Atuagagdliutit - 06.07.1995, Blaðsíða 11

Nr. 52 • 1995
11
Ca a^apy(/é/'a £/£
GRØNLANDSPOSTEN
Nunarput attaveqarfittut
Attaveqaatit kisennaassat
NUUK(KGH) - Suliffeqarfiit
ingerlajuaannassagunik atta-
veqaatinik atuisuusariaqar-
put. Unammilleqatigiinnermi
attaveqaatinut aningaasartu-
utit uuttuutissaqqipput. Nu-
natsinni ullumikkut pissutsit
eqqarsaatigalugit suliffeqar-
fiit attaveqaatit akiinit qaffa-
singaatsiartunit nammakker-
neqartarput - nunani allani a-
kinut naleqqiukkaanni.
Maannakkut Tele Greenland
ajornartorsiortitaalereerpoq;
ullumikkut USA-mi sulif-
feqarfeqarpoq attaveqartitsi-
sinnaasunik. Tassa imaap-
poq, suliffeqarfinnit taamaat-
tunit kiffartuunneqaraanni
Kalaallit Nunaannit nunanut
allanut oqarasuaatikkut atas-
suteqartoqarsinnaavoq mi-
nutsimut akikitsunnguamik
akiliisarluni. Ullumikkut nu-
natsinni suliffeqarfiit arlallit
tamanna atulereerpaat, Tele
Greenland-imut - nunatsinni-
lu inuiaqatigiinnut - aningaa-
sanik annaasaqaataangaatsi-
artumik.
Ukiuni kingullerni Kalaal-
lit Nunaanni kisermaassilluni
ingerlatsinerit ikiliartuaar-
put. Ataaserli sul i kisermaan-
neqarpoq, tassalu attaveqaa-
teqarneq. Nunarsuaq tamak-
kerlugu attaveqaateqarneq
allanngoriartuaarpoq. Ukiuni
makkunani attaveqaateqar-
nerit kisermaanneqameri taa-
maatikkiartuaarput, tamak-
kununngalu peqqutaavoq at-
taveqaateqarnerit allanngori-
artuaaqimmata, pisinnaasa-
nillu annerusunik akinillu
ikinnerusunik pisariaqartit-
sisoqarmat.
Attaveqaatini nunatsinni
pingasoqiusamik kisermaas-
sisoqarpoq. Taakku pingasut
tassaapput: Nunatsinnit atta-
veqaatinik attaveqartarneq,
nunatsinni attaveqarneq kii-
salu pingasuullugu attave-
qaatitigut attaveqarneq. Ki-
sermaassat taakku pingasut
allatut ajornartumik naam-
magiinnartariaqarpagut. Taa-
matut kisermaassaqarneq
Kalaallit Nunaanni taamak
isorartugisumi paasititsiniaa-
nerup ineriartortinneqarnera-
ni iluaqutaanerluni ajoqutaa-
ginnarnerluniluunniit?
Nunatsinnit
attaveqarneq
Nunarput 1979-imi nammi-
nersornerulermat isumaqati-
giissutigineqarpoq kunnge-
qarneq, aningaasaqarneq, il-
lersornissaq, nunanut allanut
politikkeqarneq eqqartuussi-
veqarnerlu naalagaaffiup isu-
magisassarigai. Tassa imaap-
poq taakku Namminersor-
nerusut ingerlatilersinnaan-
ngikkai.
Naalagaaffiup taakku i-
ngerlataasa ilaat tamanit na-
luneqanngitsoq taaneqanngi-
saannartorli naluneqanngilaq
naalagaaffiup ingerlatarigaa.
Tassaavorlu Nunatsinni atta-
veqaqatigiinneq. Kalaallit
Nunaanni attaveqarneq pillu-
gu inatsimmut siunnersuum-
mi oqaaseqaatini (inatsit nr.
943 23. december 1986-i-
meersoq) ilaatigut atuar-
neqarsinnaavoq: ”Danmark-
ip Kalaallit Nunaatalu akor-
nanni, Kalaallit Nunaata Sa-
valimmiullu akornanni aam-
ma Kalaallit Nunaata nunallu
allat akornanni attaveqarneq
suli naalagaaffimmit inger-
lannneqassapput” (Folke-
ting-ip tusaataa 1986 ilassut
A, atuagaq I ammukartut
414-iat).
Danmarkimi naalagaaffiup
atassuteqamermut akisussaa-
neq TeleDanmarkimut tunni-
unnikuuaa. Allatut oqaatiga-
lugu TeleDanmarkip Kalaal-
lit Nunaannit avammut atta-
veqarneq kisermaassaraa.
TeleDanmarkip aalajangersi-
mavaa nunatsinnit nunanut
allanut atassuteqarneq Dan-
mark aqqutigalugu ingerlan-
neqassasoq, attaveqarner-
mullu akigititassaq TeleDan-
markip namminersuutigalu-
gu aalajangersimavaa. Tele
Greenland-ip tamaallaat nu-
natsinni attaveqarneq akuer-
sissutitut pigaa. Tele Green-
land nunanut allanut Dan-
markiunngitsumut attavilii-
sinnaatitaanngilaq. Tele
Greenland taamaaliorsinnaa-
titaagaluarpat nunatsinnit at-
taveqarneq affaannarmik
akeqarsinnaagunaraluarpoq.
Tele Greenland isumaqati-
giissusiornikkut akikinner-
mik attaviliisinnaassagaluar-
poq, soorlu Amerika-p A-
vannaani periarfissat atorlu-
git-
Ukiualuit matuma siornati-
gut apeqqut taanna soqutigi-
narpallaanngilaq, taamanik-
kummi nunanut allanut atas-
suteqarneq Danmarkiinnar-
mut pisarpoq, ullumikkulli
taamaakkunnaarpoq. Internet
attaveqaatillu qarasaasiat al-
lat piareeqqapput. Nunatsin-
ni attaveqarnermut akit ap-
partinneqarsinnaagaluarput
qarasaasiat atorlugit, soorlu
Amerikap Avannnani periar-
fissat atorlugit, atassuseqa-
lemikkut, ullumikkulli taa-
matut iliortoqarsinnaanngi-
laq, tassami naalagaaffeqati-
giinnerup iluanit avammullu
TeleDanmark attaveqaatit ki-
sermaallugit ingerlappai.
Ilumoorsinnaanerpa Ka-
laallit Nunaannit attaveqar-
neq suli naalagaaffiup inger-
lattuaannarnissaa? Nammi-
nersornerusunut ingerlatiler-
neqarsinnaannginnerluni?
Taamaasinikkut nunanut al-
lanut attaveqartarneq akikil-
lisinnaassagaluarpoq.
Ajornartorsiut tamanna
sooq qangalili eqqartorne-
qartarsimanngila? Imaanner-
pa Kalaallit Nunaannit - qa-
norluunnit akeqassagaluarpat
- pisiniartarnerput Danmark-
ikkoortuaannassanerpa, im-
maqa taamaatikkaanni Dan-
markip ataatsimoortumik ta-
piliuttakkani ikilisissasoralu-
git? Tamatumunnga peqqu-
taanerpa TeleDanmarkip ki-
sermaassinini atatiinnarnera-
nut, naak nunanut allanut
attaveqartarneq allat aqquti-
galugit akikinnerusinnaaga-
luartoq? Tele Greenlandip
attaveqarneq Internet aqqu-
tigalugu Canada-kkoortillu-
gu Islandikkoortilluguluun-
niit akinik misissuisinnaaga-
luarpoq.
Nunatsinni attaveqarneq
Ullumikkut Tele Greenland-
ip nunatsinni attaveqarneq
kisermaappaa. Taamatut ki-
sermaassinermut taamaatitsi-
nissamut atatitsiinnarnissa-
mulluunniit eqqarsaatinut ar-
lallit apeqqutaapput. Siuller-
mik attaveqaammik Kalaallit
Nunaat tamakkerlugu ator-
sinnaasumik pisariaqartitsi-
soqarpoq. Taamatut attave-
qaasiineq niuernikkut immi-
nut akilersinnaassanngilaq.
Aappassaanik attaveqarner-
mut akit mikinerit pisaria-
qartinneqarput. Tamatumun-
nga niuernikkut unammilliu-
taasumik pisariaqartitsiso-
qassaaq. Pingajussaanik atta-
veqarnerup annertusineqar-
nissaa pisariaqarpoq.
Tele Greenland-ip kiser-
maassinini attatiinnassaguni-
uk, Tele Greenland-ip qitiu-
sumik aqutsisoqarfimmit ta-
perserneqamissamik pisaria-
qartitsivoq. Suli ffeqarf i i 1 li
pisortanit nakkutigineqarlu-
tik aqunneqartut ajornartorsi-
utigissartagaat takornartaan-
ngitsoq aappaatigut naam-
mattoorneqartussaavoq, illu-
atungaatigullu qitiusumik a-
qutsisoqarfiit. Kalaallit Nu-
naat mikivallaaqaaq ilisima-
sallit pisariallit tamaasa pi-
sortanit aqutsisoqarfinni suli-
sorissallugit. Tamatuma man-
na nassatarissavaa, suliffeqar-
fiit pappilissatigut qitiusumik
aqutsisoqarfimmut siunner-
sortaannartut atuukkaluarlu-
tik, suliffik killeqanngitsu-
mik aqussagaat, tassami ilisi-
masalittut sulisut suliffeqar-
fimmi tassani sulisuugamik.
Pissutsit taamaattut ajornar-
torsiutaapput puigorneqak-
kajuttartut, namminersomer-
ulemerup ingerlanneqaleme-
rani malunniulluarsimasut,
kiisalu nunatsinni ingerlatat
kisermaassat ingerlatseqati-
giiffmngortitemeranni.
Tele Greenland-ip kiser-
maassinini ingerlatiinnassa-
guniuk pisortat aqutsisoqar-
fiini suliamut ilisimasallit
piginnaasallit attuumassute-
qaanngitsut atorsinnaassallu-
git pisariqartitsissaaq, kiser-
maassiffiusumut Tele Green-
landitut ittumut politikkikkut
aalajangersimasumik isum-
mernissaq pisariaqarluni. Pi-
umasaqaataasunut ilaasin-
naapput attaveqaatit pigin-
naasassaanik aalajangiinerit
akinullu politikkeqarneq.
Pingasoqiusamik
attaveqarneq
Kalaallit Nunaanni pingaso-
qiusamik attaveqarneq inat-
sisinik unioqqutitsineruvoq.
Tele Greenland ataasiuvoq,
Tele-milu kiffartuussaq tulli-
ulluni. Inatsisinik unioqqutit-
sineq unaavoq, tulliusup (tas-
sa pisortatigoortumik Tele-
mit kiffartuussap) pingajuu-
sup tulliusup oqarasuaatikkut
attaveqaata atortarmagu.
Attaveqarneq niuernikkut
soqutiginartunngortinnias-
sagutsigu, Kalaallit Nunaan-
ni suliffeqarfinnut attaveqaa-
tit aningaasaliiffigissappas-
suk, taava pingasoqiusamik
attaveqarneq allanngorti-
ngaatsiartariaqassaaq.
Eqikkaaneq
TeleDanmarkip kisermaas-
sisuunera piaarnerpaamik
taamaatittariaqarpoq, Tele
Greenland nunat tamat akor-
nanni suleqatissaminik toq-
qaasinnaanissaa periarfissin-
niarlugu. Aallaqqaammut
Tele Greenland-ip nunatsinni
nunatsinnillu attaveqarner-
mut oqartussaanini pigiinna-
rallassavaa, aammali Tele
Greenland piumaffigineqas-
saaq sapinngisamik nunat-
sinniittut tamaasa attaveqar-
nissamut periarfississallugit
nunarsuarmilu akikinnerpaaq
ujartussallugu. Tamakku sa-
niatigut Tele Greenland attu-
umassuteqarnngitsunit pigin-
naasalinnillu nakkutigine-
qassaaq. Kalaallit Nunaanni
pingasoqiusamik attaveqar-
neq allanngortingaatsiarta-
riaqassaaq.
Si/rana + Simon Degn
bliver viet den 5. aiujuvt kl. 14.00
i Bevver Kirke på Samdø.
Alt i glas og ramme alt i solafskærmning
sender overalt i Grønland.
Gå til fagmanden det betaler sig
Tuapannguit 8 Box 348 3900 Nuuk
Tlf. 2 13 93 • Fax 2 23 93
^ Sommertilbud på Hotel ^
Igdlo
WEEKEND OPHOLD
Weekend ophold fra LØRDAG til SØNDAG
• Frokost m/lune retter lørdag
• Grill-aften på terrassen lørdag aften
• Dans til kl. 02.00
• Morgencomplet søndag
Pris pr. person i dblt. værelse: kr. 490,00
(tillæg for enkeltværelse: kr. 100,00)
Weekend ophold fra FREDAG til SØNDAG
• Middag m/2 retter fredag aften
• Morgencomplet lørdag og søndag
• Frokost m/lune retter lørdag
• Grill-aften på terrassen lørdag aften
• Dans til kl. 02.00
PRIS PR. PERSON I DBLT. VÆRELSE: KR. 690,00
(tillæg for enkeltværelse: kr. 100,00)
K
HotelIcdi-ÉL
o —
VI SES PÅ HOTEL IGDLO A/S
Med venlig hilsen
Jensine og Søren
Tlf. 4 50 81
J