Fréttablaðið - 28.10.2006, Page 4

4 28. október 2006 LAUGARDAGUR
GENGIÐ 27.10.2006
GJALDMIÐLAR KAUP SALA
HEIMILD: Seðlabanki Íslands
118,7107
GENGISVÍSITALA KRÓNUNNAR
67,73 68,05
128,06 128,68
85,82 86,30
11,511 11,579
10,329 10,389
9,301 9,355
0,5708 0,5742
100,02 100,62
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
Opið: Alla virka daga kl. 9:00-18:00 og laugardaga kl. 12:00-16:00. Sími: 525 8020.
NOTAÐIR BÍLAR
Verð á
ður: 3.
450.0
00-
Tilboð
:
2.990.
000.-
ÍRAN, AP Írönum hefur tekist að tvöfalda getu sína til
auðgunar úrans með fjölgun á þar til gerðum skilvind-
um. Frá þessu greindi íranska fréttastofan ISNA í gær,
en með þessu storka Íranar öryggisráði Sameinuðu
þjóðanna, sem er að undirbúa ályktun um refsiaðgerð-
ir gegn Írönum vegna kjarnorkuáætlunar þeirra.
ISNA hefur eftir ónafngreindum embættismanni
að fyrstu tilraunir með starfrækslu nýs nets af úran-
gas-skilvindum hefðu gefið góða raun. Með nýju
skilvindunum tvöfaldaðist afkastagetan til auðgunar
úrans. Með auðgun úrans er bæði hægt að framleiða
eldsneyti til rafmagnsframleiðslu í kjarnorkuverum
og efni í kjarnorkusprengjur.
Fréttin vakti blendin viðbrögð. Franska utanríkis-
ráðuneytið sagði hana „neikvæð skilaboð“ sem taka
þyrfti með í reikninginn við samningu ályktunar
öryggisráðsins um refsiaðgerðir. Sergei Ívanov,
varnarmálaráðherra Rússlands, sagði hins vegar að
þessi tíðindi gæfu „ekki tilefni til að hafa áhyggjur“.
Rússar og Kínverjar, tvær af fimm þjóðum sem
fara með neitunarvald í öryggisráðinu, hafa viljað
fara hægar í sakirnar en Vesturveldin við að standa
í hótunum við Írana vegna kjarnorkuáætlunar
þeirra. - aa
AUÐGA ÚRAN Í þessari verksmiðju í Isfahan, og víðar, er talið
að Íranar stundi auðgun úrans. NORDICPHOTOS/AFP
Deilan um kjarnorkuáætlun Írana:
Tvöfölduð geta til úranauðgunar
VINNUMARKAÐUR Magnús Stefáns-
son félagsmálaráðherra sagði á
ársfundi ASÍ, sem haldinn var nú
í vikunni, að mikilvægt væri að
fjölgun erlendra
fyrirtækja og
útlendinga á
innlendum vinnu-
markaði raskaði ekki
þeim reglum og
hefðum sem hefðu
skapast á vinnu-
markaði.
„Tryggja þarf að
erlent starfsfólk
njóti þeirra réttinda og kjara sem
gilda hér á landi sem og að stuðla
að því að milliliðalaust ráðningar-
samband milli vinnuveitanda og
starfsmanna verði áfram
meginreglan,“ sagði hann. - ghs
Félagsmálaráðherra:
Tryggja þarf
réttindi og kjör
MAGNÚS
STEFÁNSSON
STJÓRNMÁL Pétur H. Blöndal
alþingismaður varði 2,7 milljón-
um króna til auglýsinga- og
kynningarstarfs í prófkjöri
Sjálfstæðisflokksins
í Reykjavík.
Pétur upplýsti
þetta í gær.
Pétur efndi til
fundaraðar og varði
1,6 milljónum til
kynningar á henni,
bæði í fjölmiðlum og
með bæklingi sem
dreift var á öll heimili í borginni.
Hann keypti hefðbundnar
auglýsingar fyrir rúmar 600
þúsund krónur og um 400 þúsund
krónur runnu til gerðar heima-
síðu framboðsins og leigu á
fundarsölum.
Pétur starfrækti ekki hefð-
bundna kosningaskrifstofu í
prófkjörinu. -bþs
Prófkjör Péturs H. Blöndal:
Kostaði 2,7
milljónir króna
PÉTUR H.
BLÖNDAL
NEYTENDAMÁL Stjórn Neytenda-
samtakanna hefur ákveðið að
koma á fót starfsnefndum sem
félagsmenn geta tekið sæti í.
Neytendasamtökin hvetja
neytendur til að taka þátt í
starfsemi samtakanna og á þann
hátt efla neytendastarf.
Nefndirnar eru átta og munu
taka á ýmsum málefnum. Sem
dæmi má nefna matvæli, fjármál
heimila, heilbrigðisþjónustu,
samkeppni, öryggi neysluvöru,
neytendalöggjöf, markaðssetn-
ingu Neytendasamtakanna og
úttekt á kostum og göllum
Evrópusambandsaðildar fyrir
neytendur. - sdg
Starf Neytendasamtakanna:
Neytendur taki
þátt í nefndum
ÁSTRALÍA, AP Ástralar eru yfir sig
hneysklaðir á orðum Sjeik Taj
Aldin al Hilali, ástralsks múslima-
klerks, um að konur sem ekki
ganga með höfuðklút bjóði
hættunni á nauðgunum heim, því
þær séu líkastar „kjöti“ sem
skilið sé eftir utandyra þar sem
kettir komast í það.
Klerkurinn sagði síðar að hann
hefði ekki verið að bera í
bætifláka fyrir nauðgara og að
ástralskar konur mættu sín vegna
klæðast eins og þær vildu.
„Hugmyndin um að nauðganir
séu konum að kenna er fráleit,“
sagði forsætisráðherrann John
Howard, en aðrir múslimaklerkar
og stjórnmálamenn fordæmdu
orð Hilali. - smk
Ástralskur múslimaklerkur:
Líkir konum
við óvarið kjöt
MÚSLIMAKLERKUR Ástralar eru afar
hneykslaðir á orðum Sjeik Taj Aldin al
Hilali, til vinstri, um klæðnað kvenna.
FRÉTTABLAÐIÐ/AP
Hannes Hólmsteinn Gissurarson
hefur fengið aðgang að bréfasafni
Halldórs Laxness eftir að Þjóðarbók-
hlaðan opnaði safnið fyrir honum nú
þegar þriggja ára lokunartími er yfir-
staðinn. Í dag er munnlegur málflutn-
ingur í héraðsdómi í höfundarréttar-
máli Auðar Laxness gegn Hannesi.
Þá munu bæði Hannes og og dóttir
nóbelsskáldsins, Guðný Halldórsdóttir
gefa skýrslur.
DÓMSTÓLAR
Hannes má skoða
Laxness-skjölin
FJÖLMIÐLAR Guðbjörg Hildur Kol-
beins, stundakennari í fjölmiðla-
fræði við Háskóla Íslands, hélt því
fram í fyrirlestri í Lögbergi í gær
að fyrirtækið Baugur Group hf.
héldi uppi tekjum Fréttablaðsins
með því auglýsa í blaðinu í miklu
meira mæli en öðrum miðlum.
Athugun Guðbjargar á auglýs-
endum í Fréttablaðinu byggðist á
því að telja saman heil- og hálfsíðu-
auglýsingar í blaðinu eftir að Baug-
ur Group hf. kom að fyrirtækinu
sem einn af eigendum móðurfyrir-
tækis blaðsins árið 2002.
Sagði Guðbjörg meðal annars í
erindi sínu: „Heyrst hefur að Baug-
ur niðurgreiði ókeypis útgáfu
Fréttablaðsins með auglýsingum
verslana sinna, sérstaklega með
auglýsingum Hagkaupa, Bónus og
Debenhams.“ Vitnaði Guðbjörg þar
meðal annars til greina Páls Vil-
hjálmssonar, upplýsingafulltrúa
Rannís, um málefni Baugs í því
samhengi. „Páll heldur því alltaf
blákalt fram að Jón Ásgeir Jóhann-
esson hafi átt þá hugmynd að beina
auglýsingum fyrirtækja Baugs til
Fréttablaðsins. Þetta er mjög góð
viðskiptahugmynd! Alveg rökrétt,“
sagði Guðbjörg og sagði síðan að
megintilgangur athugunar sinnar
hefði verið að kanna tengsl milli
eignarhalds á íslenskum dagblöð-
um og auglýsingum sem í þeim
birtust. „Ég taldi bara hreinlega
allar heil- og hálfsíðuauglýsingar
sem birtust í Fréttablaðinu, Morg-
unblaðinu, DV og Blaðinu. Ég henti
öllum kálfum út, vegna þess að það
eru aðalblöðin sem skipta máli,“
sagði Guðbjörg.
Niðurstaða athugunar Guðbjarg-
ar var sú að „fjórðungur stórra
auglýsinga í Fréttablaðinu væri frá
verslunum í eigu Baugs eða fyrir-
tækjum innan Dagsbrúnar,“ eins og
segir orðrétt í niðurstöðukafla
greinar Guðbjargar, Af kaupmönn-
um og hjartans börnum.
Ari Edwald, forstjóri 365, stóð
upp á fundinum og sagði Guðbjörgu
gera sig seka um ótrúlegar rang-
túlkanir, vanþekkingu á rekstrar-
umhverfi fjölmiðlafyrirtækja og
rakalausan málflutning sem væri
ekki kennara við Háskóla Íslands
til sóma. „Fjölgun á auglýsingum í
Fréttablaðinu helst að sjálfsögðu í
hendur við vaxandi dreifingu og
lestur, enda Fréttablaðið nú með
yfirburðastöðu á íslenskum mark-
aði sem auglýsingamiðill. Tal Guð-
bjargar um að Baugur, og önnur
fyrirtæki sem hún tengdi við Baug,
væri með fjórðung af öllum auglýs-
ingum er rakalaust rugl. Auk þess
er staða Fréttablaðsins það sterk að
blaðið getur vel borið sig án allra
auglýsinga fyrirtækja tengdum
Baugi, þótt það kæmu engar í stað-
inn. Guðbjörg tekur til að mynda
ekki tillit til Allt-hluta Fréttablaðs-
ins, sem er langsamlega stærsti
tekjuhluti blaðsins og næstum
helmingur af öllum tekjum þess.
Mér finnst til háborinnar skammar
að Guðbjörg Hildur Kolbeins skuli
stíga fram og tengja sig við Háskóla
Íslands og ráðstefnuhald á vegum
skólans, og slá fram upplýsingum
um fyrirtæki á markaði, sem ekki
eiga við nein rök að styðjast. Þessi
málflutningur Guðbjargar er for-
kastanlegur.“ magnush@frettabladid.is
Fjallaði um fjölmiðla
á umdeildum rökum
Guðbjörg Hildur Kolbeins sagði fyrirtæki í eigu Baugs Group auglýsa einkennilega
mikið í Fréttablaðinu í fyrirlestri í Lögbergi. Vitnaði hún meðal annars til greina
Páls Vilhjálmssonar í upphafi erindis síns. Rakalaust rugl, segir Ari Edwald.
FRÁ FUNDINUM Í LÖGBERGI Fundargestir sjást hér hlýða á erindi Þorbjörns Brodda-
sonar, prófessors við Háskóla Íslands. Guðbjörg Hildur Kolbeins hélt síðan erindi um
grein sína, Af kaupmönnum og hjartans börnum. FRÉTTABLAÐIÐ/HÖRÐUR