Fréttablaðið - 24.07.2006, Síða 47

MÁNUDAGUR 24. júlí 2006 191 dálkur 9.9.2005 15:18 Page 4
1 dálkur 9.9.2005 15:18 Page 4
1 dálkur 9.9.2005 15:18 Page 4
Það er ansi hvimleitt þegar borgar-
stjóri vor getur vart komið fram í
fjölmiðlum án þess að tala borgina,
sem hann stjórnar, niður. Reykja-
vík sé bæði skítug og ljót. Í mínum
huga er Reykjavík hvorki skítug
né ljót enda margt verið gert
undanfarin ár til að bæta umhverfi
hennar.
Hins vegar má alltaf gera betur,
ekki síst í því efni að höfða til
borgarbúa sjálfra, þó að borgin
beri vissulega ábyrgð. Það er gott
að fara í hreinsunarátak, en það
skilar litlu ef því er ekki fylgt eftir,
hin daglega umgengni skiptir
mestu máli og er í raun eina leiðin
til að halda borginni okkar hreinni,
hugarfar okkar sjálfra.
Fegrun borgarinnar á ekki að
vera á pólitískum forsendum og
umhverfast um það að slá gamla
góða Villa til riddara. Ég hef mik-
inn áhuga á umhverfi mínu og hef
hingað til ekki litið á það pólitísk-
um augum að hirða kringum mig.
Vonandi gengur hreinsun borgar-
innar vel og allir borgarbúar, ein-
staklingar jafnt sem fyrirtæki, líta
í eigin barm og bæta umgengni
sína um borgina. Þetta er sameig-
inlegt verkefni okkar allra og hafið
yfir pólitíska refskák.
Ef nálgast á hreinsun borgar-
innar út frá pólitískum forsendum
og persónugera hana í einum manni
er hætt við að borgarbúar missi
áhugann á verkefninu og treysti á
að Villi reddi málunum einn og
óstuddur. Gangi um borg og bý
með ruslapoka í annarri, rekuna í
hinni og ljósmyndara á hælunum.
Pólitísk
ruslatínsla
UMRÆÐAN
HREIN BORG
ÆGIR MAGNÚSSON
SÉRKENNARI
Fegrun borgarinnar á ekki að
vera á pólitískum forsendum
og umhverfast um það að slá
gamla góða Villa til riddara.
Tillögur starfsnámsnefndar um
breytta tilhögun framhaldsskóla-
náms fela í sér að skólarnir fá
aukið frelsi til mótunar náms en
jafnframt aukna ábyrgð. Sam-
kvæmt tillögum nefndarinnar
verður framhaldsskólum gert
kleift að bjóða nám sem miðast við
þarfir og lokamarkmið nemenda
með hliðsjón af kröfum næsta
skólastigs og/eða atvinnulífs. Með
því að falla frá þeirri aðgreiningu
sem nú tíðkast á bóknámi og
starfsnámi væri jafnframt stigið
mikilvægt skref í þá átt að gera
starfsnám að fýsilegri valkosti
þegar ákvörðun er tekin um nám í
framhaldsskóla. Að sama skapi
væri nemendum auðveldað að
skipta um námsbraut eftir að nám
er hafið þar sem kjarninn væri
alls staðar hinn sami og teknar
einingar nýttust á nýrri braut.
Ég hef lagt áherslu á að það sé
inntak náms er mestu máli skiptir
en ekki árafjöldi. Að sjálfsögðu er
eðlilegt að gera nemendum kleift
að ljúka framhaldsskóla á sama
aldri og nemendur í þeim ríkjum
sem við berum okkur saman við
en það er líka jafnsjálfsagt að
nemendur og skólar geti valið
önnur mörk námstíma. Mikilvægt
er að með auknu valfrelsi og
sveigjanleika verði komið til móts
við þarfir og markmið sem flestra.
Samkvæmt tillögum starfsnáms-
nefndar munu nemendur í fram-
haldsskólum einfaldlega ljúka
námi á þeim tíma sem nauðsynleg-
ur er til að ná settum markmiðum
í samræmi við eigin áhuga og
kröfur. Þannig mun lengd náms til
stúdentsprófs ráðast af framboði
náms í hverjum skóla fyrir sig,
innra skipulagi skóla og vali við-
komandi nemanda.
Líta verður á skólagöngu ung-
menna sem eina heild, allt frá því
að nám í grunnskóla hefst þar til
viðkomandi einstaklingur lýkur
námi. Á undanförnum áratug
hefur fjöldi nemenda í háskólum
landsins tvöfaldast og æ algeng-
ara er að námsferli ljúki með
háskólaprófi. Þessi framvinda
speglar breytingar á þjóðfélaginu
og alþjóðlegu umhverfi.
Markmið okkar á að vera að
íslenskum ungmennum bjóðist
fjölbreyttir menntunarmöguleik-
ar sem gera þá að upplýstum og
þroskuðum þjóðfélagsþegnum og
veita þeim sem flest tækifæri í
atvinnulífi framtíðarinnar. Á
grundvelli tíu skrefa samkomu-
lagsins milli Kennarasambands
Íslands og mín er nú verið að vinna
mikið starf sem miðar að því að
efla íslenskt skólakerfi. Þar er
verið að skoða marga mikilvæga
þætti og má nefna sem dæmi efl-
ingu íslenskrar kennaramenntun-
ar.
Í vinnu starfsnámsnefndar var
leitast eftir því að ná breiðri sam-
stöðu um hvaða leiðir væru skyn-
samlegar til að efla framhalds-
skólann og auka aðsókn að
starfsnámi. Í nefndinni áttu sæti
fulltrúar helstu hagsmunaaðila,
s.s. framhaldsskólanna, Kennara-
sambandsins, launþega, atvinnu-
lífs og þingmenn úr jafnt stjórn
sem stjórnarandstöðu. Þau við-
brögð sem tillögur nefndarinnar
hafa fengið vekja vonir um að
unnt verði að sætta mismunandi
sjónarmið á grundvelli þeirra
enda verði rammi nýja framhalds-
skólans nægjanlega víður til að
ólík viðhorf njóti sín og fjölbreyti-
legar hugmyndir fái svigrúm til
að sanna ágæti sitt.
Það er eðlilegt að skiptar skoð-
anir séu um hvaða leiðir beri að
fara við breytingar á menntakerf-
inu enda miklir hagsmunir í húfi,
sem er menntun barnanna okkar.
Menntakerfið verður hins vegar
að vera í stöðugri þróun og taka
mið af breyttum aðstæðum og
þörfum í samfélaginu. Með tillög-
um starfsnámsnefndar og því
starfi sem nú á sér stað undir
merkjum tíu skrefa samkomu-
lagsins er vonandi að víðtæk sam-
staða náist um áframhaldandi
þróun og eflingu íslenska skóla-
kerfisins.
Aukið valfrelsi, aukin ábyrgð
UMRÆÐAN
NÝR FRAMHALDS-
SKÓLI
ÞORGERÐUR KATRÍN GUNNARSDÓTTIR
MENNTAMÁLARÁÐHERRA
Það er eðlilegt að skiptar
skoðanir séu um hvaða leiðir
beri að fara við breytingar
á menntakerfinu enda mikl-
ir hagsmunir í húfi, sem er
menntun barnanna okkar.
Menntakerfið verður hins veg-
ar að vera í stöðugri þróun og
taka mið af breyttum aðstæð-
um og þörfum í samfélaginu.
550 5000
AUGLÝSINGASÍMI