Atuagagdliutit - 10.02.1982, Blaðsíða 34

Oqallinneq / Debat
EF-imiiginnassagutta
nunatta siunissaa
qanoq issagami?
23. februar EF pillugu taasisitsi-
nissamut oqallinnermi eqqartor-
neqarpallaanngitsut ilagaat EF-
imiiginnassagaluarutta siunissar-
put qanoq ikkumaarnersoq, naa-
lakkersuinikkut, aningaasarsior-
nikkut kultureqarnikkut il. il.
Atassutikkormiut avatitsinnit
aqunneqartuarnissatsinnik aku-
ersaartut (EAS-imik imminnut
taasaraluarput, kikkulli suleqati-
ginerpaat?) tamanna eqqarsaati-
gisimanerlugu?
Apeqqut tamanna akineqas-
sappat paasiniartariaqarparput
EF sumut ingerlanersoq ukiullu
15-20-t qaangiunnerini EF-imut
ilaasortaasut iluini pissutsit qa-
noq ikkumaarnersut naatsorsor-
niartariaqarlutigik.
Naalagaaffiss uaq
ataasiusoq anguniarpaat
Naalakkersuinikkut EF-ip iluani
anguniarneqartoq tassaavoq nu-
nat EF-imut ilaasortaasut naala-
gaaffittut nammineersinnaajun-
naartitaanissaat taakkununngalu
taarsiullugu EF tassaalersinniar-
neqarluni naalagaaffissuaq ataa-
siusoq Brysselimit qitiusumik
aqunneqartoq, naalagaaffissuit
qitiusumik aqunneqartut allat s.
ass. USA Sovjet-unionilu assiga-
lugit.
Taamatut EF-ip iluani aaqqis-
suussinissamik siunnersuutit qa-
ngali saqqummiunneqartalerput,
kingullermik ministerrådit no-
vemberimi '81 Londonimi ataatsi-
miinneranni saqqummiunneqarlu-
tik. Danmark sapinngisannguani
tamaat siunnersuutinut tamak-
kununnga naaggaartoraluarpoq,
suliniuteqarnerli ingerlaannar-
poq, januarimilu ’82 Belgiamiut
maanna EF-imut formandiusut
nalunaaruteqarput atorfilinnik
suleqatigiissitaliorsimallutik EF-
ip naalagaaffissuanngornissaa-
nut periarfissanik siullernik pi-
moorullugu paasiniaasussanik.
Nunanut allanut politiki
sakkutooqarnerlu
Aallaqqaammut makkunatigut
EF-imi qulersaasut kisimiillutik
oqartussaalernissaat anguniarne-
qarpoq: Nunanut allanut politiki
illersornissaq/sakkutooqarnerlu.
Nunanut allanut politikip ila-
gaa niueqatigiinneq atortussianik
pissamaatinillu uumassusilinnik
uumassuseqanngitsunillu. Aali-
sakkat aatsitassiassallu niueqati-
giinnermi atorneqartaqaat, nu-
natsinnullu kingunerisassaa tas-
sa aalisagartassanik isumaqati-
giinniarsinnaajunnaarsitaanis-
sarput aatsitassanillu piiaanissa-
mut aalajangeeqataasarnitta ato-
runnaarsitaanissaat.
Ass. nunatsinni uranimik piiaa-
soqarnissaa isumaqatiginngikka-
luarutsiguluunniit EF-ip aalaj a-
ngerpagu piiarneqassasoq taava
pinngitsoorani piiarneqassaaq!
Kikkullu sulisorineqassappat?
Isumaqarpisi Europami taama
suliffissaaleqisoqartigisoq EF-ip
akuersaarumaaraa kalaallit suli-
sorineqarnissaat? Naamerluin-
naq.
Piniarnermik
inuutissarsiorneq
Nalunngilarput EF-ip piniarner-
mik inuutissarsiorneq inuussutis-
sarsiutitut isiginngikkaa, aam-
malu nalunngilarput EF-imi oqar-
tussaasut qanoq uumasunik eq-
qissisimatitsinianik sunnerneqar-
simatigisut.
EF kisimiilluni imatsinnut
oqartussaalerpat piniarnermik
inuussutissarsiutillit siunissaat
sumiissava? EF-imi oqartussaa-
sut uumasunik eqqissisimatitsini-
at isumagissarniarlugit (qinersi-
sartorigamikkimmi) aalaj anger-
passuk EF-ip iluani arfanniarto-
qartarunnaaqqullugu, qilalukka-
nut allaat, puisinniartoqartarun-
naaqqullugu taava kalaallit inuia-
qatigiit kulturimikkut tunngavi-
gisaat piniarnermik inuussutis-
sarsiorneq oqaluttuaannanngus-
saaq.
Sakkutooqarneq EF-ip tigup-
pagu immami killeqarfiit EF-imit
sissuerneqalissapput, atamanna-
lu tillinniat iluarisaarsulersut, ki-
ami unitsissavai? Tillinniammi
pinnagit killeqarfinnik paarsisut
sissuerumaarpaat kalaallit »uni-
oqqutitsillutik« arfanniarnersut
puisinniarnersulluunniit.
Qitiusumik aqunneqaler-
sussat siulliit allat
Aallaqqaammut EF-ip tungaanit
qitiusumik aqunneqalersussatut
anguniarneqartut ilagaat Brys-
selimi inatsisiliortoqartalernissaa
EF-imut tamarmut atuuttussa-
nik, pinerliinianik ataatsimoortu-
mik akiuisalernissaq, EF-ip mini-
sterrådiisa amerlanerussuteqa-
raangamik aalajangiisalernissaat
(naaggaarsinnaatitaaneq atorun-
naarsillugu), kultureqarnikkut
aqutsilernissaq kiisalu EF-ip inat-
sisartuisa annertuneroqisumik
oqartussaatitaalernissaat.
Tamakkua anguneqarpata —
qularnanngilarmi ukiut arlalip-
passuunngitsut qaangiuppata pi-
viusunngortiterneqalerumaarma-
ta — namminersornerulerluta
angusarisimasatsinnik arsaarne-
qartussaavugut. Nunatta inatsi-
sartui (folketingillumi aamma) na-
leeruttussaapput, tassami EF-ip
inatsisartuinut ataatsimik (1)
ilaasortaatitaqareerpugut (quja-
naq!). Ministerrådimi Danmarkip
naaggaarsinnaatitaanera peer-
pat, Danmark nunarpullu qanor-
suarluunniit naaggaartortigigalu-
arpata EF-ip aalaj angigai suul-
luunniit nunatsinnut atuuttinne-
qartussaapput, s. ass. kitaata
imartaani uuliasiornerup nangin-
neqarnissaanut EF-ermiut amer-
lanerusut angerpata aalisartuvut
soqutiginagit uuliasiorneq aallar-
teqqinneqassaaq.
APP-lu kikkut unitsinniarsin-
naavaat?
EF-ilu aalajangerpat qaartar-
torsuarnik atombombenik nunat-
sinnut inaalitsiniarluni russit qu-
nusaarniarlugit taava kikkut
naaggaassavaat? Tassami EF-
imut ilaasortaaginnarnerup nas-
satassaa — kiffaanngissusiiagaa-
neq.
Kulturerput
Kultureqarneq EF-ip kisermaas-
silluni ingerlatilerpagu qularutis-
saanngilaq kalaallit oqaatsitta
oqaluttuaannanngornissaat
ungasissorsuujunnaassasoq. Na-
lunngilarpummi maanna EF-ip
iluani oqaatsit amerlavallaarne-
rat assut mamaagineqartoq, taa-
maattumillu atuarfinni tyskit, tu-
luit franskillu oqaasii kisimik
atoqqusaalerpata, taava kinguaa-
riit qassit qaangiunnerisigut
oqaatsivut anersaakkut eriagisat-
sinnut sorlagisavut tammavillu-
tik tammassappat? Tyskisut tul-
luttulluunniit erinarsorlutalu tus-
siartalissanerluta?
Atassut neriorsuisinnaa-
nerluni?
Assigiinngitsorpassuit qulaani
taasakka pissutigalugit EF-imit
anisariaqarpugut.
EF-imik illersuisut oqartaralu-
arput EF-ip tapiissutigisartagai
pillugit ilaasortaaginnartariaqar-
pugut, taakkununngali akigitin-
niagaat tassa naalakkersuinikkut
kulturikkullu kiffaanngissusiia-
gaanissarput.
Atassutip neriorsuutigisinnaa-
nerlugu EF-ip tapiissutigisartak-
kani siunissami allanngortinnagit
tunniuttuaannartarumaarai,
aamma EF-ip qulakkeereerpagu
aninaveerluta EF-imiittuaannar-
tussaasugut?
Inuuniarneq oqinnerulis-
saaq anigutta
Atassut oqartaraluarpoq nunat-
sinni inuuniarneq artornarneru-
lissasoq EF-imit anissagaluarut-
ta, uangali taamaassorinngilara.
130 mili. kronit aningaasarpas-
suunngillat, isumaqarnarporlu
nunatsinni taakkua taartissaan-
nik pissarsisoqarsinnaasoq inuin-
narnut ulluinnarni sunniuteqar-
pallaanngitsumik, s. ass. tunumi
aalisagartassat kalaallinik pisari-
neqarsinnaanngitsut allanut tuni-
niarnerisigut.
Aalisagartassanik tuniniaasar-
neq atortooreerpoq OLT-llu iluani
periarfissaqarluni.
Kinguppattarineqartartuni
akileraarusiisarnissaq AAK-m^
tunngaviatigut isumaqatigine"
qarpoq, akissarsianillu akileraar
tarneq allanngortinneqarsinnaa
voq, imatukanneq akileraarute-
qanngitsumik akissarsiat kuk
ngat qullarsinnarlugu sinnerisa
amerlassusiat tunngavigalug^
procentinik assigiinngitsuni
maannamit qaffasinnerusuni
akileraarusiisarnikkut, taamaasi
ornikkummi akissaatikinnerit eq
qornagit landskassemut aninga0'
sat amerlanerit isertinneqartalis
sagaluarput.
Minnerunngitsumik eqqaarn3'
sariaqarparput nunatsinni nioQ'
qutissat akikillerujussuartus-
saammata EF-imit anilluta EF-ip
nioqqutissanut akileraarusiutta-
gai peerpata.
Nioqqutissat/pisiassat ulluin
narni atorneqartartut akikillipP8'
ta soorunami inuuniarneq oqinnf
rulersussaavoq. Pisiassallu ak1'
kinnerusut nassatarisarpaat inui
amerlanerusunik pisisarnerat taa'
maattumik niuertutta EF-in11
anineq aamma iluanaarutigisu®'
saavaat.
23. februar amerlanerussutv
qartut EF-imut ilaasortaaginna1"
nissamut akuersigaluarpata taa'
va kalaallit inuiaat ukiut 250-1
sinnerlugit nunasiaataareersim0'
sut suli nunasiaataaqqikkumallH'
tik inussiaatitullu kiffaanngissU"
siiakkatut pineqartuarumallutik
nammineerlutik akuersissapput-
Inuiaat kalaallit kiffaanngissU'
siiagaajuartussanngorlugit inUB'
ngortinneqarsimanerlutik?
Naamerluinnaq! Tamaatturnik
EF-imik anisariaqarpugut.
bruarip 23-ani naagga X-ileruk-
Taasilluarisi.
Inussiarnersumik
inuulluaqqusillunga
Juaaka, K. J. Lyberth
P.S. EF-ip pilersaarutai pillugit
RB-p tusagassiorfia (8. jan.) tun'
nga vigineqarpoq).
neKerorut
AtuagagdliutinitoK
Kalåtdlit-nunane Danmarkimilo
inungnit 20.000-nit
atuarneKartarpoK
Garrand, halvautom. 30-06 kr-
1850,-
Pumpgun, 8-skuds, cal. 12-75
kr. 2050,-
Jubilæumskatalog nr. 10 med
billeder, beskrivelser og priser
på over 750 våben. Kr. 40,- for-
udbet. og kr. 46,- på postef-
terkrav.
Arms Gallery, Nybrogade 26,
1203 KH. K„ Åbent: 10-17.30
lørdag lukket. 01-11.83.38.
34
Aiuaoagdliutit