Fréttablaðið - 12.09.2006, Qupperneq 51

ÞRIÐJUDAGUR 12. september 2006
HVAÐ? HVENÆR? HVAR?
SEPTEMBER
9 10 11 12 13 14 15
Þriðjudagur
■ ■ ÚTIVIST
 17.45 Gönguklúbbur SÁÁ gengur
á Keili þriðjudaginn 12. septemb-
er. Fararstjóri verður Valgerður
Rúnarsdóttir læknir á Vogi en þátt-
takendur hittast við kirkjugarðinn í
Hafnarfirði og eru hvattir til að mæta
með nesti og góða skó.
■ ■ FYRIRLESTRAR
 12.00 Francesco Milazzo heldur
erindi á Lögfræðitorgi Háskólans
á Akureyri og fjallar þar um guð-
spjöllin og einkaréttinn. Milazzo er
prófessor í Rómarrétti við lagadeild
háskólans í Catania og flytur erini
sitt í Þingvallastræti 23, stofu 25.
 12.05 Þórarinn Eldjárn heldur
erindi á vegum Sagnfræðingafélags
Íslands í Þjóðminjasafni Íslands.
■ ■ SÝNINGAR
 10.00 Sýningin Pakkhús postul-
anna stendur yfir í Listasafni
Reykjavíkur, Hafnarhúsinu við
Tryggvagötu. Ellefu listamenn eiga
verk á sýningunni en sýningarstjór-
ar eru Daníel Karl Björnsson og
Huginn Þór Arason.
 11.00 Sumarsýning Listasafns
Íslands, Landslagið og þjóðsagan,
geymir verk úr eigu safnsins þar sem
viðfangsefnið er þjóðsagnaarfur og
landslagslist íslenskra myndlistar-
manna, allt frá Jóni Stefánssyni til
Georgs Guðna. Safnið er opið frá
11-17.
 12.00 Halla Gunnarsdóttir
sýnir málverk og skúlptúra í galleríi
Turpentine við Ingólfsstræti. Opið
frá þriðjudögum til föstudaga frá 12-
18 og laugardaga kl. 11-16.
■ ■ UPPÁKOMUR
 20.00 Bjarni Jónsson leikskáld
heldur fyrirlestur um Bertolt Brecht
í tilefni af fimmtíu ára ártíð hans.
Að loknu erindi verður myndin
Abschied von Buckow sýnd.
Kvikmyndin er á frummáli með
enskum texta. Dagskráin er skipu-
lögð á vegum Goethe Institut og
Listaháskóla Íslands og fer fram í
húsakynnum Leiklistardeildarinnar á
Sölvhólsgötu 13.
Upplýsingar um viðburði og sýningar
sendist á hvar@frettabladid.is ekki
síðar en sólarhring fyrir birtingu.
Á Alþjóðlegu kvikmyndahátíðinni
í Reykjavík, RIFF, sem hefst 28.
september, verður íslensk fram-
leiðsla í öndvegi en þar verða
sýndar sex myndir sem Íslend-
ingar koma að auk tveggja þátta
úr nýrri syrpu um fjölskrúðugt
mannlíf í Latabæ.
Teiknimyndin Anna og skap-
sveiflurnar, eða Anna and the
Moods, í leikstjórn Gunnars
Karlssonar er tölvuteiknuð mynd
sem er gerð eftir handriti rithöf-
undarins Sjón en stórstjörnurnar
Damon Albarn, Björk og Terry
Jones ljá persónum myndarinnar
raddir sínar. Myndin verður for-
sýnd sérstaklega á fjölskyldudegi
hátíðarinnar.
Góðir gestir er ný íslensk
stuttmynd eftir Ísold Ugga-
dóttur sem verður frum-
sýnd á hátíðinni. Þar segir
af ungri konu sem er við
nám erlendis en kemur
heim til þess að vera
viðstödd afmæli afa
síns. Í veislunni
kemur í ljós að
hún og afinn
eiga sameigin-
legt leynd-
armál.
Reiði
guðanna
(Wrath of Gods)
eftir Jón Gústafs-
son er heimildarmynd
í fullri lengd og fjallar
um gerð Bjólfs-
kviðu Sturlu
Gunnars-
sonar
sem
var frumsýnd í lok ágúst. Á ýmsu
gekk á meðan myndin var í fram-
leiðslu, allt frá vandræðagangi
við fjármögnun myndarinnar
vegna gengisbreytinga til skað-
ræðisveðráttu sem eyðilagði átta
farartæki á einum tökudegi. Jón
Gústafsson var í aukahlutverki í
myndinni og notaði frítima sinn á
tökustað til að gera þessa mynd.
Nýjasta mynd Ólafs de Fleur
Jóhannessonar, Act Normal, verð-
ur líka frumsýnd á hátíðinni en
Ólafur hefur áður gert myndina
Africa United. Heimildarmyndin
fjallar um enskan búddamunk og
svolítinn sveimhuga sem segir
skilið við einlífið, giftist á ný en
skilur síðan við konuna sína og
gerist munkur aftur.
Glæpamyndin
Dead Man‘s
Cards í leik-
stjórn James
Marquand
er fram-
leidd af Sigvalda J. Kárasyni, sem hefur
starfað við klippingu fjölda
íslenskra mynda. Myndin gerist
að mestu á næturklúbbi í Bret-
landi og segir frá dyravörðunum
Tom og Paul. Myndinni hefur
verið líkt við Lock, Stock and Two
Smoking Barrels.
Barnamyndin When Children
Play in the Sky eftir ítalska leik-
stjórann Lorenzo Hendel er að
hluta til framleidd af SagaFilm en
myndin gerist á Grænlandi og
segir tvær samhliða sögur af
ungum drengjum, öðrum í upp-
hafi 20. aldarinnar og hinum í
upphafi þeirrar 21.
Á sérstökum fjölskyldudegi
hátíðarinnar hinn 8. október næst-
komandi verða síðan tveir þættir
úr nýrri Latabæjarsyrpu frum-
sýndir, en tökum á þeim lauk í
síðustu viku. Þættirnir eru útbún-
ir sérstaklega fyrir kvikmynda-
hús og munu persónur úr þáttun-
um mæta og skemmta viðstöddum
auk þess sem fleira fjölskyldu-
vænt efni verður á boðstólnum.
- khh
SKAPSVEIFLUR ÖNNU VERÐA FORSÝND-
AR Í OKTÓBER Íslenskri framleiðslu
verður hampað á Alþjóðlegu kvikmynda-
hátíðinni í haust.
Íslensk framleiðsla upp á tjald
JÓN GÚSTAFSSON SÝNIR MYNDINA REIÐI GUÐANNA Gerði heimildarmynd um kvik-
myndun Bjólfskviðu á Íslandi.
������������
������������
������� �����
�������������� �����
����������������� ����
��������������������
���������� ���
��������������
���������