Fréttablaðið - 28.07.2005, Blaðsíða 53

Árið 1862 opnaði Don Fucundo Bacardi litla
bruggverksmiðju sem hann kallaði Bacardi. Nú sex
kynslóðum síðar sjá afkomendur hans okkur fyrir
mögnuðu rommi sem hentar afar vel í alla kokteil-
gerð. Vandamálið við kokteila er að það er sjaldan
sem hinn almenni borgari hefur vilja eða hráefni til
að „hrista“ fram úr erminni flókna drykki. Því er vert
að benda á að Bacardi Limón er hinn fullkomni
grunnur í áfenga drykki. Bacardi rommið sem er
grunnurinn í Bacardi Limón er í senn mjúkt og fág-
að. Ferski sítrus keimurinn kemur frá olíum unnum
úr ferskum sítrónum, lime og greipaldin. Þessi
blanda af mýkt og ferskleika gerir það að verkum
að hægt er að blanda Bacardi Limón við nánast
hvaða ávaxtasafa eða gostegund sem er, útkoman er
ávalt góð. Þetta vita barþjónar bæjarins sem hafa
oftar en ekki stytt sér leið á annasömum kvöldum
með því að blanda Bacardi Limon í ávaxtasafa
sem þeir kalla svo suðrænum kokteilnöfnum
sem neytandinn telur vera mjög flókna blöndu.
Prufaðu að blanda Bacardi Limón við það sem finnst í ís-
skápnum þínum og upplifðu leyndarmál barþjónsins.
Lækkað verð í Vínbúðum 2.990 kr.
36 28. júlí 2005 FIMMTUDAGUR
Úlfar Eysteinsson kokkur velur
keilu í súrsætri sósu sem sína
uppáhaldsuppskrift. „Ég á
margar uppáhaldsuppskriftir en
þessi varð fyrir valinu í dag. Það
er vegna þess að þetta er sumar-
leg og hitaeiningalítil uppskrift og
svo er keilan afar vanmetinn
fiskur. Hún er svipuð skötusel,
með stífu kjöti og er skemmtileg í
svona rétti því kjötið riðlast ekki
sundur eins og oft vill gerast með
annan fisk. Keilan fæst alls staðar
og hún er ekki dýr, ódýrari en
bæði þorskur og ýsa,“ segir Úlfar.
„Ég fékk þennan rétt fyrst á aust-
urlenskum veitingastað og var
ekki nógu ánægður með hann
þrátt fyrir að hugmyndin væri
góð. Ég ákvað því að elda hann
sjálfur þegar heim var komið og
þá fékk ég út þennan frábæra
rétt.“
Úlfar hefur átt og rekið veit-
ingastaðinn Þrjá Frakka í sautján
ár. „Þetta er fjölskyldufyrirtæki
og bæði sonur minn og dóttir
starfa með mér.“
Þau áhöld sem Úlfari finnst
nauðsynlegt að eiga við matar-
gerð eru góð panna, pottar með
þykkan botn og gaseldavél. „Hrá-
efnin eru hins vegar smjör, smör-
líki, laukur, gulrætur, sveppir,
hvítlaukur, sítróna og salt. Ef
maður á þetta í skápunum er hægt
að laga nánast allt og þetta, ásamt
karrý, eru einu kryddin sem fólk
þarf að eiga að mínu mati. Mér
finnst mikilvægt að leyfa bragð-
inu af kjötinu og fiskinum að njóta
sín og er ekki hrifinn af mariner-
ingu. Það sem ekki allir vita er að
hún var fundin upp í Mið-Evrópu
á krepputímum þegar blessað
fólkið var að reyna að koma hálf-
skemmdum mat niður. Nú þegar
við höfum öll aðgang að fersku
hráefni ætti enginn að kaupa
formarineraðan mat. Það er auð-
vitað hægt að kaupa ferskt kjöt og
leyfa því að liggja í marineringu í
tvo til þrjá tíma en ekki lengur því
það á bara að taka blæ af krydd-
blöndunni.“
Þó að Úlfar hafi hjálpa til í eld-
húsinu frá barnsaldri kviknaði
matreiðsluáhuginn fyrst fyrir al-
vöru þegar hann byrjaði í Flens-
borgarskólanum, þar sem allir
nemendur fengu matreiðslu-
kennslu einu sinni í viku. „Þetta
var svo farsæl kynning á náminu
að þegar ég útskrifaðist um 1970
voru yfir sextíu prósent kokka á
landinu Hafnfirðingar,“ segir
Úlfar og hlær.
Hann segist borða nánast allt
og hafa gaman af því að elda
flestan mat. Þó er eitt sem hann
mun aldrei aftur láta inn fyrir
sínar varir. „Ég myndi aldrei búa
til sagó-grjónagraut því ég á
mjög slæmar minningar um
hann. Þegar ég var í vinnubúðum
í Krýsuvík sem ungur maður var
grauturinn ekki pískaður nóg og
var því hræðilega kekkjóttur.
Þetta var eiginlega eins og að
gleypa hor og ég fæ gæsahúð
bara við tilhugsunina enn þann
dag í dag.“
Keila í súrsætri sósu:
300 g keilubitar
20 g gulrætur
20 g laukur
20 g jöklasalat
1 tsk. salat
4 hvítlauksrif
1 dl sojasósa (Kikkoman)
hrísgrjón
Keilubitarnir eru steiktir í olíu
báðum megin. Svo er sósunni bætt
saman við og allt látið sjóða. Því
næst er hvítlauknum og sojasós-
unni bætt út í og karrý eftir
smekk. Jöklasalatið er sett út í um
leið og rétturinn er borinn fram
og hrísgrjónin höfð með á sér
disk.
Súrsæt sósa:
1 bolli vatn
1 bolli lageredik
1 bolli sykur
1 msk. tómatpurra
1 laukur
1 gulrót
kartöflumjöl
Allt hráefnið er soðið saman og
sósan er síðan þykkt með kart-
öflumjöli.
soleyk@frettabladid.is
Keilan er vanmetinn fiskur
ÚLFAR EYSTEINSSON Úlfari finnst skemmtilegast að elda fisk og hvalkjöt. „Hvalkjötið er alveg yndislegt og það er rosalega gaman að
grilla það. Fólk þarf bara að passa að hafa sneiðarnar ekki of þykkar og grilla það ekki of lengi. Nú þegar hrefnukjötið er aftur orðið að-
gengilegt og mjög góðir vöðvar í boði vil ég hvetja alla sem eiga minningar um hvalkjöt að kaupa sér einn bita til að rifja það upp.“
Hvaða matar gætir þú síst verið án?
Sojalatte á Kaffitári, það er minn
matur ásamt grænmetislasagna sem
eiginkona mín, Helga Vala, matbýr.
Fyrsta minningin um mat?
Ætli það sé ekki kjötbúðingur sem
langamma mín gerði á Raufarhöfn.
Hann var borinn fram með kart-
öflumús og bræddu smjöri. Ég borðaði
yfir mig af þessu til þriggja ára aldurs
og hef ekki getað smakkað þetta
síðan. Langamma mín var orðin svo-
lítið gömul þegar hún eldaði hrygg og
fór svo út í búð að kaupa ávexti í dós
til að hafa með ísnum. Hún var farin
að sjá illa og keypti asíur í staðinn og
hafði þær með ísnum, það var skrítinn
matur.
Besta máltíð sem þú hefur fengið?
Það var þegar þáverandi tilvonandi
eiginkona mín bauð mér í grænmetis-
lasagna. Hún bræddi mig alveg með
þessum rétti.
Er einhver matur sem þér finnst
vondur?
Mér finnst lax sérstaklega ofmetinn
fiskur.
Leyndarmál úr eldhússkápunum?
Það er alltaf brilljant að elda í góðan
grjónagraut, ég set ýmislegt í hann
sem ég gef ekki upp því þá
myndi grauturinn minn
missa sérstöðuna. Á
tímabili var ég mjög
góður í að búa til pasta
með svolítilli eða mikilli
tómatsósu. Ég er ekki
mikið fyrir að skjóta fasana
og elda þá.
Hvað borðar
þú til að
láta þér líða
betur?
Þá borða ég mat
sem inniheldur
lítið af E efnum.
Hvað áttu alltaf í ísskápnum?
Það er mikilvægt að eiga eplasafa,
smjör, ávexti og léttmjólk.
Ef þú yrðir fastur á eyðieyju, hvaða
rétt tækir þú með þér?
Ég myndi taka með mér grænmetis-
lasagna og soja latte, svo gæti ég bara
dáið á eyjunni.
Hvað er það skrýtnasta sem þú hef-
ur borðað?
Ég hef borðað soðinn kolkrabba í
makkarónum sem var góður á
bragðið þrátt fyrir að vera mjög
skrýtinn. Þennan rétt smakkaði ég í
Grikklandi ásamt fleiri skrýtnum
réttum. Er ekki líka dálít-
ið skrýtið að borða
bjúgu? Þau eru
aldrei borðuð
heima hjá mér því
þegar konan mín
var lítil voru
bjúgu pítsa
nútímans.
MATGÆÐINGURINN GRÍMUR ATLASON TÓNLEIKAHALDARI
Lapin Kulta er úrvals bjór sem bruggaður er með
fersku fjallavatni úr uppsprettum óspilltrar nátt-
úru Finnlands.
Nafnið þýðir gull Lapplands og á uppruna
sinn að rekja frá tíma gullæðisins en það var
einmitt bjór frá sama brugghúsi og framleiðir
Lapin Kulta sem slökkti þorsta námuverka-
mannanna. Brugghúsið er eitt af elstu brugg-
húsum Finnlands, stofnað um miðja 19. öld, og
er staðsett í Tornio í Lapplandi. Lapin Kulta
var fyrst markaðssettur árið 1963 og er nú
einn mest seldi bjórinn í Finnlandi og Svíþjóð
og mest seldi bjór í Fríhöfnum Norðurlanda.
Lapin Kulta hefur frísklegt yfirbragð, fremur
litla beiskju og gott jafnvægi.
Bjór sem enginn ætti að láta fram hjá sér
fara, enda er hér um að ræða einstakan gæða-
bjór á hreint frábæru verði sem er með því
ódýrasta sem gerist í Vínbúðum.
Verð í Vínbúðum 159 kr. í 500 ml dós og 136 kr. í 330 ml flösku.
FR
ÉT
TA
B
LA
Ð
IÐ
:
G
VA
Ís me› asíum
BACARDI LIMÓN:
Blandast betur!
LAPIN KULTA:
Gull Lapplands
FR
ÉT
TA
B
LA
Ð
IÐ
/H
EI
Ð
A
Ofninn hitaður í 220°C. Tómatarnir
skornir í helminga og þeim raðað í
eldfast fat með skurðflötinn upp.
Kryddaðir með kummini, sykri, pipar
og salti. Settir í ofninn og bakaðir í um
45 mínútur. Þá er olíunni dreypt jafnt
yfir þá og þeir bakaðir í 10-15 mínútur
í viðbót. Látnir kólna þar til þeir eru
volgir. Salatblandan sett í skál eða á
fat, tómötunum blandað saman við
og olíunni úr mótinu hellt yfir. Nokkrar
flögur skornar af parmesanosti og
dreift yfir.
8-10 íslenskir tómatar
1 tsk. kummin (cumin)
1 tsk. sykur
nýmalaður pipar
salt
6 msk. ólífuolía
1 íslensk salatþrenna,
eða klettasalat
parmesanostur (biti)
Fleiri ljúffengar uppskriftir og fróðleikur á www.islenskt.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
G
RA
2
85
65

06
/2
00
5
bökuðum
Salat með
tómötum