Fréttablaðið - 20.04.2007, Blaðsíða 8

Íslenska lífeyriskerf-
ið er meðal þátta sem önnur lönd
geta sannarlega öfundað Ísland af.
Þetta segir Johan Tiedemann,
aðstoðarráðherra í sænska félags-
málaráðuneytinu, ábyrgur fyrir
norrænu samstarfi.
Tiedemann var í heimsókn hér á
landi í vikunni til skrafs og ráða-
gerða við íslenska embættismenn
sem einnig sinna norrænu sam-
starfi, auk þess að kynna sér tvö
sænsk-íslensk samstarfsverkefni
sem nú eru í vinnslu; annars vegar
Garðarshólma-verkefnið á Húsa-
vík, sem hefur forseta Íslands og
Svíakonungur sem verndara og
kennt er við Garðar Svavarsson,
sænska víkinginn sem var fyrstur
norrænna manna til að hafa vetur-
setu á Íslandi, og hins vegar
ISLEX-netorðabókina, sem er nor-
rænt samstarfsverkefni um smíði
íslensk-sænskrar, íslensk-norskr-
ar og íslensk-danskrar orðabókar.
Í samtali við Fréttablaðið segir
Tiedemann, að norrænt samstarf
eigi verðugan sess í stjórnarstefnu
borgaralegu samsteypustjórnar-
innar, sem tók við völdum í Svíþjóð
á liðnu hausti. „Heimurinn hlustar
á Norðurlönd,“ segir hann. Úti um
heim sé sú ímynd mjög sterk að
Norðurlönd séu ein heild, og það
eitt og sér sýni hve mikilvægt nor-
rænt samstarf sé – jafnvel þótt það
hafi að hluta til færst inn í Evrópu-
sambandið þar sem þrjú af fimm
Norðurlöndum eru í sambandinu.
Eftir myndun borgaralegu rík-
isstjórnarinnar í Finnlandi fyrr í
vikunni er Noregur nú eina landið
af þessum fimm, þar sem vinstri-
stjórn er við stjórnvölinn. Spurður
hvort hann telji þetta skipta máli
fyrir samstarf landanna segir
Tiedemann persónuleg samskipti
mikilvægari en pólitískur litur
ríkisstjórnanna; verkefni norræns
samstarfs séu að mestu ekki
flokkspólitísks eðlis heldur ein-
vörðungu praktísk.
Tiedemann segir aðspurður
einnig að samstaðan í borgaralega
flokkabandalaginu, sem stendur
að sænsku stjórninni, sé mjög góð.
Það ríki góður andi í stjórnarlið-
inu og starfið sé allt mjög árang-
ursmiðað. Nú þegar aðeins um
hálft ár er síðan stjórnin tók við sé
of snemmt að segja til um hvaða
árangri hún nái í að hrinda stjórn-
arstefnunni í framkvæmd, en það
hafi þegar sýnt sig hversu mikil-
vægt það var að flokkarnir fjórir í
bandalaginu skyldu hafa verið
búnir að koma sér saman um flest
mál fyrir kosningar.
Það auðveldi framkvæmd
stjórnarstefnunnar, en hún miðar
ekki síst að því að draga úr
atvinnuleysi og gera sem flesta
þegna landsins virka á vinnumark-
aði. Skattalækkanir séu liður í að
ná þessu fram. Þingið megi búast
við miklu flóði stjórnarfrumvarpa
á næstu misserum.
Norrænt sam-
starf er verð-
ugt verkefni
Sænski aðstoðarráðherrann Johan Tiedemann, ábyrg-
ur fyrir norrænu samstarfi, segir það eiga verðugan
sess í stjórnarstefnu ríkisstjórnar borgaraflokkanna.
Of snemmt sé að meta árangur af starfi stjórnarinnar.
Ljóst er að fuglar
sem fengið hafa olíusmit í fjaðrir
eftir strand Wilsons Muuga um
áramót skipta hundruðum og að
margir þeirra muni deyja. Þetta
segir Gunnar Þór Hallgrímsson,
líffræðingur á Náttúrustofu
Reykjaness, sem fann olíublautan
æðarfugl við komuna í Hvalsnes-
fjöru í fyrradag. Fuglinn drapst
síðar um daginn.
Gunnar segir nauðsynlegt að
vakta lífríki eftir skipsstrand til
þess að hægt sé að fylgjast með
hversu mikill skaði verður. „Skipið
er farið og við vitum ekki hversu
mikil olía fór úr því né hversu marg-
ir fuglar fengu olíusmit í fjaðrir. Ef
menn hefðu ætlað að reyna að finna
út hversu miklum skaða þetta olli
hefði þurft að vakta svæðið.“
Eigandi skipsins og fulltrúar frá
Umhverfisstofu fullyrða að einung-
is smurolía hafi lekið úr skipinu
þegar verið var að draga það á brott
á miðvikudag, og því sé bráðahætta
ekki til staðar. „Ég veit ekki mikið
um olíur, en ég veit að það fyrsta
sem ég sá í fjörunni var olíublautur
fugl sem síðan drapst. Það virðist
einhvern veginn vera þannig að
menn noti magn olíunnar sem mæli-
kvarða á hversu mikill skaði getur
orðið. Það sem skiptir ekki síður
máli er fjöldi fugla. Þetta er eitt af
bestu fuglasvæðum landsins yfir
vetrartímann og það þarf ekkert
mjög mikla olíu til að valda mjög
miklum skaða,“ segir Gunnar, sem
hugðist ganga fjöruna aftur í gær.
Hefði þurft að vakta svæðið
Jón Sigurðsson,
iðnaðar- og viðskiptaráð-
herra, segir fund sinn með
Wolfgang Stiller, stjórnar-
formanni Alcan, og Rann-
veigu Rist, forstjóra Alcan
á Íslandi, einungis hafa
verið „reglubundinn og
venjulegan“ en neitaði að
gefa upp að öðru leyti um
hvað var rætt. Fundurinn fór fram
í iðnaðarráðuneytinu á mánudags-
morgun. „Þetta var venjuleg-
ur fundur líkt og við eigum
reglulega með ýmsum fyrir-
tækjum og samtökum,“ sagði
Jón en hann vildi ekki greina
frá því um hvað var rætt. Þá
svaraði hann því til að fund-
urinn væri ekki á nokkurn
hátt í mótsögn við hans eigin
orð, um að stjórnvöld hefðu
ekki lengur formlega aðkomu að
stóriðju.
Jón neitar að gefa upp
um hvað var rætt
Stjórnvöld í Íran hafa
ákveðið að náða tvo Svía, sem
sátu í haldi fyrir meintar njósnir.
Sænskur þingmaður, sem var í
heimsókn í Teheran, staðfesti
síðdegis á mánudag að mennirnir
hefðu verið látnir lausir.
Stefan Johansson og Jari
Hjortmar, sem fóru til Írans til að
kynna gólfflots-múrtækni, voru
báðir dæmdir í þriggja ára
fangelsi fyrir að ljósmynda
hernaðarleg mannvirki í Suður-
Íran, að því er íranski dómsmála-
ráðherrann upplýsti í maí í fyrra.
Síðan þá hafði verið unnið að
miðlunarviðræðum til að fá
mennina lausa.
Meintum njósn-
urum sleppt
Við hvaða götur standa húsin
sem brunnu í eldsvoðanum í
Reykjavík á miðvikudag?
Hvað hét byssumaðurinn
sem myrti 32 nemendur við
Virginia Tech-háskólann?
Hver er slökkviliðsstjóri á
höfuðborgarsvæðinu?