Fréttablaðið - 19.12.2007, Blaðsíða 4

MARKAÐURINN 19. DESEMBER 2007 MIÐVIKUDAGUR4
F R É T T I R
Jón Aðalsteinn Bergsveinsson
skrifar
Alþjóðagjaldeyrissjóðurinn mun
á næstunni lækka hagvaxtarspá
sína fyrir helstu lönd á næsta
ári, að sögn aðalhagfræðings
sjóðsins. Vanskilaaukningu á
bandarískum undirmálsmarkaði
í Bandaríkjunum og lausafjár-
krísunni, sem legið hefur líkt og
mara á helstu fjármálamörkuð-
um í kjölfarið, er um að kenna.
Simon Johnson, aðalhag-
fræðingur Aðalgjaldeyrissjóðs-
ins, segir í samtali við sviss-
neska viðskiptablaðið Finanz
und Wirtschaft í vikubyrjun, að
miðað við fyrirliggjandi hagvísa
sé útlit fyrir lægri hagvöxt víða
um heim á næsta ári og muni
meðaltalið færast úr 5,2 prósent-
um í 4,8 prósent. Hagtölurnar
færast niður í flestum löndum.
Öðru máli gegnir hins vegar um
nýmarkaði landa á borð við Mex-
íkó, Afríku, Indland og Kína en
þar er búist við að hagvöxtur
aukist á næsta ári. Reiknað er
með að þessir markaðir haldi
meðalhagvexti í heiminum uppi
á næsta ári en það heyrir til al-
gjörra nýjunga.
Sjóðurinn endurskoðaði hag spá
sína fyrir árið í júlí. Þar var
nær undantekningalítið dregið úr
hagvaxtarhorfunum. Inn í spil-
aði lausafjárkrísan og verðhækk-
un á raforkuverði líkt og nú. Það
sama var uppi á teningnum í síð-
asta mánuði og má reikna með að
leikurinn endurtaki sig í byrjun
næsta árs. „Við munum hvorki
geta staðið við spá okkar um 1,9
prósenta hagvöxt í Bandaríkjun-
um á næsta ári né 2,1 prósenta
vöxt í Evrópu,“ segir Johnson í
samtali við blaðið. Hann bendir
hins vegar á að endanlegar tölur
líti ekki dagsins ljós fyrr en í
janúar.
Johnson segir sömuleiðis að
verðbólga hafi aukist í flestum
löndum heims auk þess sem
nokkrir gjaldmiðlar séu of
sterkir. Þar á meðal sé Banda-
ríkjadalur, sem sé hár þótt hann
hafi lækkað nokkuð síðastliðin
fimm ár. Sama máli gegni um
olíuverð sem staðið hefur í met-
hæðum upp á síðkastið. Alþjóða-
gjaldeyrissjóðurinn vill sjá olíu-
tunnuna fara niður í á bilinu 60
til 70 dali á tunnu í stað þess að
voma í kringum 90 dali og meira
líkt og nú, að sögn Johnsons.
© GRAPHIC NEWS
Spá minni hag-
vexti á nýju ári
Útlit er fyrir að hagvöxtur dragist saman víða um heim á
næsta ári. Nýmarkaðir í Asíu halda meðaltalinu uppi.
H O R F U R Á M I N N I H A G V E X T I Á H E I M S V Í S U
Reiknað er með því að lausafjárkreppan sem farið hefur sem eldur um sinu á fjármálamörkuðum
víða um heim valdi því að hagvöxtur fari úr 5,2 prósentum á þessu ári í 4,8 prósent á því næsta.
Þá er gert ráð fyrir því að nýmarkaðir á borð við Kína og Indland haldi meðaltalinu upp í stað
Bandaríkjanna, Evrópu og Japan. Staða sem þessi hefur aldrei áður komið upp.
John Thain, fyrrum forstjóri
bandarísk-evrópsku kauphallar-
samstæðunnar NYSE Euronext,
hefur ákveðið að taka til hendinni
innan veggja bandaríska fjárfest-
ingabankans Merrill Lynch eftir
að hann hóf þar störf um mánaða-
mótin síðustu.
Bandaríska viðskiptasjón-
varpsstöðin CNBC segir Thain
hafi fyrirskipað niðurskurð á
bónusgreiðslum starfsmanna í ár
og muni þeir sem hlutdeild eigi í
taprekstri bankans upp á síðkast-
ið verða af háum upphæðum.
Bankinn tapaði 2,24 milljörðum
dala, jafnvirði rúmra 143 millj-
arða íslenskra króna, á þriðja
ársfjórðungi, sem að mestu er til-
komið vegna afskrifta á skulda-
bréfavafningum sem tengjast
bandarískum undirmálslánum.
Verðmæti þeirra hefur rýrnað
eftir því sem vanskil hafa auk-
ist á bandarískum fasteignalána-
markaði upp á síðkastið auk þess
sem gengi bankans hefur fallið
um 40 prósent á tímabilinu.
Ef litið er yfir meðaltalið munu
bónusarnir skerðast um 40 pró-
sent á línuna. Þeir sem sinna
gjaldeyrisviðskiptum verða af 20
prósentum en veðlána- og skulda-
vafningadeildin, sem stærstan
þátt á í afskriftunum, verður að
horfa á eftir 60 prósenta niður-
skurði á bónusgreiðslunum. - jab
Vöndur á lofti innan
veggja Merrill Lynch
Stjórnendur evrópska flug-
félagsins Air France-KLM
lögðu um helgina fram óbind-
andi yfirtökutilboð í ítalska flug-
félagið Alitalita. Flugfélagið er
ekki eitt um hituna því ítalska
flugfélagið Air One hefur sömu-
leiðis áhuga. Talsverðu munar á
tilboðunum. Þannig hljóðar til-
boð Air One upp á eina evru á
hlut, jafnvirði rúmrar 91 krónu, á
meðan Air France-KLM bauð 35
evrusent. Gengi hlutabréfa í Ali-
talia féll um rúm þrettán prósent
eftir fréttirnar á mánudag.
Air France-KLM ætlar að auka
hlutafé Alitalita um 750 millj-
ónir evra, tæpa 69 milljarða ís-
lenskra króna, hið minnsta í því
augnamiði að styrkja flugflot-
ann. Ítölsk dagblöð hafa þvert
á móti haldið því fram að fyrir
liggi uppsagnir allt að 1.700
manns. Það er hins vegar ekki á
dagskrá, að sögn stjórnenda Air
France-KLM.
Alitalia, sem ítalska ríkið á
tæpan helming í, hefur átt við
viðvarandi rekstrarvanda að
stríða og og tapar rúmri milljón
evra á degi hverjum. - jab
Framtíð Alitalia skýrist senn
Halli á vöruskiptum dróst saman
um 5,5 prósent í Bandaríkjun-
um á þriðja ársfjórðungi og nam
á tímabilinu 178,5 milljörðum
dala, jafnvirði 11.300 milljarða
íslenskra króna, samkvæmt upp-
lýsingum bandaríska viðskipa-
ráðuneytisins.
Þetta er mun minna en menn
gerðu ráð fyrir en svo lágar halla-
tölur hafa ekki sést vestanhafs í
tvö ár. Menn vona nú að botnin-
um sé náð og draga muni úr hall-
anum á næstunni, að sögn frétta-
stofunnar Associated Press.
Fréttastofan bendir á að vöru-
skiptahallinn hafi aukist jafnt
og þétt síðastliðin fimm ár og
hafi staðið í methæðum þar til
á öðrum ársfjórðungi. Hagfræð-
ingar hafa engu að síður spáð því
að draga muni úr vöruskiptahall-
anum á seinni hluta ársins sam-
hliða lækkun á gengi Bandaríkja-
dalsins. Það virðist hafa gengið
eftir, að sögn Associated Press
en gengi dalsins hefur blásið í
útflutning til annarra landa en
dregið úr innflutningi. - jab
Dregur úr vöruskiptahalla
INNFLUTTAR VÖRUR VESTANHAFS
Heldur hefur dregið úr innflutningi til
Bandaríkjanna sökum lágs gengis gagnvart
öðrum myntum. MARKAÐURINN/AFP
Í þeim taugatitringi sem
verið hefur á fjármála-
mörkuðum heimsins sjá
menn ýmis teikn á lofti í
undarlegustu hlutum. Í
The New York Times
segir að minnkandi sala
á kvenfatnaði fyrir þessi
jól sýni að kreppan sé rétt
handan við hornið í Banda-
ríkjunum.
Einkaneysla er það
sem keyrir bandaríska
hagkerfið áfram og
einn af hornsteinum
einkaneyslunnar er
sala á kvennfatnaði.
New York Times segir að salan
á kvenfatnaði fyrir þessi jól hafi
valdið miklum vonbrigð-
um og það fái aðvörunar-
bjöllurnar til að hringja.
Samkvæmt upplýsingum
frá MasterCard er salan
á kvenfatnaði í Bandaríkj-
unum um sex prósentum
minni fyrir þessi jól en þau
síðustu. Greinendur segja
að þetta skýrist eink-
um af almennum sam-
drætti í hagkerfinu og
að konur hafi ekki eins
mikið fé á milli hand-
anna og áður. - ss
Kvenföt valda ólgu
FORSTJÓRINN Í JÓLATILTEKT John
Thain, forstjóri Merrill Lynch, er sagður
ætla að lækka bónusgreiðslur starfsmanna
eftir afskriftir og tap hjá bankanum upp á
síðkastið. MARKAÐURINN/AFP
FORSTJÓRINN TALAR Jean-Cyril Spinetta
Forstjóri Air France-KLM, sem vill kaupa
skulduga flugfélagið Alitalia. MARKAÐURINN/AFP