Atuagagdliutit - 01.06.1995, Page 7

Nr. 43 • 1995
7
T^Éagpapc/é/'a É/É
GRØNLANDSPOSTEN
KNI millionerpassuamik
tapiiffigmeqamiartoq
Akiitsunik isumakkeerineq, sallunaveeqqusiineq, ernianik annikilliliineq
landskarsimillu aningaasanik tigoriaannarnik pissaqartitsineq KNI-p
nakkartoornissaanut ikiuuttaassasut
Direktør Ole Møller KNI-p nassuiaataanut suliaqaqataasu-
tut namminersomerullutik oqartussat tapiissuteqarnissaan-
nik piumasaqarpoq. As s./folo: Knud Josef sen).
Direktør Ole Møller lægger som medforfatter til KNI-rede-
gørelsen op til subsidier fra hjemmestyret.
NUUK (JB) - KNI landskar-
simit annertuumik ikiorne-
qartinnani ingerlaqqissin-
naanngilaq, tamannali assi-
giinngitsorpassuarnik oqaati-
gineqarsinnaavoq. KNI-p
•nutaamik aningaasaliiffigi-
neqarnissaa pillugu immik-
koortoq inatsisartunut nas-
suiaat kusanartumik isikko-
qarpoq, tassani pineqarmata
90 millioner koruunit nuun-
neqarnissaat nammineq aki-
sussaaffigalugit taarsigas-
sarsiatut taaneqartut. Nassui-
aammili erseqqissumik taa-
neqanngilaq erniat sooq 0
procentiussanersut - allallu-
gu nul!
Nassuiaammi aningaasa-
leeqqinnissamullu pilersaa-
rummi KNI-p tapiiffigine-
qarnissaa ersernerluppoq,
KNI-p namminersornerullu-
tik oqartussanut tunniussi-
masaani. Sukumiisumilli atu-
arneratigut erserpoq lands-
karsimut akiitsut nuunne-
qartut ilaat ernialerneqas-
sammata ingerlatsiviup pro-
centinik iluanaarutaanik,
KNI-mullu tunngatillugu er-
niat 0-iussapput, aktietigut
ingerlatsivinnut inatsimmi
allassimasoqarmat, ukiumi
siuliani amigartoorutaasima-
sut matussutissinneqaqqaar-
tariaqartut.
KNI Pisiffik pillugu KNI
siunnersuuteqarpoq, lands-
karsimut akiitsunit ikililerne-
qarsimasnit 323 millioner
koruuniusunit 50 millioner
koruunit nuunneqassasut
1995-imi akisussaalluni taar-
sigassarsianut, sulilu 40 mil-
lioner koruunit 1996-imi
nuunneqassasut. Nassuiaam-
mi eqqaaneqanngilaq taar-
sigassarsiat taakku qanoq
ilillutik taarsersorneqassa-
nersut, tassanili aamma pis-
susissamisoorsorinanngilaq
piginnittoq - Namminersor-
nerullutik Oqartussat - nam-
mineq pisassanit (akisussaal-
luni taarsigassarsiat - aaqq.)
ajornerusumik utertillugit
akiliissanersoq, ingerlatsiviit
ilorraap tungaanut aallartin-
nginneranni.
Ataatsimullu katillugit:90
millioner koruunit pineqartut
tassaanerupput qanga taane-
qartartut erhvervsstøttemit
taarsigassarsiat erniaqanngit-
sut taarsersugassaanngitsullu
- imaluunniit oqaatigilluaan-
narlugit:tunissutit.
Annaasat
KNI-p allanngortitemera a-
ningaasarpassuamik naleqar-
simavoq. 1993-imi aamma
1994- imi amigartoorutit ka-
tillutik 188 millioner koruu-
ninik amerlassuseqarput,
1995- imi naatsorsuutigine-
qartoq 65 millioner koruunit
amigartoorutaanissaat. 1994-
imut missingersuusiamut na-
leqqiullugu kukkusumik i-
ngerlatsisoqarsimanera eq-
qarsaatigalugu, erseqqissu-
mik uppernarsarneqarsin-
naanngilaq 1995-imi amigar-
toorutissat 65 millioner koru-
uninik amerlassuseqarnis-
saat.
Qaammammi uani naat-
sorsuutit naammassineqar-
mata KNI-p erseqqissumik
takusinnaalerpai 1994-imi
angusarineqarsimasut, taak-
kulu pinngitsoornatik 1995-
imut missingersuusiornissa-
mut sunniuteqartussaapput,
1995-illu ukiuata affaa inger-
langajalereerpoq. Ernumas-
suteqartoqarunarporlu, 65
millioner koruuninillu pit-
saanerusunik angusaqarnis-
saq qularnarluinnarpoq.
Taamaalilluni 1993-1995-
imi amigartoorutit minner-
paamik 253 millioner koruu-
ninik amerlassuseqassapput,
ingerlatsiviillu aningaasat
taakku utertinnissaat periar-
fissaqarfiginngilaat. Ukiut
qulit ingerlaneranni niuertar-
ffinni akit aqqutigalugit taak-
ku utertinneqassappata nioq-
qutissat akii 6-7 procentimik
qaffanneqartariaqassapput,
kaaviiaartitallu 4 procenti-
mik amerlineqartariaqassal-
lutik. Taamatulli pisoqarnis-
saa ilimanarujussuanngilaq,
politikikkut iliuuseqartoqar-
neratigut imaluunniit nam-
minersortunut unammiller-
nikkut, namminersortummi
pissutsinut naleqqussarsi-
mammata, ukiullu ingerlane-
ranni pitsanngoraluttuinnar-
tunik angusaqartalersimam-
mata.
Assigiimmik
unammillerneq
Assigiimmik unammillerner-
mi atugassarititaasut amerla-
soorpassuupput. KNI nassui-
aammini allappoq, ingerlatsi-
vissuup ajornartorsiornera-
nut nassuiaatissaasoq erniat-
igut annertoorujussuarmik
artukkerneqarneq.
Tamatumanilu ilumoorput.
Pissutsinut tamanna pissu-
taaqataavoq. Landskarsimut
akiitsut amerlasoorpassuup-
put, ingerlatsivissuarmullu
erniat annertuumik artukkii-
suupput.
KNI nassuiaammini oqar-
niarpoq erniat namminersor-
nerullutik oqartussanut aki-
lerneqartussat qaffasippal-
laartut, namminersorlutillu
niuertarfiutillit atugarisaat
pitsaanerujussuusut. Tassu-
nga atatillugu eqqaaneqarput
aningaaserivinni imaluunniit
sanaartornermut taarsigas-
sarsiniartarfinni erniaritin-
neqartut 8,5 procentiusut,
naatsorsorneqarsimavorlu ta-
manna KNI-mut 1995-imi 20
millioner koruuninik iluaqu-
taassasoq, 1996-imilu 25
millioner koruuninik.
Aningaaseriviilli ernialiut-
tagaat allaassuteqangaan-
ngilaq KNI-p Namminersor-
nerullutik Oqartussanut akil-
iutigisartagaanit. Sanaartor-
nermi taarsigassarsiniartar-
finnit taarsigassarsiat ukiuni
20-25-ni taarsersugassat
ullumikkut ukiumut 10 pro-
centip missaanik erniaqartin-
neqarput, 8,5 procentimik
erniaqartinneqaratik. Taa-
maalilluni KNI-mut pitsan-
ngoriaat annertuallaanngilaq,
KNI-p namminersortullu as-
sigiimmik unammillerner-
minni atugarisaat eqqarsaati-
galugit.
Nutaamilli aningaasaliis-
suteqarnissami aammattaaq
pineqarpoq nammineerluni
atoriaannarnik aningaasaate-
qarnissaq.
Qularnaveeqqutit
November/decemberimi
KNI aningaaserivinnut qin-
nuteqaipoq aningaasat tigori-
aannaat amerlineqarnissaan-
nik 70 millioner koruuninut,
ukiup naalernerani aningaa-
sanik amigaateqalernissaq
naatsorsuutigineqarmat. Ani-
ngaaseriviilli itigartitsipput,
taamaattumik KNI-p lands-
karsi saaffigisariaqarpaa, pi-
naaserani ingerlaannaq ani-
ngaasanik tapiissuteqartoq.
Taamanikkut KNI pillugu
qularneq ima annertutigaaq,
namminersomerullutik oqar-
tussat qularnaveeqqusiin-
ngippata aningaaseriviit pe-
qataajumanatik.
Soorunami tamatumunnga
pissutaavoq ingerlatsiviup a-
ngusaata naatsorsuutigisamit
allaanerujussua, taamalu ani-
ngaasanik tigoriaannarnik
pissaqartinneqarneq naam-
mannani ingerlatsiviup ilor-
raap tungaanut saatinneqar-
nissaanut.
Maannakkut KNI-p ani-
ngaaserivinni aningaasat ti-
goriaannaat 100 millioner
koruuniusut suli amerlisinni-
arpai 200 millioner koruuni-
nik. Ungasinngitsukkut tusa-
gassiortunik katersortitsi-
nermi KNI-p nassuiaataa
saqqummiunneqarmat direk-
tør Ole Møller oqarpoq, ullu-
mikkut pissutsit november/-
decemberimi pissutsinut na-
leqqiullugit allaanerujus-
suusut. 1994-imi pisut erseq-
qissumik takuneqarsinnaa-
lerput, taamanikkut iluamik
takuneqarsinnaanngitsut.
Aningaasalli taakku naam-
manngillat, tamannalu Ole
Møller-ip nassuiaammillu
suliaqaqataasa nalunngilluar-
paat. Nassuiaammimi allassi-
mavoq naatsorsuutigineqar-
tariaqartoq aningaasanik
taarsigassarsineq pisinnaan-
ngitsoq namminersornerullu-
tik oqartussat peqataatinna-
git-
Taamaalilluni Namminer-
sornerullutik Oqartussat 90
millioner koruuninik, kissaa-
tigineqartunik »akisussaaffit-
tut taarsigassarsianut« nuun-
neqartussanik, isumakkee-
rinnermik saniatigut KNI-
mut qularnaveeqqusiisaria-
qassapput 200 millioner kor-
uuninik. Taakku assiginerua-
at toqqaannartumik tapiissu-
tit qularnaveeqqusiinerup na-
laani, piffissallu qanoq sivi-
sutiginissaa eqqaaneqarsi-
manngilaq.
Akiitsut
Mannalu tikillugu tamaan-
nga killissimavoq - imrnaqa-
lu Namminersomerullutik O-
qartussat - atugassarititaasul-
lu annertuumik allanngortin-
neqartariaqarput KNI inger-
laqqissinnaassappat. Nassui-
aatip atuaqqissaarneratigut
erserpoq KNI susinnaajun-
naarluni tunniutiinnalersoq.
Akiitsut tamarmik isumak-
keerneqartariaqarput, taa-
maattoqanngippat - eqqaas-
sanngikkaanni annertuumik
pitsanngorsaanissat, pisari-
aqartinneqartut ingerlatsiner-
up ilorraap tungaanut saatin-
neqarnissaanut, naammagi-
nartumik sinneqartooruteqar-
nikkut, aningaasanik immik-
koortitsinikkut assigisaasi-
gullu - ukiup ataatsip inger-
lanerani sinneqartoorutit
saniatigut 35 millioner koru-
uninik isertitsisoqartariaqar-
poq amigartoorutaasarsima-
sut matussutissaannik.
Kisiannili tamatuma angu-
nissaa kialuunniit ilimagiun-
naarpaa.
Taamaattumik KNI Nam-
minersornerullutillu Oqar-
tussat (piginnittoq - aaqq.)
isumaqatigiinniartariaqarpoq
aningaasanik pisassalimmul
aningaasanik aalajangersi-
masunik amerlassusilinnik
taarsersuinissamik. Suliffe-
qarfik inuiaqatigiinnit pigi-
neqartoq taama ajortigisumik
ingerlasinnaanngilaq, taama-
attummi akiliisinnaajunnaar-
lutik uninnissaat iluamik
periarfissaqanngilaq. Pissut-
silli alianartut allatut ipput.
Aningaasartuutit taakkuup-
put, akileraartartullu akilii-
sussaapput.
Akisussaaffik
Ingerlatsiviup taama ajorti-
gisumik atugaqalernera pil-
lugu inuiaqatigiit KNI-mi
manna tikillugu aqutsisunik
akisussaasunik pissutissaqar-
luarlutik naveersisinnaagalu-
artut, taamaattoq politikerit
ima pisuussuteqartigaat, al-
laat pissusisamisoorluni
taakku pisooqataasutut toq-
qarneqarnissaat.
Politikerit tungaannit KNI-
mut piumasaqaatit ingerlatsi-
viup nammineerluni angor-
usutatut siunertaanik angu-
saqarniamermut ajornartorsi-
ortitsisimapput. Suliffiup eq-
qortumik aningaasallu eqqar-
saatigalugit ineriartomissaa-
nut piumasaqaatit ajornar-
torsiutaasimapput. Aatsaat
maannakkut aningaasatigut
aqutsineq peqqissaartoq a-
nguniarneqalersimavoq.
Aqutsinermili ajornartorsi-
utit allat KNI-p aqutsisuisa
isumagisassaraat. Assersuu-
tigalugu aallartinnermi ki-
ngorna KNI-p sulisut ikili-
sarsinnaasimavai sulisut na-
linginnaasumik soraartarne-
ratigut. Taamatulli pisoqarsi-
manngilaq. Apeqqutaaler-
porlu suliniutit suut pitsaa-
nerusuntik angusaqarnissa-
mut aqqutaasinnaanersut er-
sissanersut.
Kisiannili kinaluunniit aki-
sussaassappat Kalaallit Nu-
naanni akileraartartut ajortu-
mik angusaqarnermi akili-
isussanngorput. Innuttaasut
aningaasaataat naalakker-
suisut maannakkut »isuma-
qatigiinniutissaat« tapiissuti-
nut matussutissat atorneqar-
tussanngorpul.
Grønlands Hjemmestyre
Direktoratet for Kultur, uddannelse og Kirke
OFFENTLIG LICITATION
Hermed udbydes i offentlig licitation
Udvidelse af Søfarts- og Fiskeriskolen B-890, Paa-
miut
Arbejdet udbydes i fagentreprise og er opdelt i føl-
gende entrepriser:
Entr. 1. Jord- og betonarbejde
Entr. 2. Murer-, tømrer- og snedkerarbejde
Entr. 3. Malerarbejde
Entr. 4. VVS-installationer
Entr. 5. El-installationer
Arbejdet udføres i perioden august 1995 til medio juli
1996.
Udbudsmaterialet kan bestilles hos tnt.aluk a/s arki-
tekter m.a.a. tsp, Box 189, 3900 Nuuk fra dato
06.06.95, mod aflevering af depositum stort kr.
1.000,- i form af crosset check stilet til: Grønlands
Hjemmestyre, Direktoratet for Kultur, Uddannelse og
Kirke.
Hvis yderligere sæt udover 1 stk. ønskes, kan disse
købes til trykprisen.
Licitationen vil blive afholdt den 07.07.95 klokken
14:00 hos tnt.aluk illussanik titartaasarfik a/s, Konge-
vejen 2, 3900 Nuuk.
Med venlig hilsen
tnt.aluk
illussanik titartaasarfik a/s
Box 189, 3900 Nuuk
tlf. 2 1256 fax 2 1631