Fréttablaðið - 20.04.2007, Page 24

Íþessari viku fer fram aðalfund-ur Félags íslenskra skólafélags-
ráðgjafa. Félagið er fagdeild innan
Félagsráðgjafafélags Íslands og
hefur það að markmiði að stuðla að
kjörskilyrðum nemenda á hverj-
um tíma. Þessu markmiði hyggst
félagið ná með því að efla faglega
umræðu skólafélagsráðgjafa og
styrkja stöðu þeirra innan skóla-
kerfisins.
Nú þegar eru félagsráðgjafar
starfandi í grunn- og framhaldskól-
um landsins. Þeir vinna á heildræn-
an hátt með nemendum, fjölskyld-
um, kennurum, stofnunum sveit-
arfélagsins og öðrum sem tengjast
einstökum nemendum og skóla-
starfinu. Menntun félagsráðgjafa
er fólgin í að greina vanda, veita
ráðgjöf og upplýsingar um félags-
leg samskipti og erfiðleika, vinna
með samskipta- og tilfinningaörðu-
gleika og samræma þjónustu innan
og utan skólans.
Markmið skólafélagsráðgjafa er
að bæta skólastarfið í heild, skóla-
göngu nemenda og tilfinningalega og
andlega velferð þeirra. Nánd skóla-
félagsráðgjafa við nemendur grunn-
skólans veitir möguleika á snemmt-
ækri íhlutun gagnvart vandamál-
um nemandans og fjölskyldu hans.
Samskiptavandi foreldra og barns,
hjónaskilnaðir, veikindi, einelti,
kvíði og depurð eru m.a. áhrifavald-
ar á líðan barna í skóla. Skólafélags-
ráðgjafar eru lykilstarfsmenn skól-
ans í barnaverndarmálum og vinna
náið með félagsþjónustu sveitafé-
laganna við úrlausn þeirra. Skólafé-
lagsráðgjafinn er mikilvægur teng-
ill milli heimilis og skóla í nánu sam-
starfi við kennara barnsins.
Í samfélagsumræðunni síðustu
mánuði hefur meðal annars verið
rætt um Vinaleiðina, úrræði sem
boðið er upp á í nokkrum skólum
til að sinna þörf
barna og ungl-
inga fyrir stuðn-
ing og ráðgjöf í
persónulegum
málum. Í því sam-
bandi viljum við
vekja athygli á
kunnáttu skólafé-
lagsráðgjafans til
að sinna þessum
málaflokki. Einn-
ig viljum við vekja
athygli á löngum
biðlistum í ýmis úrræði tengd börn-
um og unglingum, t.d. hjá skólasál-
fræðingum og á Barna- og ungl-
ingageðdeild. Þetta sýnir fram á
þá miklu þörf sem til staðar er í ís-
lensku skólakerfi fyrir aukna þjón-
ustu eins og þjónustu skólafélags-
ráðgjafans.
Á næstu vikum mun Félag ís-
lenskra skólafélagsráðgjafa, í
tengslum við Félagsráðgjafafélag
Íslands, senda öllum skólastjórum
í grunn- og framhaldsskólum lands-
ins ásamt formönnum fræðslu-
nefnda sveitarfélaganna bréf þar
sem gerð er grein fyrir sérstöðu
skólafélagsráðgjafa og þeirra störf-
um.
Ferðatröll, sem er ferða-félag Dalvíkurbyggð-
ar, stendur fyrir málþingi
á laugardaginn kemur. Til-
gangurinn er að upplýsa
um og kanna nánar mögu-
leika ferðaþjónustu í Dal-
víkurbyggð. Einnig að efla
tengsl ferðaþjónustunnar við aðrar
atvinnugreinar og skoða hver hag-
ræn áhrif atvinnugreinarinnar eru
fyrir svæðið. Þingið er haldið í sam-
vinnu við Ferðamálasetur Íslands,
Framfarafélag Dalvíkurbyggðar
og atvinnumálanefnd.
Á málþinginu verður kunnáttufólk
með athyglisverða fyrirlestra svo
sem um það hvernig maður byggir
upp ferðaþjónustu í dreifbýli, um
samlegðaráhrif og tengingar við
annað atvinnulíf, um möguleika
okkar vegna sérstöðu og menning-
ar svæðisins, um fjallamennsku og
heilsutengda ferðaþjónustu o.fl.
Meðal þeirra sem flytja erindi eru
Guðrún Þóra Gunnarsdóttir, deild-
arstjóri ferðamáladeildarinnar á
Hólum og Edward Huijbens, for-
stöðumaður Ferðamálaseturs Ís-
lands. Einnig er gert ráð fyrir því
að unnið verði að hagnýtum við-
fangsefnum í hópum svo sem því
hvernig þau tækifæri sem við
blasa verða sem best nýtt, hvaða
ímynd við viljum að svæðið hafi og
til hvernig ferðamanna við viljum
helst ná.
Alþingiskosningar nálgast og þær virðast ætla að verða
mjög spennandi. Ákveðnir mála-
flokkar hafa fengið meiri athygli
en aðrir, og má þar nefna umhverf-
ismál og efnahagsmál. Það eru að
sjálfsögðu mikilvægir málaflokk-
ar en það er skoðun Stúdentaráðs
Háskóla Íslands að menntamál
hafi ekki fengið nægilega mikla
athygli í aðdraganda kosninganna,
þrátt fyrir að vera einhver mik-
ilvægasti málaflokkurinn. Stúd-
entaráð hefur nú kynnt stefnuskrá
sína og skorar á stjórnmálaflokk-
ana sem bjóða
fram til Al-
þingis að taka
stefnumál stúd-
enta upp í sínar
stefnuskrár og
gera mennta-
mál þannig að
kosningamáli.
Stefnuskráin
er einföld og
markmiðið er
að gera Ísland
að þekkingarþjóðfélagi í fremstu
röð. Stúdentaráð vill þess vegna
að stjórnmálaflokkarnir leggi
aukna áherslu á menntamál því
þekking og rannsóknir eru lykil-
þættir í því að efla íslenskt sam-
félag og gera það samkeppnis-
hæft á alþjóðagrundvelli. Aukin
menntun á að vera forgangsverk-
efni hjá íslensku þjóðinni, því
menntun er forsenda hagvaxt-
ar og framfara og þar með betri
lífskjara allra landsmanna. Stúd-
entaráð leggur áherslu á jafnrétti
til náms og hafnar skólagjöldum
á öllum stigum í opinberum há-
skólum því skólagjöld mismuna
fólki og skerða jafnrétti til náms.
Enginn vafi er á því að ef skóla-
gjöld yrðu tekin upp myndu færri
sækja sér háskólamenntun, sem
aftur myndi lækka menntunarstig
þjóðarinnar. Stúdentar myndu
líka í mun minni mæli sækja í
þær greinar sem ekki endilega
gefa af sér háar tekjur að loknu
námi og það gæti t.d. haft slæm-
ar afleiðingar fyrir menningu
okkar og þjóðararf. Lánasjóðsmál
eru stúdentum einnig gríðarmik-
ilvæg. Þau námslán sem stúdent-
um bjóðast í dag eru bæði lægri
en lágmarkslaun og atvinnuleys-
isbætur og löngu er orðið ljóst að
þau duga ekki fyrir framfærslu
stúdenta. Námslánin verða að
endurspegla raunverulega fram-
færsluþörf stúdenta og til þess að
þau geri það þurfa þau að hækka
umtalsvert. Stúdentaráð fagnar
því að einhverjir stjórmálaflokk-
ar hafi komið fram með hugmynd-
ir um að hluti námslána breytist í
styrk að námi loknu og skorar á
aðra flokka að berjast einnig fyrir
því á Alþingi. Þetta eru einung-
is nokkur af þeim stefnumálum
sem Stúdentaráð leggur fram en
meðal annarra má nefna að sam-
keppnisstaða háskóla hérlendis
verði leiðrétt, að jafnrétti kynj-
anna á vinnumarkaði verði tryggt
og að stúdentum verði gert kleift
að leigja sér íbúð á viðráðanlegu
verði. Stefnuskráin í heild verður
birt á heimasíðunni loford.is og
þar verða stefnumál stjórnmála-
flokkanna sem bjóða fram til Al-
þingis borin saman við stefnu
stúdenta.
Höfundur er formaður Stúdenta-
ráðs Háskóla Íslands.
Gerum menntamál að kosningamáli
Það teljast engin nýmæli þegar fríkirkjupresturinn Hjörtur
Magni birtist æstur á síðum blað-
anna eða á skjánum heima í stofu
hafandi yfir misfagra hluti um
„stofnanakirkjuna“ og sjálfan sig.
Þótt ég sé sammála Hirti í ýmsu og
sjálfur ekki í Þjóðkirkjunni ofbýð-
ur mér hvernig hann fer ítrekað
með hrein ósannindi.
Ég fór fyrst að veita eftirtekt
þeirri undarlegu þráhyggju hans
að ráðast á aðra kristna söfnuði
þegar rógsherferð hans gegn Kaþ-
ólsku kirkjunni stóð sem hæst.
Tönnlaðist hann þá á því að páf-
arnir hefðu allt fram á síðustu ár
haldið því fram að jörðin væri flöt
og refsað harðlega þeim sem vog-
uðu sér að andmæla. Þessi fullyrð-
ing var undarleg þar sem kirkjan
hefur aldrei nokkurn tímann hald-
ið öðru fram en að jörðin sé hnött-
ótt. Það vissu Íslendingar á miðöld-
um sem og kirkjunnar menn alla
tíð, jafnt Ágústínus sem Tómas
Aquinas. Þótt slíkar tröllasögur
séu auðvitað engin nýmæli er með
ólíkindum að menntaður prestur
éti þær upp!
Í nýlegu viðtali í Blaðinu segir
Hjörtur Magni Íslendinga „aðhyll-
ast dulúð og mystík sem hefur verið
úthýst af hinni stóru stofnana-
kirkju“. Þessi fullyrðing er jafnvel
fáránlegri en sú um jarðkringluna.
Hægt væri að fylla margar bækur
einungis með nöfnum allra þeirra
dulhyggjumanna, jafnt kaþólskra,
orþódoxra og lútherskra, sem
„stofnanakirkjan“ hefur alið. Eða
var Teresa frá Avila kannski aldrei
til – eða Meister Eckhart?
Ekki er ætlunin að rekja allar
rangfærslur Hjartar Magna hér
heldur einungis að benda á að
manninn virðist ekki vera hægt að
taka alvarlega.
Rangfærslur
hans hafa verið
fjölskrúðug-
ar í tímans rás,
allt niður í full-
yrðingu hans
um að fyrsta
„grasrótar-trú-
félag“ landsins
hafi verið stofn-
að árið 1899:
Fríkirkjan í
Reykjavík, „ev-
angelískt lútherskt trúfélag í anda
trúfrelsis og jafnræðis“. Þrátt
fyrir þann rósrauða bjarma sem
svífur yfir orðum prestsins mál-
glaða var fyrsti fríkirkjusöfnuður
landsins stofnaður í Reyðarfjarð-
arhreppi nokkru fyrr eins og Guð-
mundur Magnússon, fyrrverandi
fræðslustjóri á Austurlandi, benti
á í kjölfarið.
En er Hjörtur Magni að ljúga?
Það er auðvitað skammarlegt ef
prestur er ekki betur að sér um
slík atriði eftir fullt háskólanám í
guðfræði! En þar sem hann hefur
ekki einu sinni sögu síns eigin trú-
félags á hreinu eins og sést hér að
ofan, má auðvitað vel vera að þekk-
ing hans á heimskirkjunni sé enn
aumari.
Fyrir skömmu kærðu átta Þjóð-
kirkjuprestar Hjört Magna til siða-
nefndar Prestafélagsins. Athygli
vekur að hann segir í fyrrnefndu
viðtali í Blaðinu: „[Þ]ar eru ýmis
atriði tínd til, svo sem afstaða mín
til samkynhneigðra.“ Lítið var þó
um svör þegar innt var eftir út-
skýringu. Sjálfum er mér ekki
kunnugt um að prestum sé skylt að
hafa einhverja ákveðna skoðun á
samkynhneigðum og eftir því sem
ég veit best kemur afstaða hans til
þeirra kærunni ekki einu sinni við.
Á meðal áttmenninganna er svo
enn fremur að finna jafnt frjáls-
lynda sem íhaldssama presta. Þessi
staðhæfing Hjartar Magna verður
því að teljast nokkuð grunsamleg
þótt erfitt sé að fullyrða neitt um
kæruna sem ekki hefur birst opin-
berlega. En ef Hjörtur Magni fer
rangt með, munu samkynhneigðir
þá láta bjóða sér að hann notfæri
sér réttindabaráttu þeirra til að
bjarga eigin skinni og koma óorði
á aðra?
Með þessari grein vil ég fyrst
og fremst skora á Hjört Magna
að segja sannleikann og að fletta
a.m.k. upp í almennum uppslátt-
arritum áður en hann dúndrar enn
einni fullyrðingunni í fjölmiðla. Í
öðru lagi vil ég hvetja fólk til að líta
alla umræðu gagnrýnum augum og
láta ekki blekkjast af illa grund-
uðum sleggjudómum. Prófið t.d.
að nota netið, fletta upp „Christi-
an mysticism“ á Wikipedia og sjá
hvort „stofnanakirkjan“ hafi í raun
„úthýst dulúðinni og mystíkinni“
eins og Hjörtur Magni segir. Að
lokum hvet ég þá Þjóðkirkjupresta,
sem kært hafa Hjört Magna, til að
falla frá ákærunni. Það þarf engan
dómstól til að dæma málflutning
hans dauðan og ómerkan – einung-
is gagnrýnt hugsandi einstakling.
Hjörtur Magni segist berjast
gegn bókstafstrú í nafni Lúthers,
upphafsmanns nútíma bókstaf-
strúar – mannsins sem setti Biblí-
una á álíka stall og Kóraninn stend-
ur á meðal múslima! Hann segist
berjast gegn ríkiskirkjunni í nafni
Lúthers, mannsins sem fyrstur
kom kirkjunni undir ríkisvaldið
hér á Vesturlöndum! Er virkilega
hægt að taka mark á honum? Ég
tek þó undir það með Hirti Magna
að ríkiskirkja sé ekki ákjósanleg-
ur kostur. Samt verðskuldar engin
stofnun rógburð, sama hversu
„djöfulleg“ hún er í augum frí-
kirkjuprestsins.
Höfundur er námsmaður og
áhugamaður um trúarbrögð.
Er Hjörtur Magni marktækur?
Bætum skólastarfið í heild
Fjöll, fólk og fiskar
Fyrst þú ert að lesa þetta þá hefurðu
fengið Fréttablaðið. En til vonar
og vara skaltu klippa þetta símanúmer
út og hringja í það ef Fréttablaðið
kemur einhverntímann ekki.
550 5600
Ekkert blað?
- mest lesið
Það er mikilvægt að við
skoðum sameiginlega hvaða
möguleikar eru helstir í
ferðaþjónustu í byggðar-
laginu og gerum okkur þá
jafnframt grein fyrir því
hvernig breyttar aðstæð-
ur snerta samfélagið. Ný
Grímseyjarferja sem gefur
nýja möguleika, er væntan-
leg í ár og eftir tvö ár opna
Héðinsfjarðargöngin. Þessir nýju
samgöngumöguleikar eru tækifæri
fyrir ferðaþjónustuaðila og önnur
þjónustufyrirtæki í Dalvíkurbyggð
og það er því sameiginlegt verkefni
ferðaþjónustuaðila og atvinnumála-
nefndar að skoða möguleikana sem í
þessu felast og að gera eins mikið úr
þeim fyrir Dalvíkurbyggð og unnt
er. Málþingið er m.a. liður í þeirri
viðleitni.
Málþingið er öllum opið og þeir
sem hafa áhuga á ferðaþjónustu
eru hvattir til að mæta. Einkum
er mikilvægt að þau sem starfa í
ferðaþjónustu eða tengjast henni
á einhvern hátt mæti og taki þátt í
þessari vinnu. Og tengingarnar eru
margvíslegar ef að er gáð. Fyrst
og fremst er hér þó um að ræða at-
vinnumöguleika og þar með aukna
fjölbreytni í atvinnulífi svæðis-
ins. Málþingið verður haldið laug-
ardaginn 21. apríl nk. í sal Dalvík-
urskóla (sjá nánari dagskrá á www.
dalvik.is).
Höfundur er upplýsingafulltrúi
Dalvíkurbyggðar.