Fréttablaðið - 01.11.2007, Page 35

Náttúrusteinar á gólf og veggi hafa notið
vinsælda um nokkurt skeið. Þeirra á meðal
fjörusteinar sem verða sífellt eftirsóttara skraut
á heimilið.
„Þetta eru alvöru fjörusteinar, vel slípaðir eftir að
hafa velkst um í sjónum, sem setja skemmtilega
sjávarstemningu á heimilið,“ segir Sigurður Vil-
helmsson, framkvæmdastjóri Vídd flísaverslunar,
sem flytur inn steinamottur frá Spáni og Ítalíu.
Steinarnir eru fáanlegir í nokkrum litaafbrigðum,
meðal annars hvítum, svörtum og grábeisuðum, og
eru mjúkir viðkomu gagnstætt því sem ætla mætti,
enda búnir að slípast vel í sjónum.
Að sögn Sigurðar henta steinarnar nánast hvar
sem er á heimilinu, þótt flestir kaupi þá fyrir sturtu-
botninn. „Þá má nota sem skraut hvar sem er. Ég
veit um mann sem notaði steinana í eldhúsið hjá sér.
Nú eða mann sem setti hvítan stein í heitan pott hjá
sér. Tónninn varð blár út af vatninu og kom vel út.“
Sigurður segir lítið mál að leggja steinana. „Ég
treysti handlögnum einstaklingum til verksins og
vísa nú bara til Steingríms Hermannssonar sem var
ekki bara stjórnmálamaður heldur líka góður smiður.
Steinarnir eru á mottum sem límast á flötinn með
svipuðum hætti og flísar og auðvelt að sníða þær til
með því að saga af þeim. Að sama skapi er auðvelt að
taka steinana burt, fái maður til dæmis leiða á þeim.
Þá er bara gripið til gamla góða múrhamarsins.“
Sigurður bætir við að auk þess að vera flott skraut
séu steinarnir mjúkir viðkomu eins og áður sagði og
hæðarmunur þeirra svo lítill að ekki ætti að vera
hætta á að hrasa um þá. „Svo getur verið gott að bera
steinvaraefni á steinana eftir að búið er að leggja þá,
fúga og hreinsa. Þá skerpist liturinn og steinninn er
betur vatnsvarinn. Það dregur úr söfnun óhreininda,
sem veldur því aftur að steinninn verður bæði ljótari
og sleipari með tímanum.“
Nánari upplýsingar um fjörusteinana má fá í versl-
uninni Vídd í Bæjarlind 4, Kópavogi.
Fjörusteinar heim í stofu
Hringdu í síma
ef blaðið berst ekki
Salerni með
hæglokandi setu
kr. 9.900.-
Skútuvogi 4 - s. 525 0800
Baðdeild Álfaborgar