Fréttablaðið - 25.04.2007, Síða 10

Vinnueftirlit ríkisins stöðvaði í gær
vinnu í aðrennslisgöngum Kárahnjúkavirkjunar
sökum loftmengunar. Ekki verður unnt að hefja vinnu
á ný fyrr en í fyrsta lagi á föstudag þegar starfsmenn
frá Vinnueftirlitinu hafa rannsakað aðstæður.
Fram kom í samtali Þorsteins Njálssonar, læknis á
Kárahnjúkum, við Fréttablaðið í gær að tvívegis í
síðustu viku hefðu menn komið úr göngunum með
veruleg eitrunareinkenni vegna loftmengunar, fjórir
í hvort skipti. Þá veiktust fjörutíu starfsmenn verk-
takafyrirtækisins Impregilo fyrir helgi og voru
óvinnufærir vegna uppkasta og niðurgangs. Talið er
að matareitrun sem rekja megi til óhreininda í göng-
unum hafi valdið veikindunum.
Þorvaldur Hjarðar hjá Vinnueftirlitinu á Austur-
landi segir ekkert hafa komið í ljós enn. „Það var
bara mat Vinnueftirlitsins að öryggi starfsfólks væri
ógnað og því stöðvuðum við vinnuna. Læknum hér á
svæðinu og á Egilsstöðum hafa borist kvartanir
vegna sýkinga frá starfsmönnum sem hafa verið í
göngunum og við ákváðum að taka enga áhættu. Á
fimmtudaginn munu efnaverkfræðingur og fagstjóri
frá Vinnueftirlitinu kom austur og skoða aðstæður og
hvað þarf að gera. Síðan þarf verktakinn væntanlega
að fara í eitthvað úrbótaferli.“
Hann telur snefilefni frá dísilknúnum vinnuvélum
líklegustu orsök loftmengunarinnar, sem hefur vald-
ið starfsmönnum andþyngslum og sviða í hálsi.
Ómar R. Valdimarsson, talsmaður Impregilo á
Íslandi, segir ekki ljóst hvenær hægt verði að hefja
vinnu aftur, eða hversu mikið tap verði af vinnustöðv-
uninni. „Það hefur ekki verið reiknað enda er það
algjört aukaatriði. Það skiptir okkur mestu máli að
öllum líði vel í vinnunni.“ Ómar segir að það fari eftir
umfangi lagfæringanna sem þarf að gera hvenær
hægt verði að opna göngin á ný. Þegar sé byrjað að
skoða hvar best sé að koma fyrir fleiri viftum til að
hreinsa loftið.
Í yfirlýsingu sem Impregilo sendi frá sér í gær
segist fyrirtækið harma veikindi starfsmanna sinna.
Vandamálið sé nýtilkomið og að breyttar eðlisfræði-
legar aðstæður valdi því að mengun geti farið yfir
viðmiðunarmörk á afmörkuðum stöðum inni í göng-
unum.
Öryggi ógnað og
vinna stöðvuð
Vinnueftirlitið stöðvaði vinnu í aðrennslisgöngum Kárahnjúkavirkjunar vegna
mengunarhættu. Átta leituðu til læknis í síðustu viku vegna andþyngsla. Fjöru-
tíu veiktust fyrir helgi vegna eitrunar. Óvíst er hvenær vinna hefst að nýju.
Borgaryfirvöld hafa
ákveðið að efna til málþings um
Kvosina og uppbyggingu þess
svæðis sem eyðilagðist í brunan-
um í síðustu viku. Hugmyndin að
málþinginu kom fram hjá félagi
arkítekta en borgarstjóri hefur
falið Jóni Kristni Snæhólm,
aðstoðarmanni borgarstjóra,
Svanhildi Konráðsdóttur, svið-
stjóra menningar-og ferðamála-
sviðs og Kristínu A. Árnadóttur,
skrifstofustjóra á skrifstofu
borgarstjóra, að hafa umsjón
með þinginu.
Jón Kristinn segir að á mál-
þinginu geti borgarbúar viðrað
skoðanir sínar varðandi uppbygg-
inguna. „Þarna verða fluttir
fyrirlestrar og að því loknu verða
umræður þar sem fyrirspurnum
verður svarað,“ segir Jón.
Það er vilji borgaryfirvalda að
kaupa lóðirnar á Lækjargötu 2 og
Austurstræti 22 og byggja húsin
upp í upprunalegri mynd. Við-
ræður milli borgaryfirvalda og
eigenda lóðanna eru að hefjast og
óvíst er hve lengi þær munu
standa.
Einar Jóhannes Ingason, einn
eigenda skemmtistaðarins
Pravda, vonast til þess að fá að
hefja rekstur að nýju á sama stað.
„Það er okkar vilji að vera hérna
áfram. Það er erfitt að horfa upp
á verðmæti sín brenna og sárt ef
það á að taka af okkur reksturinn
ofan á það,“ segir Einar en verði
húsin byggð í upprunalegri mynd
er ólíklegt að skemmtistaður á
borð við Pravda fái þar inni.
Borgin vill kaupa lóðirnar
Taktu þátt í leik á spron.is fyrir 1. maí og þú
gætir unnið ferð fyrir tvo til Helsinki
og verið með í fylgdarliði Eiríks.
Fylgstu með á spron.is
EUROVISION
MEÐ EIRÍKIFERÐ ÞÚ
TIL HELSINKI?
AR
GU
S
07
-0
28
9
EUROVISION-UPPHITUN SPRON
Stefán Kjærnested, for-
svarsmaður Húsaleigu ehf., sendi í
gær frá sér tilkynningu um að félag-
ið hefði falið lögmönnum sínum að
höfða mál á hendur dægurþættin-
um Íslandi í dag vegna meiðyrða.
Tilefnið er umfjöllun þáttarins á
mánudaginn um aðbúnað erlendra
verkamanna hér á landi. Í tilkynn-
ingunni segir að forsvarsmenn
félagsins hafi ítrekað reynt að koma
á framfæri ábendingum við Ísland í
dag vegna málsins, en talað fyrir
tómum eyrum.
Í áskorun sem lögmaður félags-
ins sendi Steingrími Sævari Ólafs-
syni, ritstjóra Íslands í dag, er skor-
að á þáttinn að hætta við
áframhaldandi umfjöllun um Húsa-
leigu ehf. og forsvarsmenn þess til
að baka sér ekki auknar refsi- og
skaðabótakröfur í fyrirhuguðu
dómsmáli.
Steingrímur Sævarr segir það
alrangt að forsvarsmönnum Húsa-
leigu ehf. hafi ekki gefist kostur á
að koma athugasemdum sínum á
framfæri í þættinum. „Þátturinn
hefur staðið Stefáni opinn og stend-
ur honum opinn. Við höfum ítrekað
reynt að fá hann til að tjá sig um
þessi mál í þættinum en hann hefur
alltaf hafnað því. Þess vegna kom
þessi yfirlýsing okkur mjög á óvart.
En að sjálfsögðu stöndum við við
allt það sem við höfum verið að
segja og höldum áfram með málið.“
Ætlar í mál við Ísland í dag