Fréttablaðið - 28.11.2005, Síða 71

MÁNUDAGUR 28. nóvember 2005 35
FÓTBOLTI Sol Campbell, varnar-
maður Arsenal, segir hugarfars-
breytingu innan leikmannahóps-
ins hjá Arsenal hafa gert það að
verkum að liðið fór að vinna leiki
að nýju, en Arsenal er nú í öðru
sæti deildarinnar. „Við leikmenn
settumst niður og ræddum um
vandamál liðsins. Það vantaði
leikgleði og meiri samtakamátt í
okkar leik og við höfum nú lagað
það.“
Campbell hefur verið töluvert
mikið frá vegna meiðsla í vetur
en hann berst nú hart fyrir sæti í
byrjunarliði Englands fyrir HM í
Þýskalandi á næsta ári. - mh
Arsenal á sigurbraut:
Hugarfarið
skipti öllu máli
FÓTBOLTI Bónusgreiðslur til leik-
manna Chelsea fyrir um tveimur
árum síðan verða rannsakaðar á
næstunni af enska knattspyrnu-
sambandinu en Jimmy Floyd
Hasselbaink, sem nú leikur
með Middlesbrough, olli miklu
fjaðrafoki á dögunum þegar
hann greindi frá 100 þúsund
punda greiðslum sem allir leik-
menn Chelsea fengu frá Roman
Abramovitsj að tímabili loknu
vorið 2004. „Í upphafi tíma-
bils var okkur lofað 50 þúsund
punda greiðslu ef við næðum
þeim markmiðum sem leik-
mannahópurinn og knattspyrnu-
stjórinn settu sér. Það tókst, en í
stað þess að fá 50 þúsund feng-
um við 100 þúsund. Við fengum
enga útskýringu á þessu. En
þetta kom sér ágætlega,“ sagði
Hasselbaink.
Talsmaður Chelsea neitar því
að þessar greiðslur hafi verið
ólöglegar. „Öll félög í landinu
borga leikmönnum bónusa fyrir
að ná árangri. Það er ekkert
óeðlilegt við það. Og allar þess-
ar greiðslur koma fram í bók-
haldi félagsins.“ - mh
Bónusgreiðslur hjá Chelsea fyrir tímabilið 2003-2004 verða rannsakaðar enn frekar:
Chelsea gæti fengið harða refsingu
FÓTBOLTI Sænski landsliðsmaður-
inn Zlatan Ibrahimovic segist ætla
að klára feril sinn með Juventus
á Ítalíu, en hann gekk til liðs við
félagið í fyrra. „Ég gerði mér
ekki grein fyrir því hversu stórt
félag Juventus er þegar ég var hjá
Ajax. Mér finnst ég vera orðinn
hluti af fótboltaheiminum núna.
Juventus-treyjan er mikilvægari
en allt annað. Ég ætla mér að vera
hjá Juventus eins lengi og mögu-
legt er.“
Zlatan segir Juventus tilheyra
hópi félaga sem eru yfir önnur
félög hafin. „Það eru aðeins
Barcelona, Real Madrid og
Manchester United sem komast
á sama stall og Juventus í mínum
huga. Þetta er fjögur stærstu félög
í heiminum, ásamt AC Milan, en
ég vil nú ekkert vera að ræða of
mikið um það félag,“ sagði Zlatan
og glotti. - mh
Zlatan Ibrahimovic:
Ætla að vera
hér að eilífu
FÓTBOLTI Dirk Kuyt, framherji og
fyrirliði Feyenoord í Hollandi,
er nú undir miklum þrýstingi frá
félaga sínum í hollenska lands-
liðinu, Edgar Davids, að ganga til
liðs við Tottenham eftir að þessu
keppnistímabili lýkur. „Þegar ég
hitti Davids í æfingabúðum hol-
lenska landsliðsins í síðast var
hann að segja mér hversu gott
félag Tottenham væri. Ég veit að
Tottenham er frábært félag og
ef ég fer til Tottenham mun ég
ræða það sérstaklega við Edgar
Davids.“
Kuyt hefur verið einn allra
besti leikmaður hollensku úrvals-
deildarinnar undanfarin tvö ár.
- mh
Davids pressar á félaga sinn:
Davids vill
Kuyt til Spurs
ZLATAN IBRAHIMOVIC Zlatan hefur leikið
frábærlega með Juventus í vetur og ætlar
sér að ljúka ferli sínum með félaginu.
DIRK KUYT Kuyt er farinn að hugsa sér til
hreyfings.
JIMMY FLOYD HASSELBAINK
Jimmy segir bónusgreiðsl-
urnar hjá Chelsea hafa
komið sér vel.