Fréttablaðið - 20.02.2006, Síða 74

20. febrúar 2006 MÁNUDAGUR30
Sælkera
Ýsurúllur
með rækjuostafyllingu
beint í ofninn..
eintóm hamingja!
Fiskbúðin Vör höfðabakka 1 s 5875070
Fiskbúðin Hafrún skipholti 70 s 553 0003
Fiskbúðin Vegamót nesvegi 100 s 562 1070
Fiskbúðin Árbjörg hringbraut 119 s 552 5070
FÓTBOLTI Forsvarsmenn landsliðs
Kongó í fótbolta hafa legið undir
miklu ámæli í heimalandi sínu að
undanförnu eftir að í ljós kom að
þeir beittu öllum brögðum til að
hindra helsta stjörnuleikmann
sinn, sóknarmanninnn Tresor
LuaLua, í að frétta af hörmulegu
andláti 18 mánaða gamals sonar
síns. LuaLua, sem leikur með
Portsmouth á Englandi, lék með
Kongó í Afríkukeppninni fyrir
skemmstu en honum voru fyrst
tjáð tíðindin eftir að landsliðið var
úr leik í keppninni. Höfðu þá liðið
tæpar tvær vikur frá andlátinu en
forráðamenn Kongó höfðu allan
þann tíma hindrað að LuaLua
fengi hinar hörmulegu fregnir þar
sem þeir töldu að þær yrðu til þess
að leikmaðurinn yfirgæfi herbúð-
ir liðsins í keppninni, eða að þær
myndu bitna stórlega á frammi-
stöðu hans í leikjum liðsins.
„Okkur var sagt að hann fengi
að vita hvað hefði gerst og því kom
það mikið á óvart þegar hann hafði
aldrei samband,“ sagði barns-
móðir LuaLua í nýlegu viðtali,
en dánarorsökin reyndist vera
óþekktur sjúkdómur sem herjar
á börn og getur leitt til dauða án
nokkurs fyrirvara. Líklegt þykir
að LuaLua muni ekki spila fyrir
þjóð sína í framtíðinni þó svo að
það hafi ekki verið staðfest.
Mörgum var brugðið þegar
þeir sáu LuaLua í byrjunarliði
Portsmouth í tapleiknum gegn
Manchester United í ensku úrvals-
deildinni um síðustu helgi, en þar
átti leikmaðurinn stjörnuleik þótt
hann væri gagntekinn af sorg.
„Fyrir mér er ekkert val um mann
leiksins. Það sem LuaLua gerði
hér í kvöld var með ólíkindum,“
sagði Ruud van Nistelrooy, sókn-
armaður Man. Utd, eftir leikinn.
„Hann var frábær í leiknum og
nánast eina ógn Portsmouth með
hraða sínum, styrk og tækni,“
sagði Nistelrooy, en hann var einn
fjölmargra leikmanna Man. Utd
sem gengu til LuaLua eftir leikinn
og vottuðu honum samúð sína.
„Ég tjáði honum samúð mína
og lét hann vita að ég hugsaði til
hans. Hvernig hægt var að spila
svona vel undir þessum aðstæðum
er ofar mínum skilningi,“ bætti
Nistelrooy við.
LuaLua kvaðst hrærður yfir
samúð leikmanna Man. Utd eftir
leikinn og sagði hana skipta miklu
fyrir hann og fjölskyldu sína.
„Þetta sýnir að leikmenn hér á
Englandi vilja hver öðrum vel. Ég
hef fengið margar samúðaróskir
síðan ég kom aftur til Englands og
er djúpt snortinn yfir þeim skiln-
ingi sem mér hefur verið sýndur.
En það kom aldrei annað til greina
en að spila þennan leik.“ - vig
Leyndur andláti sonar síns
Tresor LuaLua hjá Portsmouth fékk ekki að vita af dauða 18 mánaða sonar síns
fyrr en löngu eftir að hann átti sér stað. Forráðamenn landsliðs Kongó hindruðu
að upplýsingarnar bærust honum á meðan Afríkumótið var í gangi.
TRESOR LUA LUA Mun hugsanlega aldrei spila aftur fyrir þjóð sína þar sem forsvarsmenn
landsliðsins leyndu hann upplýsingum um dauða sonar síns. Hér sést hann spila fyrir
Portsmouth í leiknum gegn Man. Utd um síðustu helgi. NORDICPHOTOS/GETTY IMAGES
KÖRFUBOLTI Nýliði New York
Knicks, Nate Robinson, bar sigur
úr býtum í árlegri troðslukeppni
NBA-deildarinnar í fyrrinótt.
Robinson tryggði sér sigur með
magnaðri troðslu yfir hinn gamal-
kunna Spud Webb, sem er minnsti
leikmaðurinn í sögunni sem unnið
hefur þessa keppni. Troðslan var
stórkostleg og hlaut hann fullt hús
stiga fyrir. Robinson er sjálfur
næst minnsti sigurvegari keppn-
inar, en hann er aðeins 175 sm á
hæð.
Þjóðverjinn Dirk Nowitzki hjá
Dallas sigraði í 3-stiga skotkeppn-
inni eftir bráðabana gegn Gilbert
Arenas hjá Washington og Ray
Allen hjá Seattle. - vig
Troðslukeppnin í NBA:
Robinson tróð
yfir Spud Webb
SIGURTROÐSLAN Robinson stekkur yfir
Spud Webb og treður með tilþrifum.
NORDICPHOTOS/GETTY IMAGES
Eddie Jordan, maðurinn á bakvið Jordan-liðið í formúlu 1 kappakstri,
segir að Michael Schumacher ætli sér að
hætta keppni að loknu næsta tímabili í
formúlunni og mæta til leiks að ári liðnu
með eigið keppnis-
lið. Jordan segir að
Volkswagen muni
verða helsti bak-
hjarl Schumachers í
liðinu. Jordan segir
þetta í viðtali við
blaðið F1Racing
sem út kemur í
næstu viku en enn hefur engin yfirlýsing
borist frá Schumacher vegna þessara
ummæla Jordan.
Íslendingarnir í þýska körfuboltanum voru misatkvæðamiklir um helgina.
Jakob Sigurðarson lék í fjórar mínútur
fyrir lið sitt BG Leverkusen í sigurleik
gegn Köln í úrvalsdeildinni og náði
ekki að skora stig á þeim tíma. Logi
Gunnarsson skoraði aftur á móti 15 stig
fyrir Bayreuth sem tapaði fyrir Ehingen
í 2. deild syðri. Leverkusen er í 13. sæti
úrvalsdeildarinnar en Bayreuth er í 6.
sæti í sinni deild.
Ólafur Stefánsson lék ekki með Ciudad Real sem vann öruggan
sigur Algeciras, 31-19, í spænsku úrvals-
deildinni í handbolta á laugardag. Ólafur
er enn að jafna sig á meiðslunum sem
hann hlaut gegn Serbum á EM í Sviss.
Ciudad er í 3. sæti deildarinnar, þremur
stigum á eftir Portland og fjórum á eftir
Barcelona.
Rúnar Kristinsson skoraði mark Loker-en þegar liðið tapaði fyrir St. Truid-
en, 1-2, í belgísku
úrvalsdeildinni
um helgina. Mark
Rúnars þótti einkar
glæsilegt. Davíð
Þór Viðarsson sat
allan tímann á
varamannabekk
Lokeren en Indriði
Sigurðsson lék
allan leikinn fyrir Genk sem tapaði fyrir
Waragem, 1-0. Genk er í 5. sæti deildar-
innar og Lokeren í því 8.
Grétar Rafn Steinsson sat á vara-mannabekk AZ Alkmar allan leikinn
þegar liðið tapaði óvænt fyrir Utrecht á
heimavelli í hollensku úrvalsdeildinni,
2-3. AZ er í 2. sæti deildarinnar, nú átta
stigum á eftir toppliði PSV.
Barcelona og Real Madrid unnu örugga sigra í spænsku úrvals-
deildinni í fótbolta á laugardagskvöldið.
Barcelona lagði Betis 5-1 þar sem
stjörnurnar Lionel Messi og Ronaldinho
skoruðu meðal annars sitt markið hvor
og Real vann sigur á Alaves á heima-
velli, 3-0. Guti, Robinho og Cicinho
skoruðu mörk Real. Barcelona er sem
fyrr langefst í deildinni.
Jenson Button, ökumaður Honda-liðsins, hefur verið langduglegastur að
æfa sig fyrir komandi vertíð í formúlunni
samkvæmt nýjum mælingum Willi-
ams-liðsins. Button hefur ekið um níu
þúsund kílómetra á undirbúningstíma-
bilinu og þannig prófað og vanist bíl
Hondaliðsins sem mest. Næstur honum
er Pedro de la Rosa, varaökumaður
McLaren, með 7500 km. Honda-liðið
hefur einnig prufukeyrt langmest allra
liða, eða tæplega 22 þúsund km. Næst
kemur McLaren með um 4000 km
minna en Renault er í þriðja sæti með
rúma 17 þúsund km.
ÚR SPORTINU
HVAÐ? HVENÆR? HVAR?
FEBRÚAR
16 18 19 20 21 22 23
Mánudagur
■ ■ LEIKIR
 18.00 Haukar og Fram mætast
í DHL-deild kvenna í handbolta á
Ásvöllum.
■ ■ SJÓNVARP
 18.30 NBA á Sýn. Útsending frá
Stjörnuleiknum í NBA-deildinni sem
fram fór í nótt.
 20.30 Ítölsku mörkin á Sýn.
 21.00 Ensku mörkin á Sýn.
 21.30 Spænsku mörkin á Sýn.