Tíminn - 01.07.1975, Blaðsíða 10

10
TÍMINN
Þriðjudagur 1. júli 1975.
TÍMINN HEIMSÆKIR SÚÐAVÍK
<
Halldór AAagnússon oddviti í Súðavík:
Ef ©©
• •
sérhvers vinnandi manns
Unga fólkið
sezt hér að
— segír Jónas Ragnarsson, sjómaður
Þö-Súðavik. Jónas Ragnarsson
er 20 ára gamall sjómaður i SUða-
vik, fæddur þar og uppalinn.
— Það hefur aldrei hvarflað að
þér að flytja héðan?
— Nei, siður en svo. Ég er
SUðvikingur i húð og hár og kann
hér bezt við mig, og hér hef ég það
ágætt. Að minnsta kosti er ég
ánægður með það, sem ég hef.
— Nú ert þú á færaveiðum.
Hvernig hefur sú Utgerð gengið?
— Það hefur verið ákaflega erfitt
að sækja, enda litil veiði og léleg
þann mánuð, sem við höfum gert
út á færi. Veiðin hefur ekki verið
nema um 5 tonn allan þennan
tima.
— Hvað teldist góð veiði?
— Góð veiði eftir mánaðartima
væri liklega um 15 til 20 tonn.
Bezti túrinn hjá okkur hefur ekki
gefiö nema um 2 tonn.
— Gerir þú út eigin bát?
— Nei, við erum þrir, sem róum
saman, ég, Heiðar Guðbrandsson
svo og eigandi bátsins. Sá, sem á
bátinn, færallt, sem hann dregur,
en viö fáum 56% af okkar afla, en
hitt rennur til eiganda bátsins.
Jú, vist hef ég hug á að
komast á togarann, enda tvisvar
beðið um pláss, en ekki fengið.
Vel má vera, að ég hafi ekki
gengið nógu hart eftir þvi.
— Hvað finnst þér um aðstöðu til
þess að stunda tómstunda- og
félagslif i Siiðavik
— Ég er ákaflega óánægður með
þá aðstöðu, sem ungu fólki er
sköpuð til tómstundaiðkana, þvi
að i raun er ákaflega fátt hægt að
gera hérna. Kvikmyndasýningar
eru tvisvar i viku, en það er allt
og sumt. Iþróttakennsla hefur
ávallt verið mjög léleg i Súðavik,
enda skortir bæði iþróttahús og
iþróttavelli.
— Ertu bjartsýnn á að ungt fólk
muni setjast að hér i náinni
framtið?
— Já, ég er mjög bjartsýnn á
þaö, þvi að hér er gott að búa.
Auðvitað flytur alltaf einn og einn
i burtu, en yfir höfuð ætlar það
unga fólk, sem héðan er ættað, að
setjast hér að.
Jónas Ragnarsson.
Þ.ö. Súðavik. — Súðavik er litið
kauptún við Alftafjörð, þar sem
flestir ibúarnir byggja lifsafkomu
sina á sjávarútvegi og fisk-
vinnslu. Gárungarnir segja, að
svo mikið hafi verið að gera i
Súðavik, að ibúarnir hafi ekki átt
fri einn einasta sunnudag frá
siöustu áramótum. Ekki viljum
við fullyrða neitt um sannleiks-
gildi þessarar gamansögu, en hitt
er vist, að þar er. jafnan mikið
umleikis og i mörgu að snúast.
Halldór Magnússon er oddviti i
Súðavik. ! samtali við Halldór
kom fram, að ibúar i Súðavik eru
nú um 260, og hefur ibúafjöldinn
að mestu haldizt óbreyttur i um 20
ára skeið. Halldór ætlar að
spjalla örlitið nánar um það
helzta, sem gerzt hefur og fram
undan er i framkvæmdum og at-
vinnumálum Súðavikur.
— oOo —
— Framkvæmdir i okkar
sveitarfélagi eru með svipuðu
sniði og i öðrum sveitarfélögum.
Hér hafa staðið yfir miklar
hafnarframkvæmdir siðan árið
1968. Byggður var mikill grjót-
garður og stálþil i framhaldi af
honum, enauk þess hefur töluvert
áunnizt i uppfyllingarmálum.
Framkvæmdum við hafnarbætur
á Súðavik er þó enn ekki lokið, og
geri ég ráð fyrir, að kostnaður við
þær framkvæmdir, sem við eig-
um eftir, nemi um 40 til 50 mill-
jónum króna.
Nú sem stendur er verið að
leggja nýtt holræsakerfi i þorp-
inu, bæði til gamalla og nýrra
húsa, og standa þær framkvæmd-
ir i sambandi við Djúpveginn
nýja, sem hér kemur i gegn. Við
höfum einnig mikinn hug á að
leggja hér varanlegt slitlag, en
hvenær það verður, veit ég ekki.
, Ég geri þó frekar ráð fyrir þvi, að
það geti orðið innan tiðar.
Auk þessa get ég svo nefnt, að
nýlokið er hér smiði 8 einbýlis-
húsa, sem hreppurinn byggði og
afhenti fokheld. Þegar hefur ver-
ið flutt I sex þessara húsa, en
mjög bráðlega verður flutt I hin
tvö. Til þessara framkvæmda
fengum við svokallað fram-
kvæmdalán hjá Húsnæðismála-
stofnun rikisins. —
— Telur þú að húsnæöisskort-
urinn á undanförnum árum hafi
dregið úr frekari vexti kauptúns-
ins? —
— Ég tel tvimælalaust, að svo
hafi verið. Á undanförnum árum
hefur verið mjög litið um nýtt
húsnæði i plássinu, en um leið og
eitthvað húsnæði hefur fallið til,
hefur fólk alltaf viljað koma.
Við höfum i hyggju að reisa hér
tólf hús til viðbótar þessum átta,
sem ég minntist á áðan, en
fjármagn skortir tilfinnanlega til
þeirra framkvæmda. Að visu
hefur komið til tals, að sveitar-
félagið sjálft hefji framkvæmdir
Halldór Magnússon.
fyrir eigið fé, en óráðið er, hvað
verður i þeim efnum. —
— Hver eru helztu atvinnutæk-
in hér i kauptúninu? —
— Það er i raun og veru ekki
nema eitt, Hraðfrystihúsið Frosti
h.f., sem að hálfu er í eigu
einstaklinga og að hálfu i eign
sveitarfélagsins. I tengslum við
fyrstihúsið er svo rekið útgerðar-
félagið Alftfirðingur, sem gerir út
togarannBessa,sem jafnan hefur
verið mikið aflaskip.
Flest allir þorpsbúar byggja
lifsafkomu sina á starfi i frysti-
húsinu, og starfa þar að staðaldri
um 60 til 70 manns. Togarinn
Bessi hefur skapað mjög mikla og
jafna atvinnu frá þvi er hann
kom, og má I raun segja að hann
hafi gjörbreytt þeirri mynd, sem
hér var i atvinnumálum.
Auk togarans eru svo gerðir út
nokkrir rækjubátar yfir vetrar-
vertiðina, og leggja þeir afla sin-
um upp hjá verksmiðjunni á
Langeyri, sem er I eigu Frosta
h.f. Linuveiðar voru stundaðar
töluvert hér áður fyrr, en þær
lögðust að mestu niður við
tilkomu togarans.—
— Ertu bjartsýnn á framtið
staðarins? —
— Lifið á litlum stað sem þess-
um er töluvert harðsóttara heldur
en almennt gerist á hinum þétt-
býlli svæðum. Sérhver
einstaklingur þarf að leggja
gifurlega mikla vinnu á sig og
skilar án efa tvöföldum afköstum
i vinnu miðað við það, sem al-
mennt gerist. Framtið staðarins
er að miklu leyti komin undir þvi
fólki, sem hér býr, en það hefur
jafnan verið ákaflega duglegt og
aldrei legið á liði sinu. Ég kviði
þvi engu um framtið staðarins, —
sagði Halldór Magnússon oddviti
að lokum.