Fréttablaðið - 18.04.2006, Side 2

2 18. apríl 2006 ÞRIÐJUDAGUR
www.expressferdir.is
Express Fer›ir, Grímsbæ,
Efstalandi 26, sími 5 900 100
Nánar á www.expressferdir.is
Fer›askrifstofa í eigu Iceland Express
FÓTBOLTAVEISLA Í MANCHESTER
79.900 kr.
INNIFALI‹:
21.–24. APRÍL
Laugardaginn 22. apríl mætast
Chelsea og Liverpool í undanúrslitum í
ensku bikarkeppninni á Old Trafford í
Manchester. Hvort liðið kemst í
úrslitaleikinn í Cardiff?
Ekki missa af þessum hörkuleik!
Flug og flugvallaskattar,
rútur til og frá Manchester, íslensk
fararstjórn, 3 nætur á hóteli með
morgunverði og miði á leik Chelsea og
Liverpool. Miðað er við að tveir séu
saman í herbergi.
CHELSEA–
LIVERPOOL
FÓTBOLTAFERÐ TIL MANCHESTER
FUGLAFLENSA Fugl sem fannst dauð-
ur á Elliðavatni í síðustu viku
drapst ekki úr fuglaflensuveir-
unni H5N1. Þetta er niðurstaða
rannsóknar á sýni úr fuglinum
sem fór fram í Svíþjóð.
„Við töldum ekki miklar líkur á
því að þessi fugl væri smitaður en
þótti rétt að senda úr honum sýni
vegna þess hve mikið var búið að
fjalla um málið í fjölmiðlum,“
segir Eggert Gunnarsson, dýra-
læknir á Keldum.
Eggert telur að á næstu dögum
og vikum verði töluverður fjöldi
sýna sendur til Svíþjóðar til að
kanna hvort fuglaflensuveiran
hafi borist hingað til lands. „Ekk-
ert sýni er í rannsókn núna en
nokkur verða send strax í fyrra-
málið,“ segir Eggert. - at
Fugl á Elliðavatni:
Drapst ekki úr
fuglaflensu
DAUÐUR FUGL Í HAFNARFIRÐI Niðurstöð-
ur rannsókna hafa staðfest að fuglinn á
Elliðavatni drapst ekki úr H5N1 afbrigði
fuglaflensuveirunnar. FRÉTTABLAÐIÐ/HEIÐA
Eldur í tösku Lítilsháttar eldur kvikn-
aði í Kópavogi í gærmorgun eftir að
taska var skilin eftir á heitri keramik-
hellu. Búið var að slökkva eldinn þegar
lögregla og slökkvilið kom á staðinn og
voru skemmdir minniháttar.
Rákust saman á skíðum Tvö
ungmenni rákust harkalega saman í
skíðabrekku í Bláfjöllum um tvöleyt-
ið í gærdag. Þau voru bæði flutt til
aðhlynningar en meiðsl þeirra eru ekki
talin alvarleg.
LÖGREGLUFRÉTTIR
FJÖLMIÐAR Gerðir eru tímabundn-
ir launasamningar við dagskrár-
gerðarfólk Ríkisútvarpsins í stað
verktakasamninga.
Fjármálastjórinn, Guðmundur
Gylfi Guðmundsson, segir verk-
takagreiðslunum hafa verið hætt
í fyrra vegna þrýstings frá
skattyfirvöldum: „Við fengum
úrskurð frá skattinum og kærð-
um hann til yfirskattanefndar
fyrir um það bil mánuði. Við
höfum gert launasamninga núna
en það verður erfitt að halda þeim
við þegar umhverfið breytist.“
Verktakasamningarnir hafi náð
til um tuttugu starfsmanna árið
2003. Þeir fái nú greidd yfirvinnu-
laun í staðinn. Nýtt starfsfólk sé
ekki fastráðið.
Guðmundur segir verktaka-
greiðslurnar verða teknar upp að
nýju hjá stofnuninni úrskurði
yfirskattanefnd þeim í vil. Einnig
verði málin skoðuð þegar stofn-
uninni verður breytt í hlutafélag.
Hjá yfirskattanefnd fást ekki
upplýsingar um hvaða kærur
liggja til afgreiðslu, en nefndin
hefur rúmlega sjö mánuði til að
afgreiða þær. Um hálft ár gæti
því liðið þar til hún úrskurðar um
greiðslurnar.
Gestur Steinþórsson, skatt-
stjóri í Reykjavík, segir embætt-
ið hafa metið það svo að verktak-
arnir innan Ríkisútvarpsins væru
í raun launamenn. Ótal margt
spili inn í, meðal annars hvort
vinnuveitandinn leggi til starfs-
aðstöðu og efni, ráði vinnutíman-
um og öðru. Svo hafi verið í þessu
tilfelli. Samkomulag hafi því náð-
ist um að Ríkisútvarpið greiddi
launatengd gjöld og önnur í ríkis-
kassann.
Guðmundur segir að þó svo að
Ríkisútvarpið sé ekki sátt við
úrskurðinn hafi það ákveðið að
ganga að greiðslum gjaldanna og
horfið frá verktakasamningun-
um. Hins vegar hafi um langan
tíma verið álitið slæmt að ekki sé
hægt að skipta út dagskrárgerð-
arfólki eftir því hvernig hlutirnir
þróast.
Gestur segir forsvarmenn
RÚV áreiðanlega geta breytt
launagreiðslunum í verktaka-
greiðslur við hlutafélagavæðingu
stofnunarinnar: „En svo er spurn-
ingin hvort fallist verður á það af
hálfu skattyfirvalda.“ Til þess að
svo verði þurfi stofnunin að gera
grundvallarbreytingar á vinnu-
umhverfi starfsmannanna. Hann
segir þó hlutafélög og ríkisstofn-
anir sitja við sama borð þegar
komi að verktakagreiðslum. - gag
RÚV vill helst hafa
verktaka í vinnu
Skattstjórinn í Reykjavík fékk RÚV til að hætta að greiða dagskrárgerðarmönn-
um verktakagreiðslur. RÚV hefur kært úrskurðinn til yfirskattanefndar og
vonast til að fá að taka verktakagreiðslurnar upp að nýju.
ÚR KASTLJÓSI RÍKISSJÓNVARPSINS Dagskrárgerðarfólk RÚV er nú á tímabundnum
launasamningum þar sem verktakavinna var stöðvuð af skattyfirvöldum. Starfsmennirnir
eru ekki fastráðnir því það verður að vera hægt að bregðast snöggt við þegar breyta á
dagskránni.
KJARAMÁL Formlegar viðræður
launanefnda Samtaka fyrirtækja í
heilbrigðisþjónustu (SFH) og stétt-
arfélagsins Eflingar hefjast í dag.
Sérhæft starfsfólk og félagsliðar á
dvalar- og hjúkrunarheimilum
frestuðu boðuðu setuverkfalli, sem
átti að hefjast 21. apríl, um sex
daga. Er þa til að gefa launanefnd-
unum tækifæri til að einbeita sér
að lausn á kjaradeilu þeirra.
Harpa Ólafsdóttir, forstöðumað-
ur kjaramálasviðs Eflingar, vonar
að kominn sé skriður á málið og
Kristján Sigurðsson, formaður
launanefndar SFH, segir að þótt
aðkoma ríkisins sé líkleg þá muni
dvalar- og hjúkrunarheimili þurfa
að hagræða til að mæta kostnaði.
Þrýst er á stjórnvöld úr öllum
áttum um að beita sér fyrir því að
kjör starfsfólksins verði bætt. Vil-
hjálmur Þ. Vilhjálmsson, borgar-
stjóraefni sjálfstæðismanna, gagn-
rýndi fjármálaráðherra og aðra
þingmenn Sjálfstæðisflokksins í
ræðu á flokksráðsfundi á Akureyri
nýlega og flokksstjórnarfundur
Samfylkingarinnar samþykkti
áskorun til ríkisstjórnarinnar um
að kjör umönnunarstétta á hjúkr-
unar- og dvalarheimilum yrði bætt.
Áður hafði fagfólk í öldrunarþjón-
ustu, stéttarfélög og samtök lýst
áhyggjum af stöðu öldrunarþjón-
ustunnar. - shá
Kjaradeila sérhæfðs starfsfólks á dvalar- og hjúkrunarheimilum:
Formlegar viðræður hafnar
FRÁ HRAFNISTU Betur horfir með lausn
kjaradeilu sérhæfðs starfsfólks og félags-
liða á dvalar- og hjúkrunarheimilum eftir
að launanefndir hittust formlega til að
ræða leiðir til lausnar deilunnar.
FRÉTTABLAÐIÐ/STEFÁN
ÍRAK, AP Sérfræðingar saksóknar-
innar í máli Saddams Husseins
hafa staðfest að undirskriftir Huss-
ein á skjölum tengdum herferðinni
í Dujail séu ósviknar. Telja þeir að
þar með sé komin fram óskeikan-
leg sönnun þess að Hussein hafi
fyrirskipað aðgerðir gegn þorps-
búum í Dujail sem leiddu til þess
að 148 sjíamúslimar voru drepnir
og margir aðrir pyntaðir. Þetta
kom fram í réttarhöldunum yfir
þessum fyrrverandi forseta Íraks
og sjö samstarfsmönnum hans sem
héldu áfram í gær.
Saddam Hussein hefur hvorki
viljað staðfesta né vísa á bug að
undirskriftirnar séu hans, en hefur
haldið fram að slík undirritun hafi
verið hluti af skyldum hans sem
forseti. Hann hefur ennfremur
neitað því að gefa rithandarsýnis-
horn til samanburðar.
Voðaverkin í þorpinu Dujail áttu
sér stað árið 1982. Með þeim átti að
refsa íbúunum fyrir morðtilræði
við Saddam Hussein þegar hann ók
í gegn um þorpið. Meðal hinna
myrtu var ellefu ára gamalt barn. Í
skjölunum sem saksóknari er með
í höndunum eru meðal annars
aftökuskipanir og skjöl staðfesta
að Hussein hafi með undirskrift
sinni samþykkt að verðlauna leyni-
lögreglumenn sem áttu þátt í
fjöldamorðunum.
Dómari hefur fyrirskipað að
réttarhöldunum skuli frestað þang-
að til búið er að kanna undirskrift-
irnar frekar. - at
Undirskriftir Saddam Hussein taldar sanna sekt hans:
Réttarhöldunum frestað
SADDAM HUSSEIN Í RÉTTARSAL Réttarhöldum yfir Hussein hefur enn verið frestað til að
skoða ný gögn talið er að staðfesti ábyrgð hans á herferðinni í Dujail. FRÉTTABLAÐIÐ/AP
UMFERÐ Mikil umferð var í átt til
höfuðborgarinnar síðdegis í gær.
Að sögn lögreglunnar í Borgar-
nesi var mikill straumur bíla
gegnum bæinn alla helgina sem
náði hámarki í gær. Langar bíla-
lestir mynduðust án þess að þær
hefðu þó mikil áhrif á aksturs-
hraða.
Um kvöldmatarleytið í gær
höfðu tíu verið teknir fyrir of
hraðan akstur í umdæmi Borgar-
ness.
Umferðarþunginn var sömu-
leiðis mikill gegnum Selfoss alla
helgina og var allra mestur síð-
degis í gær.
- sh
Bílalestir mynduðust í gær:
Mikil umferð
til borgarinnar
SLYSFARIR Íslenskur ferðamaður á
áttræðisaldri lést þegar hann
hrapaði niður í gil á portúgölsku
eyjunni Madeira í gær. Fréttastof-
an AFP segir frá því að maðurinn
hafi verið á göngu á nokkuð
hrjóstrugu svæði ásamt konu sinni
þegar slysið varð, en svæðið þykir
þó hentugt fyrir óreynda göngu-
menn.
Madeira er í Atlantshafi, um
600 kílómetra austur af Alsír.
Íslendingarnir komu til eyjunnar
á fimmtudag og hugðust dvelja
þar til 23. apríl. - sh
Íslendingur á Madeira:
Hrapaði niður
gil og lést
HAMBORG, AP Þúsundir manna
komu saman í Hamborg til að
fylgja stærsta skemmtiferðaskipi
í heimi úr höfn. Skipið hefur feng-
ið nafnið „Frelsi hafsins“ og legg-
ur af stað í jómfrúarferð sína þann
25 apríl.
Yfir fjögur þúsund farþegar
komast fyrir á skipinu sem kemur
til með að sinna siglingum á Kar-
íbahafi. Meðal afþreyingarmögu-
leika um borð er skautasvell, klif-
urveggur og laug til
brimbrettaiðkunar. „Frelsi hafs-
ins“ er sex metrum styttra en
annað stærsta skemmtiferðaskip-
ið, Margrét drottning önnur, en
fimmtán metrum breiðara. - at
Risavaxið skemmtiferðaskip:
Brimbretta-
laug um borð
FRELSI HAFSINS Stærsta skemmtiferðaskip
í heimi liggur nú við landfestar í Hamborg.
FRÉTTABLAÐIÐ/AP
SPURNING DAGSINS
Katrín, kanntu nokkur ráð við
verðbólgu?
„Ég held að ég eigi nú betri ráð við
ýmsum öðrum bólgum, en kannski
það sé kominn tími til að spara á ný.“
Katrín Fjeldsted er starfandi heimilislæknir
og fyrrum alþingismaður Sjálfstæðisflokks-
ins. Beygur er í mörgum vegna þeirrar
verðbólgu sem nú plagar landsmenn, en
hún er sú mesta í fjögur ár.