Fréttablaðið - 17.02.2008, Síða 96

24 17. febrúar 2008 SUNNUDAGUR
sport@frettabladid.is
Hinn bráðefnilegi Björn Bergmann Sigurðarson, tæplega
17 ára gamall framherji ÍA, stimplaði sig heldur betur inn í
Landsbankadeild karla síðasta sumar með Skagaliðinu. Í lok
tímabilsins átti hann þó við þrálát nárameiðsli að etja sem
hafa haldið honum utan vallar meira og minna síðan þá.
„Ég var að spila hálfmeiddur í lok síðasta sumars
með ÍA og verkurinn í náranum fór bara versnandi
eftir því sem ég spilaði meira. Síðan þegar ég var
að fara að spila með U-19 ára landsliðinu þá var ég
alveg ónýtur í náranum og þurfti að hætta alveg. Mér
var svo í framhaldinu ráðlagt að hvíla neðri hluta skrokks-
ins en þjálfa og lyfta með efri hlutanum og þetta gerði
ég í þrjá mánuði án þess að finna miklar framfarir,“
sagði Björn Bergmann, sem fór á dögunum í tíu daga
ferð til Hollands þar sem hann var í stífri sjúkraþjálf-
un og endurhæfingu.
„Læknarnir í Hollandi voru mjög ósáttir með
að ég hafði ekki verið að lyfta með neðri hluta
skrokksins líka og sögðu að ákveðið ójafnvægi
væri komið á efri og neðri hluta skrokksins. Ég var í mjög stífri
þjálfun hjá þeim frá níu til fjögur flesta dagana sem ég var úti og
þeir nudduðu mig og teygðu á mér og létu mig fara í jóga. Ég var
hættur að finna verkinn eftir þriggja daga meðferð, sem er alveg
ótrúlegt og þetta hljóta bara að vera einhverjar töfralækning-
ar hjá Hollendingunum,“ sagði Björn Bergmann, sem fékk
æfingaáætlun fyrir næstu þrjár vikurnar áður en hann snýr
aftur til Hollands til þess að fara í lokaskoðun.
„Ég þarf núna að æfa neðri hluta skrokksins á fullu
til að vinna upp það sem ég hefði átt að vera búinn að
þjálfa og fá þar með jafnvægi í þetta. Ég fer svo aftur til
Hollands í byrjun mars til þess að fá grænt ljós á að byrja
að æfa á fullu á ný,“ sagði Björn Bergmann, sem er mjög
spenntur að fara að æfa aftur með ÍA.
„Það er kominn hugur í menn að byggja ofan á gott
gengi liðsins síðasta sumar og ég get ekki beðið eftir
því að fara að æfa á fullu og keppa. Ég er eiginlega bara
svekktur yfir því að hafa ekki farið strax út til Hollands þegar ég
meiddist,“ sagði Björn Bergmann að lokum.
BJÖRN BERGMANN SIGURÐARSON, ÍA: ER ALLUR AÐ KOMA TIL EFTIR AÐ HAFA GLÍMT VIÐ ÞRÁLÁT NÁRAMEIÐSLI
Sannkallaðir töfralæknar sem ég hitti í Hollandi
> Búið að draga í riðla fyrir EM 2009
Dregið var í riðla fyrir Evrópumót
landsliða karla og kvenna í körfubolta
árið 2009 í Feneyjum á Ítalíu í gær.
Karlalandslið Íslands leikur í B-deild
í riðli með Hollandi, Austurríki,
Danmörku og Svartfjallalandi.
Kvennalandslið Íslands leikur
einnig í B-deild og er í sex liða
riðli með Slóveníu, Hollandi,
Sviss, Svartfjallalandi og Írlandi.
Leikið verður heima og að heiman hjá
bæði körlunum og konunum og byrj-
ar ballið í september næsta haust og
lýkur haustið árið 2009.
N1-deild karla:
HK-Akureyri 26-26 (14-12)
Mörk HK (skot): Ragnar Hjaltested 9/4 (12/6),
Augustas Strazdas 5 (7), Tomas Etutis 5 (9), Ólaf-
ur Bjarki Ragnarsson 2 (3), Gunnar Steinn Jóns-
son 2/1 (7/2), Arnar Þór Sæþórsson 1 (1),Sergey
Petraytis 1 (2), Sigurgeir Árni Ægisson 1 (2).
Varin skot: Björn Ingi Friðþjófsson 13 (30/1),
43%, Egidijus Petkevicius 1 (10), 10%.
Hraðaupphlaupsmörk: 1 (Ragnar).
Fiskuð víti: 8 (Augustas 3, Ragnar 2, Sergey,
Gunnar Steinn, Arnar Þór).
Utan vallar: 6 mínútur.
Mörk Akureyrar (skot): Einar Logi Friðjónsson
7 (14), Magnús Stefánsson 6 (11), Goran Gusic
4/1 (6/1), Heiðar Þór Aðalsteinsson 3 (3),
Nikolaj Jankovic 2 (4), Björn Óli Guðmundsson
2 (5), Hörður Fannar Sigþórsson 1 (1), Ásbjörn
Friðriksson 1 (3).
Varin skot: Sveinbjörn Pétursson 15/1 (38/7),
39%, Arnar Sveinbjörnsson 0 (3/1), 0%.
Hraðaupphlaupsmörk: 2 (Einar Logi 2).
Fiskuð víti: 1 (Magnús).
Utan vallar: 8 mínútur.
ÍBV-Stjarnan 34-33 (17-15)
N1-deild kvenna:
Fram-Haukar 35-30 (18-11)
Mörk Fram (skot) : Stella Sigurðardóttir 7/4
(12/4), Sigurbjörg Jóhannsdóttir 5 (8), Annett
Köbli 4/1 (4/1), Pavla Nevarilova 4 (7), Marthe
Sördal 3 (3), Karen Knútsdóttir 3 (4), Ásta Birna
Gunnarsdóttir 3 (4), Þórey Rósa Stefánsdóttir 3
(6), Hildur Knútsdóttir 1 (1), Sara Sigurðardóttir 1
(2), Guðrún Þóra Hálfdánardóttir 1 (2)
Varin skot : Kristina Kverdarine 17/0 42/5) 40%,
Karen Einarsdóttir 1/0 (6/1) 16%
Hraðaupphlaup : 8 (Karen Knútsdóttir 3, Ásta
Birna 2, Marthe 2, Pavla)
Fiskuð víti : 5 (Pavla 2, Ásta Birna, Marthe,
Stella)
Utan vallar : 10 mínútur
Mörk Hauka : Ramune Pekarskyte 13/6 (17/6),
Inga Fríða Tryggvadóttir 4 (5), Nína Kristín
Björnsdóttir 3 (6), Hind Hannesdóttir 3 (6),
Harpa Melsted 3 (7), Erna Þráinsdóttir 3 (8),
Sandra Stojkovic 1 (5)
Varin skot : Latima Miliauskaite 4/0 (20/1) 20%,
Bryndís Jónsdóttir 11/0 (30/4) 36%
Hraðaupphlaup : 1 (Harpa)
Fiskuð víti : 6 (Inga Fríða 2, Harpa, Hind, Erna,
Sigrún Brynjólfsdóttir)
Utan vallar : 6 mínútur
Grótta-HK 26-33
Markahæstar hjá Gróttu: Anna Úrsúla
Gumundsdóttir 5, Auksé Vysniauskaite 5,
Karolína Gunnarsdóttir 5, Ragna Karen Sigurð
ardóttir 5.
Markahæstar hjá HK: Natalia Ceplonuska 12,
Arna Sif Pálsdóttir 6, Jóna S. Halldórsdóttir 5.
FH-Stjarnan 20-24
ÚRSLITIN Í GÆR
HANDBOLTI HK og Akureyri skildu
jöfn 26-26 í miklum baráttuleik í
N1-deild karla í gærdag.
Það var í raun og veru fátt sem
gladdi augað í fyrri hálfleik í
Digranesi í gær. Leikurinn var
hægur og liðunum gekk illa að
keyra hraðaupphlaup. Leikmenn
liðanna verða hins seint sakaðir
um að berjast ekki. Gestirnir frá
Akureyri ætluðu greinilega að
selja sig dýrt og tóku fast á HK-
mönnum og fengu fyrir vikið þrí-
vegis tveggja mínútna brottvísan-
ir í fyrri hálfleik.
Leikurinn var í járnum nær
allan fyrri hálfleikinn en staðan
var jöfn 5-5 þegar stundarfjórð-
ungur var liðinn af leiknum. Akur-
eyringar skoruðu þá tvö mörk í
röð og voru skrefinu á undan HK-
liðinu sem virkaði hálf áhugalaust.
Á síðustu fimm mínútum fyrri
hálfleiks tóku heimamenn þó við
sér og skoruðu tvö síðustu mörkin
í fyrri hálfleik og breyttu stöðunni
í 14-12. Ragnar Hjaltested var líf-
legur í HK-liðinu og skoraði fimm
mörk í fyrri hálfleik en Akureyr-
ingar gátu helst þakkað markverði
sínum, Sveinbirni Péturssyni,
fyrir að vera enn að fullu inni í
leiknum en hann varði ellefu skot
í fyrri hálfleik.
HK byrjaði seinni hálfleikinn af
miklum krafti og sýndi loks sitt
rétta andlit með hröðu spili. Stað-
an var orðin 20-15 eftir tíu mínút-
ur og flest benti til þess að heima-
liðið myndi sigra auðveldlega. Það
vantaði neistann í Akureyrarliðið
og markvarslan var engin fyrsta
stundarfjórðunginn. Akureyring-
ar náðu sér þó aftur á strik eftir að
hafa tekið leikhlé til að fara yfir
stöðuna og fóru aftur að berjast af
sama krafti og í byrjun leiks. HK-
liðið hélt eflaust að sigurinn væri í
höfn þegar staðan var 26-23 og
fimm mínútur eftir en Akureyr-
ingar höfðu ekki sagt sitt síðasta
orð og skoruðu þrjú síðustu mörk
leiksins og jöfnuðu 26-26. Akur-
eyringar voru enn fremur óheppn-
ir að taka ekki bæði stigin í lok
leiksins þegar Goran Gusic skor-
aði á lokasekúndunum en markið
var dæmt af þar sem endurtaka
þurfti innkast og þar við sat.
Sævar Árnason, þjálfari Akureyr-
ar, var ánægður með baráttuna
hjá sínum mönnum.
„Ég get ekki verið annað en sátt-
ur með stigið miðað við hvernig
leikurinn þróaðist. Við byrjuðum
alveg hræðilega í seinni hálfleik
og engin markvarsla var framan
af. Liðið sýndi mikinn karakter að
koma til baka eins og það gerði og
taka stigið og mér finnst vera
ákveðinn stígandi í okkar leik í
vetur og við verðum bara að halda
áfram að bæta okkur,“ sagði
Sævar.
Ragnar Hjaltested, hornamaður
HK, var ósáttur með að lið sitt
missti leikinn niður í jafntefli.
„Við vorum með þetta í höndum
okkar og það eru gríðarleg von-
brigði að klúðra þessu stigi. Við
hættum bara síðasta stundarfjórð-
unginn og hleyptum þeim inn í
leikinn eftir góða byrjun á seinni
hálfleik,“ sagði Ragnar.
omar@frettabladid.is
Akureyri barðist fyrir stigi
HK og Akureyri skildu jöfn, 26-26, í N1-deild karla í gærdag. Allt stefndi í sigur
HK en baráttuglaðir Akureyringar skoruðu þrjú síðustu mörkin og náðu stigi.
ÖFLUGUR Ragnar Hjaltested, hornamaður HK, átti góðan leik gegn Akureyri í Digra-
nesi í gær og skoraði níu mörk. Hér reynir Akureyringurinn Heiðar Þór Aðalsteinsson
að stoppa hann. FRÉTTABLAÐIÐ/ARNÞÓR
HANDBOLTI Fram vann góðan 35-30
sigur á liði Hauka í Framhúsinu í
Safamýri í gær og eru sem fyrr í
efsta sæti N1-deildar kvenna.
Leikurinn byrjaði fjörlega og
var mikið skorað á fyrstu mínút-
um leiksins. Um miðjan fyrri hálf-
leikinn tók Framliðið yfirhöndina
en sóknarleikur Haukanna gekk
illa gegn sterkri vörn Fram. Fram-
stúlkurnar fengu mörg hraðaupp-
hlaup og náðu mest 9 marka for-
skoti og Haukar heillumhorfnar. Í
hálfleik var staðan 18-11.
Í seinni hálfleik mættu Haukar
ákveðnari til leiks. Sóknarleikur
þeirra gekk mun betur, en þrátt
fyrir það gekk þeim illa að saxa á
forskot Framara. Þær náðu mest
að minnka muninn í fjögur mörk
en nær komust þær ekki og nokk-
uð þægilegur sigur Framara í
höfn, lokatölur 35-30.
Þjálfari Fram, Einar Jónsson,
var nokkuð sáttur að leik loknum.
„Fyrri hálfleikur var góður og
við leiðum með 7 mörkum í hálf-
leik og varnarlega vorum við að
spila vel. Seinni hálfleikur var
afleitur hjá okkur og ef við ætlum
að landa efsta sætinu og ég tala nú
ekki um vinna Stjörnuna í næsta
leik þá þurfum við að bæta varn-
arleikinn okkar. Það er nóg eftir af
mótinu og leikurinn gegn Stjörn-
unni verður lykilleikur. Það er
gaman að mæta Stjörnunni og Alla
og vonandi að fólk fjölmenni á
leikinn,“ sagði Einar.
Nína Kristín Björnsdóttir fyrir-
liði Hauka var ekki eins sátt.
„Við töpum þessum leik í fyrri
hálfleik þar sem við vorum að
spila illa í vörn, sókn og marka-
varslan var lítil.,“ sagði Nína
Kristín. - sjj
Fram vann Hauka 35-30 í N1-deild kvenna í Framhúsinu í gærdag og er sem fyrr á toppi deildarinnar:
Þægilegur sigur toppliðs Framstúlkna
Á FLUGI Ásta Birna Gunnarsdóttir, fyrirliði Fram, stekkur hér upp og skorar eitt af
þremur mörkum sínum gegn Haukum í gær. FRÉTTABLAÐIÐ/VILHELM