Fréttablaðið - 08.08.2007, Blaðsíða 42

Íslenskt stjórnborð
Íslenskar leiðbeiningar
Stórt hurðarop
20 ára ending
Eirvík kynnir
sportlínuna frá Miele
AFSLÁTTUR
30%
Miele gæði
ÞVOTTAVÉL frá kr. 99.900
Sigfús Páll Sigfússon,
leikmaður Fram, bíður eftir niður-
stöðu í viðræðum við Val en hann
vonast til að ganga til liðs við
Íslandsmeistarana sem fyrst. Sig-
fús staðfesti þetta við Fréttablaðið
í gær en vildi annars lítið tjá sig
um málið. „Valur og Fram eiga að
leysa þetta, ég er ekkert að skipta
mér að þessu, það er ekki beint
mitt mál að leysa málið,“ sagði Sig-
fús í gær. Hann hefur ekki mætt á
æfingu hjá Fram eftir sumarfrí en
æfir einn í staðinn. Hann er orðinn
langþreyttur á málinu.
„Þetta er búið að taka dágóðan
tíma og auðvitað er þetta leiðin-
legt,“ sagði miðjumaðurinn sem
tók þó fram að hann gæti stundað
golf af meiri móð en áður, sér til
ánægju.
Valur bauð í Sigfús fyrr í sumar
en því tilboði var snarlega hafnað.
Valsarar fengu þau skilaboð að til-
boðið væri alltof lágt. Jón Eggert
Hallsson, formaður handknatt-
leiksdeildar Fram, sagði við Frétta-
blaðið í gær að síðan þá hefði ekk-
ert tilboð borist frá Val. Framarar
vilja að Sigfús mæti á æfingar hjá
félaginu. „Við erum óánægðir með
að hann mæti ekki á æfingar. Þetta
er líka mjög slæmt fyrir hann
sjálfan, hvar svo sem hann spilar
næsta vetur. Mér finnst það vera
áhyggjuefni að hann sé að missa
af undirbúningstímabilinu, hann
þarf að undirbúa sig eins og aðrir,“
sagði Jón.
Hann segist jafnframt ekkert
vita af hverju Sigfús vilji yfirgefa
félagið. „Ég hefði áhuga á að heyra
það líka. Hann hefur ekkert viljað
tala við mig, ég veit ekki af hverju
og skil þetta hreinlega ekki,“ sagði
Jón, sem segir Sigfús ekki tilbúinn
til að mæta á fundi með sér. Sigfús
sagðist hafa mætt á einn fund
vegna málsins.
„Hann neitar að mæta á fundi
og sendir foreldra sína eða lög-
fræðing þess í stað. Við höfum átt
ótalmarga fundi með þeim en ekki
fengið nein gild rök fyrir því af
hverju hann vill fara,“ sagði for-
maðurinn sem játti því að fleiri lið
á Íslandi hefðu spurst fyrir um
Sigfús.
Jón viðurkennir að Framarar
séu byrjaðir að undirbúa sig undir
það að Sigfús spili ekki með liðinu
á komandi tímabili. „Hann er að
minnsta kosti samningsbundinn
okkur en við erum farnir að skoða
í kringum okkur ef að svo fer sem
horfir að hann spili ekkert, við
erum með plan B,“ sagði Jón en
Framarar eru að skoða útlend-
ingamál þessa dagana.
Sigfús Páll Sigfússon vonast til að ganga í raðir Vals frá Fram. Hann vill ekki segja af hverju hann mætir
ekki á æfingar hjá Safamýrarfélaginu sem leitar arftaka hans. Viðræðum Fram og Vals miðar hægt áfram.
Birgir Leifur Hafþórsson
skýtur mönnum eins og Colin
Montgomerie, Sergio Garcia og
Padraig Harrington ref fyrir rass
þegar tölfræði yfir hittnar flatir á
Evrópumótaröðinni er skoðuð.
Birgir er þar í 20. sæti með 13,1
flöt af 18 að meðaltali hitta á
hverjum hring. Angel Cabrera er
efstur með 14,2 flatir hittnar.
Birgir slær að meðaltali 71,44
högg að meðaltali á hring og er í
72 sæti, hann hittir 61,8 prósent
flata og er í sæti númer 96 en er
neðarlega með pútt á hring, 30,6
talsins í 148. sæti.
Birgir er í 181. sæti á mótaröð-
inni sjálfri en til að öðlast
áframhaldandi þátttökurétt þarf
hann að vera í sæti númer 115 eða
ofar.
Í 20. sæti yfir
hittnar flatir
Ólafur Örn Bjarnason
sagði í samtali við norska
fjölmiðla um helgina að hann
teldi helmingslíkur á að hann yrði
áfram hjá Brann. Fyrr í sumar
sagði hann að hann myndi
örugglega fara en hann segir nú
að málið sé undir Brann komið.
„Ef Brann kemur með áhuga-
vert samningstilboð gæti vel
verið að ég yrði áfram. Við
munum örugglega setjast niður
og ræða málin en eins og þetta
blasir við mér eru helmingslíkur
á að ég verði áfram og helmings-
líkur á að ég fari,“ sagði Ólafur
Örn um framtíð sína.
Helmingslíkur að ég fari
Miðjumaðurinn Igor
Pesic hefur yfirgefið herbúðir
Fram. Hann lék níu leiki með lið-
inu í deildinni og brenndi meðal
annars af tveimur vítaspyrnum.
Ríkharður Daðason, formaður
meistaraflokksráðs Fram, sagði
við Fréttablaðið í gær að Pesic
hefði ollið nokkrum vonbrigðum
í sumar en málið hefði verið
leyst í fullkomnu jafnvægi milli
aðila. Túlkunaratriði á samningi
Pesic, sem féll honum ekki í
skap, var síðasta hálmstráið í
ákvörðun hans um að fara.
„Hann var pirraður á gengi
liðsins, eins og aðrir, auk þess
sem honum fannst hann ekki
spila eins vel og hann á að geta.
Hann tekur leikinn alvarlega,
enda atvinnumaður á Íslandi, en
það hefur verið þungt í honum í
einhvern tíma. Þá þurfti ekki
mikið til og smáatriði í samningi
hans sem hann var ósáttur með
byrjaði umræðu hvort hann ætti
ekki bara að fara,“ sagði Rík-
harður.
„Gengi liðsins í sumar hefur
valdið vonbrigðum og hann er
engin undantekning. Við teljum
okkur ráða við að missa hann og
pirringur hans var farinn að
dreifa úr sér. Því var þetta niður-
staðan og við ætlum að þjappa
hópnum enn betur saman í stað-
inn. Ekki veitir af enda erum við
komin í slæm mál,“ bætti Rík-
harður við.
Ólafur Þórðarson, þjálfari
Fram, segir vont að missa leik-
mann úr hópnum. „Það er ekki
gott að missa leikmenn í þessum
slag sem við erum í en svona er
þetta. Óánægðir leikmenn eru
samt engin viðbót fyrir okkur.“
Fram fékk á dögunum til sín
tvo leikmenn, Henrik Eggerts og
Henry Nwosu. Þrír erlendir leik-
menn eru fyrir hjá Fram, Alex-
ander Steen, Hans Mathiesen og
Patrik Redo. Fram er í níunda og
næstneðsta sæti Landsbanka-
deildarinnar með átta stig. Það
fær ÍA í heimsókn í deildinni
annað kvöld.
Kominn með nóg
og heldur heim