Fréttablaðið - 24.10.2005, Qupperneq 23

Áhugamenn um silfurborðbúnað vita að
það getur verið erfitt að meta gæði silfurs
sem fæst á mörkuðum eða í antikverslun-
um. Flestir þekkja grunnflokkun í gegnheilt
silfur og silfurhúðað. Silfurhúðað skýrir sig
sjálft. Málið er snúnara þegar um gegnheilt
silfur er að ræða. Grunnreglan er að borð-
búnaður úr silfri er aldrei hreint silfur í gegn.
Blanda þarf silfur með harðari málmum,
oftast kopar, svo áhöldin verði ekki of mjúk
til að þola almenna notkun. Á meginlandi
Evrópu má finna hluti merkta 800 eða 900
sem þýðir hlutfall hreins silfurs af 1000 ein-
ingum. Sumt gamalt franskt silfur er meira
að segja allt að 950 að hreinleika. Í flestum
ríkjum eru til stimplalög er skylda silfursmiði
til að merkja framleiðslu sína hreinleika- og
upprunastimpli. Það sem kallað er sterl-
ingsilfur er bresk/bandarískur silfurstaðall
sem gefur til kynna 925/1000 hreins silfurs.
Í Bretlandi táknar stimpill með standandi
ljóni sem snýr til vinstri (lion passant) 92.5
% sterling staðal. Síðan koma fleiri merki
eða bókstafir sem tákna ártalið og uppruna
hlutarins: Hlébarðahaus táknar að hluturinn
hafi verið smíðaður í London, akkeri í Birm-
ingham og kóróna merkir Sheffield.
Í Danmörku kváðu stimpillög frá
1893 á um að silfurstaðallinn skyldi vera
826/1000. Hann var notaður til 1915 er
silfursmiðir hækkuðu silfurinnihaldið í
830 og loks í 925. Fram til ársins 1961 var
stimpill með þremur turnum notaður til að
auðkenna danskt silfur. Eftir 1961 var ein-
faldlega stimplað 830s eða 925s á silfrið.
Tveir turnar þýða hins vegar að hluturinn sé
silfurhúðaður.
Eins og flestum er kunnugt fellur á silfur
er það kemst í samband við súrefni. Gam-
alt húsráð við að fægja silfur er að leggja
álpappír í botninn á vaski eða fati og raða
áhöldunum á pappírinn (ekki stafla). Hellið
heitu soðnu vatni yfir (ekki hitaveituvatni)
svo fljóti yfir. Hnífar með álímdu silfurskafti
ættu þó ekki að liggja í bleyti svo vatn kom-
ist ekki inn í skaftið. Stráið um 3 msk. af
matarsóda í vatnið. Látið bíða í 5-10 mínút-
ur. Skolið vel og þurrkið.
Silfurljón og turnar
Helga Braga fékk Völu Matt
í heimsókn og í kjölfarið var
ýmsu breytt í íbúðinni. Helga
leggur áherslu á litina í kring-
um sig en hún vill hafa þá
djúpa.
Íbúðin hennar Helgu Brögu hefur
sannarlega tekið stakkaskiptum
síðustu mánuði. Vala Matt kom
í heimsókn og í kjölfarið varð
mikil umbreyting. ,,Við settum
upp gluggatjöld en það voru engin
í íbúðinni. Síðan komu ný ljós og
frændi minn málaði ólífugrænan
einn vegginn. Veggurinn er mjög
fallegur og passar vel við kirsu-
berjahúsgögnin sem fyrir voru.“
Þar að auki var baðherberginu
hennar Helgu gjörbreytt. „Smið-
urinn setti leikkonuljós yfir speg-
ilinn og rosalega flottan, háan
skáp fyrir snyrtivörurnar mínar
sem náttúrulega flæddu um allt.“
Helga Braga flutti í núverandi
íbúð fyrir einu og hálfu ári og
segir hana hafa verið í fínasta
standi. ,,Ég setti bara mitt mark á
hana. Stíllinn hjá mér er nútíma-
legur en hlýlegur. Það sem skipt-
ir mestu eru litirnir sem ég vel
í kringum mig en ég vil hafa þá
djúpa. Ég er til dæmis með rosa-
lega mikið í djúprauðu og síðan
er leðursófasettið mitt koníaks-
litað.“
Fleira er áberandi í íbúð Helgu
Brögu en litirnir. Hún er nefni-
lega með höfrungaþema alls stað-
ar. ,,Það eru höfrungamyndir og
höfrungar út um allt. Ég keypti til
dæmis ofsalega fallega höfrunga-
mottu í Delphi í Grikklandi. Hún
er risastór og prýðir eldhúsgólfið
mitt eins og það leggur sig,“ segir
Helga Braga leikkona.
Leikkonuljós og
höfrungaþema
RÁÐ frá Rakel
RAKEL ÁRNADÓTTIR SEGIR FRÁ SÉRKENNILEGRI UPPFINNINGU.
Helga með hjartakoddann sinn og höfrungamynd í bakgrunni.
24. október 2005 MÁNUDAGUR 3