Fréttablaðið - 22.08.2006, Page 40

22. ágúst 2006 ÞRIÐJUDAGUR28
menning@frettabladid.is
!
Hljómsveit Þóru Bjarkar
treður upp á Kaffi Rósen-
berg annað kvöld og setur
þannig tóninn fyrir Þóru
Björk Þórðardóttur sem
kastar um þessar mundir
sjoppuhamnum og sest á
skólabekk, enn á ný.
„Þetta eru lög sem ég er búin að
vera að semja undanfarið ár,“
segir Þóra Björk Þórðardóttir
aðspurð um á hverju tónleikagest-
ir mega eiga von annað kvöld. Þar
á meðal er sigurlag í lagasam-
keppni sem Tónlistarskóli FÍH
hélt í vor í tilefni 25 ára afmælis
skólans. „Ég vann þessa sam-
keppni, og fékk einhverja stúdíó-
tíma og inneign í Hljóðfærahúsinu
í vinning, sem var rosaleg hvatn-
ing,“ bætir hún við.
Tónlistin er góð blanda af poppi
og rokki, þar sem standardar,
þjóðlög og eldri perlur heyrast
innan um lög Þóru. „Ég hef gaman
af því að láta lög fara í óvæntar
áttir svo þetta eru lög sem mér
finnst gaman að hlusta á. Maður
vill náttúrulega bara gera þetta
því manni finnst gaman að þessu
og má ekki hugsa allt of mikið um
hvort aðrir séu að fíla það eða
ekki.“
Í hljómsveitinni syngur Þóra
Björk og spilar á gítar en hún á
það líka til að grípa í fleiri hljóð-
færi. „Ég er búin að læra á klass-
ískan gítar frá því ég var lítil og
reyni að halda þessu dálítið
aðskildu. Þegar maður var ungl-
ingur var maður að reyna að semja
lög, en þegar maður er í þessu
klassíska fær maður kannski ekki
mikla hvatningu til að vera að
semja eitthvað popp og rokk.“
Þóra Björk viðurkennir að hún sé
alltaf svolítið veik fyrir bassanum
líka. „Þegar ég var lítil var ég að
spila aðeins með big bandi í Tón-
menntaskólanum og var þá að
læra á bassa, það var ógeðslega
gaman.“
Þóra Björk er enn í námi en
stefnir að því að klára burtfarar-
próf í söng frá Tónlistarskóla FÍH
næsta vor, en auk söngsins er hún
að læra á gítar í skólanum og að
prófa sig áfram með snarstefjun
og fleira. „Eftir útskriftina langar
mig auðvitað að komast út og er þá
spennt fyrir flottum skólum sem
maður þarf að rembast svolítið við
að komast inn í.“ Skólinn fer nú að
byrja aftur og hlakkar Þóra Björk
til takast á við nýjan vetur. „Þá fer
maður úr sjoppuhamnum og í skól-
ann. Svo kenni ég á gítar í Gítar-
skólanum svo veturinn verður
kennsla og skóli í bland.“
Í hljómsveitinni eru auk Þóru
Bjarkar, Ragnar Örn Emilsson og
Birkir Rafn Gíslason á gítar, Birg-
ir Bragason kontrabassaleikari og
Magnús Tryggvason Eliasen sem
leikur á trommur. Hljómsveitin
hefur spilað saman í rúmt ár.
„Reyndar var annar gítarleikari í
sveitinni, Páll Harðarson, en hann
þurfti að hætta. Ég hef svo spilað
með Ragnari gítarleikara og Birgi
bassaleikara alveg síðan 2001
þegar ég byrjaði í skólanum,“
segir Þóra Björk, svo að samspil
hljómsveitarmeðlima á sér sterk-
ar rætur.
Tónleikarnir annað kvöld á
Kaffi Rósenberg hefjast klukkan
tíu og er aðgangseyririnn fimm
hundruð krónur. annat@frettabladid.is
Lögin fara í óvæntar áttir
ÞÓRA BJÖRK ÞÓRÐARDÓTTIR SÖNGKONA OG GÍTARLEIKARI Hljómsveit Þóru Bjarkar spilar á Kaffi Rósenberg annað kvöld. Hún segir að
tónleikagestir megi eiga von á lögum sem fari í óvæntar áttir, enda finnist henni gaman að slíkum lögum og hugsar ekki of mikið um hvað
öðrum finnst. FRÉTTABLAÐIÐ/GVA
> Ekki missa af...
Blómstrandi dögum í Hvera-
gerði um helgina. Tónleikar,
sundlaugarpartí, brekkusöngur
og Baggalútur fyrir alla fjölskyld-
una.
sýningu á úrvali verka í eigu
Gallerís Sævars Karls í Banka-
strætinu.
barnaleikritinu Drekaskógi eftir
Agnar Jón Egilsson í Austur-
bæ. Eldflugur og aðrar spúandi
ævintýraverur í verki þar sem
börn leika öll hlutverkin.
Kl. 11.00
Sumarsýning Listasafns Íslands,
Landslagið og þjóðsagan, geymir
úrval verka úr safneign þar sem
sjá má íslenska landslagslist
frá upphafi 20. aldar til dagsins
í dag.
Margrét Árnadóttir sellóleikari leikur á Sumar-
tónleikaröð Listasafns Sigurjóns í kvöld og flytur
tvær svítur eftir Bach. Margrét lauk mastersprófi í
sellóleik frá Juilliard tónlistarskólanum fyrr í vor og
dvelst hér heima í stuttri sumarheimsókn. „Ég held
mikið upp á Bach svíturnar, þær eru sex og ég er
yfirleitt með eina þeirra í gangi. Ég leik tvær á tón-
leikunum ¿ svítu númer tvö í d-moll og númer sex
í d-dúr, þær eru gjörólíkar en báðar mjög fallegar,“
útskýrir Margrét. Hún verður ein á sviðinu í kvöld,
„og sellóið fær að njóta sín“.
Margrét er búsett í New York og hyggst dvelja
þar næsta árið. „Ég spila með ýmsum kammerhóp-
um þar og verð með nokkra tónleika í New York
og líka í Kaliforníu.“ Í vetur snýr hún síðan aftur og
leikur á Tíbrártónleikaröðinni í Salnum í Kópavogi.
Tónleikarnir í Laugarnesi hefjast að vanda kl.
20.30.
Sellóið í Sigurjónssafni
ÍSLENSK FRÆÐI Ítarlegasta rannsókn
sem unnin hefur verið á rituðum
heimildum um galdra í íslenskum
fornbókmenntum er nú komin út á
vegum Konunglegu Gústaf-
Adolfs-akademíunnar fyrir
sænska alþýðumenningu (Kungl.
Gustav Adolfs Akademien för
svensk folkkultur).
Höfundur þessa 780 blaðsíðna
lærða ritverks er Francois-Xavier
Dillmann, sem er prófessor í nor-
rænum fræðum við Sorbonne-
háskóla í París. Bókin, sem ber tit-
ilinn Les magiciens dans l‘Islande
ancienne, er byggð á doktorsrit-
gerð höfundar í norrænum forn-
bókmenntum við háskólann í Caen
í Normandí frá árinu 1986, en við
endurútgáfuna, sem hann vann að
í fjögur ár, uppfærði hann ritið allt
og jók við það niðurstöður nýjustu
rannsókna á efninu.
Meginfókus rannsóknar Dill-
manns beinist að hlutverki fjöl-
kunnugra manna í heiðni. Í fyrri
hluta ritsins greinir Dillmann ólík-
ar birtingarmyndir galdra í heiðn-
um sið á Íslandi, en þeim skiptir
hann í megindráttum í fernt. Í
seinni hlutanum er sjónum beint
að hinum fjölkunnugu, hvað heim-
ildirnar segja
um galdra-
menn og
samfélags-
legt hlut-
verk
þeirra. - aa
ÍSLENSK
FRÆÐI Á
FRÖNSKU
Bókin er
780 síður
og byggð á
doktorsrit-
gerð Dillmanns.
Rannsókn á fjölkynngi til forna
Vinsældir farsans Fullkomið brúð-
kaup hafa slegið öll met hjá Leik-
félagi Akureyrar og því var efnt
til aukasýninga á verkinu, fyrst í
Borgarleikhúsinu í vetur og síðan
var þráðurinn aftur tekinn upp í
Austurbæ nú síðsumars.
Tæplega 25 þúsund manns hafa
séð Fullkomið brúðkaup eftir
Robin Hawdon og er sýningin
orðin aðsóknarmesta sýning árs-
ins á Íslandi. Síðasta sýningin er
fyrirhuguð næstkomandi föstudag
og er vissara að tryggja sér miða í
tíma því samkvæmt upplýsingum
frá framleiðendum sýningarinnar
hefur verið troðfullt á aukasýn-
ingarnar.
Þessi rómantíski gamanleikur
er uppfullur af misskilningi, fram-
hjáhöldum og útúrsnúningum eins
títt er með farsa. Leikritið er eftir
sama höfund og skrifaði leikgerð-
ina á leikritinu Sex í sveit sem er
ein vinsælasta sýning Leikfélags
Reykjavíkur frá upphafi.
Leikkonan Edda Björg Eyjólfs-
dóttir hefur tekið við hlutverki
brúðarinnar sem Esther Talia
Casey lék áður en annars er leik-
hópurinn skipaður sama einvala-
liði og áður. Brúðgumann óláns-
sama leikur Guðjón Davíð
Karlsson en með önnur hlutverk
fara Álfrún Helga Örnólfsdóttir,
Jóhannes Haukur Jóhannesson,
Maríanna Clara Lúthersdóttir og
Þráinn Karlsson sem þykja fara á
kostum í þessum óborganlega
grínleik. Þýðandi er Örn Árnason.
- khh
FARSINN FULLKOMIÐ BRÚÐKAUP
Síðasta sýning á laugardagskvöld.
Síðasta sýning
Á Menningarnótt opnuðu Anja
Stella Ólafsdóttir og Sirrý Hjalte-
sted samsýningu á Hverfisgötu
34. Þetta er fyrsta sýning þeirra
beggja en þær stöllur kynntust á
leikskóla en eru nú báðar í list-
námi.
Anja Stella sýnir málverk á
sýningunni, en eitt þeirra er gert
úr níu smærri málverkum sem
mynda eina heild en verkið er
hluti af lokaverkefni hennar á
myndlistarbraut FB. „Ég er að
vinna með hafið – hafið og fólkið,“
segir hún en hverfulleikinn og
ógnin í hafinu er henni jafn hug-
leikinn og fegurð þess. „Þar getur
allt horfið á einu augabragði.“
Fyrirsæturnar í einu verkanna
eru henni einnig hugstæðar en
dætur hennar tvær birtast þar í
líki sofandi hafmeyja. „Þær voru
svo lengi að sofna og ég var vön að
sitja hjá þeim með skissubókina
fyrir skólann, svo endaði með því
að ég var farin að skissa þær,“
segir Anja og hlær.
Sirrý Hjaltested lærði keramik
í Noregi en Anja útskýrir að sýn-
ingar þeirra kallist skemmtilega
á. „Hún er að vinna með allskyns
sjávarform, ígulker og sjávar-
dýr.“
Sýningin er á Hverfisgötu 34,
þar sem áður voru seldir rammar
og speglar en hún stendur til 2.
september. Sýningin er opin milli
15-18 alla daga. - khh
SIRRÝ HJALTESTED
Vinnur sjávarform í keramik.
ANJA STELLA ÓLAFSDÓTTIR
Sýnir á Hverfisgötu 34.
Sofandi hafmeyjar