Fréttablaðið - 23.03.2006, Blaðsíða 64

23. mars 2006 FIMMTUDAGUR48
maturogvin@frettabladid.is
Hvaða matar gætir þú síst verið án? Mér
finnst allur fiskur góður og sushi er algjör yfir-
burðamatur í mínum huga enda borða ég ekki
kjöt nema bara kjúkling.
Besta máltíð sem þú hefur fengið? Ég
hef borðað sushi úti um allan heim en það
besta fékk ég á stað í Los Angeles sem heitir
Blowfish.
Er einhver matur sem þér finnst vondur?
Það er ótrúlega mikið af mat sem mér finnst
vondur. Rautt kjöt er algjör viðbjóður og það er
einhver misskilngur að þetta sé gott.
Leyndarmál úr eldhússkápunum? Ég reyni
bara að slasa mig ekki enda hálfgerður hrak-
fallabálkur í eldhúsinu, kann ekki einu sinni að
sjóða egg.
Hvað borðar þú til að láta þér líða betur?
Nammi og eitthvað fitandi, helst popp eða
snakk. Þar sem ég er bíófíkill fer það ótrúlega
vel saman við poppfíkn mína.
Hvað áttu alltaf í ísskápnum? Ég á alltaf til
sojamjólk, ávexti og grænmeti.
Ef þú yrðir fastur á eyðieyju, hvaða mat
tækir þú með þér? Hrísgrjón og wasabi því
það væri eflaust fiskur í sjónum sem umlykur
eyjuna. Ég gæti þá búið mér til mitt eigið
sushi.
Hvað er það skrítnasta sem þú hefur borð-
að? ,Ég held að það sé ekki nokkur matur sem
slái út íslenskan þorramat. Súrir hrútspungar
og augu? Er eitthvað skrýtnara en það?
MATGÆÐINGURINN ÍSLEIFUR B. ÞÓRHALLSSON, FRAMKVÆMDASTJÓRI IFF
Forðast slys í eldhúsinu
Lengi var chenin
blanc / steen mikil-
vægasta hvíta þrúg-
an í Suður-Afríku.
Úr henni voru gerð
ódýr hvítvín, freyði-
vín, auk þess var
hún eimuð í brandí.
Síðustu ár hefur
chenin blanc verið
að hefjast aftur til
virðingar sem hvít-
vínsþrúga og til-
raunir eru gerðar
með ýmsar útfærslur, sæt og þurr
vín, óeikuð eða eikarþroskuð. Tví-
mælalaust sú hvíta þrúga sem
helst getur markað Suður-Afríku
sérstöðu.
Eins og víðast annars staðar
eru gerð góð (eða misgóð) vín úr
chardonnay í Suður-
Afríku. Vínið finnst
í öllum stílum, þurr
og létt upp í þung
og eikuð.
Sauvignon blanc
er þrúga sem,
kannski nokkuð
óvænt, nær að sýna
sýnar bestu hliðar í
svalari héruðum
Suður-Afríku. Suður-
afrískt sauvignon
hefur skýr þrúgu-
einkenni. Ódýrari sauvignon vilja
verða grösug og missa að einhverju
leyti hreinleikann.
Cabernet Sauvignon hefur
sannað sig í Suður-Afríku. Fram-
úrskarandi vín eru einkum gerð í
svalari strandhéruðum, t.d.
Stellenbosch og í Paarl. Cabernet
er oft blandað með öðrum þrúgum,
t.d. merlot eða cabernet franc.
Pinotage, þessi eilítið grófi og
ágengi blendingur pinot noir og
cinsault er einkennisþrúga Suður-
Afríku. Mörg bestu vínin hafa
afgerandi brenndan eða sviðinn
keim en um leið heitan og kröftug-
an ávöxt. Ódýr pinotage getur
valdið vonbrigðum.
Syrah/Shiraz virðist geta orðið
besta rauða þrúga Suður-Afríku.
Heitt loftslag tryggir þrúgunum
góðan þroska. Svalari héruð geta
framleitt syrah nær frönskum stíl,
en heitari héruð liggja nær ástr-
ölskum shiraz, þótt loftslagið sé
ekki einrátt, heldur hafi víngerð-
armaðurinn meira um niðurstöð-
una að segja.
AFRÍKUDAGAR:
Helstu þrúgur Suður-Afríku
Faxe Amber hefur
notið síaukinna vin-
sælda á Íslandi eins
og fleiri bjórar frá
Faxe. Nýverið breytt-
ist útlist dósanna en
innihaldið er það
sama og fyrr. Faxe
Amber er hátíðar-
brugg sett á markað í
tilefni af 100 ára
afmæli Faxe Brygg-
eri AS.
Í Danmörku heitir
bjórinn Faxe Classic.
Lengi vel gátu menn
aðeins fengið þennan
bjór af krana á dönsk-
um veitingastöðum
en hann var settur á
flöskur og dósir í til-
efni afmælisins. Má
segja að hann hafi
slegið í gegn um leið.
Þetta er rauðgulbrúnn
bjór með lykt af sætu
og humlum sem er
ekki of mikil. Bragð-
meiri bjór en venju-
legur lagerbjór, þægi-
lega beiskur og fylltur
án þess að vera neitt
uppáþrengjandi né
sætur. Bestur svolítið
kældur.
Fyrir þá sem eru
orðnir leiðir á venju-
legum lagerbjór er
Faxe Amber tilvalinn
tilbreyting!
Verð í Vínbúðum
179 kr. í 50 cl dós.
FAXE AMBER:
Ný klæði hátíðarbruggsins
Algert lostæti
...skerðu niður ferskan ananas
og borðaðu alltaf þegar þig
langar í eitthvað gómsætt.
Þótt Úlfar Eysteinsson
borði fisk ellefu sinnum
í viku fær hann aldrei
nóg. Ommelettuýsa er að
hans sögn tilvalin fyrir þá
sem vilja tilbreytingu frá
hádegissoðningunni sígildu.
„Mér finnst stundum gott að taka
ýsuflak, eða sporð, velta honum
upp úr hveiti, svo eggi og steikja
hann á pönnu,“ segir Úlfar
Eysteinsson, veitingamaður á
Þremur frökkum við Baldursgötu.
„Þannig fæ ég ommelettu utan
um fiskinn.“
Úlfar segir þetta vera gamla
matreiðsluaðferð sem nefnist
ensk steiking númer tvö. „Börn
elska þennan rétt, fiskurinn er
svo safaríkur og góður. Þetta er
ofureinfalt í matreiðslu, það eina
sem þarf að gæta að er að steikja
fiskinn ekki við of háan hita því
ef hann er of mikill kemur of
sterkt bragð af egginu. Gætið
líka að krydda eggin ekki, þá
detta þau í sundur. Kryddið
fiskinn bara á pönnunni. Ég er
ósköp einfaldur og nota bara salt
og pipar og kreisti sítrónu yfir í
lokin, en kryddið fer auðvitað
eftir smekk.“
Úlfar kveðst borða fisk að
jafnaði ellefu sinnum í viku og
fær aldrei nóg. „Ég er Hafn-
firðingur í húð og hár þannig að
hafgolan blés á mig allan ársins
hring. Við strákarnir vorum
alltaf niðri á höfn að dorga og
stundum gáfu trillukarlarnir
okkur í soðið. Það var ekkert
bannað í þá daga. Fiskur er líka
góður í maga og auðmeltur.
Maður er kominn í gott stuð
klukkustund eftir að hafa
borðað.“
ENSK STEIKING NÚMER TVÖ
1 ýsuflak eða sporður
1 egg
hveiti
salt og pipar
Veltið fiskinum upp úr hveiti.
Pískið eggið og veltið fiskinum
upp úr. Steikið fiskinn á pönnu
við lágan hita þar til hann verður
fallega gylltur á hvorri hlið.
Kryddið fiskinn með salti og
pipar þegar hann er á pönnunni.
Berið fram með kartöflum og
hvítlauksbrauði. Líka er gott að
hafa kokkteilsósu eða remúlaði
með.
bergsteinn@frettabladid.is
Ensk steiking númer tvö
ÚLFAR EYSTEINSSON Ólst upp í Hafnarfirði og hafgolan blés á hann allan ársins hring. FRÉTTABLAÐIÐ/ VILHELM�������������
���������������������������