskum ströndum og eyj-
um aðfaranótt sunnudags, miðað
við íslenskan tíma, um klukku-
stund eftir að öflugur jarð-
skjálfti varð undan strönd
Indónesíu. Staðfest var í dag að
meira en 1500 manns hafa farist
í Taílandi en búist er við því að
mun fleiri hafi farist en opinber-
ar tölur segja til um.
„Fyrir fimm árum sendi Veð-
urstofan frá sér viðvörun um
hugsanlega flóðbylgju eftir að
jarðskjálfti varð á Papúa í Nýju-
Gíneu. Ferðamálayfirvöld
kvörtuðu yfir því að slík viðvör-
un myndi hafa slæm áhrif á
ferðamannaiðnaðinn,“ sagði
Sumalee.
Ferðamennska er helsta
tekjulind Taílendinga. Yfirvöld
eru afar uggandi yfir fréttum
sem þau telja hugsanlegt að
valdi tekjutapi í þessum geira.
Surapong Suebwonglee, ráð-
herra upplýsinga- og samgöngu-
tækni í Taílandi, sagði að nefnd
óháðra sérfræðinga og taí-
lenskra embættismanna yrði
sett á stofn snemma í næsta
mánuði. Nefndin myndi kanna
hvort Veðurstofan hefði brugð-
ist þeirri skyldu að gefa út við-
vörun vegna hamfaranna í tíma.
Staðfest tala fallinna er þegar
komin yfir fimmtíu þúsund en
óttast er að mun fleiri hafi fallið.
Alþjóðaheilbrigðisstofnunin
segir hugsanlegt að helmingi
fleiri hafi fallið í valinn áður en
yfir lýkur vegna farsótta. ■
Efnahagslegar afleiðingar:
Srí Lanka
verst úti
SINGAPÚR, AP Efnahagslegar búsifj-
ar af völdum flóðbylgjunnar á Ind-
landshafi verða mestar á Srí Lanka
og á Maldíveyjum að mati hag-
fræðinga í Asíu. Þeir segja að flóð-
bylgjan muni ekki hafa varanlegar
efnahagslegar afleiðingar í
Indónesíu, Indlandi, Taílandi og
Malasíu, því skemmdirnar séu ekki
miklar í ljósi stærðar landanna.
Þar hafi flóðin ekki eyðilagt iðn-
aðarsvæði eða skaðað efnahags-
lega innviði landsins svo teljandi
sé. Öðru máli gegni um Srí Lanka
og Maldíveyjar þar sem flóðbylgj-
an hrifsaði heilu verksmiðjurnar
með sér. ■
FRÁ VETTVANGI
Eins og sést reif flóðbylgjan lestarteinana
upp og sneri þeim á hvolf.
Flóðbylgjan í Indlandshafi:
Hreif lest af
teinunum
INDÓNESÍA, AP Rúmlega þúsund far-
þegar í lest meðfram strönd
Indónesíu fórust þegar flóðbylgj-
an skall á land og hreif lestar-
vagnana með sér af teinunum.
Samkvæmt upplýsingum frá lög-
reglu í Indónesíu var lestin stöðv-
uð á sunnudagsmorgun skömmu
áður en bylgjan gekk á land.
Sumir farþeganna freistuðu
þess að bjarga sér með því að
klifra upp á vagnana en það var til
einskis. Óvíst er hversu margir
lifðu af. Líkin voru flest hver fjar-
lægð af vettvangi eftir stutta at-
höfn að sið búddista en fingraför
voru tekin af flestum líkanna svo
hægt væri að bera kennsl á þau
síðar meir. ■
,,Viðvörun
var ekki birt
á netinu fyrr
en þremur
klukku-
stundum of
seint.
Á að gera þriðja í jólum að
almennum frídegi?
Spurning dagsins í dag:
Ætlarðu að skjóta upp flugeldum á
gamlárskvöld?
Niðurstöður gærdagsins
á visir.is
32%
68%
Nei
Já
KJÖRKASSINN
Farðu inn á fréttahluta visir.is
og segðu þína skoðun
FRÁ SRÍ LANKA
Jarðsprengjur eru enn ein ógnin við fólk
sem snýr til heimahaganna.
Flóðbylgjan á Srí Lanka:
Jarðsprengj-
ur dreifðust
COLOMBO, AP Flóðbylgjan sem skall
á Srí Lanka hefur rótað upp jarð-
sprengjum og dreift um víðfeðmt
svæði og ógnar öryggi þeirra sem
lifðu hörmungarnar af og reyna
að komast aftur til síns heima sem
og hjálparstarfsmönnum á svæð-
inu. Fyrir flóðið voru jarðsprengj-
urnar á þekktum svæðum sem
voru rækilega merkt en þær hafa
nú dreifst auk þess sem flest skilt-
in eru horfin.
Srí Lanka er stríðshrjáð land
en síðan 1983 hafa Tamíl-tígrarnir
svokölluðu barist við stjórnvöld.
Talið er að þeir og ríkisherinn hafi
komið fyrir um 1,5 milljónum
jarðsprengjum. ■
BJARGAÐ FRÁ DAUÐA Hjálparstarfs-
menn björguðu þessum þriggja ára
gamla dreng úr tré í suðurhluta Taílands.
Vonarglæta í myrkrinu:
Ungbarn fannst á fljótandi dýnu
Hættuviðvörun
var slegið á frest
Veðurstofa Taílands er borin þungum sökum af embættismönnum. Taílensk
yfirvöld munu skipa óháða nefnd sem á að rannsaka hvort veðurstofa lands-
ins hafi frestað viðvörun vegna flóða.
AP
■ FLÓÐBYLGJAN
■ FLÓÐBYLGJAN
SENDA EKKI HJÁLPARSVEITIR Ísr-
aelsmenn hættu við að senda 150
manna hjálparsveit til Srí Lanka
eftir að þarlend yfirvöld settu sig
á móti því. Yfirvöld í Srí Lanka
kunnu því illa að í ísraelsku hjálp-
arsveitinni voru 60 hermenn.
Ísraelsmenn senda í staðinn fá-
menna sveit með neyðargögn. Um
500 Ísraelsmenn eru í Suðaustur-
Asíu og þótt enginn hafi fundist
látinn er margra saknað.
ÞÚSUNDA FERÐAMANNA SAKNAÐ
Samkvæmt opinberum tölum
hafa að minnsta kosti um hund-
rað erlendir ferðamenn farist á
flóðasvæðunum en þúsunda er
enn saknað og nokkuð víst að tal-
an á eftir að hækka. Að minnsta
kosti 17 Bretar eru dánir og vitað
er um tíu Þjóðverja sem hafa lát-
ið lífið og jafnmarga Norðmenn.
Þá hafa að minnsta kostir níu
Ítalir farist sem og Svíar og
Frakkar.