Fréttablaðið - 29.12.2004, Blaðsíða 31

FÓTBOLTI Chelsea virðast ekkert
ætla að gefa eftir í baráttunni um
enska meistaratitilinn og eftir 0-2
sigur á Portsmouth í gær hefur
liðið átta stiga forystu á toppi
deildarinnar. Arsenal á reyndar
leik inni og getur minnkað foryst-
una niður í fimm stig með sigri á
Newcastle á útivelli í kvöld.
Eiður Smári Guðjohnsen byrj-
aði á varamannabekk Chelsea í
gær en kom inn á fyrir Didier
Drogba á 58. mínútu. Það var
fyrst þá sem hlutirnir fóru að
ganga hjá liðinu og náðu Arjen
Robben og Joe Cole að tryggja
sigur Chelsea á síðustu 10
mínútunum.
Hermann Hreiðarsson var í
sviðsljósinu í frábærum sigri
Charlton á Everton. Fyrst fékk
hann vænt olnbogaskot í andlitið
frá hinum skapbráða Duncan
Ferguson sem var í kjölfarið verð-
launaður með rauðu spjaldi. Her-
mann skoraði síðan annað mark
Charlton með góðu vinstrifótar-
skoti eftir hornspyrnu Danny
Murphy.
Liverpool og Manchester
United unnu einnig sína leiki í
gær. Florent Sinama-Pongolle
skoraði eina mark Liverpool gegn
Southampton og það sama gerði
Ryan Giggs fyrir Man Utd. gegn
Aston Villa. ■
22 29. desember 2004 MIÐVIKUDAGUR
Við hrósum...
...Hermanni Hreiðarsson, varnarmanninum sterka hjá Charlton, en hann
skoraði sitt fyrsta mark í ensku úrvalsdeildinni á þessu tímabili í gær
þegar hann skoraði seinna mark Charlton í sigri á Everton, 2–0.
Hermann hafði reyndar skorað eitt mark á tímabilinu, gegn Crystal
Palace í enska deildarbikarnum.sport@frettabladid.is
HVAÐ? HVENÆR? HVAR?
26 27 28 29 30 31 1
Miðvikudagur
DESEMBER
AFREKSFÓLK Ég lít svo á að þetta sé
stærsti titill sem íþróttamaður á
Íslandi getur fengið og það er
virkilega gaman að hljóta hann,“
sagði Eiður Smári Guðjohnsen,
knattspyrnumaður í Chelsea og
fyrirliði íslenska landsliðsins, í
samtali við Fréttablaðið í gær.
Eiður bar sigur úr býtum í kjöri
Fréttablaðsins og Vísis um
íþróttamann ársins 2004.
Rúmlega 3.500 manns tóku þátt
í kosningu um íþróttamann ársins
á íþróttavef Vísis sem stóð yfir í 2
vikur, frá 8. til 22. desember. Eiður
Smári hlaut 44% atkvæða og hafði
betur eftir harða baráttu við sund-
konuna Kristínu Rós Hákonardótt-
ur sem hlaut 36% atkvæða. Eins
og tölurnar gefa til kynna höfðu
þau mikla yfirburði í kjörinu.
„Þetta er vissilega mikill
heiður. Ég reyni að vera góður
sendiherra fyrir Ísland og það er
mjög gaman að vita að þjóðin
fylgist með manni,“ sagði Eiður
jafnframt.
Eiginkona Eiðs Smára, Ragn-
hildur Sveinsdóttir, og synir
þeirra hjóna, Andri Lucas og
Sveinn Aron, tóku við viðurkenn-
ingunni fyrir hönd Eiðs Smára í
gær en hann fékk innrammaða
mynd að gjöf sem sýnir hann
skora framhjá Gianluigi Buffon í
vináttuleik Íslendinga og Ítala í
sumar. Þetta er í fyrsta sinn sem
þessi verðlaun eru afhent en þau
munu verða veitt á hverju ári hér
eftir.
Sögðust synirnir vera afar
stoltir af pabba sínum en þeir
höfðu þó lítinn tíma til að fylgjast
með honum í leiknum gegn
Portsmouth í gær þar sem Sveinn
Aron var í eldlínunni með liði HK
í árlegu jólamóti Breiðabliks.
Spurður um hvort hann ætli að
reyna að feta í fótspor pabba þeg-
ar hann yrði eldri var Sveinn Aron
ekki að spara stóru orðin: „Ég ætla
að verða betri,“ sagði hann og það
án þess að blikna.
vignir@frettabladid.is
FJÖLSKYLDAN Ragnhildur Sveinsdóttir, eiginkona Eiðs Smára Guðjohnsen, tók við
viðurkenningunni sem Eiður hlaut fyrir að vera valinn íþróttamaður ársins hjá
Fréttablaðinu og Vísi. Með henni voru synir þeirra hjóna, Sveinn Aron og Andri Lucas.
■ ■ SJÓNVARP

15.20 Ensku mörkin á RÚV.

19.00 Heimsbikarinn á skíðum á
Sýn.

19.30 Íþróttamaður ársins á Sýn.
Bein útsending frá kjöri Samtaka
íþróttafréttamanna á Íþróttamanni
ársins 2004.

20.00 Íþróttamaður ársins á RÚV.
Bein útsending frá kjöri Samtaka
íþróttafréttamanna á Íþróttamanni
ársins 2004.

20.00 Enski boltinn á Skjá einum.
Bein útsending frá leik Newcastle
og Arsenal í ensku úrvals-
deildinni í fótbolta.

20.40 Maradona á Sýn. Þáttur um
argentínska knattspyrnusnillinginn
Diego Maradona.

21.35 Bardaginn mikli á Sýn. Sýnt
frá hnefaleikabardaga Sugrs Ray
Robinson og Jake LaMotta.

23.15 Íþróttamaður ársins á Sýn.
Útsending frá kjöri Samtaka
íþróttafréttamanna á Íþróttamanni
ársins 2004.

23.55 Ensku mörkin á RÚV.
Sendu SMS skeytið JA B3F á númerið1900 og þú gætir unnið.
2 X bíómiðar á 99kr.-
9. hver vinnur
99 kr/skeytið
Snæfell fær liðsstyrk:
Clemmons á
í Hólminn
KÖRFUBOLTI Lið Snæfells í Inter-
sportdeildinni í körfuknattleik,
hefur borist liðsstyrkur. Sá heitir
Calvin Clemmons og er frá
Charlotte í Norður-Karólínu í
Bandaríkjunum. Hann er 2,03
metrar á hæð og vegur 113 kíló.
Hann lék á sínum tíma með North
Carolina háskólanum og Olympic
High. Hann var með 12,8 stig, 11,2
fráköst og 3,1 varið skot að meðal-
tali með Olympic High.
Clemmons, sem er 23 ára að
aldri, lék síðast með Musel Pikes í
Lúxemborg. Hann skoraði 25 stig,
tók 18 fráköst, gaf 3 stoðsending-
ar og stal tveimur boltum að með-
altali í leik í efstu deild þar í landi.
Clemmons, sem mun leika stöðu
miðherja hjá Snæfelli, kemur í
stað Desmond Peoples sem fékk
farmiða fyrir einn, aðra leiðina,
til Bandaríkjanna í jólagjöf frá
Snæfellsmönnum. ■
„Hlyyynur, Hlyyyyyynur Bærings. Horfir á boltann
og tekur hann síðan. Hlyyynur, Hlyyyyyynur
Bærings. Horfir á boltann og tekur hann síðan.“
Það er ljóst að það er ekki komið að tómum skáldakofanum hjá þeim stuðnings-
manni Snæfells sem samdi þetta textabrot til heiðurs Hlyni Bæringssyni.
Enska úrvalsdeildin
ÚRSLIT
ASTON VILLA–MAN. UTD 0–1
0–1 Ryan Giggs (42.).
BOLTON–BLACKBURN 0–1
0–1 Paul Dickov (6.).
CHARLTON–EVERTON 2–0
1–0 Talal El Karkouri (82.), 2–0 Hermann
Hreiðarsson (85.).
FULHAM–BIRMINGHAM 2–3
0–1 Emile Heskey (25.), 1–1 Sylvain Legwinski
(34.), 1–2 Darren Carter (41.), 1–3 Robbie
Savage (53.), 2–3 Tomaz Radzinski (90.).
LIVERPOOL–SOUTHAMPTON 1–0
1–0 Florent Sinama-Pongolle (44.)
MAN. CITY–WEST BROM 1–1
1–0 Nicolas Anelka (32.), 1–1 Richard Dunne,
sjálfsm. (85.).
MIDDLESBROUGH–NORWICH 2–0
1–0 Joseph Desire Job (52.), 2–0 Joseph Desire
Job (54.).
PORTSMOUTH–CHELSEA 0–2
0–1 Arjen Robben (79.), 0–2 Joe Cole (90.).
TOTTENHAM–C. PALACE 1–1
1–0 Jermain Defoe (54.), 1–1 Andy Johnson
(79.).
STAÐAN
CHELSEA 20 15 4 1 40:8 49
ARSENAL 19 12 5 2 47:22 41
EVERTON 20 12 4 4 23:17 40
MAN. UTD. 20 11 7 2 31:13 37
MIDDLESB. 20 10 5 5 34:24 35
LIVERPOOL 20 10 4 6 34:20 34
CHARLTON 20 9 4 7 23:28 31
TOTTENHAM 20 8 5 7 24:19 29
PORSTMOUTH 20 7 5 8 24:27 26
BIRMINGHAM 20 6 8 6 23:21 26
ASTON VILLA 20 6 7 7 22:24 25
MAN. CITY 20 6 6 8 24:21 24
BOLTON 20 6 5 9 26:29 23
NEWCASTLE 19 5 7 7 31:37 22
BLACKBURN 20 3 10 7 19:32 19
FULHAM 20 5 3 12 22:35 18
CR. PALACE 20 3 6 11 20:31 15
NORWICH 20 2 9 9 17:36 15
SOUTHAMPT. 20 2 8 10 18:32 14
WEST BROM 20 1 8 11 16:42 11
LEIKIR GÆRDAGSINS
Níu leikir á dagskrá í ensku úrvalsdeildinni í gær:
Enn sigrar Chelsea
FR
ÉT
TA
B
LA
Ð
IÐ
/E
.Ó
L.
HELJARSTÖKK Hermann Hreiðarsson hefur ávallt
kunnað að fagna mörkum með stæl. Á því varð
engin breyting í gær þegar hann bauð upp á flikk
flakk sem hið ágætasta fimleikafólk hefði án efa
verið hið ánægðasta með.
Gaman að vita að þjóðin
fylgist með manni
Knattspyrnumaðurinn Eiður Smári Guðjohnsen segir það mikinn heiður að
hafa verið valinn íþróttamaður ársins hjá Fréttablaðinu og Vísi. Hann hlaut
44% atkvæða og sigraði eftir harða keppni við Kristínu Rós Hákonardóttur.
Íslenska kvennalandsliðið í körfubolta í gær:
Fimm stiga sigur á Englandi
KÖRFUBOLTI Íslenska kvennalands-
liðið vann fimm stiga sigur á
Englandi, 67-72, í Nottingham í
gækvöld eftir að hafa haft tveggja
stiga forskot í hálfleik, 27-25. Ís-
lenska liðið vann fjórða og síðasta
leikhlutann 24-13 og þar með fyrri
af tveimur landsleikjum þjóðanna
en liðin mætast aftur í kvöld og þá
í Sheffield.
Hin 16 ára Helena Sverrisdótt-
ir var allt í öllu í íslenska liðinu
með 19 stig, 10 stoðsendingar og 7
stolna bolta en þær Erla Þor-
steinsdóttir og Birna Valgarðs-
dóttir skoruðu báðar 11 stig.
Það munaði einnig mikið um
framlög Keflvíkinganna tveggja,
Rannveigar Randversdóttir og
Maríu Ben Erlingsdóttur af
bekknum en saman skoruðu þær
17 stig og nýttu 8 af 14 skotum
sínum.
„Ég var mjög ánægður með
karakterinn í liðinu, að klára leik-
inn þegar við vorum búin að missa
þær aðeins fram úr okkur. Við
komum til baka og spilum alveg
gríðarlega vel þrátt fyrir að vera
að spila fyrir fullu húsi áhorfenda
sem voru allir á bandi Englend-
inga. Við erum að sýna það í þess-
um leik að við erum í framför. Við
erum að fara út með ungt lið og
erum að ná góðum úrslitum,“
sagði Ívar Ásgrímsson, landsliðs-
þjálfari kvenna, í viðtali eftir leik
en íslenska landsliðið hefur unnið
7 af 13 leikjum undir hans stjórn á
þessu ári.