Fréttablaðið - 12.10.2006, Síða 41

FIMMTUDAGUR 12. október 2006 9
París stendur á öndinni meðan á
tískuvikunni stendur en henni
lauk á sunnudag. Þeir mikilvæg-
ustu úr heimi tískunnar frá
hinum ýmsu löndum mæta hér til
að fylgjast með nýjustu straum-
um í borginni sem er nú einu
sinni borg tískunnar. Tískuvikan
í París er líklega einn mikilvæg-
asti ef ekki mikilvægasti við-
burður í heimi af þessu tagi.
Margir hafa beðið lengi eftir að
stundin renni upp en svo líður
þessi vika eins og augnablik. Öll
stóru tískuhúsin hafa sérþjálfað
starfsfólk sem eingöngu vinnur
við útstillingar í glugga og upp-
stillingar innivið. Þetta fólk hefur
eytt löngum tíma í að fullkomna
útlit tískuhúsanna fyrir tískuvik-
una og taugarnar eru þandar til
hins ýtrasta.
Það eru ekki aðeins tískupenn-
arnir sem streyma til Parísar
fyrir tískuvikuna heldur sömu-
leiðis stjörnurnar sem mörgum
hverjum er boðið á sýningarnar
hjá vinsælustu hönnuðunum sem
aftur tryggir þeim enn meiri
umfjöllun í blöðunum því allir
vilja vita hverjir voru hvar og
með hverjum. Þessi hópur
þvælist svo milli tískuteita um
alla borg (það flottasta í Olymp-
ia-tónleikahúsinu fræga í tilefni
af 30 ára starfsafmæli Jean-Pauls
Gaultier). Á milli tískusýninga
og kampavínsboða er svo farið
um tískuhúsin í innkaupaleið-
angra. Tískublaðamennirnir fá
flestir þrjátíu prósenta afslátt.
Sama er að segja um fræga fólk-
ið, sumt hvert, ef ekki er hrein-
lega um að ræða gjafir fengnar í
gegnum blaðafulltrúa tískuhús-
anna. Allt fer eftir því hver sam-
böndin eru og hversu líklegt er
að það skili einhverju að gefa
viðkomandi blaðamanni eina
tösku eða kjól.
Margir hafa líklega lesið bók-
ina „The Devil Wears Prada“ og
myndin verður frumsýnd í
Reykjavík á morgun. Það verður
að segjast eins og er að margt er
líkt með þeim persónum sem þar
er lýst og því sem raunverulega
gerist í heimi tískunnar þar sem
enginn er annars bróðir í leik.
Fyrirmynd Miröndu Priestley og
hennar líkar sjást samt aldrei í
búðum, þeir senda aðstoðarfólkið
fyrir sig eða fá hreinlega dýr-
gripina senda beint í vinnuna.
Þeir sem lægra eru settir gera
starfsfólki verslananna lífið leitt
með frekri framkomu og merki-
legheitum enda engir meðaljónar
á ferðinni. Því ef einhverjir við-
skiptavinir eru erfiðari en fyrir-
sæturnar, sem sömuleiðis eru á
sveimi, þá eru það tískublaða-
mennirnir. En tískuhúsin þurfa á
tískublaðamönnum og tískublöð-
um að halda til að lifa af í hörðum
heimi samkeppninnar og því er
rauði dregillinn tekinn fram til
að taka á móti þessum viðskipta-
vinum sem að auki borga minna
en aðrir og sölufólkið bítur á jaxl-
inn og kreistir fram bros.
bergthor.bjarnason@wanadoo.fr
Djöfullinn klæðist ekki bara Prada!
Úr háborg tískunnar
BERGÞÓR BJARNASON SKRIFAR FRÁ PARÍS
Sænski hönnuðurinn Paulo
Melim Andersson hefur verið
ráðinn yfirhönnuður hjá tísku-
húsinu Chloe.
Allt frá því að Phoebe Philo,
stjörnuhönnuður Chloé, sagði skil-
ið við tískuhúsið hefur gengið
verið brösótt. Chloé er þó loksins
komin með hönnuð sem getur
fetað í fótspor Phoebe og eru
bundnar miklar vonir við hann.
Hinn 34 sænski hönnuður, Paulo
Melim Andersson, varð fyrir val-
inu og var tilkynnt um ráðningu
hans í gærmorgun. Hann státar af
gráðu frá Central Saint Martins og
London‘s Royal College of Art og
var áður hönnuður hjá Marni í ein
sjö ár.
„Við erum mjög spennt yfir því
að Paulo hafi ákveðið að koma til
okkar, og hlökkum við til þess að
hann verði hluti af sögu Chloé,“
sagði Ralph Toledano, fram-
kvæmdastjóri Chloé, þegar hann
tilkynnti um ráðninguna í gær-
morgun. Áður hafa Karl Lager-
feld, Stella McCartney og Phoepe
Philo starfað sem yfirhönnuðir
Chloé. Hönnun Paulos fyrir Chloé
mun fyrst líta dagsins ljós þegar
haust- og vetrarlínan fyrir 2007-8
verður kynnt.
Nýr hönnuð-
ur hjá Chloe
Paulo Melim Andersson fetar í fótspor
Stellu McCartney sem hóf feril sinn sem
yfirhönnuður Chloé.
BENETTON HEFUR STARFAÐ Í FJÖRUTÍU ÁR OG VAR AFMÆLI FYRIRTÆK-
ISINS NÝVERIÐ FAGNAÐ MEÐ POMPI OG PRAKT.
Í tilefni af afmælinu var heljarinnar tískusýningu slegið upp í Pompid-
ou-safninu í París síðastliðinn þriðjudag. Yfirleitt eru nokkrar sýningar í
húsinu í einu en þetta er í fyrsta sinn sem Benetton sýnir þar.
Í framhaldi af uppákomunni verður sýningin „Efni: Hafðu augun opin“
höfð í safninu út næsta mánuðinn.
Á heimasíðunni www.benetton.com er hægt að nálgast útsendingu
frá sýningunni, baksviðsmyndir og stuttmyndina, eða öllu nær örmynd-
ina „Fjörtíu ár á fjörtíu sekúndum“, þar sem saga Benetton er rakin.
Fertugum flest fært
Föt frá Benetton njóta vinsælda víða um heim en
hér sést frá einni af tískusýningum framleiðandans.
Nýbýlavegi 12, Kóp.
Sími 554 4433.
Opið virka daga kl. 10-18,
laugardaga kl. 10-16.
FLOTT FÖT
Fyrir konur á
öllum aldri
XSTR
EAM
D
ESIG
N
AN
06 10 002
Fjörður • Hafnarfirði
565 7100
*Tilboðsverð 2006
S
e
p
t.2
0
0
6
Nicorette Fruitmint
Nicorette nikótínlyf eru fáanleg án lyfseðils og eru notuð þegar reykingum er hætt eða þegar dregið er úr
reykingum. Til að ná sem bestum árangri skal ávallt fylgja leiðbeiningum í fylgiseðli. Skammtar eru
einstaklingsbundnir eftir því hve mikið er reykt, hvort hætta á reykingum eða draga úr þeim. Því ber að
kynna sér upplýsingar um notkun í fylgiseðli. Í fylgiseðlinum eru upplýsingar um: verkun og notkun,
varúðarreglur, mikilvægar upplýsingar sem nauðsynlegt er að lesa áður en lyfin eru notuð, hugsanlegar
aukaverkanir og aðrar upplýsingar. Leitið til læknis eða lyfjafræðings ef þörf er á frekari upplýsingum um
lyfin. Þeir sem fengið hafa ofnæmi fyrir nikótíni eða öðrum innihaldsefnum lyfsins, nýlegt hjartaáfall,
óstöðuga versnandi hjartaöng, alvarleg hjartsláttarglöp eða nýlegt heilablóðfall eiga ekki að nota Nicorette
nikótínlyf. Börn yngri en 15 ára, þungaðar konur og konur með barn á brjósti eiga ekki að nota Nicorette
nikótínlyf nema að ráði læknis.
Handhafimarkaðsleyfis: Pfizer ApS. Umboð á Íslandi: Vistor hf., Hörgatúni 2, Garðabæ.
Lesið allan fylgiseðilinn vandlega áður en byrjað er að nota lyfið.
Geymið fylgiseðilinn. Nauðsynlegt getur verið að lesa hann síðar.
www.nicorette.is
Nýttbragð
semkemurá óvart
25%
afsláttur
*