Fréttablaðið - 30.01.2005, Qupperneq 37

SUNNUDAGUR 30. janúar 2005 25
Vörnin var hörmuleg
Viggó Sigurðsson, þjálfari íslenska landsliðsins,
saknaði öflugra varnarmanna í landsliðshópnum.
HM Í HANDBOLTA „Ég er að meta
þetta mót þannig að við munum
halda áfram okkar vinnu. Það þarf
að gera einhverjar smá breyting-
ar á hópnum. Við söknum öflugra
varnarmanna úr hópnum og svo
er Óli langt frá að skila því sem
maður bjóst við af honum, bæði í
vörn og sókn. Hann olli sérstak-
lega miklum vonbrigðum í vörn-
inni þar sem honum hefur hrein-
lega farið aftur,“ sagði Viggó Sig-
urðsson landsliðsþjálfari eftir
leikinn gegn Alsír en hann sá ekki
eftir því að hafa skilið mann eins
og Rúnar Sigtryggsson eftir
heima.
Kynslóðaskipti í liðinu
„Það eru komin kynslóðaskipti
og það var engin ástæða til að
halda áfram í sömu sporum eftir
vonbrigði tveggja síðustu móta.
Það er betra að halda áfram og
tapa þessu móti og byggja ofan á
það,“ sagði Viggó sem stefndi á
eitt af sex efstu sætunum fyrir
mótið. Sér hann eftir því?
„Ég stend fullkomlega við það
sem ég sagði. Ef við hefðum ekki
haft nein markmið fyrir þetta mót
þá hefðum við ekki haft að neinu
að keppa. Það hefði verið voða
þægilegt að vera hér sem túristi
en ég hafði ekki áhuga á því.“
Viggó sér ljósa punkta á mörg-
um stöðum og hann veit líka hvað
verður að bæta.
Sóknin gekk vel
„Sóknin gekk vel á mótinu og
hraðaupphlaupin voru líka fín.
Varnarleikurinn var síðan á köfl-
um hörmung og það stendur upp
úr. Það er ljóst að okkur vantar
varnarleiðtoga. Vignir er efnileg-
ur en hann á kannski tvö ár í að
verða virkilega góður. Það munaði
litlu að við kæmumst áfram en
stöðugleikann vantaði og því fór
sem fór,“ sagði Viggó en hvað
fannst honum um frammistöðu
einstakra leikmanna?
„Ég var ánægður með flesta
leikmenn en frammistaða Peters-
son stendur upp úr. Hann var frá-
bær í þessu móti bæði í vörn og
sókn. Markús, Arnór og Robbi líka
mjög góðir og ég er mjög ánægð-
ur með andann og liðsheildina.
Okkur vantar bara öflugri varnar-
menn,“ sagði Viggó. -HBG
HVAÐ EIGUM VIÐ AÐ GERA Viggó Sigurðsson, landsliðsþjálfari ber saman bækurnar
með aðstoðarþjálfaranum Bergsveini Bergsveinssyni. Fréttablaðið/Andreas Walz
GUÐJÓN GÓÐUR Guðjón Valur Sigurðs-
son varð markahæstur í íslenska liðinu.
Ólafur Stefánsson átti ekki gott heimsmeistaramót:
Spila áfram ef Viggó velur mig
HM Í HANDBOLTA „Það var kannski
við þessu að búast með öllum
þessum nýju strákum og menn
eru að slípa sig saman,“ sagði
Ólafur Stefánsson frekar kátur
eftir leikinn gegn Alsír þótt hann
hafi verið óánægður með niður-
stöðuna í mótinu. Hann býst fast-
lega við því að gefa áfram kost á
sér í landsliðið.
„Ég ætla að spara yfirlýsing-
arnar að þessu sinni,“ sagði Ólaf-
ur og hló. „Ætli ég reyni ekki að
halda þessu áfram svo lengi sem
ég er valinn og Viggó hefur áhuga
á að nota mig. Ég er til í að gera
það sem ég er beðinn um að gera.“
Það gekk á ýmsu hjá landslið-
inu í Túnis en hvaða lærdóm get-
ur landsliðið dregið af þessu móti
að mati Ólafs.
„Að við verðum að vinna Rússa
til að gera eitthvað á svona mót-
um. Ég lærði mikið á ÓL í sumar
en minna af þessu móti. Ungu
strákarnir hafa samt eflaust lært
mikið,“ sagði Ólafur en hann var
ánægður með frammistöðu
þeirra.
„Mér líst mjög vel á Alexander
enda góður bæði í vörn og sókn.
Mér líst líka vel á Arnór og Einar
sem er einhver skotfastasti mað-
ur sem ég hef séð. Markús er líka
búinn að vera mjög góður en þess-
ir strákar verða að vinna aðeins í
löppunum á sér. Þeir eru svolítið
staðir og þá vantar aðeins meiri
mýkt og snerpu.“ - HBG
www.urvalutsyn.is
ÍS
LE
N
SK
A
A
U
G
L†
SI
N
G
A
ST
O
FA
N
/S
IA
.I
S
U
R
V
2
71
89

01
/2
00
5
Úrval-Útsýn
í Hlíðasmára flytur að
Lágmúla 4
Sími: 585 4000
Verið velkomin!
Guðjón Valur Sigurðsson:
Vildum
klára mótið
HM Í HANDBOLTA „Við urðum fyrir
miklu áfalli þegar við fréttum að
Tékkarnir hefðu unnið Slóvena en
menn vildu alltaf klára mótið með
sóma og ég held að við höfum gert
það,“ sagði Guðjón Valur Sigurðs-
son sem fór mikinn í leiknum
gegn Alsír og stóð sig vel á mót-
inu.
„Við erum mjög nálægt því að
komast áfram og það er ekki eins
og við höfum gert í brækurnar
hér í Túnis. Ég vil meina að við
höfum spilað mjög vel á köflum
en slæmu kaflarnir voru líka til
staðar. Stöðugleikann hefur al-
gjörlega vantað en þegar við horf-
um á leikina gegn Tékkum og Sló-
venum þá er niðurstaðan ekki eins
slæm og hún lítur út fyrir að vera.
Það vantaði mjög lítið upp á gegn
þessum þjóðum. Engu að síður er
það gríðarlegt áfall að komast
ekki áfram. -HBG
FANN SIG EKKI Ólafur Stefánsson
skoraði 17 mörk utan af velli á HM í Túnis,
mun minna en á síðustu stórmótum.
Fréttablaðið/Uros Hocevar