Fréttablaðið - 23.03.2006, Blaðsíða 35
FIMMTUDAGUR 23. mars 2006
Thelma Björk Jónsdóttir
útskrifaðist síðasta vor sem
fatahönnuður frá Listaháskóla
Íslands. Lokaverkefni hennar
var hönnunarlína sem meðal
annars innihélt höfuðskraut.
Hugmyndin að skrautinu er fengin
frá óvenjulegum stað. „Það er lang-
ur ferill frá hugmynd að lokaút-
komu,“ segir Thelma. „Hugmyndin
að þessu tiltekna skrauti er fengin
frá „best in show“ verðlaunapening-
um sem veittir eru á hundasýning-
um. Út frá því hef ég svo hannað
fleiri útgáfur.“
Höfuðskrautið varð fljótlega vin-
sælt og ekki minnkaði eftirspurnin
þegar Björk mætti í sjónvarpið með
eitt slíkt á höfðinu.
Thelma saumar allar sínar vörur
sjálf á vinnustofu sinni í Garða-
stræti. Höfuðskrautið selur hún í
KronKron en nokkuð hefur borið á
því að aðrir séu að sauma svipaðar
vörur. „Það eru einhverjir farnir að
herma eftir mér en ætli það sé ekki
ákveðin viðurkenning,“ segir
Thelma og hlær. „Annars er ekki
eins og ég sé að finna upp hjólið.
Margir hafa hannað og búið til hatta
og annað höfuðskraut á undan mér.“
Thelma er nokkuð viss að þessar
eftirhermur komi lítið niður á henni.
„Það er ekki hægt að endurgera
handbragð mitt og hönnun. Minn
kúnnahópur þekkir hönnun mína og
leitar til mín þegar hann vantar
vöru,“ segir Thelma. „Annars er
þetta spurning um að virða annarra
manna hönnun og Ísland er lítið land
svo fólk kemst lítið upp með að gera
það ekki.“
Spennandi tímar eru fram undan
hjá Thelmu. Brátt flytur hún til Par-
ísar en þar mun hún eflaust vafra
um St.Germain í leit að nýjum og
ferskum hönnunarhugmyndum inn-
blásnum af Parísarborg.
tryggvi@frettabladid.is
Höfuðskrautið fæst í mörgum mismunandi
útgáfum. FRÉTTABLAÐIÐ/ANTON
Íslenskt höfuðskraut
Thelma Björk á vinnustofu sinni. FRÉTTABLAÐIÐ/ANTON
Teygjubelti
Margir þeirra sem voru upp á sitt
besta á níunda áratugnum hafa
eflaust átt eitt gott teygjubelti. Nú
eru þau komin aftur í tísku, þannig
að nú er rétti tíminn til að draga þau
fram í dagsljósið, þ.e.a.s ef þau eru
ekki orðin of slitin eða mittið orðið of
stórt. Leyfilegt er að skella þeim utan
um hvaða flík sem er, þá sérstaklega
peysur og kjóla, en þau geta vel
gengið utan um þunnar kápur líka.
Úrvalið er kannski ívið meira en gekk
og gerðist á níunda áratugnum þar
sem þau voru flest úr svartri teygju.
tíska }
ÍTALSKI TÍSKUHÖNNUÐURINN VALENTINO GARAVANI SEGIST HAFA SVO GAMAN
AF ÞVÍ SEM HANN GERI AÐ HANN GETI EINFALDLEGA EKKI HÆTT.
Hin 74 ára gamla tískugoðsögn Valentino
hélt nýlega stóra tískusýningu í tískuvikunni
í París. Þrátt fyrir að hafa verið í bransanum
í um 45 ár er Valentino ekkert á þeim bux-
unum að fara að hætta. ,,Ég hanna línurnar
mínar af mikilli gleði.“
Valentino og ofurtöffarinn Karl Lagerfeld,
sem er 67 ára, verða að teljast þeir elstu í
bransanum en hvorugur virðist vera á leið
úr sviðsljósinu. ,,Sú staðreynd að nokkr-
ar stjörnur klæðast fötum frá mér á til
dæmis Óskarsverðlaunahátíðinni gerir mig
afar glaðan og stoltan. Auk þess dreymir
margar ungar stúlkur um að fá að giftast í
brúðarkjólum frá mér, sem gerir mig afar,
afar glaðan,“ sagði Valentino að lokinni
sýningunni sinni í París og er greinilega
ennþá ungur í anda.
Knúinn áfram af gleðinni
Tískugoðsögnin Valentino er komin
vel yfir sjötugt en ætlar ekki að fara
að setjast í helgan stein í bráð.
FRÉTTABLAÐIÐ/AP
Uppháa strigaskó er hægt að
fá frá fleiri framleiðendum en
Converse.
Uppháir strigaskór hafa notið
geysilegra vinsælda að undan-
förnu í kjölfar þess að Converse-
skórnir slógu í gegn. Slíkir upp-
háir strigaskór eiga þó rætur
sínar að rekja allt til fyrri hluta
síðustu aldar. Reyndar hefur aft-
urhvarfið til níunda áratugarins
að undanförnu átt nokkurn þátt í
því að uppháir strigaskór urðu
vinsælir aftur.
Uppháa strigaskó má þó fá frá
fleiri framleiðendum en Converse.
Hafa meðal annars Adidas, Dior
og Vans sent frá sér uppháa striga-
skó í anda þeirra sem komu á
markað á fimmta og sjötta áratug
síðustu aldar. Því má aðeins fara
að hægja á notkun á skóm frá Con-
verse og fara að prufa aðrar teg-
undir líka. Vilji maður hins vegar
halda sig við gömlu góðu Converse
má alveg fara að prófa nýja liti og
ný munstur endar eru svörtu og
bláu Converse skórnir orðnir pínu
þreyttir.
Ekki bara Converse
Converse-strigaskór hafa verið geysilega
vinsælir undanfarin misseri.
Úr háborg tískunnar
BERGÞÓR BJARNASON SKRIFAR FRÁ PARÍS
Hvítt, hvítt, hvítt
Vorið er komið og grundirnar gróa... eða næstum því. Eftir fyrsta
vordaginn kólnar hér enn og aftur og trén sem ættu að vera þakin
bleikum blómum eru rétt að fara af stað. Hvað um það, nú verða
þeir sem misstu af öllum frumlegu flíkunum í fjölstraumabúðunum
að fara að hugsa sinn gang fyrir komandi sumar. Slæmu fréttirnar
eru þær að meirihluti hönnuða sér allt í hvítu þetta sumarið (nokkr-
ir með svart í bland) og eins og allir vita er það ekki það besta fyrir
varadekkið! Þó er von þar sem tískuspírurnar sem hafa lokið yfir-
reið sinni um borgina eru margar anóreksískar með kók í nös, þess
vegna er mögulegt að við sem erum meira í þungaflutningum finn-
um eitthvað í stærri númerunum. Svo hef ég það frá fyrrverandi
mágkonu minni í Karíbahafinu að action sechange extrême-töflurn-
ar svínvirki á magann, læt vita þegar ég er búinn að prófa!
Pilsungarnir víðu sem Jean-Paul Gaultier kom af stað í fyrra
virðast vera búnir að vera. Nú eru pilsin styttri og þrengri. Þó auð-
vitað megi finna fleiri síddir og form í takt við tíðarandann sem er
annað hvort mótaður af sjötta áratugnum, Audrey Hepburn í
Breakfast at Tiffany´s eða tísku eftirhippaáranna undir 1980 í stíl
Chrissie Hynde. Í pilsunum má sjá í bland við hvíta litinn alls kyns
munstur til dæmis „ psycedelique „ (Mu 115), súrrealísk (Junko
Shimada) eða grafísk (Léonard). Blúndur eru í hávegum hafðar hjá
YSL (hvítt hálfsítt pils í popplíni aðeins 3.790) og þar eins og víðar
má sjá mikið af múslíni og gegnsæju efni, létt og sexý. Kjólar eru
annað lykilatriði í sumar. Hvítir eða munstraðir eins og pilsin,
gjarnan úr lérefti eða hör (Etam 44,90) sumir mittislausir með
útvíkkandi sniði. Ekki má gleyma bermúdabuxunum, sem verða
ómissandi í sumar.
Ég verð að viðurkenna að margt sem er í tísku er ekki sérstak-
lega í uppáhaldi hjá mér. Það á sérstaklega við um skóna, nánast
allir eru þeir með breiðri tá, annað hvort flatar ballerínur sem á
sextugum konum er hálf menntaskólalegt, eða með breiðum hælum.
Þið verðið að afsaka að þó ég sé sannfærður jafnréttissinni finnst
mér támjóir skór með mjóum hælum alltaf miklu kvenlegri. Skórn-
ir eru oft hvítir eins og töskurnar nema þær sem eru gylltar. Gylltar
töskur passa svo við gylltu beltin og gylltu skóna.
En svo er líka bara spurning um að vera maður sjálfur og láta
litaspjald sérfræðingana eins og vind um eyru þjóta og vera í þeim
litum sem maður fílar sjálfur og skapa sinn stíl.
Nýjasta tískuaddressan í París er Paul et Joe, 2, avenue
Montaigne, París 8e. bergthor.bjarnason@wanadoo.fr
Glæsilegur
vorfatnaður
SKO‹A‹U ALLT
ALLT er n‡ vöru- og fljónustuskrá á visir.is sem geymir
uppl‡singar um ALLT milli himins og jar›ar. ALLT er
líka a› finna í fljónustunúmerinu 1850 og í vor ver›ur
ALLT bókinni dreift til allra landsmanna.
fiú finnur ALLT á visir.is!
ALLT SEM fiIG VANTAR ER Á VISIR.IS/ALLT
F
í
t
o
n
/
S
Í
A
n‡ vöru- & fljónustu-
skrá á visir.is