Fréttablaðið - 12.09.2006, Qupperneq 8

8 12. september 2006 ÞRIÐJUDAGUR
Til vonar
og vara
varasalvi
Nú líka með
ALOE VERA
LÆGRI
VEXTIR
LÆGRA
LÁNTÖKUGJALD
STRÍÐSÁTÖK Stríð hefur víðtækari
áhrif en margan grunar. Samtökin
Barnaheill benda nú á að menntun
43 milljóna barna víðs vegar um
heim allan sé í lamasessi vegna
stríðsátaka í heimalöndum þeirra.
„Það er algjörlega óviðunbandi
hvernig heimurinn fer með þessi
börn,“ segir Jan Egeland, yfirmað-
ur neyðaraðstoðar Sameinuðu
þjóðanna. „Alþjóðasamfélagið
getur ekki skilið eftir börn, sem
lifa í skugga átaka, án vonar um
mannsæmandi framtíð. Börn geta
ekki beðið eftir að átökum ljúki til
að eiga möguleika á menntun.“
Alþjóðasamtökin Save the
Children, sem Barnaheill er aðild-
arfélag að, birtu í dag nýja rann-
sóknarskýrslu þar sem fram
kemur að stríðsátök hafa gríðar-
lega eyðileggjandi áhrif á mennt-
un barna í 30 löndum. Ástæðan er
sú að skólar eru oft herteknir eða
eyðilagðir í átökum og kennarar
eru drepnir eða þeir flýja. Eins eru
börnin oft neydd í hermennsku eða
barnaþrælkun, en árið 2003 voru
barnahermenn undir 15 ára aldri
notaðir í meira en helmingi þeirra
átaka sem þá voru í gangi, að því
er kemur fram í skýrslunni.
„Áreiðanleg menntun barna er
eitt aðalatriðið þegar kemur að
uppbyggingu landa,“ segir Petrína
Ásgeirsdóttir, framkvæmdastjóri
Barnaheilla, en samkvæmt skýrsl-
unni hafa alþjóðlegir styrktaraðil-
ar verið tregir til að skuldbinda
sig til að gefa fé til menntunar í
stríðshrjáðum löndum.
Í dag hefst alþjóðaverkefni
Save the Children sem á að breyta
þessu og mun Barnaheill sinna
menntun stríðshrjáðra barna í
Afganistan, Kambódíu og Úganda.
Verkefnið, sem gengur undir nafn-
inu „bætum framtíð barna“ er
meðal annarra stutt af Egeland og
Desmond Tutu erkibiskupi. Því er
ætlað að hvetja alþjóðlega styrkt-
araðila til að veita aukalega 5,8
milljarða Bandaríkjadala til mennt-
unar barna í stríðshrjáðum lönd-
um, sem og að stuðla að því að rík-
isstjórnir allra landa sæki til saka
hermenn og skæruliða sem beita
kennara og nemendur ofbeldi.
Einnig er vonast til þess að verk-
efnið sjái til þess að menntun verði
alltaf hluti af neyðaraðstoð.
Verkefnið mun ná til um átta
milljóna barna í 20 löndum og
verða skólar byggðir, kennarar
þjálfaðir og skólagögnum og
námsefni útvegað. smk@frettabladid.is
Stríð truflar
nám barna
43 milljónir barna fá ekki viðunandi menntun sök-
um stríðsátaka í heimalöndum þeirra. Herferð sem
ætlað er að bæta þar úr er hafin.
NÁM ER LEIKUR Þessi börn frá Norður-Kambódíu eru meðal þeirra sem Barnaheill
– Save the Children aðstoða við að mennta sig, en menntun er eitt sterkasta vopn
fátækari landa í baráttunni fyrir jafnvægi og meiri velmegun.MYND/BARNAHEILL
BAUGSMÁL Síminn hf. telur fráleitt að starfs-
maður fyrirtækisins hafi greint frá því að yfir
þrjátíu sinnum hafi verið hringt úr forsætis-
ráðuneytinu í embætti Ríkislögreglustjóra,
skömmu áður en ráðist var inn í höfuðstöðvar
Baugs hinn 28. ágúst 2002.
Hallgrímur Helgason greinir frá því í pistli
í Fréttablaðinu í gær að þeim skilaboðum hafi
verið komið til hans „að starfsmenn Símans
hefðu ekki undrast innrásina: Mánuðinn á
undan hefðu þeir talið yfir 30 símtöl úr forsæt-
isráðuneytinu til ríkislögreglustjóra“, eins og
segir orðrétt í pistli Hallgríms.
Fréttablaðið hafði áður kannað sannleiks-
gildi þessara sögusagna en ekki fengið fyrir
því staðfestar heimildir að þær væru á rökum
reistar.
Síminn sendi í gær frá sér fréttatilkynningu
þar sem segir meðal annars að „allir þeir sem
starfa við fjarskipti skulu vera skyldugir til,
bæði meðan þeir gegna starfinu og eftir að
þeir hafa látið af því, að halda leyndu fyrir
óviðkomandi aðilum öllu því sem varðar fjar-
skiptin.“
Þá segir jafnframt í tilkynningunni að ásak-
anir Hallgríms séu „mjög alvarlegar“ og telur
Síminn það fráleitt að þær eigi sér stoð í raun-
veruleikanum.
Hallgrímur segir viðbrögð Símans skiljan-
leg. „Viðbrögð Símans eru skiljanleg og eðli-
leg. En fyrirtækið myndi samt þurfa að gefa
upp þessar upplýsingar ef málið væri rannsak-
að sem sakamál, og ef óskað yrði eftir upplýs-
ingunum með dómsúrskurði. Ég tel að það sé
orðið tímabært að það verði farið rækilega
ofan í saumana á upphafi Baugsmálsins.“
Ekki náðist í Harald Johannessen ríkislög-
reglustjóra eða Bolla Þór Bollason, ráðuneytis-
stjóra forsætisráðuneytisins, í gær þrátt fyrir
ítrekaðar tilraunir. - mh
Síminn hf. sendir frá sér fréttatilkynningu vegna skrifa Hallgríms Helgasonar í Fréttablaðinu:
Ásakanir sagðar úr lausu lofti gripnar
AUGL†SINGASÍMI
550 5000Sögurnar, tölurnar, fólki›.
1 Hver er Stullameistari 2006?
2 Hvaða íslensku skólar unnu á
Norðurlandamótum grunn- og
framhaldsskóla í skák sem fram
fóru um helgina?
3 Hver mun taka fyrstu skóflu-
stunguna að friðarsúlu í Viðey?
SVÖRIN ERU Á BLAÐSÍÐU 38
VEISTU SVARIÐ?
STARFSMENN BUNDNIR TRÚNAÐI Síminn hf. sendi frá
sér tilkynningu i kjölfar skrifa Hallgríms Helgasonar.