Fréttablaðið - 22.08.2006, Síða 16

22. ágúst 2006 ÞRIÐJUDAGUR16
nær og fjær
„ORÐRÉTT“
AFREK „Ég var í MBA námi í
Háskólanum í Reykjavík með
fullri vinnu og það var góð afsök-
un fyrir því að borða nammi. Þetta
var ljúft líf fram á vorið í fyrra en
þá hafði ég þyngst um tíu kíló,“
segir Ásgeir Jónsson, hlaupari og
fjallageit.
Ásgeir hafði alltaf hreyft sig
eitthvað en þyngdist smám saman
of mikið. Hann fór út að hlaupa
með félögunum í hittifyrra og
fann að hann gat ekki haldið í við
þá.
„Ég strunsaði heim á eftir og
gat ekki haldið einbeitingunni. Ég
hef alltaf viljað hreyfa mig en það
eru takmörk fyrir því hvað maður
getur gert þegar maður er of
þungur. Ég ákvað því að skipta
rækilega um gír,“ segir hann.
Ásgeir hefur tekið hreyfingu
og mataræði í gegn. Hann er nú á
„villimannamataræði, sams konar
fæði og maðurinn borðaði fyrir
fimmtíu þúsund árum,“ segir hann
og sleppir öllum sætindum. „Þá
losnar maður við sykurþörfina og
blóðsykurinn er alltaf jafn.“
Ásgeir setti markið strax hátt
og hefur unnið marga sigra, til
dæmis gengið á Mont Blanc. Í
fyrra var markmiðið fyrir þetta ár
meðal annars sett á hæsta fjall
Evrópu, Mount Elbrus, og Iron
Man-keppnina í Sviss með 180
kílómetra hjólavegalengd, mara-
þonhlaupi og sundi.
Ásgeir æfði minnst fimmtán til
tuttugu tíma á viku samhliða fullri
vinnu og MBA-námi í vetur. Allar
helgar fóru í langar æfingar. „Ég
hef aldrei unnið meira og mér
hefur aldrei liðið betur. Ég viður-
kenni samt að það var mikill léttir
þegar skólinn var búinn í vor,“
segir hann.
Ásgeir tók þátt í Reykjavíkur-
maraþoni Glitnis um helgina og
lætur ekki þar við sitja. Hann
ætlar að klífa sjö hæstu tinda í
heimsálfunum sjö ásamt félaga
sínum og gengur á Mount Elbrus í
Georgíu um mánaðamótin, stefnir
að Kilimanjaro um áramótin og
Mount McKinley næsta vor. Jafn-
framt ætlar hann að taka þátt í
Iron Man í Þýskalandi næsta vor
og hlaupa hundrað kílómetra
hlaup.
Þegar tindunum sjö verður
lokið verður Ásgeir líklega fyrsti
Íslendingurinn og kannski fyrstur
í heiminum til að hafa bæði tekið
þátt í Iron Man og klifið hæstu
tindana sjö.
Hann segir að lykillinn að
afrekunum sé rétt mataræði þar
sem líkamanum sé meðal annars
hjálpað að ná sér strax eftir
áreynslu. Mestu skipti þó jákvætt
hugarfar. ghs@frettabladid.is
HLAUPARI OG FJALLAGEIT Ásgeir Jónsson
hefur sett markið hátt síðustu ár og á
skömmum tíma lokið þátttöku í þrí-
þrautinni Iron Man, klifið hæstu tinda og
hlaupið ofurmaraþon.
IRON MAN LOKIÐ Ásgeir fagnar þegar hann kemur í mark í Iron Man-þríþrautinni í Sviss.
Klífur tindana sjö og fer í
Iron Man í Þýskalandi
Hann hljóp ofurmaraþon stuttu eftir að hafa lokið keppni í Iron Man. Hann hljóp maraþon um helgina og
klífur svo hæsta fjall Evrópu, Mount Elbrus, um mánaðamótin. Lykillinn? Mataræði, æfing og rétt hugarfar.
ÁSGEIR OG LEON Ásgeir Jónsson fjallageit
ásamt Leon, félaga sínum frá Bretlandi, á
Mount Blanc. Þeir ætla að klífa sjö hæstu
tinda í sjö heimsálfum.
SALATSKÁL
26cm kr. 5.470,-
SJÁLFVÖKVANDI
POTTAR
kr. 2.340,-
HVÍTLAUKSPRESSA
M/GLASI
kr. 5.450,-
GJAFAVÖRUR
FRÁ
„Ég hef verið að
hugleiða það hvernig
hægt er að stemma
stigu við vargfuglin-
um á tjörninni og nú
hef ég eitt ráð sem
vonandi getur komið
að gagni,“ segir Anna
Marta Guðmunds-
dóttir, bóndi á
Hesteyri í Mjóafirði.
„Best væri að gefa
vargfuglinum nóg af
slori en fjarri tjörn-
inni. Svo er upplagt
að setja fæðu handa öndunum í búr
sem er það þröngt að mávar komist
ekki þangað inn. Það eru heldur meiri
líkur á því að endurnar komist inn en
mávurinn, reyndar er hettumávurinn
frekar penn en hvítmávurinn síður.
Nú og ef mávur kemst inn í búrið þá
verður að skjóta hann. Það verður
vissulega að gera með riffli en ekki
haglabyssu ef endurnar eiga ekki að
drepast líka.“
Anna hefur sjálf háð baráttu við
vargfuglinn sem sótt hefur að Hesteyri
svo hún lumar á ýmsum brögðum í
þessum efnum. „Menn ættu að vera
duglegir við það að taka eggin frá
mávinum en þetta er fínn matur. Eins
er hægt að stinga lítið gat á eggin að
neðanverðu en þá situr hann á þeim
þótt þau séu dauð. Ef þau eru tekin
gæti hann hugsanlega verpt aftur.“
HVAÐ SEGIR ANNA?
VARGFUGL VIÐ TJÖRNINA
Fóðurbúr við
tjörnina
Á FULLU Á HJÓLINU Svo
ólíklega vildi til að tvisvar
sprakk á hjólinu hjá
Ásgeiri í Iron Man í Sviss.
Nýtt andlit, sama
stefnan
„Það er sóttur maður
út í bæ sem er
handgenginn fráfar-
andi forystu og sett
nýtt andlit á sömu
stefnuna.“
Steingrímur J. Sigfússon, formaður
Vinstri hreyfingarinnar - græns
framboðs, um kosningu nýs
formanns Framsóknarflokksins.
Fréttablaðið 21. ágúst.
Berdreymin kona
„Þig dreymdi þennan
draum fyrir mánuði,
nákvæmlega eins og
tölurnar féllu.“
Guðni Ágústsson, varaformaður
Framsóknarflokksins, talaði til konu
sinnar Margrétar Hauksdóttur í
ávarpi á Flokksþingi Framsóknar-
flokksins eftir sigurinn í
varaformannskjörinu. Morgunblaðið
21. ágúst
„Það er bara allt þokkalegt að frétta af okkur
hérna hjá gæslunni,“ segir Georg Lárusson,
forstjóri Landhelgisgæslunnar. „Við erum
að vinna í að leigja okkur þyrlu og vinna
samkvæmt áætlun dómsmálaráðherra um
þau mál.“
Að sögn Georgs verður opnað útboð á
smíði á nýju varðskipi fyrir gæsluna von bráðar
og er mikil tilhlökkun meðal gæslumanna
vegna þess. Varðskipið Týr hefur verið í endur-
nýjun í Póllandi frá því í apríl á þessu ári og
er von á skipinu aftur inn í landhelgi landsins
á næstunni. „Ég var að koma frá Póllandi þar
sem ég var að skoða vinnuna við skipið, en
verið er að leggja lokahönd á endurbyggingu
þess,“ segir Georg. „Týr er væntanlegur til
landsins 8. september næstkomandi og þegar
hann kemur verður Týr langflottasta skipið í
íslenska flotanum.“
Varðskipið hefur gengið í gegnum endur-
nýjun lífdaga úti í Póllandi að sögn Georgs.
Meðal annars er búið að skipta um allar
innréttingar og íbúðir í skipinu og breikka yfir-
byggingu þess. „Það er nánast búið að skipta
um allt nema vélarnar, skipið er nánast eins
og nýtt fyrir utan skrokkinn og vélarnar.“
Georg Kr. hefur verið í vinnunni í allt sumar
og lítið tekið sér frí enda verkefni Landhelgis-
gæslunnar mikil og ærin hverju sinni. Á
morgun ætlar okkar maður hins vegar að
bregða sér í hreindýraveiði. „Ég er að fara að
veiða hreindýr og er afskaplega stoltur af því.
Ég ætla að bregða mér austur í Fljótsdalshérað
með vini mínum Pálma Gestssyni leikara á
miðvikudaginn og við ætlum að vera þar fram
á föstudag. Við erum með leyfi fyrir einu dýri
hvor,“ segir Georg. „Við erum búnir að vera
að stunda skotveiðiæfingar núna seinniparts
sumars til að
undrirbúa okkur,
en Pálmi hefur
farið áður en
ekki ég. Þetta
verður án efa
einn af hápunkt-
um sumarsins.“
HVAÐ ER AÐ FRÉTTA? GEORG LÁRUSSON FORSTJÓRI LANDHELGISGÆSLU ÍSLANDS
Ætlar að veiða hreindýr fyrir austan
ANNA MARTA
GUÐMUNDSDÓTT-
IR FRÁ HESTEYRI