Fréttablaðið - 25.04.2007, Page 4

www.vg.is
GRÆN FRAMTÍÐ
kynntu þér málið á
Íslenskur karlmaður
á þrítugsaldri var handtekinn í
Njarðvík með tæplega 700 neyslu-
skammta af ofskynjunarlyfinu
LSD í fórum sínum aðfaranótt
sumardagsins fyrsta. Þá fundust
einnig um tíu grömm af amfetam-
íni í söluumbúðum á manninum.
Starfsmenn sérsveitar ríkislög-
reglustjóra sem staðsettir eru á
Suðurnesjum stöðvuðu bifreið
sem maðurinn ók síðastliðinn
fimmtudag og
við leit í henni
fundust áður-
nefnd fíkniefni.
Hann á saka-
feril að baki.
Málið er til
rannsóknar hjá
lögreglunni á
Suðurnesjum
sem lítur það
mjög alvarleg-
um augum. Hún varðist að öðru
leyti allra annarra frétta af rann-
sókn málsins.
Neysluskammtur af LSD kostar
um 2.500 krónur á íslenskum
vímuefnamarkaði samkvæmt
verðkönnun sem SÁÁ gerði í lok
síðasta árs. Í sömu könnun kostaði
gramm af amfetamíni rúmlega
4.500 krónur. Miðað við það verð-
lag er söluverðmæti efnanna sem
maðurinn var tekinn með um 1,8
milljónir króna.
Samkvæmt bráðabirgðatölum
frá ríkislögreglustjóra lagði lög-
reglan og tollgæslan samanlagt
hald á 68 stykki af LSD á árinu
2006 og því er magnið sem maður-
inn var tekinn með um tífalt meira
en allt það sem var tekið í fyrra.
Samkvæmt upplýsingum frá rík-
islögreglustjóra hefur verið lagt
hald á 211 stykki af LSD á þessu
ári utan þess sem maðurinn var
tekinn með.
Þórarinn Tyrfingsson, yfirlækn-
ir á Vogi, segist finna fyrir auk-
inni neyslu LSD hjá þeim sem leita
sér hjálpar á sjúkrahúsinu. „Þessi
neysla er brokkgeng. Hún jókst
töluvert með tilkomu e-töflunnar
um aldamótin síðustu en dróst
verulega saman á síðustu tveimur
til þremur árum. Svo finnst mér
eins og að það sé að bætast í hana
núna. Þessi neysla er yfirleitt
tímabundin og yfirleitt tilrauna-
neysla. Maður sér ekki marga
LSD-ista. Til lengri tíma keppa
þessi efni ekki við sterku vímu-
efnin.“
Tekinn með tæplega
700 skammta af LSD
Sérsveit ríkislögreglustjóra handtók á fimmtudag karlmann á þrítugsaldri með
tæplega 700 skammta af LSD í fórum sínum. Auk þess fannst amfetamín í sölu-
umbúðum á manninum. Rúmlega tíu sinnum meira magn en tekið var í fyrra.
Hvorki Kýpur-Tyrkir né
Kýpur-Grikkir eiga von á því að
af sameiningu hinna tveggja
aðskildu hluta eyjunnar verði á
næstunni.
Samkvæmt skoðanakönnun,
sem gerð var á vegum Sameinuðu
þjóðanna, telja 57 prósent grískra
eyjarskeggja og 70 prósent
tyrkneskra eyjarskeggja litlar
líkur á samkomulagi í náinni
framtíð.
Eyjan hefur verið tvískipt frá
árinu 1974 þegar tyrkneski
herinn réðst þangað inn eftir að
Kýpur-Grikkir gerðu tilraun til
valdaráns og hugðust sameina
eyjuna Grikklandi.
Sjá enga lausn í
náinni framtíð
Séra Bjarni Karlsson, sóknar-
prestur í Laugarneskirkju, segist ekki svart-
sýnn á það að samstaða náist á prestastefnu í
dag um tillögu 42 presta og guðfræðinga þess
efnis að heimila hjónabönd samkynhneigðra.
Séra Geir Waage, sóknarprestur í Reykholti,
býst við miklum deilum um tillöguna.
Prestastefnan var sett á Húsavík í gær og í
dag fara fram umræður, meðal annars um til-
lögu prestanna fjörutíu og tveggja. Kynnt
verða endurskoðuð drög að ályktun kenningar-
nefndar þjóðkirkjunnar þar sem gert er ráð
fyrir að prestum verði heimilað að blessa sam-
vist samkynhneigðra, eins og gert hefur verið
á undanförnum árum, og er tillagan breyting-
artillaga við ályktunina, þar sem lagt er til að
gengið verði skrefi lengra og hjónabönd sam-
kynhneigðra heimiluð.
„Þetta er framtíðarmál, hvort sem þetta ger-
ist núna í einu skrefi eða ekki,“ segir Bjarni.
Hann segir ályktunardrög kenningarnefndar-
innar einnig skref í rétta átt. „Þar er því slegið
algjörlega föstu að það sé ekki skilningur
íslensku þjóðkirkjunnar að Biblían mótmæli
samkynhneigð.“ Bjarni segist ekki eiga von á
að tillaga kenningarnefndarinnar mæti mikilli
andstöðu.
Geir segist þó ekki geta tekið afstöðu til til-
lögunnar strax. „Hvernig um tillöguna verður
fjallað eða rætt, ræðst algjörlega af því hvern-
ig biskupinn leggur hana fram. Þeir vilja hins
vegar augljóslega búa til eitthvað sem heitir
hjónaband fólks af sama kyni og ég er þeirrar
skoðunar að það gangi ekki upp. Við breytum
ekki þeirri skikkan skaparans að það eru karl
og kona sem eiga í hjónabandi.“ Ákvörðun
prestastefnunnar verður síðan tekin fyrir á
kirkjuþingi í haust til samþykktar.
Lögreglan biður
afgreiðslufólk verslana að vera
vel á verði gagnvart fölsuðum
peningaseðlum. Nokkur tilvik þar
sem fölsuðum peningaseðlum
hefur verið komið í umferð hafa
verið tilkynnt til lögreglu að
undanförnu.
Oftast er um að ræða seðla sem
afgreiðslufólk tekur við en áttar
sig svo á seinna að eru heima-
gerðir.
Lögregla beinir því til starfs-
fólks verslana að skoða vel
pappír, vatnsmerki og segulrönd
peningaseðla.
Falsaðir pen-
ingar í umferð
Fulltrúar Framsóknar-
flokks í bæjarstjórn Grindavíkur
saka meirihluta Sjálfstæðisflokks
og Samfylkingar um óráð með því
að ráðast í smíði „hálfs“ íþrótta-
húss í bænum.
Framsóknarmenn vilja kanna
hvað kosti að byggja fjölnota
íþróttahús í fullri stærð. Óráð er
að byggja „hálft hús“ sem ekki
má stækka án þess að fyrir liggi
kostnaður á stærra húsi, segja
framsóknarmenn. Meirihlutinn
segir tillögu framsóknarmanna
yfirboð. Kostnað við fjölnota
íþróttahús í fullri stærð telur
meirihlutinn 500 til 600 milljónir
króna.
Heilt eða hálft
íþróttahús?
Karlmaður hefur verið
dæmdur í fimm mánaða fangelsi
fyrir að stórslasa annan með
bjórglasi. Dómurinn er skilorðs-
bundinn til þriggja ára.
Atvikið átti sér stað á Reyðar-
firði á síðasta ári. Maðurinn
kastaði bjórglasi í andlit annars
manns með þeim afleiðingum að
sá síðarnefndi hlaut langan skurð
sem náði frá nefi og niður á kinn.
Fórnarlambið krafðist skaða-
bóta að fjárhæð 574 þúsund
krónur. Niðurstaða dómsins var
sú, að manninum bæru 260
þúsund krónur. Að auki var
árásarmanninum gert að greiða
sakarkostnað.
Slasaði mann
með bjórglasi