Tíminn - 03.01.1975, Blaðsíða 3
Föstudagur 3. janúar 1975
TÍMINN
3
Fricsamleq áramót
Gsal-Reykjavik —
„Þetta voru fremur
róleg áramót”, var svar
flestra lögregluþjóna á
landinu, þegar Timinn
spurði þá, hvernig ára-
mótahátiðin hefði farið
fram i þeirra lögsagnar-
umdæmi. Gamlárskvöld
og nýársnótt liðu án telj-
andi óhappa, og stórslys
urðu engin.
Reykjavik:
Bjarki Eliasson yfirlögregíu-
þjónn:
— Þetta voru ánægjuleg áramót
hvað löggæzlunni hér i Reykjavik
viðkemur. Það má segja, að þetta
hafi verið eins og hver önnur
róleg helgi. Að visu var dálitið
erilsamt, — svona eins og gengur
og gerist, — um nóttina, sérstak-
lega þegar á leið, en það kom ekk-
ert fyrir, sem er beint i frásögur
færandi. Það var að visu ölvun,
smávægileg óhöpp og erjur, — en
ekkert þar fram yfir.
Mikill mannfjöldi safnaðist
saman við brennurnar, sérstak-
lega borgarbrennuna, og eins i
Breiðholti. Að þessu sinni voru
brennurnar talsvert færri en áð-
ur, — en ég get ekki sagt annað,
en að allt hafi farið vel fram.
Siðustu ár hafa áramótin verið
mjög róleg, og sem betur fer voru
þessi áramót engin undantekn-
ing. Þau voru mjög I þeim anda
sem þau hafa verið siðustu árin.
Um áramótin voru 60-80 lög-
regluþjónar á vakt, og á meðan
brennurnar eru, höfum við sér-
staka lögreglumenn við þær, sem
hætta svo störfum um leið og
brennurnar eru úti.
Þegar komið er fram undir
klukkan l-2eftir miðnætti, sjáum
við nokkuð, hvernig þetta muni
verða, og þá er dregið úr mann-
aflanum, eins og fært þykir, en
það eru samt að minnsta kosti 60
menn hér á vaktinni, þessa nótt.
Það voru mörg útköll, og við
þurftum viða að koma, en ekkert
meira heldur en oft er um helgar.
Við erum bara með fleiri menn,
og getum við kannski sinnt þessu
betur.
Kópavogur:
Guðmundur Óskarsson varð-
stjóri:
■ — Áramótin liðu hér i Kópavogi
á mjög skikkanlegan hátt, og eng-
in stórtiðindi urðu að þessu sinni.
Hins vegar var hér talsvert eril-
samt, sérstaklega i kringum
brennurnar. Þegar á nóttina leið
var talsverð ölvun i bænum, en fá
vandamál vegna hennar.
Tveir voru teknir grunaðir um
ölvun við akstur, en engin slys
uröu, svo okkur sé kunnugt um.
Áramótin liðu sem sagt á mjög
þokkalegan hátt.
Hafnarfjörður:
Guömundur Jónsson varðstjóri:
— Áramótin fóru mjög vel fram
hér i Hafnarfirði að þessu sinni,
og skrilslætin, sem oft áður hafa
sett svip sinn á áramótin, lágu
alveg niöri. Hins vegar var tölu-
vert um ölvun og nokkrir snún-
ingarhjá lögreglunni vegna þess.
Nokkuð af fólki safnaðist sam-
an kringum brennurnar, en þegar
þær voru úti, hvarf fólkið, og
vandræðalaust var um nóttina.
Hér var haldinn einn dansleikur,
sem fór vel fram i alla staði.
Keflavik:
Ingvi Jakobsson varðstjóri:
■ — Áramótin gengu nokkuð vel
fyrir sig hér i Keflavik. Betur
tókst til með veður, heldur en við
höfðum búizt við. Við höfðum hér
viðbúnað, björgunarsveitirnar
voru tilbúnar að aðstoða, ef á
þyrfti að halda — sem þær hafa
reyndar oft áður gert.
Dansleikir voru einum færri en
við höfðum búizt við, — en það
breytti engu um það, að hjá lög-
reglunni var mjög ónæðissamt
um nóttina. Það gerðist sem bet-
ur fer ekkert sérstaklega alvar-
legt, en það var mjög ónæðissamt
allt frá miðnætti til klukkan átta á
nýársmorgun.
Við vorum með fullar fanga-
geymslur, og höfðum svo sannar-
lega ástæðu til að taka fleiri úr
umferð og hefta frelsi þeirra. Við
tókum ekki nema þá sem voru
áberandi verstir.
Ekki var mikið um brennur, en
þar sem þær voru, var fylgzt
mjög vel með þeim.
Vestmannaeyjar:
Agnar Angantýsson varðstjóri:
— Ég hef aðeins gott eitt að
segja um áramótahátíðahöldin
hér I Vestmannaeyjum. Þau fóru
vel fram i öllum aðalatriðum.
Hér voru nokkrar brennur, þar
af tvær nokkuð stórar. Dansleik-
ur var, og gekk hann stórslysa-
laust fyrir sig. Veðrið var ekkert
Framhald á bls. 11
Aramótin fóru vel og friðsamlega fram um iand allt að þessu sinni. Þó gerOu menn sér dagamun, hver
eftir cfnum slnum og ástæðum. Börn og unglingar kveiktu i eidsneyti, sem dregið haföi veriö saman af
mikilli kostgæfni margar siðustu vikurnar fyrir jói. Reyndar voru þau ekki ein um aö gleöjast viö
árangur verka sinna. Fullorönir fylgdust lika meö, eins og sjá má á meöfylgjandi mynd.
Timamynd Gunnar.
Snjóflóð í Beruneshreppi:
Eitt féll 10 metra frá
Karlsstöðum
— börnin flutt á næsta bæ
Gsal-Reykjavik. I fyrrinótt féllu
nokkur snjóflóð i Beruneshreppi,
aðallega hjá Karlsstöðum og
Krossgerði. Urðu nokkrar
skemmdir af völdum snjó-
flóðanna.
Timinn náði i gær tali af
bændunum á Karlsstöðum og
Krossgerði. Sigurður Þorleifsson
bóndi á Karlsstöðum sagði svo
frá:
— Hér féllu fjögur snjóflóð á
timabilinu frá klukkan eitt i nótt
og til þrjú. Það flóð, sem kom
næst ibúðarhúsinu, féll um
klukkan hálf þrjú og staðnæmdist
það u.þ.b. tiu metra frá húsinu.
Okkur fannst þetta koma
óþægilega nærri húsinu, svo að
við hjónin fórum með ungar dæt-
ur okkar á næsta bæ, en sjálf
héldum við aftur heim. Segja má,
að þá hafi samt mesta hættan
verið liðin hjá, en eðlilega voru
börnin dáitið hrædd og vlst er það
óþægilegt, þegar svona hlutir
gerast I myrkri um hánótt — þá
fær maður það á tilfinninguna, að
maður viti ekki gjörla hvar
maður stendur.
Flóðin ollu talsverðum spjöll-
um, girðingar sópuðust burt og
fjárrétt lét undan þunganum. Þá
skemmdust einnig einn til tveir
hektarar af túnum, þar sem I
þessum snjóflóðum er alltaf
nokkuð af grjóti.
Mikill snjór er hérna og byrjað
var að ryðja veginn i dag, en á
hann hafa einnig fallið einhver
snjóflóð.
íngólfur Árnason bóndi i
Krossgerði sagði svo frá: — Hér
fyrir ofan bæinn féllu fjögur
snjóflóð i nótt og tóku með sér
girðingar á köflum. Þetta voru
ekki mikil flóð, og sennilega ekki
mikil hætta af þeim.
STYTZTI FUNDUR
BORGARSTJÓRNAR
BH-Reykjavik.— Stytzti fundur 1
sögu borgarstjórnar Reykjavikur
var haldinn i gær. Stóð hann i að-
eins fjórar minútur — með lestri
fundargerðar. Fyrir fundinum
lágu þrjú mál, fundargerðir
borgarráös, félagsmálaráðs og
heilbrigðismálaráðs, og kvaddi
enginn sér hljóðs til umræðna um
þær. Er vandséð, hvernig þetta
met verður slegið en kunnugir
telja, að styzti fundurinn fram til
þessa hafi staðið i sjö minútur, en
ekki kunnum ver nánar frá þvi að
segja.
A gamlársdag vorn afhent verðiaun úr RithWudaijéM, ivo aem veajo
er. Áð þessu sinni hlutu verölaunin barnabókahWundarnir Jenna Jónt-
dóttir og Hreiðar Stefánsson og Kristinn Reyr. Verðlaunin námu 15t
þúsund krónum. A myndinni afhendir Jónas Kristjánsson, formaöur
sjóðsins, rithöfundunum verðlaunin. Timamyndir Gunnar.
Yfir 10 millj. kr.
komnar í snjó-
flóðasöfnunina
Samstarfsnefnd um snjóflóða-
söfnun hafði I gær, 2. jan., tekið
við kr. 10.213.215.00. Stærstu
gjafirnar, sem borizt hafa siðustu
daga, eru frá Gunnari og Snæfugli
Reyðarfirði, 100 þúsund kr.,
Rótaryklúbbi Kópavogs 100
þúsund kr., Skiparadió h.f.
Reykjavik, 100 þúsund kr., Verk-
fræðiskrifstofu Sigurðar Thor-
oddsen 100 þús. kr., Lýsi h.f.
Reykjavik 100 þúsund kr.. Enn
fremur er vitað um háar fjár-
hæðir, sem safnast hafa viða um
landið, þótt ekki sé búið að skila
þeim af sér til samstarfs-
nefndarinnar.
Matthías Jóhannessen
hafnaði Fdlkaorðunni
HHJ-Rvik. Margir munu hafa
veitt þvi eftirtekt að Matthias
Jóhannessen formaður
Þjóðhátiðarnefndar var ekki i
hópi þeirra, er forseti ts-
lands sæmdi riddarakrossi
Fálkaorðunnar um áramótin.
Samkvæmt þeim upplýsingum,
sem Timinn hefur aflað sér, mun
Matthias hafa hafnaö orðunni.
— Það er rétt, sagði Matthias i
viötali við Timann i gær. Ég
óskaði þess að þurfa ekki að taka
við orðu. Til þess liggja persónu-
legar ástæður. Ég er mjög
þakklátur fjölda manna fyrir
samstarf i sambandi við
þjóðhátiðina — ekki sizt vinum
minum i Þjóöhátiðarnefnd og
framkvæmdastjórn hennar — og
svo auðvitað forsjóninni. Þetta
þakklæti nægir mér.
Ofsaveður
í Þistilfirði
— skaðar á flestum bæjum í sveitinni
Gsal-Reykjavik. — Ofsaveöur
geisaði i Þistilfirði I fyrrinótt og
urðu talsverðar skemmdir á
gripahúsum og öðru. Tíminn
leitaði tii Óla Halidórssonar,
bónda á Gunnarsstöðum, og bað
hann að segja frá veðrinu.
— Hér gekk yfir i nótt geysilegt
hvassviðri. Ég get látið mér detta
I hug að veðurhæðin hafi verið
nærri 11-12 vindstig. Viða urðu
skaöar hér I sveitinni, en ekki hef
ég haft spurnir af neinu sem
kallast gæti stórskaði. Hins vegar
urðu einhverjir skaðar á flestum
bæjum i sveitinni. Hlutar af
þökum fuku af gripahúsum,
einkanlega eldri húsum og ég veit
til þes, aö á einum bæ fuku útihey
og rúður brotnuðu viða. Eitthvert
tjón varð þvi á flestum bæjum.
Framhald á 11. siðu
NÝR BÆJARSTJÓRI
ÁÓLAFS-
Pétur Már Jónison bæjarstjóri.
FIRÐI
HHJ-Rvik. Um þessi áramót á
Ólafsfjörður 30 ára kaupstaðar-
afmæli. A þessum timamótum I
sögu kaupstaðarins tekur nýr
bæjarstjóri við störfum á Ólafs-
firði. Það er Pétur Már Jónsson
lögfræðingur.
Hann tekur við starfinu af
Asgrimi Hartmannssyni, sem
gegnt hefur bæjarstjórastarfinu i
nær 29 ár, en svo lengi hefur
enginn annar verið bæjarstjóri
hérlendis. A undan Asgrimi var
Þórður Jónsson bæjarstjóri.
Pétur Már er þvi þriðji bæjar-
stjórinn i sögu ólafsfjarðar.