Fréttablaðið - 16.08.2005, Blaðsíða 22
Brúðarvendi er hægt að fá í
öllum stærðum og gerðum.
Möguleikarnir eru óþrjótandi
og tískan setur mönnum litlar
skorður.
„Nú er kominn meiri stíll á brúð-
kaupin en áður og það er mikil fjöl-
breytni í gangi. Þar af leiðandi eru
brúðarvendirnir orðnir mjög mis-
munandi,“ segir Hjördís Reykdal
Jónsdóttir, blómaskreytir hjá
Blómaverkstæði Binna, þegar hún
er spurð út í tískuna í brúðarvönd-
um. „Það er mín skoðun að vöndur-
inn eiga að ríma við allt það sem
brúðurin ætlar að skarta á brúð-
kaupsdaginn. Vöndurinn er í raun
bara skartgripur og hann verður að
passa við heildarútlitið. Ég hugsa
að það sé í rauninni það sem ein-
kennir tískuna núna. Fólk hugsar
meira um heildarmyndina en oft
áður. Ef kjóllinn er mikið skreyttur
er vöndurinn til dæmis hafður lát-
laus og einfaldur,“ segir Hjördís og
bætir því við að vendirnir hafi ver-
ið frekar látlausir undanfarin ár
þótt rómantíkin sé aldrei langt und-
an. „Fólk er farið að skilja að það er
ekki fallegt að rogast inn kirkju-
gólfið með fangið fullt af blómum,“
segir Hjördís.
Ómar Ellertsson, blómaskreytir
í Blómavali, tekur í sama streng og
segir að vendirnir hafi verið lát-
lausir undanfarin ár. „Þetta gengur
alltaf í bylgjum. Kúluvendirnir
hafa verið áberandi en núna eru
þessir gamaldags dropavendir að
koma aftur. Þetta er því eiginlega
bland í poka og vendirnir eru afar
mismunandi.“
Ómar segir að hvítt sé algeng-
asti liturinn og þannig hafi það ver-
ið um nokkurt skeið. „Hér áður fyrr
var rautt meira áberandi og þótt
það sé vinsælt enn í dag velja lang-
flestir ljósa vendi. Rósirnar eru
alltaf vinsælastar en einhver tísku-
blóm laumast alltaf inn. Calli og or-
kídeur hafa verið áberandi undan-
farið.
Gjafir
Öftustu síðurnar í gestabókinni sem tilheyrir brúðkaupinu er tilvalið að nota til
þess að skrá niður gjafir. Þegar hver gjöf er opnuð er hún skráð ásamt nöfnum
þeirra sem hana gáfu. [ ]
Hjördís Reykdal Jónsdóttir blómaskreytir segir að í rauninni sé engin ein tíska í gangi í
brúðarvöndum.
Fallegur vöndur með kremuðum rósum,
bergfléttu og burkna. Eftir Ómar Ellertsson
í Blómavali.
Gamaldags dropalaga vöndur sem Krist-
ján Bogason í Blómavali gerði. Vendir
með þessu sniði eru vinsælir nú.
„Fólk þarf að panta tíma og við
þurfum að kanna hvort öll skilyrði
séu uppfyllt til þess að það geti
gengið í hjónaband,“ segir Guð-
mundur Siemsen, fulltrúi sýslu-
mannsins í Kópavogi. Guðmundur
segir hjónavígslur vera með ánæ-
gjulegustu þáttum starfsins. „Fólk
verður að hafa náð 18 ára aldri, vera
lögráða og ekki of skylt. Það þarf að
fylla út skýrslu um sína hagi og
skila fæðingarvottorðum auk þess
að framvísa persónuskilríkjum og
vottorði um hjúskaparstöðu. Undir
skýrsluna þurfa að rita tveir svara-
menn, minnst 18 ára að aldri, og
staðfesta að þeir viti enga meinbugi
á fyrirhuguðum ráðahag.“
Guðmundur segir hjónavígslur
yfirleitt fara fram á skrifstofu en ef
margir fylgi parinu sé fundarsalur
til reiðu. „Stundum koma hjónaefn-
in bara tvö því við útvegum votta ef
með þarf en í öðrum tilfellum mæt-
ir hópur fólks og mikið gengur á
með myndatökum og öðru tilheyr-
andi,“ segir hann. Sjaldan er þó
sungið við borgaralegar giftingar
en beiðnir um það eru teknar til
greina og ef óskir koma um að hafa
athöfnina annars staðar en hjá emb-
ættinu er reynt að mæta þeim. Fólk
er klætt á ýmsan máta, allt frá
hversdagsfatnaði upp í að vera
prúðbúið.
Það felst líka í starfi Guðmundar
að staðfesta samvist fólks af sama
kyni og staðfestingin hefur að
mestu sömu réttaráhrif og stofnun
hjúskapar. Þótt þessar borgaralegu
athafnir taki ekki nema um fimmt-
án mínútur segir Guðmundur þær
vera hátíðlegar. „Þarna er verið að
stofna mjög mikilvægt samband
sem felur í sér réttindi og skyldur
og athöfnin ber þess merki.“
Barbie og Ken
Leikurinn með Barbie og Ken virðist
aldrei ætla að deyja út.
Þar eru brúðhjón próf-
uð í þekkingu á maka
sínum. Þau sitja bak í
bak þar sem allir
gestir sjá og eru
hvort með sína Bar-
bie og Ken dúkkuna.
Síðan eru þau spurð
spjörunum úr um
hvort sé til dæmis
duglegra í upp-
vaskinu. Ef kon-
an telur mann-
inn vera duglegri held-
ur hún Ken-
dúkkunni á lofti
en ef hún telur
sig sjálfa vera
duglegri held-
ur hún Bar-
bie-dúkkunni
á loft. Svona
heldur þetta
áfram í nokkrar
spurningar og vekur
yfirleitt mikla lukku meðal við-
staddra.
Skilaboð til brúðhjónanna
Það er líka sniðugt að láta hvern
veislugest fá lítinn blaðsnepil og
penna. Hver og einn skrifar síðan
falleg orð til brúðhjónanna á blaðið
og daginn eftir brúðkaupið geta
brúðhjónin skemmt sér við lesturinn.
Sígildur söngur
Auðveldast er náttúrlega bara að
syngja, dansa og skemmta sér
saman sem ætti ekki að vera erfitt á
þessum gleðidegi. Veislustjóri getur
til dæmis búið til söngbók og hvatt
fólk til að syngja með skemmtileg
lög.
Að finna hlut
Að ná í hlut er skemmtilegur og lif-
andi brúðkaupsleikur. Einn fulltrúi af
hverju borði kemur upp á svið þar
sem stólum er raðað eins og í
stólaleik. Það er sem sagt
alltaf einum stól færra
en keppendur eru.
Keppendur fá síðan
fyrirmæli um að sækja
ákveðinn hlut á sitt
borð eins og til dæm-
is framsóknarmann,
sokkabuxur eða úr. Sá
sem kemur síðastur
upp á svið
með hlutinn
dettur úr leik. Svona
gengur þetta þangað
til einn stendur uppi
sem sigurvegari. Auð-
vitað verða þrautirnar
erfiðari og erfiðari eft-
ir því sem líður á leik-
inn og hasarinn
magnast.
Orkídeur hafa verið áberandi í brúðar-
vöndunum. Þennan fallega og einfalda
vönd gerði Ómar Ellertsson í Blómavali.
Brúðarvöndurinn er skart-
gripur brúðarinnar
Fallegur kúlulaga vöndur frá Hjördísi á
Blómaverkstæði Binna.
Guðmundur segir allan gang á því hvort
hjónaefnin komi ein á staðinn eða hafi
fjölskyldu og vini viðstadda.
FR
ÉT
TA
B
LA
Ð
IÐ
/E
.Ó
L.
Borgaraleg hjónavígsla er hátíðleg stund
Sumir halda að hægt sé að ganga inn af götunni og láta gifta sig en svo einfalt er það þó ekki.
Leikandi skemmtileg veisla
Á VEFNUM BRUDKAUP.IS ER HÆGT AÐ FINNA MARGA SKEMMTILEGA
BRÚÐKAUPSLEIKI.