Fréttablaðið - 29.10.2006, Blaðsíða 18

29. október 2006 SUNNUDAGUR18
Þ
að liggur vel á Sig-
urði þegar blaðamað-
ur hittir hann á kaffi-
húsi í Höfðatúni.
Hann afþakkar kaffi
en þiggur appelsín í
gleri. „Ég var einmitt að spá í að
hafa samband við fjölmiðla og
segja þeim frá að annálarnir eru
komnir á netið, þá hringdir þú,“
segir Sigurður, sem hefur nýlokið
við að safna saman öllum lýsing-
um um veðurfar sem finna má í
íslenskum annálum og setja þær á
netið.
Nánast heltekinn
Sigurður Þór á mörg áhugamál –
„músík, bókmenntir og allan fjand-
ann“ - og sinnir þeim af elju. Hann
hefur skrifað um tónlist fyrir dag-
blöð og gefið út eina skáldsögu.
Veðrið er þó sérstakasta hobbíið
að hans sögn og hann játar að vera
allt að því heltekinn. „Þetta er síð-
asta áhugamálið sem ég fann. Ég
kann ekki skýringar á hvað það er
sem heillar mig en ég man þegar
áhuginn kviknaði, hinn 9. júlí 1967.
Kannski hafði það eitthvað að
segja að þetta var á hafísárunum
en á þessum tímapunkti var hita-
bylgja yfir landinu, þó aðallega á
Austurlandi, og þennan dag fékk
ég gífurlegan áhuga á veðri. Síðan
þá hef ég lesið allt um íslenskt
veðurfar sem ég hef komið hönd-
um yfir.“
Áhuginn hefur ekki rénað með
árunum heldur þvert á móti færst
í aukana, sérstaklega eftir að netið
kom til sögunnar. „Guð hjálpi for-
eldrum mínum ef netið hefði verið
til þegar ég var unglingur. Það er
auðvelt að týna sér þegar það er
hægt að fylgjast með veðrinu í
öllum heiminum. Ég hef hins
vegar takmarkað mig við íslenskt
veðurfar fyrst og fremst og held
þannig áttum.“
Annálarnir bara byrjunin
Sigurður segir að sektarkennd
hafi rekið sig til þess að safna
saman öllum veðurlýsingum úr
annálum allt aftur frá landnámi og
setja á netið.
„Ég hef haft áhuga á veðrinu
allan þennan tíma en hafði lítið
sinnt annálunum, sem eru mikil-
vægar heimildir um veðurfar. Svo
byrjaði ég að lesa þá og vinsa út þá
kafla sem fjölluðu um veður. Ég
gætti þess að kynna mér hvaða
annálar væru taldir áreiðanlegir
og studdist aðeins við þá, sjáðu til.
Og af því að ég hafði trassað þetta
svona lengi vildi ég bæta fyrir
eigin vanrækslu með því að setja
þetta allt á netið. Þá hefur fólk
aðgang að þessu á einum stað og
þarf ekki að fletta í hinum og þess-
um bókum. Stafsetningin er held-
ur ekkert aðlaðandi í fornritunum
en ég hef fært hana til nútíma-
horfs.“
Sigurður var að í tvær til þrjár
stundir á hverjum degi í heilan
vetur að safna saman lýsingunum
og skrifa þær upp. Fyrir rúmum
mánuði opnaði hann svo bloggsíðu
– nimbus.blog.is – og setti þær á
netið. „Þetta er bara byrjunin, því
nú ætla ég að taka saman öll met á
veðurstöðvum um allt land. Svo
ætla ég að kíkja í dagblöð frá 19.
öld og setja veðurlýsingar þaðan á
síðuna,“ segir Sigurður sem blogg-
ar líka um daginn og veginn. „Já,
ég ætla líka að skrifa um tónlist og
fleira en þessa síðu setti ég upp
fyrst og fremst til að fjalla um
veðrið. Hitt eru svona krúsídúll-
ur.“
Vill bara hafa sól og sumar
Auk þess að skrifa í dagblöð, blogg
og bækur hefur Sigurður haldið
ítarlega dagbók frá því hann var
fjórtán ára gamall.
„Hún er orðin ofboðslega stór
og nýtist mér oft vel. Til dæmis ef
ég vil rifja upp hvað ég var að
gera í hitabylgjunni 1991 og þess
háttar. En dagbókin er sjálfstæð
og kemur veðrinu þannig séð ekk-
ert við.“ Hann viðurkennir að
sumum þyki áhugamál hans skrýt-
ið. „Til dæmis einum vini mínum,
hann á erfitt með að skilja þetta.
Fæstum sem þekkja mig finnst
þetta þó skrýtið, því þetta er bara
eitt af mörgum hugðarefnum
mínum.“
Þrátt fyrir óseðjandi áhuga á
veðurfari kveðst Sigurður vera
hálfgerð kuldaskræfa. „Ég er bara
stofuáhugamaður. Helst vil ég allt-
af hafa sól og sumar, þess vegna
er mér dillað út af þessum gróður-
húsaáhrifum, svona þannig séð.
En ég hef engan áhuga á að upp-
lifa blæbrigði veðurs á sjálfum
mér.“
Eins og gefur að skilja missir
hann helst ekki af veðurfréttum í
sjónvarpi, en kveðst þó ekki eiga
neinn uppáhaldsveðurfræðing á
skjánum. „Ég hef ofboðslegar
mætur á þeim öllum.“ ■
SIGURÐUR ÞÓR Kann ekki skýringar á veðuráhuga sínum en man hvenær hann kviknaði, hinn 9. júlí 1967. Þá var hitabylgja yfir
landinu. FRÉTTABLAÐIÐ/STEFÁN
Með veðrið
á heilanum
Frá tvítugsaldri hefur Sigurður Þór Guðjónsson,
rithöfundur og tónlistarskríbent, haft óslökkvandi
áhuga á veðri og öllu sem því tengist. Bergsteinn
Sigurðsson ræddi við Sigurð um þessa merkilegu
ástríðu.
Skrifaði ævisögu Schuberts
Sigurður er kunnur tónlistarrýnir og skrifaði um músík, aðallega klassíska, í
dagblöð í 25 ár með hléum. „Það var bara fyrir tilviljun að ég festist í þessu,“
segir hann. „Jón Baldvin Hannibalsson fékk mig til að skrifa um tónlist í
Alþýðublaðið þegar hann ritstýrði því og þetta bara vatt upp á sig. Ég reyni
alltaf að komast endrum og eins á tónleika. Núna er ég orðinn tónlistargagn-
rýnandi Salarins í Kópavogi og skrifa um tónleikana þar í vetur á bloggsíðuna
mína.“
Á sjöunda áratugnum gaf Sigurður út skáldsöguna Truntusól. Hann hefur
nú lokið við nýtt verk sem hann langar að gefa út. En það eru ljón í vegi; um
er að ræða ævisögu þýska tónskáldsins Franz Schubert og bókin er risavaxin.
„Þetta er ekki þýðing, taktu eftir, heldur mitt eigið verk sem ég byggi á
heimildum. Það tók mig átta ár að skrifa hana og ég lauk við hana fyrir um
tveimur árum. Hún er nú hjá útgefanda sem er tvístígandi vegna stærðar
verksins og umfangs, hún er um þúsund blaðsíður allt í allt. Ég aflaði um
400 ljósmynda, sem þarf sennilega eitthvað að skera niður.“
FRANZ SCHUBERT Sigurður hefur
lokið við að skrifa risavaxið verk um
ævi tónskáldsins.
Íslendingar og útlendingar fá allar upplýsingar á ensku um allt það sem heimsborgin Reykjavík státar af á hverjum
tíma.; menningarviðburðir, tónleikar, skemmtistaðir, veitingastaðir, söfn, gallerí, tíska, verslanir og næturlíf.
Íslendingar þurfa líka að fyl jast með!
Íslendingar og útlendingar fá allar upplýsingar á ensku um allt það sem heimsborgin Reykjavík státar af á hverjum
tíma.; menningarviðburðir, tónleikar, skemmtistaðir, veitingastaðir, söfn, gallerí, tíska, verslanir og næturlíf.
Íslendingar þurfa líka að fylgjast með!
Íslendingar og útlendingar fá allar upplýsingar á ensku um allt það sem heimsborgin Reykjavík státar af á hverjum
tíma.; menningarviðburðir, tónleikar, skemmtistaðir, veitingastaðir, söfn, gallerí, tíska, verslanir og næturlíf.
Íslendingar þurfa líka að fylgjast með!